Santiago Sierra

20. janúar – 15. apríl 2012

Hafnarhús

Róttæk og ögrandi verk spænska listamannsins Santiagos Sierras hneyksla og ganga þvert á velsæmishugmyndir fólks. Sierra er sakaður um að færa sér í nyt bágbornar aðstæður undirmálsfólks með því að greiða því fyrir þátttöku í verkum sínum með aðgerðum sem margir telja mjög vafasamar. En tilgangur Sierras er ekki að hneyksla heldur að varpa ljósi á viðteknar hugmyndir manna um ójöfnuð og misskiptingu innan samfélagsins. Hann hefur greitt vændiskonum með heróíni fyrir að láta húðflúra línu á bakið á þeim þar sem þær sátu uppstilltar í beinni röð. Hann hefur fengið verkamenn til að bera þunga hluti fram og til baka í algjöru tilgangsleysi og aðra hefur hann lokað inni í pappakassa í kæfandi sumarhitum. Sem fulltrúi Spánar á Feneyjatvíæringnum 2003, meinaði Sierra öllum nema löndum sínum aðgang að spænska skálanum. Sierra stundaði nám í heimaborg sinni Madríd og síðar í Hamborg. Að námi loknu flutti hann til Mexíkó, þar sem hann bjó í 14 ár og hafði sú dvöl afgerandi áhrif á afstöðu hans til listarinnar og samfélagsins. Sierra býr nú og starfar í Madrid. Á sýningunni í Hafnarhúsi verður í fyrsta sinn á heimsvísu sýnt heildarsafn allra heimildarkvikmynda og -myndbanda Sierras auk þess sem áhrifamiklir gjörningar listamannsins munu setja svip sinn á bæjarlífið á sýningartímabilinu.


Dagskrá:

Dagana 16. – 19. janúar
Santiago Sierra - NO Global Tour
Gjörningur sem fer fram víðsvegar um Reykjavík í tengslum við sýningu Sierra í Hafnarhúsi Listasafns Reykjavíkur.

Þriðjudag 24. janúar kl. 20
Bíó Paradís – NO, Global Tour
Kvikmyndasýningin  NO, Global Tour eftir Santiago Sierra sýnd í Bíó Paradís, Hverfisgötu 54.

Sunnudag 19. febrúar kl. 15
Hafnarhús – Santiago Sierra
Leiðsögn og umræður fyrir ungt fólk.

Sunnudag 11. mars  kl. 14
Hafnarhús – Santiago Sierra
NEI!- Málþing um róttækni og andóf
Málþing sem haldið er í tengslum við sýningu Santiago Sierrra þar sem könnuð eru einkenni og markmið andófslistar sem og hugsanleg mörk andófs og listar. Einnig verður hugað að andófi sem ákveðinni list, er byggir á færni og hugmyndaauðgi. Stjórnandi er Egill Arnarson, heimspekingur.

 

Prenta Til baka
Santiago Sierra

Santiago Sierra





 

 

Hafnarhús

Heimsókn í safnið
Opið: 10:00 - 17:00
fimmtudaga 10:00 - 20:00
 

Kjarvalsstaðir

Heimsókn í safnið
Næstu sýningar verða opnaðar 27. sept.
 

Ásmundarsafn

Heimsókn í safnið
1. maí - 30. sept. 10-17
1. okt. - 30. apr. 13-17