Snøhetta - Arkitektúr, landslagshönnun, innanhússhönnun

14. janúar – 4. mars 2012

Kjarvalsstaðir.

Norska arkitektastofan Snøhetta hefur hlotið alþjóðlega viðurkenningu fyrir byggingar sínar. Hún bar sigur úr bítum í alþjóðlegri samkeppni um gerð Bókasafnsins í Alexandríu og nýja Óperuhússins í Ósló; byggingum sem nú eru orðnar að þekktum kennileitum. Á 20 ára afmæli stofunnar árið 2009 var efnt til stórrar yfirlitssýningar í nýju byggingarlistardeildinni í Listasafni Noregs í Ósló og er úrval verka frá þeirri sýningu sýnt á Kjarvalsstöðum. Sýningin skiptist í átta hluta þar sem arkitektastofan og afrek hennar eru kynnt á fjölbreyttan og lifandi máta.

Sýningin er gerð með stuðningi frá Norska sendiráðinu á Íslandi og er haldin á vegum Norska utanríkisráðuneytisins.
Hún er sett upp af byggingar- og hönnunardeild Listasafns Noregs í náinni samvinnu við Snøhetta.

Sýningarstjóri er Eva Madshus, yfirsýningarstjóri byggingar- og hönnunardeildar Listasafns Noregs.

Dagskrá:

Sunnudag 15. janúar kl.15
Kjarvalsstaðir - Snøhetta
Málþing skipulagt í tengslum við sýningu Snøhetta. Sýningarstjórinn Eva Madshus fjallar um norska byggingarlist í samtímanum og Tarald Lundvall framkvæmdarstjóri Snøhetta fjallar um valin verkefni. Þátttakendur í pallborði eru Ólöf Örvarsdóttir og Baldur Ó. Svavarsson, en umræður taka einnig á norskum áhrifum á íslenska byggingarlist.

Upptökur frá málþinginu má nálgast hér.