Fréttir / tilkynningar

VIKA 21 - Sýningaropnun Andreu Maack og Hugins Þórs Arasonar / 3 Gjörningar Magnúsar Pálssonar / Björn Roth / Hanna Styrmisdóttir / Ilmsmiðja fyrir ungt fólk / Wagner tónleikar

Andrea Maack og Huginn Þór Arason opna sýninguna Kaflaskipti í Hafnarhúsinu á laugardaginn og á sunnudaginn verður boðið upp á Ilmsmiðju fyrir ungt fólk í tengslun við sýninguna. Listahátíð í Reykjavík og Listasafn Reykjavíkur standa saman að yfirlitssýningu um Gjörninga Magnúsar Pálssonar sem opnaði í Hafnarhúsinu á laugardaginn.
> Sjá nánar

Wagner 200 ára – tónleikar á Kjarvalsstöðum - sunnudag 26.maí kl. 17.00

Anna Jónsdóttir sópran og Richard Simm píanóleikari halda tónleika á Kjarvalsstöðum sunnudaginn 26.maí kl. 17.00 í tilefni af 200 ára afmæli Wagners. Á efnisskrá eru frönsku ljóðin frá fyrri hluta ferils Wagners og tvær aríur úr Lohengrin og Tannhäuser en þær voru samdar á fimmta áratug 19. aldar.
> Sjá nánar

Lúðurhljómur í skókassa með Hönnu Styrmisdóttur, Hafnarhús, sunnudag 26. maí kl. 15

Hanna Styrmisdóttir sýningarstjóri og listrænn stjórnandi Listahátíðar í Reykjavík leiðir gesti um yfirlitssýningu Magnúsar Pálssonar sem nýlega opnaði í Hafnarhúsinu. Yfirskrift sýningarinnar er Lúðurhljómur í skókassa - Gjörningar Magnúsar Pálssonar 1980 – 2013.
> Sjá nánar

Ilmsmiðja fyrir ungt fólk (12 ára+) Sunnudag 26. maí kl. 14

Myndlistarmennirnir Harpa Rún Ólafsdóttir og Áslaug Íris Katrín Friðriksdóttir, leiða smiðju fyrir ungt fólk næstkomandi sunnudag 26. maí kl.14 þar sem spilað er á skynfærin á skapandi hátt.
> Sjá nánar

Lúðurhljómur í skókassa- þrír gjörningar

Þrír gjörningar fara fram í tengslum við sýninguna Lúðurhljóm í skókassa í þessari viku: Ævintýr/ Þrígaldur þursavænn og Kross.
> Sjá nánar

Tvær sýningaropnanir á laugardaginn kl. 16: Huginn Þór Arason og Andrea Maack: Kaflaskipti / Theresa Himmer: All State

Tvær sýningar verða opnaðar í Hafnarhúsinu laugardaginn 25. maí kl. 16. Kaflaskipti hverfist um ilm sem ætlað er að fanga kjarna listasafns fjarlægrar framtíðar. Innsetning Andreu og Hugins Þórs er í formi sýningarsalar sem á að varpa ljósi á ákveðið tímabil. Sýning Theresu Himmer: All State er hljóðinnsetning sérstaklega unnin fyrir lyftuna í Art in General í New York þar sem hún var frumflutt árið 2012.
> Sjá nánar

Björn Roth tekur þátt í hádegisspjalli, Hafnarhús, fimmtudag 23. maí kl. 12.15

Björn Roth tekur þátt í hádegisspjalli í tengslum við yfirlitssýningu Magnúsar Pálssonar og rifjar upp samstarf Magnúsar við Dieter Roth, föður Björns. En um nokkurra ára skeið deildu þeir Magnús og Dieter vinnustofu í Reykjavík. Saman voru þeir leiðandi í miklum umbreytingum sem áttu sér stað í íslenskri myndlist á sjöunda og áttunda áratugnum.
> Sjá nánar

Síðustu forvöð til að sjá Flæði og Mynd af heild

Tveimur sýningum, Flæði: Salon-sýning af safneigninni og Kjarval- Mynd af heild, lýkur mánudaginn 20. maí. Mikið aðsókn hefur verið á sýningarnar síðustu mánuði og hafa þær hlotið frábærar móttökur hjá gestum.
> Sjá nánar

VIKA 20 - MAGNÚS PÁLSSON SÝNINGAROPNUN OG GJÖRNINGAR / FLÆÐI: SÝNINGARLOK / ERRÓ MYNDASPIL

Listahátíð í Reykjavík og Listasafn Reykjavíkur standa saman að yfirlitssýningu um Gjörninga Magnúsar Pálssonar en sýningaropnun verður í Hafnarhúsinu á laugardaginn kl. 16, allir velkomnir.
> Sjá nánar

Sýningin Lúðurhljómur í skókassa- Gjörningar Magnúsar Pálssonar verður opnuð í Hafnarhúsinu laugardaginn 18. maí kl. 16.00.

Magnús Pálsson hefur verið einn áhrifamesti listamaður hér á landi síðustu sex áratugi og hefur alla tíð starfað á mörkum leikhúss, tónlistar og myndlistar. Listahátíð í Reykjavík og Listasafn Reykjavíkur standa saman að þessari yfirlitssýningu á verkum Magnúsar í nánu samstarfi við hann sjálfan.
> Sjá nánar

Einsemd: Steypa, gjörningur eftir Magnús Pálsson, Hafnarhús 20. maí kl. 14.00

Einsemd: Steypa er nýtt verk, byggt á verkinu The Anti-Society League Concert frá árinu 1980. Þungarokkshljómsveitin MUCK heldur tónleika í Hafnarhúsi Listasafns Reykjavíkur en að tónleikunum loknum verður rýmið sem tónlist þeirra fyllti, steypt í gifs. Titill verksins vísar í lag MUCK, I Stand Alone. Ragnhildur Stefánsdóttir myndhöggvari, stýrir steypuverkinu.
> Sjá nánar

VIKA 19 - SÝNINGAROPNUN Í ÁSMUNDARSAFNI / FJÖLMENNINGARDAGUR

Sýningin Sagnabrunnur - Ásmundur og bókmenntir verður opnuð í Ásmundarsafni laugardaginn 11 maí. kl. 16. Ásmundarsafn í Sigtúni var opnað formlega vorið 1983 þannig að í ár eru 30 ár síðan safnið opnaði. Á laugardaginn er einnig fjölmenningardagur Reykjavíkurborgar
> Sjá nánar

Sumaropnunartími á Ásmundarsafni og opnunartími á uppstigningardag

Opið verður á Ásmundarsafni frá 10-17 frá og með sunnudeginum 12. maí, en sýningin Sagnabrunnur opnar í safninu þann 11. maí kl. 16. Venjulegur opnunartími er í Hafnarhúsi og á Kjarvalsstöðum á uppstigningardag.
> Sjá nánar

Sagnabrunnur - Ásmundur og bókmenntir - Sýningaropnun laugardaginn 11. maí kl. 16

Sýningin Sagnabrunnur - Ásmundur og bókmenntir verður opnuð í Ásmundarsafni laugardaginn 11 maí. kl. 16. Ásmundur Sveinsson (1893–1982) fór mismunandi leiðir í listsköpun sinni og sótti m.a. innblástur í helgisögur, goðsagnir, Íslendingasögur og þjóðsögur. Á þessari sýningu gefur að líta yfir 20 höggmyndir í eigu Listasafns Reykjavíkur sem vísa allar með einum eða öðrum hætti í bókmenntarfinn.
> Sjá nánar

Fjölmenningardagur Reykjavíkurborgar, laugardaginn 11. maí

Fjölmenningardagur Reykjavíkurborgar verður haldinn hátíðlegur í fimmta sinn laugardaginn 11. maí. Dagskráin hefst kl. 13.00 með skrúðgöngu frá Hallgrímskirkju. Jón Gnarr borgarstjóri mun setja hátíðina. Gengið verður niður Skólavörðustíg að Ráðhúsi Reykjavíkur.
> Sjá nánar

VIKA 18 - TOSHIKI TOMA: VERK VIKUNNAR / ÚTSKRIFTARSÝNING: SPJALL / SÝNINGAR FRAMUNDAN

Toshiki Toma velur verk vikunnar á sýningunni flæði á Kjarvalsstöðum í hádeginu á fimmtudaginn. Á sunnudaginn er komið að leiðsögn og spjalli um útskriftarsýningu nema úr grafískri hönnun og vöruhönnun í Hafnarhúsinu en sýningunni lýkur á sunnudaginn.
> Sjá nánar

Leiðsögn og spjall um útskriftarsýningu Listaháskólans í Hafnarhúsinu - (Grafísk hönnun og vöruhönnun)

Næstkomandi sunnudag þann 5. maí kl. 15 verður boðið upp á leiðsögn og spjall við nemendur um sýningu grafískrar hönnunar og vöruhönnunar við Listaháskóla Íslands. Nokkrir nemendur úr fyrrnefndum deildum taka þátt í leiðsögninni.
> Sjá nánar

Toshiki Toma velur verk vikunnar, Kjarvalsstaðir, fimmtudag 2. maí kl. 12.15

Í tengslum við sýninguna Flæði hefur Listasafn Reykjavíkur kallað eftir aðstoð frá hópi fólks til velja sér uppáhaldsverkið sitt á sýningunni. Fimmtudaginn 2. maí kl. 12.15 mun Toshiki Toma, prestur innflytjenda segja frá vali sínu á verki vikunnar í samtali við gesti safnsins.
> Sjá nánar

VIKA 17 - FRÉTTABRÉF LISTASAFNS REYKJAVÍKUR

Boðið er upp á fjölbreytta dagskrá á vegum Listasafns Reykjavíkur vítt og breitt um borgina meðan á Barnamenningarhátíð stendur 23. - 28. apríl. Fullorðnir í fylgd með börnum fá frítt inn á Kjarvalsstaði og Ásmundarsafn meðan á hátíðinni stendur. Um helgina er síðasta sýningarhelgi á sýningunni Inn í Kviku á Ásmundarsafni og á sunnudaginn er boði upp á spjall um útskriftarsýningu Listaháskólans í Hafnarhúsinu.
> Sjá nánar

Viðsnúningur, nýtt útilistaverk fyrir börn og fullorðna afhjúpað á Klambratúni sumardaginn fyrsta, Fimmtudag 25. apríl, kl. 13.00

Listasafn Reykjavíkur afhjúpar útilistaverkið Viðsnúning eftir Guðjón Ketilsson við hátíðlega athöfn við Kjarvalsstaði, sumardaginn fyrsta, 25. apríl kl. 13. Verkið á í sérstöku samtali við umhverfið á Klambratúni og er unnið með það í huga að börn og fullorðnir geti nýtt það í leik og starfi.
> Sjá nánar

Hjólaleiðsögn og hjólaratleikur fjölskyldunnar - Styttur Bæjarins, 23-28. apríl.

Listasafn Reykjavíkur í samvinnu við Dr. Bæk og Hörpu bíður upp á hjólaratleik um norður strandlengjuna. Leikurinn hefst við Hörpuna og líkur í höggmyndagarði Ásmundar Sveinssonar við Sigtún. Einnig mun Heiðar Kári Rannversson leiðir hjólaleiðsögn um norður-strandlengjuna og ræðir um útiverkin sem þar má finna 28. apríl.
> Sjá nánar

Leiðsögn og spjall um útskriftarsýningu Listaháskólans, Hafnarhús - Sunnudag 28. apríl kl. 15

Boðið verður upp á leiðsögn og spjall við nemendur um sýningu myndlistardeildar, fatahönnunar og arkitektúrs við Listaháskóla Íslands sunnudaginn 28. apríl kl. 15. Sýningarstjórinn og myndlistarmaðurinn Erling Klingenberg mun fylgja í leiðsögninni ásamt nokkrum nemendum úr fyrrnefndum deildum.
> Sjá nánar

Listasafn Reykjavíkur - Verkefnastjóri almennrar miðlunar

Listasafn Reykjavíkur óskar eftir að ráða verkefnastjóra almennrar miðlunar frá og með 1.6.2013. Um er að ræða 80% starf. Starfið fellst í umsjón með safnfræðslu og viðburðardagskrá fyrir almenna gesti safnsins.
> Sjá nánar

VIKA 16 - Uppáhaldsverk Þóru Arnórs / Tríó Reykjavíkur / Útskriftarsýning LHÍ / Hönnunarmiðstöð

Þóra Arnórsdóttir velur verk vikunnar á Kjarvalsstöðum á fimmtudaginn og á fimmtudagskvöldið munu frambjóðendur til Alþingis kynna áherslur sinna flokka í málefnum hönnunar og arkitektúrs í Hafnarhúsinu. Tríó Reykjavíkur flytur klassískar perlur í hádeginu á föstudaginn og 76 nemendur LHÍ opinbera útskriftarverk sína í Hafnarhúsinu á laugardaginn.
> Sjá nánar

Alþingiskosningar 2013: Hönnun og arkitektúr

Þingframbjóðendur kynna áherslur sinna flokka í málefnum hönnunar og arkitektúrs í Listasafni Reykjavíkur 18. apríl kl. 20. Fulltrúar flokkanna halda stutta framsögu um hvernig þeir ætla að beita sér í málefnum hönnunar og arkitektúrs og taka þátt í umræðum. Fundarstjóri er Jóhannes Þórðarson.
> Sjá nánar

Hádegistónleikar Tríós Reykjavíkur á Kjarvalsstöðum, Föstudag 19. apríl kl.12.15

Listasafn Reykjavíkur og Tríó Reykjavíkur hafa verið í samstarfi um ókeypis hádegistónleikaröð á Kjarvalsstöðum við góðar undirtektir. Tríó Reykjavíkur kemur fram með tvö öndvegistónskáld, þá Mendelssohn og Beethoven föstudaginn 19. apríl kl.12.15.
> Sjá nánar

Útskriftarsýning Listaháskóla Íslands 2013, Hafnarhús, 20. apríl - 5. maí 2013

Alls sýna 76 nemendur afrakstur þriggja ára náms við Listaháskólann en þeir útskrifast í vor með BA gráðu frá myndlistardeild og hönnunar- og arkitektúrdeild skólans. Markmið námsins hefur verið að skapa nemendum aðstöðu til að mennta sig sem listamenn.
> Sjá nánar

Þóra Arnórsdóttir velur verk vikunnar, Kjarvalsstaðir, fimmtudag 18. apríl kl. 12.15

Í tengslum við sýninguna Flæði hefur Listasafn Reykjavíkur kallað eftir aðstoð frá hópi fólks til velja sér uppáhaldsverkið sitt á sýningunni. Fimmtudaginn 18. apríl kl. 12.15 mun Þóra Arnórsdóttir segja frá vali sínu á verki vikunnar í samtali við gesti safnsins.
> Sjá nánar

Listasafn Reykjavíkur - Barnamenningarhátíð 2013

Boðið er upp á fjölbreytta dagskrá á vegum Listasafns Reykjavíkur vítt og breitt um borgina meðan á Barnamenningarhátíð stendur dagana 23. - 28. apríl. Fullorðnir í fylgd með börnum fá frítt inn á Kjarvalsstaði og Ásmundarsafn meðan á hátíðinni stendur.
> Sjá nánar

VIKA 15 - CHARLOTTE LAUBARD FYRIRLESTUR / ÓMAR RAGNARSSON / FLÆÐI / ELEKTRA TÓNLEIKAR

Charlotte Laubard sýningarstjóri og forstöðumaður CAPC nútímalistasafnsins Art Bordeaux í Frakklandi flytur erindi um stöðu samtímalistasafna Í Hafnarhúsinu á fimmtudaginn. Í hádeginu þann sama dag mun Ómar Ragnarsson velja verk vikunnar á sýningunni Flæði á Kjarvalsstöðum og á sunnudaginn verður boðið upp á leiðsögn um Flæði. Á sunnudagskvöld fær Elektra Ensemble þau Katie Buckley hörpuleikara og Frank Aarnink slagverksleikara í Duo Harpverk í heimsókn á síðustu tónleikum vetrarins. Síðasta sýningarhelgi er í Hafnarhúsinu um helgina, en von er á útskriftarnemum úr Listaháskólanum í húsið þann 20. apríl.
> Sjá nánar

Ómar Ragnarsson velur verk vikunnar. Kjarvalsstaðir, fimmtudag, 11. apríl kl. 12.15

Í tengslum við sýninguna Flæði hefur Listasafn Reykjavíkur kallað eftir aðstoð frá hópi fólks til velja sér uppáhaldsverkið sitt á sýningunni. Fimmtudaginn 11. apríl kl. 12.15 mun fjölmiðlamaðurinn Ómar Ragnarsson segja frá vali sínu á verki vikunnar í samtali við gesti safnsins.
> Sjá nánar

Elektra Ensemble og Duo Harpverk – Kjarvalsstaðir, Sunnudaginn 14. apríl kl. 20

Elektra Ensemble fær þau Katie Buckley hörpuleikara og Frank Aarnink slagverksleikara í Duo Harpverk í heimsókn á síðustu tónleikum vetrarins. Saman flytja þau nýlega og spennandi tónlist m.a. eftir nígeríska tónskáldið Ayo Oluranti, Japanann Toru Takemitsu og Grammyverðlaunahafann Jennifer Higdon.
> Sjá nánar

Flæði - Á bakvið tjöldin, Kjarvalsstaðir, sunnudag 14. apríl kl. 15

Helga Lára Þorsteinsdóttir, deildarstjóri safnadeildar og Klara Þórhallsdóttir, verkefnastjóri fræðslu leiða gesti um sýninguna Flæði: Salon-sýning af safneigninni og segja frá því rannsóknarstarfi sem fram fer samhliða sýningunni.
> Sjá nánar

Umræðuþræðir: Charlotte Laubard, fimmtudag 11. apríl kl. 20

Charlotte Laubard sýningarstjóri og forstöðumaður CAPC nútímalistasafnsins Art Bordeaux í Frakklandi flytur erindi um stöðu samtímalistasafna á 21. öld fimmtudaginn 11. apríl kl. 20. Erindið er hluti af fyrirlestrarseríunni Umræðuþráðum.
> Sjá nánar

VIKA 14 - EINAR BÁRÐARSON / ANN REYNOLDS / ARKITEKTINN ÁSMUNDUR / LornaLAB / BEIN ÚTSENDING

Einar Bárðarson forstöðumaður Höfuðborgarstofu velur verk vikunnar, Ann Reynolds listfræðingur og prófessor fjallar um Robert Smithson, Smári McCarthy, hönnuður og forritari flytur erindi á vegum LornaLAB og Pétur Ármannsson segir frá arkitektinum Ásmundi. Bein útsending á vefnum frá Flæði.
> Sjá nánar

Míla sýnir beint frá Flæði á Kjarvalsstöðum

Hægt er að fylgjast með sýningunni Flæði á Kjarvalsstöðum í beinni útsendingu á vefnum livefromiceland.is með vefmyndavél Mílu.
> Sjá nánar

Arkitektinn Ásmundur Sveinsson, Ásmundarsafn, sunnudag 7. apríl kl. 14

Pétur Ármannsson arkitekt fjallar um húsin sem Ásmundur Sveinsson reisti við Freyjugötu og Sigtún. Ásmundur reisti byggingarnar að mestu með eigin höndum og eru þær til vitnis um hagleik hans og dugnað.
> Sjá nánar

UMRÆÐUÞRÆÐIR: Ann Reynolds, Hafnarhús, fimmtudag 4. apríl kl. 20

Ann Reynolds listfræðingur og prófessor við háskólann í Austin, Texas flytur erindi í fyrirlestrarseríunni Umræðuþræðir í tengslum við sýningu Robert Smithson í Hafnarhúsi Listasafns Reykjavíkur. Fyrirlesturinn er haldinn í samvinnu við Bandaríska sendiráðið á Íslandi.
> Sjá nánar

LornaLAB: Frelsi vs. öryggi, Hafnarhús, laugardag 6. apríl kl. 13-15

Gestur LornaLAB að þessu sinni er Smári McCarthy, hönnuður, forritari og áhugamaður um stafrænt frelsi. Hann fjallar um skörun frelsis og öryggis í netveruleikanum.
> Sjá nánar

Einar Bárðarson velur verk vikunnar, Kjarvalsstaðir, fimmtudag 4. apríl kl. 12.15.

Einar Bárðarson forstöðumaður Höfuðborgarstofu segir gestum frá uppáhaldsverkinu sínu á sýningunni Flæði á Kjarvalsstöðum. Listasafn Reykjavíkur hefur leitað til hóps fólks og beðið það um að velja sér verk á sýningunni.
> Sjá nánar

Umræðuþræðir á næstunni...

Umræðuþræðir er samstarfsverkefni Listasafns Reykjavíkur, Kynningarmiðstöðvar íslenskrar myndlistar og Listaháskóla Íslands. Þátttakendur í verkefninu eru virtir sýningarstjórar, fræði- og listamenn sem eiga merkan feril að baki á alþjóðlegum vettvangi og flytja fyrirlestur í Hafnarhúsi Listasafns Reykjavíkur. Í apríl er von á tveimur gestum.
> Sjá nánar

Jaðarber: Gerhard Stäbler og Kunsu Shim, Kjarvalsstaðir: Miðvikudag 27. mars, kl. 20

Þjóðverjinn Gerhard Stäbler og Kóreumaðurinn Kunsu Shim verða gestir Jaðarbers á tónleikum sem fara fram á Kjarvalsstöðum miðvikudaginn 27. mars næstkomandi. Tónskáldin tvö koma einnig fram sem flytjendur á tónleikunum. Þeir hafa verið mótandi í tilraunatónlist á undanförnum áratugum en hafa starfað saman frá árinu 2000 og búa saman. Þeir stofnuðu miðstöð og vettvang fyrir tilraunatónlist í Duisburg sem nefnist "Earport".
> Sjá nánar

Andri Snær velur Hraunteigar við Heklu eftir Jón Stefánsson á Flæði

Andri Snær Magnason rithöfundur valdi verkið Hraunteigar við Heklu (1930) eftir Jón Stefánsson (1881-1962) á sýningunni Flæði á Kjarvalsstöðum í dag. Listasafn Reykjavíkur hefur leitað til þjóðþekktra einstaklinga og beðið þá að velja sér uppáhaldsverk á sýningunni á hverjum fimmtudegi kl. 12.15.
> Sjá nánar

VIKA 12 - 40 ÁRA AFMÆLISHÁTÍÐ KJARVALSSTAÐA / MIWON KWON / ANDRI SNÆR

Listasafn Reykjavíkur býður til afmælishátíðar á Kjarvalsstöðum sunnudaginn 24. mars kl. 11-17 en þann dag eru 40 ár liðin frá opnun Kjarvalsstaða og er ókeypis aðgangur að safninu allan daginn. Andri Snær velur verk vikunnar í hádeginu á fimmtudaginn. Sýningarstjórinn og listfræðingurinn Miwon Kwon er fyrsti þátttakandi í fyrirlestraröðinni Umræðuþræðir árið 2013 sem fram fara í Hafnarhúsinu á fimmtudagskvöldið.
> Sjá nánar

Andri Snær Magnason velur verk vikunnar, Kjarvalsstaðir, fimmtudag 21. mars kl. 12.15

Í tengslum við sýninguna Flæði hefur Listasafn Reykjavíkur kallað eftir aðstoð frá hópi fólks til velja sér uppáhaldsverkið sitt á sýningunni. Fimmtudaginn 21. mars kl. 12.15 mun Andri Snær Magnason rithöfundur segja frá vali sínu á verki vikunnar í samtali við gesti safnsins.
> Sjá nánar

Miwon Kwon - Ends of the Earth (and Back), Hafnarhús - Umræðuþræðir, fimmtudag 21. mars kl. 20

Sýningarstjórinn og listfræðingurinn Miwon Kwon er fyrsti þátttakandi í fyrirlestraröðinni Umræðuþræðir árið 2013. Fyrirlestur hennar er haldinn í samvinnu við Hönnunarmiðstöð og fer fram fimmtudaginn 21.mars kl. 20. Miwon Kwon flytur erindi um sýninguna “Ends of the Earth: Land Art to 1974” sem hún stýrði í samvinnu við Philipp Kaiser í Samtímalistasafninu í Los Angeles árið 2012.
> Sjá nánar

Listasafn Reykjavíkur býður til afmælishátíðar á Kjarvalsstöðum

Sunnudaginn 24. mars kl. 11-17, en þann dag eru 40 ár liðin frá opnun Kjarvalsstaða. Formleg hátíðarhöld hefjast kl. 14. Ókeypis aðgangur allan daginn.
> Sjá nánar

Uppáhaldsverk Hrefnu Sætran á sýningunni Flæði er Sprautumynd eftir Sverri Haraldsson

Málverkið, Sprautumynd (1963) er olía á tré. Verkið fór á uppboð hjá Gallerí Borg árið 1995 en seldist ekki. Listasafn Reykjavíkur keypti verkið að uppboði loknu. Verkið hefur m.a. hangið á skrifstofu Sorpu í Gufunesi.
> Sjá nánar

VIKA 11 - UPPÁHALDSVERK STEINUNNAR SIGURÐARDÓTTUR / HönnunarMARS / FJÖLSKYLDUSMIÐJA

Steinunn Sigurðardóttir velur verk vikunnar á Kjarvalsstöðum í hádeginu á fimmtudaginn og á sunnudaginn fá börn og fjölskyldur að velja uppáhaldsverk sín á sýningunni Flæði á Kjarvalsstöðum. Hönnunarmars hefst á fimmtudaginn og verður boðið upp á fjölbreytta dagskrá í Listasafni Reykjavíkur bæði í Hafnarhúsinu og á Kjarvalsstöðum.
> Sjá nánar

Opnunartími Listasafns Reykjavíkur um páskana

Lokað verður í Listasafni Reykjavíkur föstudaginn langa og páskadag.
> Sjá nánar

Hvert er uppáhalds verkið þitt? Leiðsögn og leikur fyrir alla fjölskylduna

Listasafn Reykjavíkur býður næstkomandi sunnudag 17. mars kl. 15 upp á skemmtilegan og lifandi fjölskylduviðburð í tengslum við sýninguna Flæði á Kjarvalsstöðum.
> Sjá nánar

Steinunn Sigurðardóttir velur verk vikunnar

Í tengslum við sýninguna Flæði hefur Listasafn Reykjavíkur kallað eftir aðstoð frá hópi fólks til velja sér uppáhaldsverkið sitt á sýningunni. Í tilefni af HönnunarMARS ætlar Steinunn Sigurðardóttir, fatahönnuður að segja frá vali sínu á verki vikunnar í samtali við gesti safnsins, fimmtudaginn 14. mars kl. 12.15.
> Sjá nánar

HönnunarMARS í Listasafni Reykjavíkur, 14-17 mars

Fjölbreytt dagskrá verður í Listasafn Reykjavíkur í tengslum við Hönnunarmars.
> Sjá nánar

VIKA 10 - FRÉTTABRÉF LISTASAFNS REYKJAVÍKUR

Hrefna Sætran velur verk vikunnar á Kjarvalsstöðum í hádeginu á fimmtudaginn og á sunnudaginn fá gestir Hafnarhússins leiðsögn frá myndlistarmönnum, rithöfundi og gagnrýnanda um sýningu Roberts Smithsons kl. 15. Handhafar menningarkortsins geta boðið vini með sér í Ásmundarsafn allan marsmánuð.
> Sjá nánar

Kristinn E. Hrafnsson, Bjarki Bragason og Ragna Sigurðardóttir rýna í landslag Roberts Smithsons

Kristinn E. Hrafnsson myndlistarmaður, Bjarki Bragason myndlistarmaður og Ragna Sigurðardóttir rithöfundur og gagnrýnandi ræða um sýningu Roberts Smithsons: Rýnt í Landslag næstkomandi sunnudag 10. mars kl. 15.
> Sjá nánar

Hrefna Sætran velur verk vikunnar

Listasafn Reykjavíkur hefur leitað til þjóðþekktra einstaklinga og beðið þá um að velja sér uppáhaldsverk á sýningunni Flæði á Kjarvalsstöðum á hverjum fimmtudegi kl. 12.15. Hrefna Sætran matreiðslumaður ætlar að segja frá vali sínu á verki vikunnar í samtali við gesti safnsins fimmtudaginn 7. mars.
> Sjá nánar

Listaverkið Frá Stykkishólmi eftir Þórarinn B. Þorláksson er uppáhaldsverk Hugleiks Dagssonar á sýningunni Flæði

Listasafn Reykjavíkur hefur leitað til þjóðþekktra einstaklinga og beðið þá að velja sér uppáhaldsverkið sitt á sýningunni Flæði á Kjarvalsstöðum og segja gestum á sýningunni frá því á hverjum fimmtudegi kl. 12.15. Hugleikur Dagsson myndasöguhöfundur valdi verkið Frá Stykkishólmi (1904) eftir Þórarinn B. Þorláksson (1867-1924) á Kjarvalsstöðum í dag.
> Sjá nánar

VIKA 9 - FRÉTTABRÉF LISTASAFNS REYKJAVÍKUR

Á tónleikaröðinni Jaðarber á fimmtudaginn fær Þránófónninn að hljóma, en höfundur hljóðfærisins er Þráinn Hjálmarsson tónskáld. Hugleikur Dagsson velur verk vikunnar á Kjarvalsstöðum í hádeginu á fimmtudaginn og á sunnudaginn hefst dagskrá til heiðurs Ásmundar Sveinssonar í tilefni af því að í ár eru 120 ár frá fæðingu hans.
> Sjá nánar

Hugleikur Dagsson velur verk vikunnar

Listasafn Reykjavíkur hefur leitað til þjóðþekktra einstaklinga og beðið þá að velja uppáhaldsverkið sitt á sýningunni Flæði á Kjarvalsstöðum á hverjum fimmtudegi kl. 12.15. Hugleikur Dagsson teiknimyndahöfundur ætlar að segja frá að segja frá vali sínu á verki vikunnar í samtali við gesti safnsins fimmtudaginn 28. febrúar.
> Sjá nánar

Ásmundur Sveinsson - Meistarahendur - Ásmundarsafn

Listasafn Reykjavíkur stendur fyrir dagskrá og kynningu á Ásmundi Sveinssyni myndhöggvara (1893-1982) í tilefni af því að í ár eru 120 ár frá fæðingu hans. Leiknir og lærðir koma að dagskránni en þar verður sjónum beint af ýmsu sem einkenndi lífshlaup Ásmundar.
> Sjá nánar

Tónleikaröðin Jaðarber: Þránófónar í nútíð og þátíð

Tónleikaröðin Jaðarber býður upp á tónleika miðvikudaginn 27. febrúar í Hafnarhúsinu tileinkaða Þránófónum (2007-) en hönnuður og hugmyndasmiður hljóðfærisins er Þráinn Hjálmarsson tónskáld.
> Sjá nánar

VIKA 8 - 2013 - FRÉTTABRÉF LISTASAFNS REYKJAVÍKUR

Fjölbreytti dagskrá er hjá Listasafni Reykjavíkur í þessari viku. Guðrún Ásmundsdóttir leikkona velur uppáhaldsverkið sitt á sýningunni Flæði á Kjarvalsstöðum á fimmtudag, í Ásmundarsafni verður boðið upp á skemmtilega listsmiðju fyrir krakka 21. og 22. febrúar. Vöruhönnuður frá fyrirtækinu Össur heldur fyrirlestur í Hafnarhúsinu á fimmtudag og LornaLAB kynnir smátölvu í Hafnarhúsinu á laugardag. Þá verður boðið upp á listsmiðjuna ,,Mótað í sand" í Hafnarhúsi á sunnudag.
> Sjá nánar

Fyrirlestraröð | Þróun í návígi

Vöruhönnuðurinn Sindri Páll Sigurðsson starfar í þróunardeild Össurar. Hann ætlar í fyrirlestri í Hafnarhúsinu, fimmtudaginn 21. febrúar kl. 20 að rekja þróunarferli nokkurra vara, frá hugmynd að endanlegri vöru. Hann kynnir jafnframt starfsemi fyrirtækisins á alþjóðavettvangi og fer yfir styrk þess og starfsemi hér á landi, með áherslu á þróunardeildina.
> Sjá nánar

Flæði - Guðrún Ásmundsdóttir, leikkona velur verk vikunnar

Listasafn Reykjavíkur hefur beðið þjóðþekkta einstaklinga að velja sér uppáhaldsverkið sitt á sýningunni Flæði á Kjarvalsstöðum og segja frá því á hverjum fimmtudegi kl. 12.15.. Guðrún Ásmundsdóttir leikkona segir gestum frá vali sínu á verki vikunnar á fimmtudaginn 21. febrúar kl. 12.15.
> Sjá nánar

List-geimur, minn heimur: Listsmiðja fyrir krakka (6 ára +)

Boðið verður upp á tvær vinnusmiðjur í Ásmundarsafni fyrir krakka (6 ára+) fimmtudag og föstudag 21. og 22. febrúar frá kl. 14-16 undir leiðsögn Emmu Lindahl og Helenu Hansdóttur Aspelund listkennslunema við Listaháskólann. Smiðjan er sett upp í tengslum við vetrarfrí sem stendur yfir í flestum grunnskólum þessa daga og er kjörið tækifæri til að eiga góða og skapandi samverustund með fjölskyldunni. Við hvetjum forráðamenn, foreldra, ömmur og afa að koma og taka þátt með börnunum.
> Sjá nánar

LornaLab: Raspberry Pi, Hafnarhús, laugardag 23. febrúar kl. 13-15

LornaLAB kynnir Raspberry Pi - smátölvuna í opnu spjalli laugardaginn 23. janúar í Listasafni Reykjavíkur – Hafnarhúsi. Raspberry Pi fæst að öllu jöfnu með sérsniðinni Linux uppsetningu en fleiri stýrikerfi hafa einnig verið sniðin fyrir hana. Hún er ódýr og öflug og hefur því kveikt áhuga margra í nýsköpunar-, grúsk- og þróunarsamvinnugeirum. Viðburðurinn er ókeypis og öllum opinn.
> Sjá nánar

Mótað í sand - Smiðja fyrir krakka (9 ára+), Hafnarhús, sunnudag 24. febrúar kl. 14-16.

Listasafn Reykjavíkur býður upp á opna listsmiðju „Mótað í sand“ fyrir 9 ára og eldri börn í tengslum við sýningu Roberts Smithsons: Rýnt í landslag. Á sýningunni er lögð áhersla á verkið Brotin hring/Spíralhæð sem Smithson gerði í Emmen í Hollandi árið 1971. Verkið er eina umhverfislistarverk Smithson í Evrópu.
> Sjá nánar

Listamannsspjall: Til spillis með Ívari Valgarðssyni

Sunnudaginn 17. febrúar kl. 15 spjallar listamaðurinn Ívar Valgarðsson um innsetningu sína Til spillis sem nú er að finna í A-sal Hafnarhússins. Innsetningin samanstendur af þremur veggmyndum af málningardropum sem hafa lekið á gólfið í A-sal í Hafnarhúsi, Listasafni Reykjavíkur, auk þriggja ljósmynda.
> Sjá nánar

Jón Gnarr, borgarstjóri velur verk vikunnar, Kjarvalsstaðir, fimmtudag, 14. febrúar kl. 12.15

Í tengslum við sýninguna Flæði: Salon-sýning af safneigninni hefur Listasafn Reykjavíkur kallað eftir aðstoð frá hópi fólks til velja sér uppáhaldsverkið sitt á sýningunni. Fimmtudaginn 14. febrúar kl. 12.15 ætlar Jón Gnarr borgarstjóri að segja frá vali sínu á verki vikunnar í samtali við gesti safnsins.
> Sjá nánar

Vor og rómantík með Tríó Reykjavíkur, Kjarvalsstaðir, föstudag, 15 febrúar kl. 12.15

Listasafn Reykjavíkur og Tríó Reykjavíkur bjóða reglulega upp á ókeypis hádegistónleikaröð á Kjarvalsstöðum. Tónleikarnir hafa fengið góð viðbrögð og jafnan margir sem hafa nýtt sér það einstaka tækifæri að hlýða á fremsta tónlistarfólk landsins í notalegu andrúmslofti.
> Sjá nánar

Vinatilboð í Hafnarhúsinu og 2 fyrir 1 af súpu og brauði hjá Kaffi Kompaníinu

Listasafn Reykjavíkur býður öllum Menningarkorthöfum að taka með sér gest í Hafnarhúsið vikuna 11.-17. febrúar.
> Sjá nánar

MAGNAÐ MYRKUR í Listasafni Reykjavíkur, THE CITY DARK - KVIKMYNDASÝNING

Listasafn Reykjavíkur fagnar myrkrinu með sýningu á heimildarmyndinni "The City Dark" (84 mín.) fimmtudaginn 7. febrúar kl. 18 í Hafnarhúsinu. Myndin hefur hlotið fjölda verðlauna og lof gagnrýnenda víða um heim.
> Sjá nánar

Safnanótt 8. febrúar 2013 - Hafnarhús – Kjarvalsstaðir - Ásmundarsafn

Listasafn Reykjavíkur býður upp á fjölbreytta dagskrá í öllum húsum sínum á Safnanótt föstudaginn 8. febrúar 2013. Safnanótt stendur yfir frá kl. 19.00-24.00 þar sem fjöldi safna víðsvegar á höfuðborgarsvæðinu býður gestum upp á glæsilega dagskrá.
> Sjá nánar

Flæði: Salon-sýning af safneigninni verður opnuð á Kjarvalsstöðum

Stærsta myndlistarsýning sem haldin hefur verið hér á landi verður opnuð á Kjarvalsstöðum laugardaginn 2. febrúar kl.16. Sýningin sem ber heitið Flæði, er sett upp í tilefni af 40 ára afmælisári Kjarvalsstaða en markmiðið er að draga allan almennan safnkost safnsins fram úr geymslunum og sýna hann.
> Sjá nánar

Skapandi umbreyting, Hafnarhús, fimmtudag 24. janúar kl. 20

Dóra Ísleifsdóttir grafískur hönnuður og prófessor við Listaháskóla Íslands og Guðrún Lilja Gunnlaugsdóttir hönnuður hjá Studiobility fjalla um hönnun, hönnunarferli og hvernig hönnun og aðferðir hennar nýtast samfélaginu, í fyrirlestri í Hafnarhúsinu, fimmtudaginn 24. janúar klukkan 20:00 - 21:30.
> Sjá nánar

Leiðsögn um sýningu Roberts Smithsons: Rýnt í Landslag

Boðið verður upp á boðið upp á almenna leiðsögn um sýningu á verkum Roberts Smithsons, eins áhrifamesta myndlistamanns á síðari hluta 20. aldar sunnudaginn 27. janúar kl. 15.
> Sjá nánar

Afmælistónleikar Mozarts

Reykjavíkurborg býður til tónleika á Kjarvalsstöðum sunnudaginn 27. janúar kl. 17 í tilefni af fæðingardegi tónskáldsins W.A.Mozarts. Á efnisskránni er eingöngu tónlist eftir Mozart:
> Sjá nánar

Sýningarlok - Ragnheiður Jónsdóttir

Síðasta sýningarhelgi á sýningu Ragnheiðar Jónsdóttur er á Kjarvalsstöðum helgina 19. - 20. janúar. Sýningin er fyrsta yfirlitssýning á verkum Ragnheiðar en yfirskrift sýningarinnar er Hugleikir og fingraflakk - Stiklur úr starfsævi Ragnheiðar Jónsdóttur.
> Sjá nánar

Leiðsögn um Kjarval - Mynd af heild, Kjarvalsstaðir, sunnudag 20. janúar kl. 15

Huginn Þór Arason, myndlistarmaður leiðir gesti um sýninguna Mynd af heild sem stendur yfir á Kjarvalsstöðum og gefur innsýn í heildarverk listamannsins. Sýningin er í anda salon-sýninga, þar sem málverk hans þekja alla veggi Kjarvalssalarins, frá gólfi og upp í loft án nokkurrar reglu.
> Sjá nánar

Robert Smithson og Ívar Valgarðsson, opnanir í Hafnarhúsi, laugardag 19. janúar kl. 16

Tvær sýningar opna í Listasafni Reykjavíkur - Hafnarhúsi næstkomandi laugardag, annars vegar sýning á verkum Roberts Smithsons, eins áhrifamesta myndlistamanns á síðari hluta 20. aldar og hins vegar sýning Ívars Valgarðssonar.
> Sjá nánar

Hugleikir og fingraflakk með Jóni Proppé, sunnudag 13. janúar kl. 15

Listheimspekingurinn Jón Proppé ræðir við gesti um merkan feril Ragnheiðar Jónsdóttur en yfirlitssýning á verkum hennar stendur nú yfir á Kjarvalsstöðum. Yfirskrift sýningarinnar er Hugleikir og fingraflakk - Stiklur úr starfsævi Ragnheiðar Jónsdóttur og spannar rúmlega fjörutíu ára feril listamannsins.
> Sjá nánar

Sýningarlok: Dan Perjovschi, Hreyfing augnabliksins og HA - Sara Björnsdóttir

Þremur sýningum lýkur í Hafnarhúsinu næstkomandi sunnudag: News from the Island - Dan Perjovschi, Hreyfing augnabliksins og HA - Sara Björnsdóttir.
> Sjá nánar

Kjarval – Mynd af heild, Kjarvalsstöðum, 21. desember 2012 – 20. maí 2013

Á annað hundrað verk eftir Jóhannes S. Kjarval í eigu Listasafns Reykjavíkur verða dregin fram í dagsljósið á sýningunni Mynd af heild á Kjarvalsstöðum frá og með 21. desember 2012. Sýningin er í anda salon-sýninga, þar sem verkin þekja alla veggi Kjarvalssalarins, frá gólfi og upp í loft án nokkurrar reglu.
> Sjá nánar

Friðarsúluferðir um hátíðirnar

Friðarsúluferðinar eru áhugaverðar kvöldferðir helgaðar Friðarsúlunni og baráttu John Lennons og Yoko Ono fyrir heimsfriði. Ferðirnar taka tvo tíma með leiðsögn. Gengið er að súlunni og stoppað á áhugaverðum stöðum á leiðinni þar sem leiðsögumaður miðlar upplýsingum um sögu, náttúru og listir í eyjunni.
> Sjá nánar

Erró fyrir alla – enskuleiðsagnir, Hafnarhús, 27. -30. desember kl. 13.

Huginn Þór Arason, myndlistarmaður verður með daglegar enskuleiðsagnir milli jóla og nýárs um sýningu Errós og rýnir í líf og list listamannsins. Leiðsögnin hefst kl. 13.
> Sjá nánar

Áramótagleði Elektru – Sunnudaginn 30. desember kl. 20

Elektra býður upp á sína árlegu flugeldasýningu í tali og tónum á Kjarvalsstöðum sunnudaginn 30. desember kl 20. Þar verður slegið á léttari strengi og flutt efnisskrá sem höfðar til fjölbreytts hóps áheyrenda.
> Sjá nánar

Barmahlíðarkórinn á Kjarvalsstöðum 22. desember kl. 14

Barmahlíðarkórinn flytur ljúfar söngperlur á Kaffi Kompaníinu á Kjarvalsstöðum á laugardaginn kl. 14. Kórinn hefur komið fram við hin ýmsu tækifæri síðustu ár við góðar undirtektir. Komið og njótið aðventunnar við kertaljós og kærleikssöng.
> Sjá nánar

10 jóla- og tækifæriskort á verði 5, vinatilboð á Kjarvalsstaðir og 2 fyrir 1 af súpu

Listasafn Reykjavíkur , Minjasafn Reykjavíkur og Ljósmyndasafn Reykjavíkur bjóða öllum Menningarkortshöfum tíu kort á verði fimm úr völdum kortum úr safnverslunum allan desember.
> Sjá nánar

Jól í kallafjöllum - fjölskyldudagskrá Í Ásmundarsafni

Guðrún Ásmundsdóttir, leikkona segir skemmtilega jólasögu í fylgd tveggja engla sunnudaginn 16. desember kl. 14 í Ásmundarsafni. Sagan fjallar um jólasveina, Grýlu, Jesús og englana sem flytja guðdómlega tónlist fyrir gestina. Þetta er falleg og skemmtileg jólastund fyrir unga sem aldna. Höfundur er Guðrún Ásmundsdóttir, með henni eru Monica Abendorf, hörpuleikari og Alexandra Chernysova sópransöngkona.
> Sjá nánar

Barmahlíðarkórinn syngur jólalög á Kjarvalsstöðum, laugardaginn 8. des kl. 13:30

Barmahlíðarkórinn mun koma öllum í hátíðarskap með því að syngja nokkur vel valin jólalög á Kjarvalsstöðum á laugardaginn kl. 13:30.
> Sjá nánar

Hugleikir og fingraflakk með Eiríki Þorlákssyni, Kjarvalsstaðir, sunnudag 9. desember kl. 15

Eiríkur Þorláksson listfræðingur og sýningarstjóri leiðir gesti um yfirlitssýningu Ragnheiðar Jónsdóttur sem nýlega opnaði á Kjarvalsstöðum. Yfirskrift sýningarinnar er Hugleikir og fingraflakk - Stiklur úr starfsævi Ragnheiðar Jónsdóttur en um fyrstu yfirlitssýningu listamannsins er að ræða.
> Sjá nánar

Á léttum nótum með Garðari og Robert, Kjarvalsstaðir, mánudag 10 desember kl. 12.15

Undanfarin ár hafa þeir félagar Garðar Cortes og sænski tónlistarmaðurinn Robert Sund hist á Íslandi og músiserað saman. Þeir hafa gefið út geisladiska með þekktum, léttum lögum, sungið saman á Norðurlöndunum, víða um land á Íslandi og síðast, en ekki síst, í Listasafni Reykjavíkur - Kjarvalsstöðum.
> Sjá nánar

LORNALab: Hljóð og mynd, Hafnarhús, 8. desember kl. 13-16

Næstkomandi laugardag stendur LornaLAB fyrir opinni vinnustofu sem unnin er í samvinnu við Listasafn Reykjavíkur. Þar munu Ríkharður H. Friðriksson raftónskáld og Margrét Elísabet Ólafsdóttir sérfræðingur í stafrænum listum kynna vinnu sína og viðhorf. Ríkharður mun fjalla um eigin verk og vinnu við sköpun og ummyndun nýrra og gamalla hljóða.
> Sjá nánar

Í landi Rauðarár, Laugarness og Klepps, Ásmundarsafn, Laugardaginn 8. desember kl. 14

Laugardalurinn er umgjörð fyrir fjölmarga viðburði sem tengjast jólunum og aðventunni á einn eða annan hátt. Af því tilefni verður haldin í Ásmundarsafni næstkomandi laugardag, í dagskrá sem tileinkuð er sögu fyrstu byggðar í Laugardal. Þar verður rakin saga hverfishlutanna Túns,Teiga, Lækja, Laugarness, Sunda, Heima, Langholts, Voga, Skeifu og Fens en saman mynda þeir borgarhlutann Laugardal.
> Sjá nánar

Aðventuperlur - aðgangur ókeypis, Kjarvalsstaðir, föstudaginn 30. nóvember kl. 12.15

Ljúfir barrokk tónar og rómantísk tónlist óma um Kjarvalsstaði næstkomandi föstudag þegar tveir félagar úr Tríói Reykjavíkur efna til tónleika í anda jóla og aðventu. Fram koma Guðný Guðmundsdóttir fiðluleikari og Peter Máté píanóleikari
> Sjá nánar

Jóhann Eyfells með augum Þórs Elísar og Ólafs Gísla, Hafnarhús, sunnudag 2. desember kl. 15

Þór Elís Pálsson myndlista- og kvikmyndagerðarmaður og Ólafur Gíslason listheimspekingur taka þátt í opnum samræðum um þá heimspeki sem liggur að baki verkum myndlistarmannsins Jóhanns Eyfells. Spjallið er haldið í tengslum við sýninguna Hreyfing augnabliksins og fer fram í Hafnarhúsi Listasafns Reykjavíkur sunnudaginn 2. desember, kl. 15.
> Sjá nánar

Friðsamleg dansgleði, Viðey, laugardag 1. desember kl. 14

Fátt er betur til þess fallið að sameina kynslóðir og fólk af ólíku þjóðerni en dans, en það er hugmyndin með fjölmenningarlegum viðburði í Viðey laugardaginn 1. desember þar sem ólíkir dansar verða stúderaðir og stignir. Dagskráin í heild sinni er byggð á hinu magnaða ljósaverki Yoko Ono, Friðarsúlunni og orðunum Hugsa sér frið, sem áletruð eru á 24 tungumálum á súluna sjálfa.
> Sjá nánar

Pauline Oliveros – Portrett

Pauline Oliveros er eitt áhrifamesta tónskáld bandarískrar tilraunatónlistar á 20.öld og á Kjarvalsstöðum, laugardaginn 24. nóvember kl. 15, mun hópurinn Fengjastrútur skoða mismunandi tímabil úr smiðju þessa sérstæða tónskálds.
> Sjá nánar

Um bókstafinn ð, Hafnarhús, fimmtudag 22. nóvember kl. 20

Anton Kaldal Ágústsson, Gunnar Vilhjálmsson og Steinar Ingi Farestveit eru grafískir hönnuðir sem hafa um árabil rannsakað bókstafinn ð. Nú fyrir skömmu kom út bókin ð-ævisaga þar sem niðurstöður þeirra eru teknar saman með fulltingi Stefáns Pálssonar sagnfræðings. Anton, Steinar og Stefán ætla að deila vitneskju sinni um ð-ið í Listastafni Reykjavíkur - Hafnarhúsi fimmtudaginn 22. nóvember klukkan 20-21:30.
> Sjá nánar

Hvar er umræðan? - Um framhaldslíf samtímamyndlistar

Listfræðafélags Íslands býður upp á opið málþing í samvinnu við Listasafn Reykjavíkur þar sem fjallað er um miðlun, myndlistargagnrýni og málstol í samtímalist á Íslandi. Málþingið fer fram í Listasafni Reykjavíkur – Hafnarhúsi, laugardaginn 24. nóvember, frá kl. 13 – 15.
> Sjá nánar

Hugleikir og fingraflakk með Ragnheiði og Eiríki, Kjarvalsstaðir, sunnudag 25 nóvember kl. 15

Ragnheiður Jónsdóttir, myndlistarmaður og Eiríkur Þorláksson, listfræðingur og sýningarstjóri taka þátt í spjalli um yfirlitssýningu Ragnheiðar sem nýlega opnaði á Kjarvalsstöðum. Yfirskrift sýningarinnar er Hugleikir og fingraflakk - Stiklur úr starfsævi Ragnheiðar Jónsdóttur en um fyrstu yfirlitssýningu listamannsins er að ræða.
> Sjá nánar

Útilistaverk fjarlægt um ófyrirséðan tíma vegna skemmdarverka

Bronsstyttan af Hermes við Skúlatún 2 veður fjarlægð í dag, föstudaginn 16. nóvember kl. 13 vegna skemmdarverka. Gulri málningu var hellt yfir verkið og mun reynast ógerlegt eða mjög erfitt að hreinsa hana af, án þess að skemma málminn að sögn forvarðar. Nauðsynlegt reynist því að fjarlægja styttuna og alls óvíst hvort og hvenær hægt verður að setja hana upp að nýju.
> Sjá nánar

Laus er til umsóknar staða kynningarstjóra Listasafns Reykjavíkur.

Laus er til umsóknar staða kynningarstjóra Listasafns Reykjavíkur. Um er að ræða fullt starf og nauðsynlegt er að viðkomandi geti hafið störf sem fyrst. Umsóknarfrestur er til 19. nóvember 2012.
> Sjá nánar

Bjóddu vini á 5 sýningar í Hafnarhúsinu og 2 fyrir 1 af súpu og brauði!

Við bjóðum öllum Menningarkortshöfum að taka með sér einn vin á sýningar í Listasafni Reykjavíkur – Hafnarhúsi dagana 12. – 18. nóvember og njóta um leið góðra veitinga á frábæru tilbosverði.
> Sjá nánar

Grafíknámskeið - einstakt tækifæri á gjafaverði, 21. og 22. nóvember kl. 18-21

Dagana 21. og 22. nóvember gefst áhugasömum einstakt tækifæri til að búa til eigin grafíkverk með bestri mögulegri tækni gegn afar vægu gjaldi. Að grafíknámskeiðinu standa Listasafn Reykjavíkur og Íslensk grafík en það fer fram á verkstæði Íslenskrar grafíkur, Tryggvagötu 17, hafnarmegin báða dagana frá kl. 18 – 21. Umsjón með námskeiðinu hefur Ingiberg Magnússon, grafíklistamaður og kennari.
> Sjá nánar

Umræðuþræðir - David Ross, Hafnarhús, fimmtudag 15. nóvember kl. 20

Bandaríski sýningastjórinn, prófessorinn og fyrrum safnstjórinn David Ross er annar gestur haustannar í fyrirlestraröðinni og samstarfsverkefninu Umræðuþræðir. Ross á merkan feril að baki á alþjóðlegum vettvangi en hann mun flytja fyrirlestur sinn í Hafnarhúsi, fimmtudaginn 15. nóvember kl. 20.
> Sjá nánar

Allir geta þrykkt! - Listsmiðja fjölskyldunnar á Kjarvalsstöðum 18. nóvember kl. 14

Boðið verður upp á skemmtileg verkefni fyrir börn á öllum aldri í grafíksmiðju Kjarvalsstaða næstkomandi sunnudag, 18. nóvember kl. 14. Þar verða kynnt á aðgengilegan hátt ólík tækni og vinnubrögð sem jafnan eru notuð er við gerð grafíkverka eða svartlistar. Smiðjan er samstarfsverkefni Listasafns Reykjavíkur og Íslenskrar grafíkur.
> Sjá nánar

Jóladagskrá og opnunartími Listasafns Reykjavíkur um jól og áramót 2012

Fjölbreytileg aðventu og jóladagskrá verður í Listasafni Reykjavíkur í desember. Opnunartími er breytilegur milli safna en öll söfn verða lokuð dagana 24. og 25. desember.
> Sjá nánar

Nýjar vörur í verslunum Listasafnsins

Fatnaður með verkum hins ástsæla listamanns Errós er nú loks fáanlegur í Listasafni Reykjavíkur en í tilefni af afmælisári listamannsins stendur til að ráðast í framleiðslu á ýmsum munum sem tengjast list hans. Í verslun Hafnarhússins eru nú til sölu fjórar gerðir af póstkortum með hinum háðsku ádeiluteikningum Dans Perjovschi, en póstkortin eru gerð í takmörkuðu upplagi.
> Sjá nánar

Erró fyrir alla - Guðni Tómasson, Hafnarhús, sunnudag 11. nóvember kl. 15

Guðni Tómasson listfræðingur tekur þátt í gestaspjalli um listamanninn Erró sunnudaginn 11. nóvember kl. 15 í Hafnarhúsi Listasafns Reykjavíkur. Guðni fékk að skyggnast inn í líf og list Errós fyrir um ári síðan þegar hann heimsótti vinnustofu listamannsins í París og tók við hann ítarlegt viðtal sem flutt var á Rás 1 á síðasta ári og endurflutt í september síðastliðnum.
> Sjá nánar

Sýningarlok Ljóðheima á Kjarvalsstöðum

Sýningarlok verða um helgina á sýningunni Ljóðheimar - Ljóðræn abstraktlist íslenskra myndlistarmanna, 1957-1970 sem staðið hefur yfir á Kjarvalsstöðum.
> Sjá nánar

Iceland Airwaves í Listasafni Reykjavíkur 2012

Tónleikar verða á fimmtudags-, föstudags- og laugardagskvöld í Hafnarhúsinu. Handhafar Airwaves armbanda fá 20% afslátt að aðgangi í safnið á meðan á hátíðinni stendur. Dagskrána má finna hér.
> Sjá nánar

Átökin í lífi Ásmundar, sunnudag, 4. nóvember kl. 14

Þegar skyggnst er undir yfirborðið í höggmyndum Ásmundar Sveinssonar leynist þar oft heit glóð, persónuleg tjáning á djúpum tilfinningum og sterkum kenndum. Á sýningunni Inn í kviku, sem nú stendur yfir í Ásmundarsafni, hafa sýningarstjórarnir Kristín G. Guðnadóttir og Steinunn G. Helgadóttir lagt áherslu á að draga fram ýmsa átakaþætti í lífi og ævi myndhöggvarans, en þær munu vera með leiðsögn um sýninguna sunnudaginn 4. nóvember kl. 14.
> Sjá nánar

Þrjú dýnamísk dúó, Kjarvalsstaðir, sunnudag 28. október kl. 20

Á fyrstu tónleikum Elektra Ensemble í vetur verður boðið upp á þrjú dýnamísk dúó eftir þekktustu tónskáld rómantíska tímabilsins, þá Franz Schubert, Robert Schumann og Johannes Brahms. Tónleikaröð Elektra Ensemble er unnin í samstarfi við Listasafn Reykjavíkur.
> Sjá nánar

Hreyfing augnabliksins með Hafþóri Yngvasyni, sunnudag 21. október, kl. 15

Hafþór Yngvason safnstjóri Listasafns Reykjavíkur og sýningarstjóri sýningarinnar Hreyfing augnabliksins leiðir gesti um sýninguna sunnudaginn 21. október, kl. 15.
> Sjá nánar

Menningararfur - Þrætuepli og hreyfiafl í hönnun

Fimmtudaginn 18. október klukkan 20 verður efnt til umræðna í Listasafni Reykjavíkur um menningararf og hönnun, en á síðustu áratugum hafa vísanir til menningararfs Íslendinga orðið æ sýnilegri í hönnun hérlendis. Málþingið er hluti af fyrirlestraröð Hönnunarmiðstöðvar Íslands, Listasafns Reykjavíkur og Listaháskóla Íslands.
> Sjá nánar

Málað á ferð... Fyrir alla fjölskylduna, Kjarvalsstaðir, sunnudag 14. október kl. 15

Hvað er abstrakt? Er það bara krot sem hver sem er getur gert? Stundum er gaman að hugsa um hvernig við málum, ekki hvað við málum. Í smiðjunni „Málað á ferð“ er ætlunin að vinna með hugtakið abstrakt og vinna ýmis skemmtileg verkefni þar sem áhersla er lögð á tjáningu, hreyfingu, liti, form og línur.
> Sjá nánar

Helgarnámskeið í grafík (fyrir byrjendur), Helgina 27.-28. október

Listasafn Reykjavíkur í samstarfi við félagið Íslensk grafík býður upp á helgarnámskeið í grafíktækni fyrir fullorðna dagana 27. og 28. október. Dagskráin hefst fimmtudaginn 25.október kl. 18, þegar boðið verður upp á leiðsögn um sýninguna Erró - Grafíkverk í Listasafni Reykjavíkur - Hafnarhúsi ásamt almennri kynningu á helgardagskránni.
> Sjá nánar

Kaffi Kompaníið hefur nú opnað í Hafnarhúsinu

Veitingarstaðurinn býður upp á ferskan og næringarríkan hádegisverð þar sem súpurnar þeirra verða í aðalhlutverki en ásamt þeim verður boðið uppá létta og skemmtilega rétti af matseðli þar sem hollustan er í fyrirrúmi.
> Sjá nánar

HA með Söru og Hönnu, Hafnarhús, Sunnudag 7. október kl. 15

Sunnudaginn 7. október kl. 15 munu listamaðurinn Sara Björnsdóttir og sýningarstjórinn Hanna Styrmisdóttir taka þátt í spjalli um innsetninguna HA sem nú er í A-sal Hafnarhússins.
> Sjá nánar

Málþing - Hreyfing augnabliksins, Hafnarhús, sunnudag 30. september kl. 14-16

Forvörður, jarðfræðingur og listamenn leiða saman hesta sína á málþingi sem helgað er sýningunni Hreyfing augnabliksins, sem nú stendur yfir í Listasafni Reykjavíkur – Hafnarhúsi, undir sýningarstjórn Hafþórs Yngvasonar, safnstjóra. Í erindum og umræðum verið gengið út frá hugmyndinni um tímann sem grunneiningu í listrænu ferli myndlistarverka
> Sjá nánar

Umræðuþræðir - Didier Semin, Hafnarhús, fimmtudag 27. september kl. 20

Franski listfræðingurinn Didier Semin er fyrsti gestur haustannar í fyrirlestraröðinni og samstarfsverkefninu Umræðuþræðir. Semin flytur erindi sitt í Hafnarhúsinu, fimmtudaginn 27. september kl. 20.
> Sjá nánar

Tilvistarstefna í ljóðheimum málverksins, Kjarvalsstaðir, sunnudag 23. september kl. 15

Björn Þorsteinsson heimspekingur ræðir um grundvallarstef tilvistarstefnunnar næstkomandi sunnudag kl. 15 í tengslum við sýninguna Ljóðheimar sem stendur nú yfir á Kjarvalsstöðum.
> Sjá nánar

Samtal um Hreyfingu augnabliksins, Hafnarhús, laugardag 22. september kl. 16.

Laugardaginn 22. september, kl. 16:00 munu Hafþór Yngvason, safn- og sýningarstjóri og bandaríski heimspekingurinn Nickolas Pappas hefja opnar samræður í tengslum við sýninguna Hreyfing augnabliksins sem nú stendur yfir í Hafnarhúsinu.
> Sjá nánar

„Þetta er bara mýri…“, Hafnarhús, fimmtudag 20. september kl. 20.

Fyrirlestraröð Hönnunarmiðstöðvar Íslands og Listasafns Reykjavíkur hefur nú fest sig í sessi sem mánaðarlegur samstarfsviðburður í vetrarstarfi þeirra. Næstkomandi fimmtudag er boðað til fyrsta fyrirlestursins á viðburðaríkri röð í vetur, en þar leiða saman hesta sína Brynhildur Pálsdóttir hönnuður og Magnea Guðmundsdóttir arkitekt, sem nýlega opnuðu sýningu í Norræna húsinu undir yfirskriftinni Lífið í Vatnsmýrinni.
> Sjá nánar

Tríó Reykjavíkur, Kjarvalsstaðir, föstudag 21. september kl. 12:15

Listasafn Reykjavíkur og Tríó Reykjavíkur fagna nú fjögurra ára samstarfi sem felur í sér ókeypis hádegistónleikaröð á Kjarvalsstöðum. Tónleikarnir hafa fengið góð viðbrögð og jafnan margir sem hafa nýtt sér það einstaka tækifæri að hlýða á fremsta tónlistarfólk landsins í notalegu andrúmslofti.
> Sjá nánar

Minnismerki óþekkta embættismannsins á nýjum stað

Reykjavíkurborg og Listasafn Reykjavíkur bjóða alla velkomna til opinberrar athafnar á morgun, föstudaginn 14. september kl. 14:30 við Iðnó þegar borgarstjórinn í Reykjavík afhjúpar útilistaverk Magnúsar Tómassonar, Minnismerki óþekkta embættismannsins á nýjum stað.
> Sjá nánar

Sýningarstjóraspjall með Aðalsteini Ingólfssyni, Kjarvalsstaðir - Sunnudag 16. september kl. 14

Listfræðingurinn og sýningarstjórinn Aðalsteinn Ingólfsson leiðir sýningarstjóraspjall næstkomandi sunnudag, 16. september kl. 14 á Kjarvalsstöðum.
> Sjá nánar

3 sýningaopnanir í Hafnarhúsi laugardaginn 15. september

Síbreytileg sjónhverfing, máttur tímans og pólitísk samtímaádeila eru viðfangsefni þriggja, nýrra sýninga sem verða opnaðar í Listasafni Reykjavíkur – Hafnarhúsi á laugardaginn kl. 16.
> Sjá nánar

Listamannaspjall: Dan Perjovschi, Hafnarhús, sunnudag 16. september kl. 16.

Rúmenski listamaðurinn Dan Perjovschi flytur erindi um eigin verk næstkomandi sunnudag, 16. september kl. 16. Fyrirlesturinn er haldinn í tengslum við sýningu listamannsins sem stendur yfir í Hafnarhúsi Listasafns Reykjavíkur.
> Sjá nánar

„Virk“ tónsmíði – LornaLAB, Hafnarhús, 8. september kl. 13-16

Næstkomandi laugardag stendur LornaLAB fyrir opinni vinnustofu sem unnin er í samvinnu við Listasafn Reykjavíkur undir handleiðslu Jespers Pedersen, tónskálds.
> Sjá nánar

Ljóðheimar - Opnun, Kjarvalsstaðir, laugardag 8. september kl. 16

Tímamótasýning verður opnuð á Kjarvalsstöðum næstkomandi laugardag en þá verður í fyrsta sinn varpað heildstæðu yfirliti á ljóðræna eða expressjóníska abstraktlist íslenskra myndlistarmanna.
> Sjá nánar

Erró - Máttur myndanna, fyrirlestur í Hafnarhúsi, sunnudag 9. september kl. 15

Sunnudaginn 9. september kl. 15, mun Æsa Sigurjónsdóttir listfræðingur fjalla um mátt myndarinnar í verkum Errós. Viðburðurinn er liður í afmælisdagkránni „Erró fyrir alla“ sem haldin er til heiðurs áttræðisafmælis listamannsins.
> Sjá nánar

Ósk Vilhjálmsdóttir hlýtur styrk úr listasjóði Guðmundu S. Kristinsdóttur

Laugardaginn 1. september 2012, veitti listamaðurinn Erró Ósk Vilhjálmsdóttur verðlaunafé og viðurkenningu úr Listasjóði Guðmundu S. Kristinsdóttur, fyrir framlag hennar á sviði myndlistar. Afhendingin fór fram við opnun á sýningunni Erró - Grafíkverk í Listasafni Reykjavíkur - Hafnarhúsi fyrr í dag.
> Sjá nánar

Erró gerður að heiðursborgara Reykjavíkur

Borgarráð samþykkti á fundi sínum, fimmtudaginn 30. ágúst, að gera listamanninn Erró (Guðmund Guðmundsson) að heiðursborgara Reykjavíkur. Jón Gnarr borgarstjóri tilkynnti þetta við hátíðlega athöfn við opnun sýningar á verkum listamannsins í Listasafni Reykjavíkur í dag.
> Sjá nánar

ÞRYKKTU! Erró Grafíksmiðja fyrir ungt fólk (13+)Hafnarhús, 2. september kl. 15

Ungmennum 13 ára og eldri boðið að þrykkja og kynnast grafíktækninni af eigin raun í raunverulegu umhverfi grafíklistamanna í Hafnarhúsinu, sunnudaginn 2. september kl. 15. Smiðjan er unnin í samvinnu við Íslenska grafík en verkstæði þeirra, þar sem smiðjan fer fram, er einnig í Hafnarhúsinu.
> Sjá nánar

Erró - opnun og afmælisdagskrá, Hafnarhús, laugardag 1. september kl. 16

„Maður verður gamall af því að gera ekkert,“ lét listamaðurinn Erró hafa nýlega eftir sér en hann lætur ekki áratugina átta koma í veg fyrir langan vinnudag og gríðarleg afköst á sviði myndlistarinnar. Erró varð áttræður í júlí síðastliðnum og er tímamótanna minnst með viðamikilli afmælisdagskrá Listasafns Reykjavíkur og samstarfsaðila út árið, auk þess sem fjölmiðlar munu draga upp nærmynd af listamanninum á næstu vikum.
> Sjá nánar

Ótæmandi fræðslumöguleikar framundan - safnfræðslukynning á Kjarvalsstöðum, Fimmtudag 30. ágúst kl. 17-19

Listasafn Reykjavíkur hefur haldið úti öflugu og aðgengilegu fræðslustarfi með það að leiðarljósi að vekja safngesti á öllum aldursstigum til umhugsunar um myndlist. Fimmtudaginn 30. ágúst gengst safnið fyrir lifandi kynningu á fræðslumöguleikum sem í boði eru fyrir skóla og almenning í vetur.
> Sjá nánar

Íslensk samtímalistfræði - málþing, Hafnarhús, sunnudag 2. september kl. 14-16

Síðastliðin tvö sumur hefur verið unnið að rannsóknarverkefni til að safna, skrá og greina íslensk skrif um myndlist frá síðustu áratugum. Að verkinu hafa komið bæði fræðimenn og nemendur frá Listaháskóla Íslands og Háskóla Íslands en auk háskólanna standa Listasafn Reykjavíkur, Listasafn Íslands, Nýlistasafnið og Listfræðafélagið sameiginlega að verkefninu.
> Sjá nánar

Uppfinningarmenn og spunameistarar á UNM, 28. ágúst til 1. september

Uppfinningamenn og spunameistarar munu fylla sali Listasafns Reykjavíkur í vikunni en safnið hefur gengið til samstarfs við tónlistarhátíðina Ung Nordisk Musikfestival með tónleikum og spunasmiðjum.
> Sjá nánar

Órar sjónskynsins með Heklu Dögg og Erlu, Kjarvalsstaðir, sunnudag 26. ágúst kl. 15

Hekla Dögg Jónsdóttir og Erla Þórarinsdóttir taka þátt í spjalli um sýninguna Gálgaklettur og órar sjónskynsins næstkomandi sunnudag 26. ágúst, kl. 15. Sýningin fjallar öðru fremur um fyrirbærafræði sjónskynsins þar sem leitað er aftur í verk Jóhannesar Kjarvals sem hann kenndi við Gálgaklett.
> Sjá nánar

Lókal - Alice, Hafnarhús föstudag 24. ágúst kl. 19 og laugardag 25. ágúst kl. 17

Listasafn Reykjavíkur hefur gengið til samstarfs við hina alþjóðlegu leiklistarhátíð Lókal sem fram fer í Reykjavík í fimmta sinn dagana 22. – 26. ágúst með sýningu á írska verkinu Alice.
> Sjá nánar

Miðstýring vs. Dreifistýring: Tveggja alda þróun valds í hönnun. Hafnarhús, fimmtudag 23. ágúst kl. 20

Hvernig geta ákvarðanir í hönnun, arkitektúr og skipulagi aukið vald almennings og fært honum aukinn sjálfsákvörðunarrétt? Er samfélag sem byggt er á dreifðri stýringu í eðli sínu öruggara og sjálfbærara en miðstýrt samfélag? Það er aktívistinn, hugbúnaðarsmiðurinn og tölvuhakkarinn Smári McCarthy sem leitar svara við þessum spurningum í fimmtudagsfyrirlestri Hönnunarmiðstöðvar Íslands, sem unnin er í samstarfi við Listasafn Reykjavíkur og Listaháskóla Íslands.
> Sjá nánar

Endemis vitleysa, Hafnarhús, fimmtudag 23. ágúst kl. 12:15-12:45

Endemis vitleysa er yfirskrift hádegiserindis sem skipuleggjendur Endemis, tímarits um samtímalist íslenskra kvenna flytja í tengslum við sýninguna „Sjálfstætt fólk“.
> Sjá nánar

Haustdagskrá Listasafns Reykjavíkur aðgengileg

Í haust opnar Listasafn Reykjavíkur fjölbreyttar sýningar og býður upp á fjölda viðburða sem ættu að falla að áhugasviði sem flestra.
> Sjá nánar

HÍ 101 - Kvöldganga, fimmtudag, 16. ágúst kl. 20

Að þessu sinni fá göngumenn að kynnast einni helstu mennta- og menningarstofnun landsins, það er Háskóla Íslands. Rætt verður um sögu skólans, allt frá stofnun fyrir 101 ári og uppbygging háskólasvæðisins verður skýrð í máli og myndum. Einnig verður fjallað um listaverk, ljóð og bókmenntir sem skólanum tengjast.
> Sjá nánar

Concrete Jazz | Nýr íslenskur Djass, Hafnarhús, miðvikudag 15. ágúst kl. 21

Í tilefni af útgáfu geisladisksins „Concrete“ verða haldnir tónleikar í Listasafni Reykjavíkur (Hafnarhúsið). Tónlistarmenn eru þeir sömu og á plötunni; Andrés Þór Gunnlaugsson á gítar, Einar Valur Scheving á trommur, Leifur Gunnarsson á bassa og Magnús Rafnsson á píanó.
> Sjá nánar

Menningarnótt 2012 - Dagskrá Listasafn Reykjavíkur

Fjölbreytt dagskrá verður Listasafni Reykjavíkur á menningarnótt en meðal annars verður boðið upp á tónlist, lestur, smiðjur og gjörning á vegum Santiago Sierra.
> Sjá nánar

„Sjálfstætt fólk“ - Hádegisfyrirlestur: Halldór Úlfarsson og Páll Ivan Pálsson

Halldór Úlfarsson myndlistarmaður og Páll Ivan Pálsson tónskáld flytja hádegisfyrirlestur kl. 12:15, fimmtudaginn 16. ágúst, í tengslum við sýningu Hlyns Hallssonar & Jónu Hlífar Halldórsdóttur - Kerfi.
> Sjá nánar

Minning - Loji Höskuldsson, Hafnarhús, fimmtudag 16. ágúst kl. 17

Minning er nýtt verk eftir Loja Höskuldsson sem sýnir skyrtur þorna um sumar á Íslandi. Það er ekki beint það hressasta en samt svo hresst á sinn hátt. Bara eitthvað að þorna.
> Sjá nánar

Inn í kviku og niður í tásur – Leiðangur fyrir fjölskyldur með börn á aldrinum 3 ára+, Ásmundarsafn, sunnudag 12. ágúst kl. 14

Næstkomandi sunnudag verður boðið upp á forvitnilega fjölskylduleiðsögn og leik í skrýtna kúluhúsinu eða Ásmundarsafni eins og við köllum það stundum.
> Sjá nánar

Hádegisfyrirlestur: Tinna Grétarsdóttir - „Sjálfstætt fólk“, 9. ágúst

Tinna Grétarsdóttir, mannfræðingur flytur hádegiserindi tengslum við sýninguna Kerfi, fimmtudaginn 9. ágúst kl. 12:15 – 12:45. Fyrirlesturinn tilheyrir seríu af framsögum og ræðum fræðimanna, aðgerðarsinna og listamanna sem unnin er sem hluti af sýningu Hlyns Hallssonar & Jónu Hlífar Halldórsdóttur KERFI í Hafnarhúsi Listasafns Reykjavíkur.
> Sjá nánar

Erró afmæli - ókeypis í Hafnarhúsið, Hafnarhús, fimmtudag 19. júlí kl. 10-20

Viðamikil dagskrá verður í Listasafni Reykjavíkur - Hafnarhúsi í tilefni af áttræðis afmælisdegi Errós fimmtudaginn 19. júlí. Ókeypis aðgangur verður í húsið frá kl. 10 - 20 en nú stendur yfr yfirgripsmiklil teikninga sýning Errós, sem spannar allan feril listamannsins. Auk þess verða hinir forláta postulíns tepottar, sem Erró gaf safninu nýlega til sýnis ásamt gríðarstórum málverkum sem hann vann þá út frá.
> Sjá nánar

Brot úr verkum Kling & Bang, Hafnarhús, fimmtudag 2. ágúst , kl. 17

Næstkomandi fimmtudag verða sýnd brot úr verkum Kling & Bang sem hluta af breytilegri innsetningu The Demented Diamond of Kling & Bang’s Confected Video Archive á sýningunni Sjálfstætt fólk sem stendur nú yfir í Hafnarhúsinu.
> Sjá nánar

Úr skuggsjá - Þórgunnur Oddsdóttir, Hafnarhús, fimmtudag 19. júlí kl. 17

Þórgunnar Oddsdóttir sýnir verkið Úr skuggsjá í breytilegri myndbandainnsetningu Kling & Bang, sem ber yfirskriftina The Demented Diamond. Innsetningin er hluti af sýningunni „Sjálfstætt fólk“ sem nú stendur yfir í Hafnarhúsinu og var á dagskrá Listahátíðar í Reykjavík 2012.
> Sjá nánar

Listaverkaganga í Viðey - þriðjudag 31.júlí, kl. 19:30

Næstkomandi þriðjudagskvöld leiðir Heiðar Kári Rannversson meistaranemi í listfræðum kvöldgöngu um listaverkin í Viðey, þar sem könnuð verða tengsl verkanna við umhverfið og áhorfendur. Gengið verður að verkinu Áfangar eftir bandaríska myndhöggvarann Richard Serra sem samanstendur af níu súlnapörum úr stuðlabergi sem ramma inn nærliggjandi kennileiti eða áfangastaði.
> Sjá nánar

Ísland er með´etta

Listasafn Reykjavíkur býður ókeypis aðgang á safnið fimmtudaginn 12. júlí frá kl. 15-20 í Hafnarhúsinu en frá 15-17 á Kjarvalsstöðum og í Ásmundarsafni. Þetta er gert í tilefni markaðsátaksins Ísland er með´etta.
> Sjá nánar

Kvöldganga fyrir „Sjálfstætt fólk” - fimmtudag 19. júlí kl. 20

Næstkomandi fimmtudag verður gengið um miðbæ Reykjavíkur og grafist fyrir um sögu listamannarekinna rýma og annan vettvang listamanna. Má þar nefna Unuhús, Gallerí SÚM, Gallerí Sólon Íslandus, gúlp! og Langbrók. Gangan er skipulögð af Listasafni Reykjavíkur í samvinnu við Nýlistasafnið (Nýló)og Arkíf um listamannarekin rými í tengslum við sýninguna „Sjálfstætt fólk“
> Sjá nánar

Reykjavík Safarí! og tónar með Myrru Rós - fimmtudag 5. júlí kl. 20

Menningarlífið í miðborginni kynnt á spænsku, ensku, pólsku, tælensku og litháísku. Veldu leiðsögn á ofangreindum tungumálum, en hóparnir fimm hittast í lok göngunnar í Hafnarhúsinu þar sem boðið verður upp á hressingu og tónlistar-atriði með söngkonunni Myrru Rós.
> Sjá nánar

Hafnarhús - The Demented Diamond of Kling & Bang’s Confected Video Archive, fimmtudag 5. júlí kl. 17.

Myndlistarmaðurinn Ragnar Helgi Ólafsson sýnir fjölrása myndband og a.m.k. einn hlut sem snýst undir heitinu Axis Mundi (fyrir Sydney), en verkið er hluti af breytilegri innsetningu The Demented Diamond of Kling & Bang’s Confected Video Archive sem er á sýningunni Sjálfstætt fólk, stendur nú yfir í Hafnarhúsinu.
> Sjá nánar

TripAdvisor veitir Listasafni Reykjavíkur viðurkenningu fyrir afburða árangur

„Til hamingju! Listasafn Reykjavíkur er sigurvegari“ segir í viðurkenningarskjali sem TripAdvisor sendi Listasafni Reykjavíkur í dag. Þar kemur fram að þessi öflugasta ferðasíða heims, sem kunn er fyrir umsagnir og einkunnagjöf ferðalanga um allan heim, veiti Listasafni Reykjavíkur viðurkenningu fyrir háa einkunnagjöf og frábærar umsagnir og meðmæli frá ferðamönnum.
> Sjá nánar

Breyttar áherslur á sviði byggingarlistar

Vegna niðurskurðar á fjárveitingum hefur Listasafn Reykjavíkur ákveðið að endurskoða þann þátt starfsemi sinnar sem tengist byggingarlist. Frá árinu 1993 hefur verið starfandi sérstök byggingarlistardeild við safnið.
> Sjá nánar

Leiðsagnir á ensku á Kjarvalsstöðum í sumar - föstudaga kl. 11

Listasafn Reykjavíkur býður enskumælandi gesti velkomna á Kjarvalsstaði, alla föstudaga í sumar, klukkan 11. Almennur aðgangseyrir gildir inn á safnið, en leiðsögnin er án endurgjalds.
> Sjá nánar

Kolbeinn Hugi Höskuldsson - Hafnarhús, fimmtudag 21. júní kl. 17.

Kolbeinn Hugi Höskuldsson, myndlistarmaður sýnir nýtt verk í myndbandsinnsetningu í tengslum við The Demented Diamond of Kling & Bang’s Confected Video Archive sem nú stendur yfir í Hafnarhúsi Listasafns Reykjavíkur. Kolbeinn Hugi Höskuldsson útskrifaðist úr Listaháskóla Íslands árið 2004 og hefur síðan getið sér nafn fyrir stórar tilraunakenndar, innsetningar, myndbandsverk og gjörninga.
> Sjá nánar

Hvað sérð þú? Fjölskylduviðburður, Kjarvalsstaðir, sunnudag 24. júní kl. 15

Hvernig virkar sjónskynið? Sér maður aðeins með augunum eða sjáum við með líka með hjartanu og heilanum? Næstkomandi sunnudag verður boðið upp á fjölskylduleiðsögn og smiðju í tengslum við sýninguna Gálgaklettur og órar sjónskynsins á Kjarvalsstöðum, þar sem sérstök áhersla verður lögð á sjónskynið og ímyndunaraflið.
> Sjá nánar

Lornalab - Hljóð, hreyfimyndir og nýmiðlar, Hafnarhús, Laugardag 23. júní kl. 13 - 17

Fimmta samstarfsverkefni LornaLAB og Listasafns Reykjavíkur á þessu ári verður haldið laugardaginn 23. júní kl 13. Umsjón með smiðjunni hefur Eric Parr myndlistamaður. Gestafyrirlesarar verða ítalski sýningastjórinn og gagnrýnandinn Leandro Pisano og bandaríkjamaðurinn Phillip Thurtle, prófessor við Washington háskóla.
> Sjá nánar

Listasafn Reykjavíkur verður lokað 17. júní

Öll hús Listasafns Reykjavíkur verða lokuð á Þjóðhátíðardaginn, sunnudaginn 17. júní.
> Sjá nánar

Kvöldganga að Kjarvalsreitnum í Gálgahrauni, fimmtudag 14. júní kl. 20-22

Fyrsta kvöldganga sumarsins, sem menningarstofnanir Reykjavíkurborgar skipuleggja, fer fram næstkomandi fimmtudag en rútuferð verður frá Hafnarhúsinu klukkan 19:30. Þá mun Jónatan Garðarsson, fjölmiðla- og fræðimaður leiða göngu að „Kjarvalsreitnum“ í Gálgahrauni, ásamt Halldóri Ásgeirssyni myndlistarmanni.
> Sjá nánar

Hádegisfyrirlestur - Hlynur Helgason, Hafnarhús „Sjálfstætt fólk“, fimmtudag 14. júní kl. 12:15

Hlynur Helgason myndlistarmaður og heimspekingur flytur hádegisfyrirlestur undir yfirskriftinni Af auðveldi og myndlistarheimi – lærdómur dreginn af ástandinu, í tengslum við sýninguna „Sjálfstætt fólk“.
> Sjá nánar

Almenn leiðsögn um „Sjálfstætt fólk“ - Frumkvæði listamanna og samstarf, Hafnarhús, sunnudag 10. júní kl. 15

Kristín Dagmar Jóhannesdóttir, listfræðingur og verkefnastjóri fræðslu leiðir gesti um sýninguna „Sjálfstætt fólk“ sem stendur nú yfir í Listasafni Reykjavíkur – Hafnarhúsi.
> Sjá nánar

Frum hátíðin, Kjarvalsstaðir, sunnudag 10. júní kl. 20

Frum- er nútímatónlistarhátíð sem haldin er á Kjarvalstöðum í júní ár hvert. Megináhersla hátíðarinnar er að kynna meistaraverk nútímatónbókmenntanna fyrir tónlistarunnendum, verk sem þegar hafa sett mark sitt á tónlistarsöguna en eru þó sjaldheyrð í tónleikahúsum Reykjavíkur.
> Sjá nánar

Streymi tímans eftir Sólveigu Aðalsteinsdóttur afhjúpað í Litluhlíð, laugardag 9. júní kl. 14

Hið nýja útilistaverk, Streymi tímans eftir Sólveigu Aðalsteinsdóttur, verður afhjúpað í Litluhlíð, nærri þeim stað sem Vatnsberi Ásmundar Sveinssonar stóð. Það er Hafþór Yngvason, safnstjóri Listasafns Reykjavíkur sem mun afhjúpa verkið og segja nokkur orð.
> Sjá nánar

Myndbandsinnsetning: Sirra Sigrún Sigurðardóttir „Sjálfstætt fólk“ - Hafnarhús – The Demented Diamond of Kling & Bang’s Confected Video Archive, Fimmtudag 7. júní kl. 17.

Sirra Sigrún Sigurðardóttir, myndlistarmaður sýnir myndbandsinnsetningu í tengslum við The Demented Diamond of Kling & Bang’s Confected Video Archive sem nú stendur yfir í Hafnarhúsi Listasafns Reykjavíkur.
> Sjá nánar

Hádegisfyrirlestur: Þóranna Björnsdóttir og Þráinn Hjálmarsson. „Sjálfstætt fólk“, Hafnarhús – Hlynur Hallsson & Jóna Hlíf Halldórsdóttir. Fimmtudag 7. júní kl. 12:15– 12:45

Þóranna Björnsdóttir mynd- og hljóðlistamaður og Þráinn Hjálmarsson tónskáld flytja hádegiserindi tengslum við sýninguna Kerfi, fimmtudaginn 7. júní kl. 12:15 – 12:45.
> Sjá nánar

Gálgaklettur og órar sjónskynsins, Opnun, Kjarvalsstaðir, 2. júní kl. 16

Sýningin Gálgaklettur og órar sjónskynsins verður opnuð á Kjarvalsstöðum, laugardaginn 2. júní kl. 16. Sýningin fjallar öðru fremur um fyrirbærafræði sjónskynsins þar sem sýningarstjórinn Ólafur Gíslason hefur til hliðsjónar verk eftir tuttugu aðra íslenska listamenn og finnur í þeim endurómun við Gálgaklettsviðfangsefni Kjarvals.
> Sjá nánar

Sýningarstjóraspjall með Ólafi Gíslasyni - Gálgaklettur og órar sjónskynsins, Kjarvalsstaðir, sunnudag 3. júní kl. 15

Sýningarstjórinn og listheimspekingurinn Ólafur Gíslason leiðir gesti um sýninguna Gálgaklettur og órar sjónskynsins sem opnar á Kjarvalsstöðum laugardaginn 2. júní.
> Sjá nánar

Arnar Eggert Thoroddsen og Hjálmar Stefán Brynjólfsson, „Sjálfstætt fólk“- K(e)rfi, Hafnarhús , fimmtudag 31. maí kl. 12:15 – 12:45

Arnar Eggert Thoroddsen tónlistargagnrýnandi og Hjálmar Stefán Brynjólfsson lögfræðingur flytja hádegiserindi fimmtudaginn 31. maí kl. 12:15 – 12:45. Fyrirlesturinn er annar í seríu af framsögum og ræðum fræðimanna, aðgerðarsinna og listamanna sem unnin er sem hluti af sýningu Hlyns Hallssonar & Jónu Hlífar Halldórsdóttur KERFI í Hafnarhúsi Listasafns Reykjavíkur.
> Sjá nánar

Opið hús í Höfða, Nomeda & Gediminas Urbonas 
+ MIT 4.333, sunnudag 3. júní kl. 14-17

Næstkomandi sunnudag verður opið hús í Höfða í tengslum við verkefni Nomeda og Gediminas Urbonas sem unnið var í samvinnu við háskólanema frá Massachusetts Institute for Technology, MIT 4.333.
> Sjá nánar

„Sjálfstætt fólk“ - JBK Ransu – Saga abstraktlistar, taka tvö. Hafnarhús, fimmtudag 24. maí kl. 12:15 – 12:45

JBK Ransu myndlistarmaður og listgagnrýnandi er fyrsti þátttakandi í seríu af framsögum og ræðum fræðimanna, aðgerðarsinna og listamanna sem unnin er sem hluti af sýningu Hlyns Hallssonar & Jónu Hlífar Halldórsdóttur KERFI í Hafnarhúsi Listasafns Reykjavíkur.
> Sjá nánar

„Sjálfstætt fólk“ – spjall, kvikmyndasýning og tónlistargjörningur - Hafnarhús, fimmtudag 24. maí kl. 17

Viðamikil dagskrá verður haldin í Hafnarhúsinu næstkomandi fimmtudag kl. 17. Þá mun sýningarstjórinn Jonatan Habib Engqvist segja frá sýningarverkefninu „Sjálfstætt fólk“ sem haldið er á Listahátíð 2012.
> Sjá nánar

Raflost & Steina- listamannaspjall, Hafnarhús, miðvikudag 23. maí kl. 14

Steina tekur þátt í spjalli um verk sín næstkomandi miðvikudag kl. 14 í Listasafni Reykjavíkur – Hafnarhúsi, en hún er sérstakur gestur raflistahátíðarinnar Raflost 2012 sem unnin er í samstarfi við verkefnið „Sjálfstætt fólk“ á Listahátíð í ár.
> Sjá nánar

„SJÁLFSTÆTT FÓLK“ - Frumkvæði listamanna og samstarf, Hafnarhús, 19. maí kl. 15

Listasafn Reykjavíkur – Hafnarhús er einn helsti vettvangur samstarfsverkefnisins „Sjálfstætt fólk“ sem hefst formlega laugardaginn 19. maí. Verkefnið hverfist um samstarf í samtímamyndlist en þátttakendur eru myndlistarmenn frá öllum Norðurlöndunum, Eystrasaltslöndunum, Bretlandi, Frakklandi, Bandaríkjunum og víðar.
> Sjá nánar

„Sjálfstætt fólk“: The Leyline Project - Rannsóknarsmiðja um jarðárur, Hafnarhús, mánudag 21. maí kl. 15-17

Listamennirnir Steingrímur Eyfjörð & Ulrika Sparre leiða rannsóknarsmiðju um jarðárur í tengslum við sýninguna í D- sal Hafnarhússins. Sérstakur gestur smiðjunnar er Valdemar Gísli Valdemarsson, rafeindavirkjameistari og áhugamaður um orku- og umhverfismál. Farið verður yfir sögu og helstu kenningar um jarðárur ásamt kennslu í prjónamælingum (dowsing).
> Sjá nánar

„Sjálfstætt fólk“: Raflost & Steina - Hafnarhús, laugardag 19. maí kl. 21-23

Vídeó listamaðurinn Steina flytur verkið Violin Power í porti Hafnarhússins, en hún er sérstakur gestur Raflosts - Hátíðar íslenskrar raftónlistar. Aðrir flytjendur eru Egill Sæbjörnsson, Arduino-bandið og Hestbak sem flytur verk eftir meðlimi S.L.Á.T.U.R.s.
> Sjá nánar

Fyrirlestur Alanna Heiss fellur niður

Af óviðráðanlegum ástæðum mun fyrirlestur bandaríska sýningarstjórans Alanna Heiss, sem skipulagður var miðvikudaginn 16. maí kl. 20, frestast til komandi hausts. Viðburðurinn er hluti af fyrirlestarseríunni Umræðuþræðir sem unnin er í samstarfi Listasafns Reykjavíkur, Listaháskóla Íslands og Kynningarmiðstöðvar íslenskrar myndlistar og er styrktur af Bandaríska sendiráðinu á Íslandi.
> Sjá nánar

Sýningarstjóraspjall - Inn í kviku, Ásmundarsafn, sunnudag 13. maí kl. 14.

Sýningarstjórarnir Kristín Guðnadóttir og Steinunn Helgadóttir spjalla um sýninguna Inn í kviku sem opnaði í Ásmundarsafni þann 5. maí.
> Sjá nánar

Frumsýning: Tales of a Sea Cow eftir Etienne De France. Sérviðburður: Reykjavik Shorts & Docs. Hafnarhús, þriðjudag 8. maí kl. 17

Listasafn Reykjavíkur í samvinnu við Stutt- og heimildamyndahátíðina Reykjavik Shorts&Docs og Franska sendiráðið á Íslandi frumsýnir hérlendis Tales of a Sea Cow eftir myndlistarmanninn Etienne De France.
> Sjá nánar

Elektra blæs til leiks. Kjarvalsstaðir, sunnudag 6. maí kl. 20.

Blásaratónlist verður allsráðandi á vortónleikum Elektra Ensemble sem verða ferskir, léttir og með snilldartöktum. Matthías Birgir Nardeau óbóleikari verður síðasti gestur vetrarins hjá Elektru en hann hefur vakið athygli fyrir óbóleik sinn undanfarið bæði sem einleikari og innan Sinfóníuhljómsveitar Íslands.
> Sjá nánar

Inn í kviku - Opnun og gjörningur. Ásmundarsafn, laugardag 5. maí kl. 16.

Ný sýning á verkum myndhöggvarans Ásmundar Sveinssonar verður opnuð í Ásmundarsafni við Sigtún laugardaginn 5. maí kl. 16. Við sama tilefni verður endurtekinn „ gjörningur“ í höggmyndagarðinum, sem Ásmundur taldi að kenndi börnum að meta og þykja vænt um stytturnar.
> Sjá nánar

Málhóf - LHÍ 2012. Hafnarhús, sunnudag 6. maí kl. 13:30 - 16: 30.

Í tilefni af lokadegi vorsýningar Listaháskóla Íslands, 6. maí, efna útskriftarnemendur og kennarar myndlistardeildar til Málhófs í Hafnarhúsinu.
> Sjá nánar

Leiðsögn um sýningu Tàpies. Kjarvalsstaðir, sunnudag 6. maí kl. 15.

Klara Þórhallsdóttir, nýráðinn verkefnastjóri fræðslu við Listasafn Reykjavíkur leiðir gesti um sýningu katalónska listamannsins Antoni Tàpies (1923–2012) á Kjarvalsstöðum. Tàpies er almennt talinn einn af helstu áhrifavöldum í þróun málverksins á síðari hluta tuttugustu aldarinnar, en á sýningunni getur á að líta málverk frá rúmlega sjö áratuga ferli listamannsins.
> Sjá nánar

Sýningarstjóraspjall um útskriftarsýningu LHÍ. Listasafn Reykjavíkur - Hafnarhús. Sunnudag 29. apríl kl. 15

Daníel Björnsson myndlistarmaður og sýningarstjóri útskriftarsýningar Listaháskóla Íslands leiðir gesti um sýningu hönnundardeildar Listaháskólans.
> Sjá nánar

Ásmundarsafn lokað til 5. maí

Uppsetning fer nú fram á sýningunni Inn í Kviku sem opnar þann 5. maí í Ásmundarsafni. Safnið er því lokað fram til þess dags, en garðurinn við safnið er ávallt opinn almenningi.
> Sjá nánar

Safnabeltið býðst gestum í öllum húsum

Safnabeltið er nýjung í íslensku safnastarfi og er ætlað að auka upplifun og aðgengi fjölskyldufólks að sýningum Listasafns Reykjavíkur. Við Safnabeltið hangir taska sem útbúin er fjölbreyttum „verkfærum“ sem er ætlað að hjálpa fjölskyldusafngestum að upplifa listaverkin og söfnin á eigin forsendum.
> Sjá nánar

Útskriftarsýning Listaháskóla Íslands

Útskriftarsýningu nemenda myndlistardeildar og hönnunar- og arkitektúrdeildar Listaháskólans verður opnuð laugardaginn 21. apríl nk. kl. 14.00 í Listasafni Reykjavíkur - Hafnarhúsi, en sýningin er unnin í samvinnu við Listasafn Reykjavíkur.
> Sjá nánar

Barnamenningarhátíð í Listasafni Reykjavíkur - Dagana 17. – 22. apríl

Fjölbreytt og lifandi dagskrá verður í Listasafni Reykjavíkur á Barnamenningarhátíð og hefst undirbúningur hennar í Ásmundarsafni frá og með mánudeginum 16. apríl. Frítt er fyrir fullorðna í fylgd með börnum í Listasafn Reykjavíkur á meðan á hátíðinni stendur.
> Sjá nánar

Tàpies gestaspjall. Kjarvalsstaðir, sunnudag 15. apríl kl. 15

Vararæðismaður Spánar á Íslandi, Margrét Jónsdóttir Njarðvík og listamaðurinn Rebekka Rán Samper taka þátt í spjalli um katalónska menningu og sögu í tengslum við sýningu listamannsins Antonis Tàpies á Kjarvalsstöðum.
> Sjá nánar

Heilarafritun með LornaLAB. Hafnarhús, laugardag 14. apríl kl. 13-17

Fjórða smiðja Lornalab á vorönn 2012 ber yfirskriftina "neurosignalling"og fjallar um tækni sem hefur verið í notkun frá því á þriðja áratug seinustu aldar sem gerir rannsakendum kleift að fylgjast með hugarástandi viðfanga útfrá sveiflum í tíðni rafboða heilans.
> Sjá nánar

Frá framleiðslu þekkingar til sköpunar visku. Hafnarhús, miðvikudag 11. Apríl kl. 20

Dr. Ronald Jones prófessor í þverfaglegum fræðum heldur fyrirlestur undir yfirskriftinni Frá framleiðslu þekkingar til sköpunar visku, miðvikudaginn 11. apríl kl. 20 í Hafnarhúsi Listasafns Reykjavíkur. Fyrirlesturinn er hluti af fyrirlestraröð Hönnunarmiðstöðvar Íslands, Listasafns Reykjavíkur og Listaháskóla Íslands.
> Sjá nánar

Tríó Reykjavíkur - ókeypis hádegistónleikar. Kjarvalsstaðir, föstudagur 13. apríl kl. 12.15

Listasafn Reykjavíkur og Tríó Reykjavíkur hafa um nokkurt skeið verið í samstarfi um ókeypis hádegistónleikaröð á Kjarvalsstöðum við góðar undirtektir. Í hádeginu föstudaginn 13. apríl verður sjónum beint að Antonio Vivaldi og Beethoven.
> Sjá nánar

Satt eða logið með Sprengjugenginu. Ásmundarsafn, sunnudag 1. apríl kl. 14

Sprengjugengið mætir í Ásmundarsafn á sunnudaginn og sýnir þar nokkrar vel valdar efnafræðibrellur fyrir alla fjölskylduna. Áður en Gengið lætur til skarar skríða verður sýning Magnúsar Árnasonar, sem sett er upp í Kúlu Ásmundarsafns, skoðuð en í henni má má sjá vísindalega tilraun sem fjallar um hugmyndina um sjálfkviknun lífs og vísar í tilraun franska efnafræðingsins Louis Pasteur.
> Sjá nánar

Róbótar með LornaLAB. Hafnarhús, laugardag 31. mars kl. 13-17

Þriðja samstarfsverkefni LornaLABs og Listasafns Reykjavíkur á þessu ári verður laugardaginn 31. mars kl. 13 - 17. Viðfangsefni smiðjunnar er notkun, stjórnun og smíði róbota með þátttöku gestafyrirlesaranna, tölvunarfræðinganna Josephs Timoteis Foleys og Stefáns Freys Stefánssonar frá Háskólanum í Reykjavík. Umsjón með smiðjunni hefur Sigrún Harðardóttir myndlistamaður.
> Sjá nánar

Grams - Dótatónleikar með Jaðarberi. Kjarvalsstaðir, miðvikudag 28. mars kl. 20

Gramsað verður í dótakassanum á tónleikum Jaðarbers næstkomandi miðvikudagskvöld á Kjarvalsstöðum. Í kassanum leynast ýmiskonar leikföng sem fá algjörlega nýjan tilgang á tónleiknum, en útgangspunktur tónskáldanna og flytjenda er að dótið sé fyrst og fremst skemmtilegt, fjölbreytt og litskrúðugt.
> Sjá nánar

Vinavika Menningarkortshafa. Kjarvalsstaðir 25. – 31. mars

Frábært tilboð verður fyrir alla handhafa bláa og rauða Menningarkortsins á Kjarvalsstöðum vikuna 25. – 31. mars. Tilboðið felur í sér að hver korthafi má taka með sér einn gest honum/henni að kostnaðarlausu.
> Sjá nánar

Tendrun Friðarsúlunnar í Viðey 20. – 27. Mars 2012

Friðarsúlan í Viðey verður tendruð á vorjafndægri, þriðjudaginn 20. mars og mun lýsa hvert kvöld til 27. mars. Með þessu móti viljum við fagna hækkandi sól og þeirri staðreynd að dagur er orðinn lengri en nótt.
> Sjá nánar

Erró gefur safninu tepotta í Hönnunarmars. Hafnarhús, fimmtudag 23. mars

Hönnunarmars er að ganga í garð, sem líklega hefur ekki farið fram hjá neinum, en Listasafn Reykjavíkur leitaði til Errós eftir hugmynd að þátttöku í verkefninu. Af miklu örlæti, sem listamaðurinn er kunnur fyrir, lagði hann til verkefnisins sjö tilkomumikla kínverska postulíns tepotta og tilkynnti samtímis að pottarnir væru gjöf til Listasafnsins.
> Sjá nánar

Gestaspjall um Tàpies - Ingibjörg Jónsdóttir og Kristinn Már Pálmason. Kjarvalsstaðir, sunnudag 25. mars kl. 15

Myndlistarmennirnir Ingibjörg Jónsdóttir og Kristinn Már Pálmason taka þátt í spjalli um sýningu katalónska listamannsins Antoni Tàpies og ræða eigin hughrif og sýn á verk Tàpies og þau áhrif sem verk hans hafa í list samtímans.
> Sjá nánar

Þátttökugjörningar - Claire Bishop. Umræðuþræðir í Hafnarhúsi, miðvikudag 21. mars kl. 20.

Breski listfræðingurinn og myndlistargagnrýnandinn Claire Bishop er annar gestur og þátttakandi í fyrirlestraröðinni og samstarfsverkefninu Umræðuþræðir. Fyrirlestur hennar fjallar um þátttökugjörninga með vísun í verk listamannsins Santiagos Sierras.
> Sjá nánar

Berjasulta - NorthArc slagverkstíóið. Jaðarber í Hafnarhúsi, sunnudag 18. mars. kl. 20.

Það er ekki á hverjum degi sem blásið er til slagverkstónleika hér á landi, en NorthArc slagverkstríóið er á debut tónleikaferðalagi um Skandinavíu um þessar mundir og mun hefja tónleikaferðalagið á Íslandi. Yfirskrift raðarinnar er Strike/Illuminate, en auk tónleikanna hér á landi mun tríóið koma fram á fimm tónleikum í Noregi, Danmörku og Svíþjóð.
> Sjá nánar

Tápies - Einn Fremsti listamaður 20. aldarinnar. Opnun, Kjarvalsstöðum laugardaginn 17. mars kl. 16.

Sýning á verkum Antonis Tàpies, eins fremsta málara og myndhöggvara samtímans, verður opnuð í Listasafni Reykjavíkur – Kjarvalsstöðum næstkomandi laugardag.
> Sjá nánar

Tákn og áferð: Snertismiðja fyrir fjölskyldur. Kjarvalsstaðir, 18 mars kl. 15

Á safni má yfirleitt ekki snerta neitt, síst af öllu listaverkin. Í snertismiðju fyrir fjölskyldur hefur verið sett upp eins konar snertisafn ólíkra áferða, sem tengjast bæði listaverkum Kjarvals, sem var meistari í mynstraðri áferð og spænska málarans Antonis Tàpies
> Sjá nánar

Hönnun í þróunarskyni. Hafnarhús, fimmtudag 15. mars kl. 17

Hönnuðurinn Giulio Vinaccia heldur fyrirlestur undir yfirskriftinni Hönnun í þróunarskyni - Frá félagslegu sjónarhorni í fyrirlestraröð Hönnunarmiðstöðvar Íslands, Listasafns Reykjavíkur og Listaháskóla Íslands.
> Sjá nánar

Nei! Málþing um róttækni og andóf. Hafnarhús, sunnudag 11. mars kl. 14-16.

Yfirgripsmikið málþing um róttækni og andóf í samtímanum verður haldið í Listasafni Reykjavíkur - Hafnarhúsi næstkomandi sunnudag í tengslum við hina umdeildu sýningu spænska listamannsins Santiagos Sierras.
> Sjá nánar

Sunnudaginn 4. mars verða sýningalok á Snøhetta - Arkitektúr, landslagshönnun, innanhússhönnun. Og Karen Agnete Þórarinsson Draumalandið mitt í norðri

Snøhetta - Arkitektúr, landslagshönnun, innanhússhönnun, sem enginn áhugamaður um arkitektúr ætti að láta framhjá sér fara. Samtímis lýkur sýningunni Draumlandið mitt í norðri - Karen Agnete Þórarinsson.
> Sjá nánar

Karen Agnete í Kílakoti. Kjarvalsstaðir, Sunnudag 4. mars kl. 15

Sagnfræðingurinn Sigurlaugur Ingólfsson tekur þátt í spjalli um sýninguna Draumlandið mitt í norðri – Karen Agnete Þórarinsson næstkomandi sunnudag á Kjarvalsstöðum. Áhersla verður lögð á að veita innsýn í þær aðstæður sem tóku á móti Karen Agnete er hún fluttist ásamt Sveini Þórarinsyni eiginmanni sínum frá háborgaralegum uppruna sínum í Danmörku til Íslands.
> Sjá nánar

Tectonics - Lokahóf í Listasafninu. Hafnarhús, laugardag 3. mars kl. 22:30

Lokahóf tónlistarhátíðar Sinfóníuhljómsveitar Íslands, Tectonics, verður haldið á laugardagskvöldið í Hafnarhúsinu í samstarfi við Listasafn Reykjavíkur. Hófið hefst kl. 22:30 þar sem aðalstjórnandi Sinfóníunnar og forsprakki hátíðarinnar Ilan Volkov leikur verk John Cage, Child of Tree og Ghostigital ásamt söngkonunni Ásgerði Júníusdóttur flytja Interdeterminacy eftir sama tónskáld.
> Sjá nánar

Óðinshrafninn

Hið tignarlega verk Ásmundar Sveinssonar, Óðinshrafninn, hefur nú verið steyptur í takmörkuðu upplagi og er nú fáanlegur í verslunum Listasafns Reykjavíkur í Hafnarhúsi, Ásmundarsafni og á Kjarvalsstöðum.
> Sjá nánar

Snøhetta - Gestaspjall með Hans Jóhannssyni. Kjarvalsstaðir, sunnudag 26. febrúar kl. 15

Fiðlusmiðurinn Hans Jóhannsson segir frá aðkomu sinni að verkefnum og hugmyndavinnu hjá norsku arkitektastofunni Snøhetta, en viðamikil yfirlitssýning stofunnar stendur nú yfir á Kjarvalsstöðum. Hans tók m.a. þátt í samvinnuverkefni með listamanninum Ólafi Elíassyni og arkitektinum Andreas Eggertsen (Snøhetta) sem fólst í því að hanna strokhljóðfæri fyrir 21. Öldina, en hljóðfærið var sýnt í Serpentine skálanum í London árið 2007.
> Sjá nánar

Stafræn frumsmíði með LornaLAB. Hafnarhús, laugardag 25. febrúar kl. 13-17

Önnur LornaLAB-smiðja þessa árs fer fram í Hafnarhúsinu, laugardaginn 25. febrúar kl. 13-17. Viðfangsefni smiðjunnar er að þessu sinni stafræn frumsmíði og fer hún fram undir handleiðslu Eriks Parr.
> Sjá nánar

Friðarsúlan lýsir í tilefni af afmæli Yoko Ono

Reykjavíkurborg hefur ákveðið að kveikja á Friðarsúlunni, Imagine Peace Tower, á afmælisdegi Yoko Ono, laugardaginn 18. febrúar nk. Jón Gnarr, borgarstjóri, fagnar því að ákveðið hafi verið að heiðra listakonuna á afmælisdaginn með þessu móti.
> Sjá nánar

Umsóknarfresti um starf verkefnastjóra fræðsludeildar Listasafns Reykjavíkur lýkur 15. febrúar.

Um er að ræða fullt starf og nauðsynlegt er að viðkomandi geti hafið störf 12. mars.
> Sjá nánar

Hvað gerum við fyrir og með hönnuðum?

Bjarnheiður Jóhannsdóttir og Guðmundur Óli Hilmisson kynna þjónustu Nýsköpunarmiðstöðvar Íslands og helstu styrki og stuðningsmöguleika í fyrirlestraröð Hönnunarmiðstöðvar, Listasafns Reykjavíkur og Listaháskóla Íslands. Sérstök áhersla verður lögð á Átak til atvinnusköpunar sem er styrkáætlun fyrir nýsköpunarverkefni og markaðsaðgerðir starfandi frumkvöðla- og nýsköpunarfyrirtækja.
> Sjá nánar

Nei!!! - Umræðusmiðja fyrir ungt fólk og aðra áhugasama. Hafnarhús, sunnudag 19. febrúar kl. 15.

Heimspekikennararnir Brynhildur Sigurðardóttir og Ingimar Ólafsson Waage leiða umræðusmiðju sem byggir á sýningu spænska listamannsins Santiago Sierra. Smiðjan er sérstaklega ætluð ungu fólki á aldrinum 16 ára og eldri, en öðrum áhugasömum er einnig velkomið að taka þátt.
> Sjá nánar

John Cage - Stórafmælistónleikar Jaðarbers. Kjarvalsstaðir, miðvikudag 15. feb. kl. 20

Í ár eru liðin 100 ár frá fæðingu tónskáldsins John Cage, en nánar tiltekið fæddist John Milton Cage Jr. 5. september árið 1912. Alls kyns tónleikar og viðburðir til að heiðra minningu John Cage verða haldnir á árinu víðsvegar um heiminn.
> Sjá nánar

Spjall um meistara Kjarval. Kjarvalsstaðir, sunnudag 12. febrúar kl. 15

Næstkomandi sunnudag mun myndlistarmaðurinn Einar Garibaldi Eiríksson taka þátt í spjalli um Kjarval en sýningin myndar einstakt yfirlit yfir feril eins ástsælasta listamálara íslensku þjóðarinnar.
> Sjá nánar

Safnanótt í Listasafni Reykjavíkur, 10 febrúar kl. 19-24. - Ungstirni, nikkur, prjónakaffi, ljósaævintýri og safnabeltið

Listasafn Reykjavíkur bíður upp á fjölbreytta dagskrá í öllum húsum á Safnanótt. Sýningar og viðburðir standa gestum opnar þeim að kostnaðarlausu en auk fjölbreyttra sýninga í öllum húsum verður Safnabeltið kynnt í fyrsta sinn en það er búið skemmtilegum verkfærum sem gerir safnaheimsókn fjölskyldufólks að nýrri upplifum og góðum leik.
> Sjá nánar

Listin meðal fólksins. Ásmundarsafn, sunnudag 5. febrúar kl. 14.

Næstkomandi sunnudag verður boðið upp á leiðsögn með áherslu á útilistaverk Ásmundar Sveinssonar og verk í opinberu rými. Kristín Dagmar Jóhannesdóttir, listfræðingur og verkefnastjóri dagskrár hjá Listasafni Reykjavíkur segir frá verkum Ásmundar og hugmyndum hans um mikilvægi þess að listin sé hluti af daglegu umhverfi fólks.
> Sjá nánar

List í almenningsrými - afmælismálþing myndhöggvarafélagsins. Hafnarhús, laugardag 4. febrúar kl. 13-16

Myndhöggvarafélag Reykjavíkur fagnar 40 ára afmæli í ágúst á þessu ári en af því tilefni efnir félagið, í samvinnu við Listasafn Reykjavíkur, til opins málþings í Listasafni Reykjavíkur
> Sjá nánar

Tímaflakk - Leiðsögn og smiðja fyrir 5 ára og eldri. Kjarvalsstaðir, sunnudag 29. janúar kl. 15.

Næstkomandi sunnudag verður boðið upp á skemmtilega smiðju, fyrir 5 ára og eldri þar sem flakkað verður um tímann með því að ganga um sýningarnar Draumlandið mitt í norðri - Karen Agnete Þórarinsson og Snøhettu - Arkitektúr, landslagshönnun, innanhússhönnun sem standa yfir í vestursal Kjarvalsstaða.
> Sjá nánar

Tónleikaboð í tilefni fæðingardags Mozarts. Kjarvalsstaðir, föstudag 27. Janúar kl. 18

Líkt og undanfarin ár verða tónleikar til heiðurs Mozarts haldnir á Kjarvalsstöðum á fæðingardegi hans 27. janúar. Tónleikarnir hefjast kl. 18 og á efnisskrá eru kvintett fyrir horn, fiðlu, tvær víólur og selló ásamt Divertimentói í D-Dúr KV 334 fyrir strengi og tvö horn.
> Sjá nánar

Forritun fyrir börn og fullorðna hjá LornaLAB. Hafnarhús, Laugardag 28. janúar kl. 13-17.

Fyrsta LornaLAB-smiðja þessa árs verður haldin laugardaginn 28. janúar kl. 13-17, undir handleiðslu Hannesar Högna Vilhjálmssonar, tölvunarfræðings og miðlunarlistavísindamanns. Smiðjan er ókeypis og öllum opin.
> Sjá nánar

Santiago Sierra í Bíó Paradís - Þriðjudag 24. janúar kl. 20.

Kvikmyndin NO, Global Tour eftir Spánverjann Santiago Sierra verður sýnd í Bíó Paradís þriðjudaginn 24. janúar í tengslum við sýningu á verkum listamannsins í Listasafni Reykjavíkur- Hafnarhúsi. Kvikmyndin var fyrst sýnd á kvikmyndahátíðinni í Berlín fyrir réttu ári síðan.
> Sjá nánar

Svarta Keilan - Gjörningur Santiago Sierra. Austurvöllur, föstudag 20. janúar kl. 13

Verkið Svarta keilan, minnisvarði um borgaralega óhlýðni samanstendur af 180 cm. háum steindranga og var komið fyrir á Austurvelli fyrir framan Alþingishúsið, föstudaginn 20. janúar. Gjörningurinn fólst í því að reka tæplega hálfs metra svarta stálkeilu í bjargið og framkalla þannig varanlega sprungu í það.
> Sjá nánar

No, Global Tour - Fimmtudagur 19. janúar 2011

Í dag er komið að lokadegi NO, Global Tour gjörnings Santiagos Sierras sem gert hefur það víðreist um höfuðborgina í því skyni að varpa ljósi á afstöðu listamannsins til hins kapítalíska markaðshagkerfis og stöðu borgaranna í kjölfar efnahagshrunsins.
> Sjá nánar

Umræðuþræðir í boði Bandaríska sendiráðsins. Eleanor Heartney byrjar í Hafnarhúsi, fimmtudag 26. jan. kl. 20

Bandaríska sendiráðið á Íslandi styrkir umfangsmikla fyrirlestraröð sem fram fer í Listasafni Reykjavíkur – Hafnarhúsi í vetur. Að samstarfinu koma auk Listasafnsins, Kynningarmiðstöð íslenskrar myndlistar og Listaháskóli Íslands.
> Sjá nánar

NO, Global Tour - Miðvikudagur 18. janúar

NO, Global Tour gjörningur Santiagos Sierra heldur áfram í dag og í dag heldur gjörningurinn áfram og er ferðinni heitið vítt og breitt um borgina.
> Sjá nánar

Santiago Sierra - sýningaropnun - gjörningur - bíó

Innreið hins pólitíska og umdeilda listamanns Santiagos Sierras í íslenskan veruleika hefur vakið gríðarlega eftirtekt og mikil viðbrögð, en sýning hans verður opnuð í Hafnarhúsi – Listasafni Reykjavíkur föstudagskvöldið 20. janúar.
> Sjá nánar

Sýningarstjóraspjall með Hrafnhildi Schram. Sunnudag 22. janúar kl. 15

Næstkomandi sunnudag mun sýningarstjórinn og listfræðingurinn Hrafnhildur Schram ræða við gesti um sýninguna Draumlandið mitt í norðri – Karen Agnete Þórarinsson, sem opnuð var á Kjarvalsstöðum liðna helgi.
> Sjá nánar

Dansinn dunar hjá Tríói Reykjavíkur. Kjarvalsstaðir, föstudag 20. janúar kl. 12:15

Tveir af liðsmönnum Tríós Reykjavíkur þau Guðný Guðmundsdóttir fiðluleikari og Peter Máté píanóleikari bjóða upp á kraftmikla og blóðheita tónleikadagskrá í hádegistónleikaröð Kjarvalsstaða, sem stendur öllum ókeypis.
> Sjá nánar

Draumaflakkari. Hafnarhús, fimmtudag 19. janúar kl. 20

Hönnuðurinn Katrín Ólína Pétursdóttir hefur lengi fengist við hugmyndina um drauminn í verkum sínum. Í fyrsta fyrirlestri ársins á vegum Hönnunarmiðstöðvar Íslands, Listasafns Reykjavíkur og Listaháskóla Íslands mun Katrín Ólína skýra frá verkum sínum út frá sjónarhóli draumaflakkarans.
> Sjá nánar

Erró plaköt til sölu í Hafnarhúsi

Í tilefni af sýningunni Erró - Plaköt hefur listamaðurinn ákveðið að selja valin eintök af plakötum sem hanga uppi á sýningunni.
> Sjá nánar

Karen Agnete & Snøhetta. Opnun á Kjarvalsstöðum, laugardag 14. janúar.

Málverk hinnar hljóðlátu listakonu, Karenar Agnete Þórarinsson og framúrskarandi hönnunarafrek norsku arkitektastofunnar Snøhettu prýða vestursal Kjarvalsstaða á tveimur aðskildum sýningum, sem verða opnaðar næstkomandi laugardag kl. 16.
> Sjá nánar

Málþing – Snøhetta og byggingarlist í samtímanum. Kjarvalsstaðir, Sunnudag 15. janúar kl. 15 - 17.

Málþing skipulagt í tengslum við sýninguna Snøhetta - Arkitektúr, landslagshönnun, innanhússhönnun á Listasafni Reykjavíkur - Kjarvalsstöðum.
> Sjá nánar

Vetrardagskrá Listasafns Reykjavíkur 2012

13 sýningar og tæplega 40 viðburðir munu líta dagsins ljós í Listasafni Reykjavíkur á næstu mánuðum. Má þar nefna Karen Agnete, Sierra, Tápiés, fyrirlestrarröðina umræðuþræðir, safnabeltið, fjölskylduviðburði, tónleika, gjörninga Santiago Sierra o.fl.
> Sjá nánar

Erró - Spunateiknismiðja og fjölskylduleiðsögn. Hafnarhús, Sunnudag 8. janúar kl. 15.

Hugrún Þorsteinsdóttir, safnakennari leiðir skapandi teiknismiðju og leiðsögn sem sérstaklega er sniðin fyrir börn á aldrinum 5 - 10 ára, en foreldrar eru hvattir til að taka virkan þátt.
> Sjá nánar

Áramótagleði Elektru. Kjarvalsstaðir, föstudag 30. desember. kl. 20

Elektra Ensemble býður upp á sína árlegu flugeldasýningu í tali og tónum á Kjarvalsstöðum. Efnisskrá tónleikanna, sem verða með léttu yfirbragði, er sett saman til að fagna áramótunum en þar bregður fyrir hinum ýmsu dansformum.
> Sjá nánar

Ragna Sigurðardóttir í gestaspjalli. Kjarvalsstaðir, sunnudag 18. desember kl. 15.

Ragna Sigurðardóttir myndlistargagnrýnandi og rithöfundur tekur þátt í spjalli um sýningu Daða Guðbjörnssonar Á slóðum Ódysseifs, en hún skrifar texta um verk og feril Daða í bók sem kom út samhliða sýningunni.
> Sjá nánar

Teikningin í alþjóðlegu samhengi. Hafnarhús, fimmtudag 15. desember kl. 20.

Jan-Philipp Fruehsorge, listfræðingur og galleríisti, býr yfir yfirgripsmikilli þekkingu á sviði teikningarinnar sem listmiðli. Í tengslum við sýninguna Hraðari og hægari línur mun hann ásamt sýningarstjóranum Birtu Guðjónsdóttur fjalla um teikninguna í samtímamyndlist í alþjóðlegu og listsögulegu samhengi.
> Sjá nánar

Ný og glæsileg Listaverka og jólakort komin í takmörkuðu upplagi.

Glæsileg viðbót er komin við útgáfu Listaverkakorta Listasafns Reykjavíkur. Kortin fást í öllum húsum Listasafns Reykjavíkur og eru sum kortanna tilvalin jólakort. Um er að ræða ljósmyndir af verkum eftir Erró, Ásmund Sveinsson, Daða Guðbjörnsson, Ísleif Konráðsson, Krístínu Jónsdóttur, Stórval ofl.
> Sjá nánar

Eiríkur Þorláksson Spjallar um sýninguna Frá Hugmynd að höggmynd. Ásmundarsafn, sunnudag 11. desember kl. 14.

Næstkomandi sunnudag mun Eiríkur Þorláksson, sýningarstjóri og fyrrum forstöðumaður Listasafns Reykjavíkur leiða gesti um sýninguna Frá hugmynd að höggmynd - Teikningar Ásmundar Sveinssonar, sem stendur yfir í Ásmundarsafni Listasafns Reykjavíkur.
> Sjá nánar

Listamannsspjall - Björk Viggósdóttir. Hafnarhús, fimmtudag 8. desember kl. 18.

Fimmtudaginn 8. desember kl. 18, ræðir 
Björk Viggósdóttir við gesti um sýninguna Flugdrekar sem stendur nú yfir í Hafnarhúsi Listasafns Reykjavíkur en Björk er tuttugasti og annar listamaðurinn sem tekur þátt í sýningarverkefni D-salarins í Hafnarhúsinu.
> Sjá nánar

Opnunartími um jól og áramót 2011

Hafnarhús - Ásmundarsafn - Kjarvalsstaðir
> Sjá nánar

Hreyfingar Flugdreka, Dansgjörningur í D22. Hafnarhús, föstudag 2. des. kl. 16.

Sigríður Soffía Níelsdóttir sýnir dansgjörninginn Hreyfingar flugdreka í D- sal Hafnarhússins en viðburðurinn er hluti af sýningu Bjarkar Viggósdóttur, Flugdrekar. Sigríður samdi dansinn sérstaklega fyrir sýninguna, en verkið fjallar um höft og strengi með tilvísunum í bardagalistina.
> Sjá nánar

Kvennó-nemendur með leiðsögn um Kjarval. Kjarvalsstaðir, laugardag 3. desember kl. 15

Upprennandi sýningarstjórar og listfræðingar taka þátt í spjalli um sýninguna Kjarval snertir mig: ungt fólk kynnist Kjarval, á Kjarvalsstöðum næstkomandi laugardag.
> Sjá nánar

Friður og fjölmenning í Viðey. Laugardag 3. desember kl. 14

Skapandi smiðja og notaleg samverustund fyrir börn og fullorðna verður haldin í Viðeyjarstofu mánudaginn 3. desember frá kl. 14:00 í tengslum við friðarsúlu Yoko Ono og orðunum HUGSA SÉR FRIÐ sem áletruð eru á 24 tungumálum á súluna sjálfa.
> Sjá nánar

Tígrisdýrasmjör með Kristínu Ómarsdóttur. Hafnarhús, Sunnudag 4. desember kl. 15.

Næstkomandi sunnudag mun rithöfundurinn Kristín Ómarsdóttir reifa hugleiðingar sínar, sem kviknuðu út frá sýningu Óskar Vilhjálmsdóttur Tígrisdýrasmjör, sem nú stendur yfir í A-sal Hafnarhússins.
> Sjá nánar

Uppáhaldslög Garðars og Roberts. Kjarvalsstaðir 1. og 2. desember kl. 12:15

Rúdolf með rauða nefið, Tondeleyó, söngperlur Sigfúsar Halldórssonar og Gunna Þórðar og valinkunnir negrasálmar eru hluti af uppáhaldslögum Garðars Cortes og píanóleikarans Roberts Sund og þeim ætla þeir að deila með áheyrendum í hádeginu næstkomandi fimmtudag og föstudag á Kjarvalsstöðum.
> Sjá nánar

Frosin ber - Ókeypis. Kjarvalsstaðir, miðvikudaginn 30. nóv. kl. 20.

Á frosnum berjum beinir tónlistarhópurinn Jaðarber sjónum að norrænni tónlist með tilraunakenndri framsetningu. Flest verkanna snúast um einhvers konar konsept eða ótónlistarlegar hugmyndir, en bylgja slíkra verka kom fram á sjónarmiðið meðal tónskálda á Norðurlöndum sem fæddir eru á áttunda áratug síðustu aldar.
> Sjá nánar

Ódysseifskviða í máli og myndum. Kjarvalsstaðir, sunnudag 27. nóv. kl. 15.

Hin langa og viðburðarríka ferð Ódysseifs varð málaranum Daða Guðbjörnssyni innblástur í sýningu sem hann opnaði á Kjarvalsstöðum síðastliðinn laugardag. Næstkomandi sunnudag mun Daði kynna sýninguna fyrir gestum, en áður en leiðsögn hans hefst mun Geir Þórarinn Þórarinsson, stundakennari í klassískum fræðum við Háskóla Íslands fræða gesti stuttlega um innihald Ódysseifskviðu eftir forngríska skáldið Hómer
> Sjá nánar

Nemendur Kvennó með leiðsögn um Kjarval. Laugardag 26. nóvember kl. 15

Upprennandi sýningarstjórar og listfræðingar taka þátt í spjalli um sýninguna Kjarval snertir mig: ungt fólk kynnist Kjarval, sem opnuð var á Kjarvalsstöðum á laugardaginn. Þetta eru Kvennaskólanemarnir Helga Lára Halldórsdóttir, Hjördís Lind Sandholt, Jenný Jónsdóttir, Karólína Klara Geirsdóttir, Valdís Jörgensdóttir og Þórhildur Sigurðardóttir.
> Sjá nánar

LornaLAB, Hljóðfærasmíði, föndurtími og kaffispjall. Hafnarhús, laugardag 26. nóv. kl. 13-17

Tónskáldin Áki Ásgeirsson, Magnús Jensson og Jesper Pedersen leiða seinni hljóðfærasmiðju LornaLAB í Hafnarhúsinu næstkomandi laugardag. Hljóðfærasmiðjan hefst klukkan 13:00 með kynningum og síðan tekur við föndurtími og kaffispjall.
> Sjá nánar

Björk Viggósdóttir opnar sýninguna Flugdrekar í Hafnarhúsi fimmtudaginn 24. nóv

Fimmtudaginn 24. nóvember kl. 17 opnar Björk Viggósdóttir sýninguna Flugdrekar í D-sal Hafnarhússins.
> Sjá nánar

Nýtt og spennandi kaffihús opnaði á Kjarvalsstöðum

Fimmtudaginn 17. nóvember opnaði nýtt og spennandi kaffihús á Kjarvalsstöðum eftir nokkrar breytingar. Matreiðslumaðurinn Ari Heimisson slær nýjan tón í fjölbreyttu úrvali á hollusturéttum í bland við ljúffengt kaffibrauð á verði við allra hæfi.
> Sjá nánar

Kjarvalsstaðir, 2 sýningar opnaðar, laugardag 19. nóvember kl. 16.

Litrík og ærslafull málverk Daða Guðbjörnssonar (1954) hafa notið mikillar lýðhylli og eru vel þekkt meðal almennings. Skrautið og flúrið í verkum sínum segir Daði að rekja megi til einhverskonar barokkstíls, en allt frá upphafi níunda áratugarins hefur Daði verið ötull við sýningarhald. Við sama tækifæri verður opnuð í Kjarvalssalnum nýstárleg Kjarvalssýning sem Listasafn Reykjavíkur hefur haft frumkvæði að í samstarfi við nemendur í Kvennaskólanum í Reykjavík.
> Sjá nánar

Holle Rasse hía - Afvegaleiðsagnir. Kjarvalsstaðir, 21, 23. OG 25. nóv. kl. 12:10 – 12:30

Í tilefni 20 ára starfsafmælis fræðsludeildar Listasafns Reykjavíkur verður boðið upp á 20 mínútna afvegaleiðsagnir á Kjarvalsstöðum í hádeginu mánudaginn 21. nóvember, miðvikudaginn 23. nóvember og föstudaginn 25. nóvember, frá kl. 12:10 - 12:30. Leiðsögumenn eru myndlistarmennirnir Anna Hrund Másdóttir, Ingibjörg Sigurjónsdóttir og Þórgunnur Oddsdóttir.
> Sjá nánar

Safnfræðsla 20/20. Kjarvalsstaðir, sunnudag 20. nóv kl. 14-16:30

Fræðsluhlutverk safna er afar mikilvægt og í því felst áskorun um að koma til móts við ólíkar þarfir safngesta. Fræðslufólk safna ber hag almennings fyrir brjósti og reynir að gera viðfangsefni safnanna aðgengileg öllum. Listasafn Reykjavíkur hefur sinnt menntunarhlutverki sínu í rúm 20 ár og af því tilefni er efnt til málþingsins 20/20.
> Sjá nánar

Reynslunni ríkari: Fyrirlestraröð Hönnunarmiðstöðvar, Listasafns Reykjavíkur og Listaháskóla Íslands

Hönnunarsjóður Auroru ásamt nokkrum styrkþegum sjóðsins miðla af reynslu sinni á tímamótum í starfsemi sjóðsins í Fyrirlestraröð Hönnunarmiðstöðvar, Listasafns Reykjavíkur og Listaháskóla Íslands, fimmtudaginn 17. nóvember kl. 20 í Hafnarhúsi.
> Sjá nánar

Tvenn verðlaun afhent í Teiknisamkeppni

Tveir drátthagir einstaklingar hlutu vegleg verðlaun frá Listasafni Reykjavíkur þegar sýning á úrvali verka úr teiknisamkeppni sem safnið stóð fyrir var opnuð í Hafnarhúsinu.
> Sjá nánar

Gestaspjall Helga Þorgils og Ingólfs Arnarsonar. Hafnarhús, sunnudag 13. nóvember kl. 15

Myndlistarmennirnir Helgi Þorgils Friðjónsson og Ingólfur Arnarson taka þátt í leiðsögn um sýninguna Hraðari og hægari línur næstkomandi sunnudag. Á sýningunni má skoða hið víðfeðma fyrirbæri teikninguna í gegnum valin tví- og þrívíð verk yfir sextíu íslenskra og erlendra myndlistarmanna.
> Sjá nánar

Vinninghafar í teiknisamkeppni kynntir á sýningu. Hafnarhús, laugardag 12. nóvember kl. 14.

Hvorki fleiri né færri en 114 teikningar bárust í teiknisamkeppni sem Listasafn Reykjavíkur efndi til á haustmánuðum í tilefni af þeim fjölbreytilegu sýningum sem nú standa þar yfir með áherslu á teikniformið.
> Sjá nánar

Hrífandi hádegistónleikar - Aðgangur ókeypis. Kjarvalsstöðum, föstudag 11. nóvember kl. 12:15.

Á tónleikunum flytja Guðný Guðmundsdóttir fiðluleikari og Gunnar Kvaran sellóleikari dúett eftir Hoffmeister og nokkur einleiksverk fyrir selló og fiðlu. Aðgangur er ókeypis og tekur flutningur verkanna um 40 mínútur í heild sinni.
> Sjá nánar

Teikn á lofti. Hafnarhús, sunnudag 6. nóvember kl. 15

Er teikning birting hreinnar tjáningar á blaði? Er hún háð efni miðilsins? Eða athöfninni? Gengið verður um sýningar Hafnarhússins með það að marki að kanna ólík form teikningar í samtímanum en einnig verður vísað í hugmyndir sem birst hafa á alþjóðlegum yfirlitssýningum um teikninguna víða um heim. Leiðsögnina annast Kristín Dagmar Jóhannesdóttir, listfræðingur og verkefnastjóri dagskrár Listasafns Reykjavíkur.
> Sjá nánar

Sérvizka Kjarvals. Kjarvalsstaðir, laugardag 5. nóvember kl. 15

Næstkomandi laugardag verður boðið upp á lifandi viðburð með leikrænum tilburðum í tengslum við sögusmiðjuna Sérvizka Kjarvals sem myndlistarmaðurinn Huginn Þór Arason leiðir með aðstoð Klöru Þórhallsdóttur fulltrúa fræðsludeildar. Huginn kemur fram með hluti, myndefni og sögur tengda smiðjunni og veltir fyrir sér á lifandi og myndrænan hátt hvort uppátæki og hversdagslegar athafnir Jóhannesar Kjarvals hafi í raun verið gjörningar.
> Sjá nánar

Menningarkort Reykjavíkur - Vinningshafar

Þrír heppnir menningarkortshafar fengu glæsileg verðlaun þegar dregið var af handahófi þann 22. október í þættinum Bergsson og Blöndal sem útvarpað er á Rás 2. Allir þeir sem hafa keypt sér Menningarkort á þessu ári fóru í lukkupottinn en alls er búið að selja 7.800 kort og er því um að ræða þrjá mjög heppna einstaklinga.
> Sjá nánar

Elektra og Sigríður Ósk. Kjarvalsstaðir, sunnudag 30. október kl. 20.

Elektra og gestir er yfirskrift tónleikaraðar Elektra Ensemble á starfsárinu 2011 – 2012, en þetta er þriðja samstarfsstarfsár hópsins og Listasafns Reykjavíkur. Óhætt er að segja að dagsskráin hafi aldrei verið metnaðarfyllri en núna því hópurinn mun standa fyrir fernum tónleikum, taka á móti þremur gestatónlistarmönnum og frumflytja sjö íslensk tónverk. Fyrsti gesturinn til að stíga á stokk með Elektra Ensemble er mezzósópransöngkonan Sigríður Ósk Kristjánsdóttir.
> Sjá nánar

Nýjar raddir í bókmenntum & tónlistargjörningur. Kjarvalsstaðir, sunnudag 30. október kl. 15.

Dr. Dagný Kristjánsdóttir, prófessor í íslenskum nútímabókmenntum við Háskóla Íslands verður í gestaspjalli hjá sýningarstjóranum Jóni Proppé á Kjarvalsstöðum næstkomandi sunnudag. Í framhaldi af gestaspjallinu munu Tinna Þorsteinsdóttir og Fengjastrútur flytja verk eftir Pauline Oliveros og John Cage í tengslum við tónleikaröðina Jaðarber.
> Sjá nánar

Hljóðfærasmíði með LornaLAB. Hafnarhús, laugardag 29. október kl. 13-17

Myndlistarmaðurinn Halldór Úlfarsson leiðir LornaLAB smiðju laugardagsins í Hafnarhúsinu en þar er athygli beint að hljóðfærasmíði. Smiðjan verður með því sniðinu að fjórir hljóðfærasmiðir kynna sjálfa sig stuttlega og fjalla um tilteknar lausnir sem þeir nýta sér í starfi sínu. Viðburðurinn er ókeypis og öllum opinn.
> Sjá nánar

Musica Nova endurvakin. Kjarvalsstaðir, miðvikudag 26. október kl. 20

Tónlistarhópurinn Jaðarber endurvekur mörg af eftirminnilegustu verkum sem kennd voru við tónlistarhópinn Musica Nova á ókeypis tónleikum sem haldnir verða á Kjarvalsstöðum næstkomandi miðvikudag.
> Sjá nánar

Vigdís Finnbogadóttir og Erlingur Gíslason í gestaspjalli. Kjarvalsstaðir, sunnudag 23. október kl. 15.

Á sunnudaginn munu Vigdís og Erlingur vera í gestaspjalli um tilraunaleikhús og framúrstefnu á sjöunda áratugnum, en viðburðurinn er haldinn í tengslum við sýninguna Ný list verður til, þar sem ljósi er varpað á tímabil mikilla umbrota í öllu menningar- og listalífi landsins, með áherslu á myndlist. Það er sýningarstjórinn Jón Proppé sem mun leiða spjallið.
> Sjá nánar

Hönnun spönnun - Hvað er málið með hönnun? Hafnarhús, fimmtudag 20. október kl. 20.

Hildigunnur Sverrisdóttir arkitekt mun velta fyrir sér stöðu hönnunar og hönnuða, erindi hönnunar og innri verkfæra til að koma erindum sínum á framfæri á sameiginlegum fyrirlestri Hönnunarmiðstöðvar Íslands, Listasafns Reykjavíkur og Listaháskólans fimmtudagskvöldið 20. október kl. 20. Aðgangur ókeypis.
> Sjá nánar

Listrænn rannsóknarleiðangur og fjölskylduleiðsögn. Ásmundarsafn, sunnudag 16. okt kl. 14.

Farið verður í listrænan rannsóknarleiðangur um sýningarnar Frá hugmynd að höggmynd - Teikningar Ásmundar Sveinssonar og Magnús Árnason - Homage sem eru í Ásmundarsafni núna. Leiðangurinn hentar krökkum á aldrinum 6-9 ára í fylgd með fullorðnum.
> Sjá nánar

Norræn samtímalist leggur undir sig sýningarstaðina á Listahátíð í Reykjavík 2012

Listahátíð í Reykjavík í samstarfi við Listasafn Íslands, Listasafn Reykjavíkur, Nýlistasafnið, Norræna húsið og Kynningarmiðstöð íslenskrar myndlistar undirbýr nú umfangsmikið myndlistarverkefni fyrir Listahátíð 2012. Verkefnið hefur hlotið styrk úr norræna sjóðnum Kultur Kontakt Nord og hefur ráðið til sín sýningarstjórann Jonatan Habib Engqvist sem mun stýra verkefninu ásamt verkefnisstjóra, Kristínu Scheving.
> Sjá nánar

Dagskrá Iceland Airwaves í Listasafni Reykjavíkur - Hafnarhúsi

Fjölbreytt dagskrá verður í boði í Listasafni Reykjavíkur á Airwaves frá fimmtudegi til laugardags. Meðal hljómsveita sem koma fram eru bandaríska hljómsveitin Beach House, ásamt GusGus, Ham ofl.
> Sjá nánar

Skapaðu þinn heim - Afhending Kærleikskúlunnar 2011

Kærleikskúlan 2011 var afhjúpuð við hátíðlega athöfn í Listasafni Reykjavíkur þriðjudaginn 11. október. Að þessu sinni var það Yoko Ono sem lagði fötluðum börnum og ungmennum mikilvægt lið með list sinni. Kúlan ber nafnið SKAPAÐU ÞINN HEIM (DRAW YOUR OWN MAP).
> Sjá nánar

Yoko Ono býður gestum til Viðeyjar. Sunnudag 9. október.

Í tilefni af tendrun Friðarsúlunnar býður Yoko Ono gestum í fría kvöldsiglingu til Viðeyjar sunnudagskvöldið 9. október.
> Sjá nánar

Tónlist sjöunda áratugarins - gestaspjall og gjörningur. Kjarvalsstaðir, sunnudag 9. október, kl. 15.

Næstkomandi sunnudag munu sýningarstjórinn Jón Proppé og Bjarki Sveinbjörnsson forstöðumaður Tónlistarsafns Íslands ræða um ólíkar tilraunir sem tónlistarmenn voru að fást við á sjöunda áratugnum. Viðburðurinn er í tengslum við sýninguna Ný list verður til, en þar er ljósi varpað á tímabil mikilla umbrota í öllu menningar- og listalífi landsins, með áherslu á myndlist.
> Sjá nánar

Tígrisdýrasmjör - Listamannsspjall. Hafnarhús, fimmtudag 6. október kl. 20

Ósk Vilhjálmsdóttir ræðir við gesti um innsetningu sína Tígrisdýrasmjör sem nú stendur yfir í A-sal Hafnarhússins. Með henni í för verður Hlynur Helgason, myndlistarmaður og heimspekingur, en hann skrifar um verk Óskar í bók sem kemur út á næstunni.
> Sjá nánar

Tónlistarhátíðin Sláturtíð 2011

Samtök listrænt ágengra tónsmiða umhverfis Reykjavík standa fyrir Sláturtíð í þriðja sinn dagana 28. september - 3. október næstkomandi. Alls eru 7 atburðir á hátíðinni, flestir þeirra í samstarfi við Listasafn Reykjavíkur og tónleikaseríuna Jaðarber sem er hýst í Hafnarhúsinu.
> Sjá nánar

Loðmar fer með loðnar sögur - Sögusmiðja fyrir fjölskyldur. Kjarvalsstaðir, sunnudag 2. okt. kl. 14

Loðmar fer með nokkrar loðnar sögur næstkomandi sunnudag í sögusmiðju fyrir alla fjölskylduna. Loðmar er nokkuð sérstakur náungi sem býr á opnu eitt í samnefndri bók. Hingað til hefur hann ekki hætt sér yfir á næstu opnur en honum vex ásmegin þegar lesandi opnar bókina og er til í að kanna hana með honum.
> Sjá nánar

Hraðari og hægari línur - Sýningarstjóri og safnari. Hafnarhús, sunnudag 25. september kl. 15.

Sýningarstjórinn Birta Guðjónsdóttir leiðir gesti um nýlega opnaða sýningu Hafnarhússins, Hraðari og hægari línur, en með henni í för verður listaverkasafnarinn og eigandi verkanna á sýningunni Pétur Arason.
> Sjá nánar

Lífræn rafeindatækni í hönnun. Hafnarhús, fimmtudag 22. september kl. 20

Mareike Gast iðnhönnuður mun fjalla um möguleika lífrænnar rafeindatækni í fyrirlestraröð Hönnunarmiðstöðvar Íslands, Listasafns Reykjavíkur og Listaháskóla Íslands fimmtudaginn 22. september í Hafnarhúsinu.
> Sjá nánar

LornaLAB: Rafræn og gagnvirk list. Hafnarhús, laugardag 24. september kl. 13-17

Önnur smiðja í seríu LornaLAB sem unnin er í samstarfi við Listasafn Reykjavíkur, verður laugardaginn 24. september kl. 13 - 17. Smiðjan verður undir handleiðslu Sigrúnar Harðardóttur myndlistamanns og Jesper Petersen, tónskálds. Bæði eru þau kennarar við Listaháskóla Íslands.
> Sjá nánar

Tígrisdýrasmjör, Teikningar og Tilraunir. Hafnarhús 22. september kl. 17

Þrjár nýjar sýningar verða opnaðar í Hafnarhúsi fimmtudaginn 22. september. Á sýningunni Hraðari og hægari línur bregður sýningarstjórinn Birta Guðjónsdóttir ljósi á úrval teikninga úr listasafni Péturs Arasonar og Rögnu Róbertsdóttur. Í A-sal hefur myndlistarmaðurinn Ósk Vilhjálmsdóttir unnið verk sem leitast við að tengja safnið almenningsrými borgarinnar og efnir til þjóðfélagslegrar umræðu innan veggja safnsins. í D-sal opnar Hildigunnur Birgisdóttir innsetningu sína.
> Sjá nánar

Teiknisamkeppni Listasafns Reykjavíkur

Listasafn Reykjavíkur efnir til teiknisamkeppni þar sem grunnskólanemum í 7. bekk og á unglingastigi (8.-10. bekkur) um land allt og almenningi 16 ára og eldri er boðið að taka þátt.
> Sjá nánar

Kennslupakki Listasafns Reykjavíkur aðgengilegur öllum á vefsíðu safnsins

Með útgáfu kennslupakka er markmið fræðsludeildar Listasafns Reykjavíkur að koma til móts við kennara og aðstoða við undirbúning og eftirfylgni safnheimsóknar. Tilgangur pakkans er að gera safneign aðgengilegri og safnheimsóknir markvissari.
> Sjá nánar

Ný List og Jaðarber - Kjarvalsstaðir, sunnudag 18. september kl. 15

Sýningarstjórinn Jón Proppé ræðir við gesti um sýninguna Ný list verður til. Á sýningunni kannar hann listsköpun og andrúmsloftið í listaheiminum um miðjan sjöunda áratug síðustu aldar, þegar ný list var að verða til. Í kjölfarið verður fluttur fyrsti tónlistargjörningur af fjórum í tengslum við tónleikaröðina Jaðarber. Þar verður flutt tónlist frá tímabilinu 1960-´70 sem einkenndist af mikilli tilraunamennsku
> Sjá nánar

Tríó Reykjavíkur - ókeypis hádegistónleikar. Kjarvalsstaðir, föstudag 16. september kl. 12.15

Á föstudaginn mun C-dúr tríó Brahms (1833-1897) fyrir píanó fiðlu og selló, opus 87 hljóma í heild sinni en flutningur þess tekur rúman hálftíma. Tríóið var frumflutt í Frankfurt árið 1882 og er númer tvö í röðinni af fjórum píanótríóum sem Brahms samdi. Kaflarnir eru fjórir: Allegro, Andante con moto, Scherzo - Presto og Finale - Allegro giocoso. Tríó Reykjavíkur er skipað Guðnýju Guðmundsdóttur fiðluleikara, Gunnari Kvaran sellóleikara og Peter Máté píanóleikara.
> Sjá nánar

Landsbankinn afhendir Listasafni Reykjavíkur flygil að gjöf

Landsbankinn hefur gefið Listasafni Reykjavíkur flygil að gjöf og var hann afhentur safninu í dag, skömmu áður en fyrsti opinberi flutningur á hljóðfærið fór fram. Flygillinn er af tegundinni Petrof og hefur verið til húsa í útibúi Landsbankans á Laugavegi 77 í allmörg ár.
> Sjá nánar

Listasafnið, Reykjavik Dance festival og Jaðarber. Hafnarhús, fimmtudag 8. og laugardag 10. september

Listasafn Reykjavíkur leggur áherslu á að taka virkan þátt metnaðarfullum verkefnum sem reka á fjörur þess, á sviði tónlistar, dans, kvikmynda og annarra listgreina. Ein af þeim hátíðum sem Listasafnið hefur endurnýjað samstarf sitt við ár eftir ár er hin glæsilega danshátíð Reykjavik Dance Festival, en sýningar hátíðarinnar fara fram í Hafnarhúsinu fimmtudaginn 8. og laugardaginn 10. september.
> Sjá nánar

Homage Listamannaspjall - Ásmundarsafn, Sunnudag 11. september kl. 15

Hin athyglisverða innsetning eða tilraun sem listamaðurinn Magnús Árnason kom fyrir í Kúlu Ásmundarsafns fyrr á þessu ári er farin að bera ávöxt. Innsetning Magnúsar er endurgerð af tilraun Pasteurs, sem átti mikilvægan þátt í afsönnun sjálfskviknunar lífs og var þekktur fyrir einfaldar en áhrifamiklar tilraunir.
> Sjá nánar

Katrin Sigurdardottir at the Met : Katrín Sigurðardóttir og Anne L. Strauss. Hafnarhús, fimmtudag 8. september kl. 20.

Katrín Sigurðardóttir, myndlistarmaður og Anne L. Strauss, sýningarstjóri við Metropolitan safnið í New York ræða um sýninguna Katrin Sigurdardottir at the Met, sem sett var upp á Metropolitan safninu í New York á síðasta ári.
> Sjá nánar

Þórdís Aðalsteinsdóttir hlýtur styrk úr Listasjóði Guðmundu S. Kristinsdóttur

Laugardaginn 3. september, veitti listamaðurinn Erró Þórdísi Aðalsteinsdóttur verðlaunafé og viðurkenningu úr Listasjóði Guðmundu S. Kristinsdóttur, fyrir framlag hennar á sviði myndlistar. Afhendingin fór fram við opnun á sýningum Errós og Attersee í Hafnarhúsinu.
> Sjá nánar

15 sýningar og 50 viðburðir til áramóta - Vetrarstarfið hafið hjá Listasafni Reykjavíkur

Listasafn Reykjavíkur hefur kynnt vetrarstarfið sitt með glæsilegum sýningar- og viðburðabæklingi, sem gildir fram að áramótum. Fimmtán sýningar verða í boði frá 1. september og fram að áramótum, auk þess sem safnið stendur fyrir hátt í fimmtíu viðburðum eitt og sér eða í samstarfi við aðra.
> Sjá nánar

Krítík og kenningarsmíð - Málþing. Hafnarhús, sunnudag 4. september kl. 15

Fyrr á þessu ári var hrint af stað rannsóknarverkefni til að safna og greina skrif fræðimanna og listamanna um íslenska myndlist. Í sumar hafa sex háskólanemar unnið að rannsókninni og á málþinginu munu þeir, ásamt umsjónarmönnum rannsóknarinnar, kynna verkefnið í örstuttum erindum, árangur vinnunnar í sumar og framtíðaráform um úrvinnslu þess.
> Sjá nánar

Erró – Teikningar: Fjölskylduleiðsögn og teiknileikur. Hafnarhús, sunnudag 4. september kl. 14

Sunnudaginn 4. september kl. 14 verður boðið upp á leiðsögn um sýninguna Erró - Teikningar. Leiðsögnin er sérstaklega sniðin fyrir börn á aldrinum 6 - 12 ára en foreldrar eru einnig hvattir til að taka þátt. Að lokum fá börn og fullorðnir að spreyta sig í teikningu í skemmtilegan teiknileik sem reynir á ímyndunaraflið.
> Sjá nánar

Myndbönd frá myndlistarþingi 2010

Þann 19. apríl 2010 var áratugur liðinn frá því að Listasafn Reykjavíkur var opnað í Hafnarhúsinu. Af því tilefni var efnt til myndlistarþings með þátttöku á annað hundrað aðila. Hægt er að nálgast myndbönd frá þinginu hér.
> Sjá nánar

Sýningarstjóraspjall - Sjónarmið. Hafnarhús, sunnudag 28. ágúst kl. 15.

Tveir af átta sýningarstjórum sýningarinnar Sjónarmið – Á mótum myndlistar og heimspeki, þau Aðalheiður L. Guðmundsdóttir og Hafþór Yngvason ganga um sýninguna og gefa gestum innsýn í hin margbreytilegu verk sem þar er að finna, sunnudaginn 28. ágúst kl. 15.
> Sjá nánar

Mótun daglegs lífs - Sarah Wigglesworth. Hafnarhús, þriðjudag 30. ágúst kl. 20

Sarah Wigglesworth arkitekt mun fjalla um manngert umhverfi fyrir viðburði daglegs lífs í Fyrirlestraröð Hönnunarmiðstöðvar, Listasafns Reykjavíkur og Listaháskólans, þriðjudaginn 30. ágúst í Hafnarhúsi Listasafns Reykjavíkur.
> Sjá nánar

Listræn forritun - LornaLAB. Hafnarhús, laugardag 27. ágúst kl. 13-17

Fyrsta samstarfsverkefni LornaLAB og Listasafns Reykjavíkur á þessari önn verður laugardaginn 27. ágúst kl. 13-17. Smiðjan verður undir handleiðslu Hannesar Högna Vilhjálmssonar, forritara og vísindamanns við Háskólann í Reykjavík, sem kynnir þar forritunarmálið Processing.
> Sjá nánar

Frá hugmynd að höggmynd - Eiríkur Þorláksson. Ásmundarsafn, sunnudag, 21. ágúst kl 15

Eiríkur Þorláksson, listfræðingur og fyrrum forstöðumaður Listasafns Reykjavíkur leiðir gesti um sýninguna Frá hugmynd að höggmynd - Teikningar Ásmundar Sveinssonar, sem stendur yfir í Ásmundarsafni Listasafns Reykjavíkur, sunnudaginn 21. ágúst kl. 15.
> Sjá nánar

Dagskrá Listasafns Reykjavíkur á Menningarnótt. Laugardag, 20. ágúst.

Listasafn Reykjavíkur býður borgarbúum og gestum upp á fjölbreytta dagskrá í Hafnarhúsi, á Kjarvalsstöðum og á Ásmundarsafni á Menningarnótt laugardaginn 20. ágúst.
> Sjá nánar

Þær vildu ekki láta kenna í brjósti um sig. Vatnsberinn, fimmtudag kl. 20.

Á afmælisdegi Reykjavíkurborgar, fimmtudaginn 18. ágúst kl. 20, gengst Listasafn Reykjavíkur fyrir sérstakri athöfn og leiðsögn í tilefni af flutningi Vatnsberans í Lækjargötu.
> Sjá nánar

Safnfræðsla 20/20: Skapandi nám á safni. Hafnarhús, fimmtudag 18. ágúst kl. 17.

Listasafn Reykjavíkur gengst fyrir kynningu á fræðslumöguleikum sem í boði eru fyrir öll skólastig og almenning í vetur um leið og helstu sýningum safnsins og dagskrá framundan verður gerð skil.
> Sjá nánar

Málþing - Önnur Sjónarmið. Hafnarhús, helgina 13. - 14. ágúst.

Rithöfundurinn og fyrrum safnstjóri Palais de Tokyo í París, Nicolas Bourriaud, verður sérstakur gestur Listasafns Reykjavíkur á málþingi sem haldið verður helgina 13. – 14. ágúst í tengslum við sýninguna Sjónarmið – Á mótum myndlistar og heimspeki, sem nú stendur yfir í Hafnarhúsinu.
> Sjá nánar

"Þessi ör fíni halli" Kvöldganga um Laugaveg og nágrenni. Grófin, fimmtudag, 11. ágúst kl. 20.

Minjasafn Reykjavíkur, Ljósmyndasafn Reykjavíkur, Borgarbókasafn og Listasafn Reykjavíkur standa fyrir sameiginlegri kvöldgöngu um Laugaveginn og nágrenni.
> Sjá nánar

Afi minn fór á honum Rauð - Fjölskylduviðburður. Kjarvalsstaðir, sunnudag 7. ágúst kl. 14

Á sunnudaginn býður Listasafn Reykjavíkur upp á skemmtilega og fræðandi fjölskyldudagskrá og hestateymingar í tengslum við sýninguna Jór! - Hestar í íslenskri myndlist, sem nú stendur yfir á Kjarvalsstöðum. Viðburðurinn er unninn í samvinnu við Íslenska hestinn - Hestaleigu í Reykjavík.
> Sjá nánar

KVISS BÚMM BANG kvöldganga. Fimmtudag 28. júlí kl. 20.

Hversdagslegt umhverfi í miðbæ Reykjavíkur öðlast nýtt líf í göngu sem Listasafn Reykjavíkur hefur skipulagt með Framandverkaflokknum Kviss Búmm Bang, fimmtudaginn 28. júlí kl. 20. Gangan er hluti af Kvosargöngum sem menningarstofnanir Reykjavíkurborgar gangast fyrir öll fimmtudagskvöld yfir sumartímann.
> Sjá nánar

Íslenski safnadagurinn, 10. júlí 2011

Sunnudaginn 10. júlí er íslenski safnadagurinn haldinn hátíðlegur. Söfn um allt land taka þátt í deginum og bjóða mörg upp á sérstaka dagskrá í tilefni hans. Aðgangur ókeypis að Listasafni Reykjavíkur allan daginn!
> Sjá nánar

Reykjavík Safarí! Grófarhús, fimmtudag 7. júlí kl. 20

Menningarlífið í miðborginni kynnt á spænsku, ensku, pólsku, tælensku og litháísku. Veist þú hvar bókasöfnin og söfnin, leikhúsin, stytturnar og skemmtilegu staðirnir eru? Hvað er ókeypis? Hvað gerist um helgar? Hvað er fyrir börn, fjölskyldur og fullorðna?
> Sjá nánar

Listaverkaganga í Viðey. Sunnudag 17. júní kl. 14:30.

Heiðar Kári Rannversson verður með leiðsögn um listaverkin í Viðey næstkomandi sunnudag og ræðir um Friðarsúlu Yoko Ono og Áfanga eftir hinn kunna, bandaríska listamann Richard Serra.
> Sjá nánar

Stöðug óvissa - Heimspekismiðja unga fólksins. Hafnarhús, laugardag 6. ágúst kl. 14

Heimspekikennararnir Brynhildur Sigurðardóttir og Ingimar Ólafsson Waage bjóða unglingum frá 13 ára aldri að taka þátt í heimspekilegum samræðum sem byggja á listaverkunum á sýningunni Sjónarmið - Á mótum myndlistar og heimspeki.
> Sjá nánar

Bleikur og blesóttur. Kjarvalsstaðir, sunnudag 26. júní kl. 15

Bergljót Rist leiðsögumaður og hestakona fjallar um hin einstöku litbrigði íslenska hestsins á Kjarvalsstöðum sunnudaginn 26. júní kl. 15. Viðburðurinn tengist sýningunni Jór!- Hestar í íslenskri myndlist en einnig verður farið um sýninguna og verkin skoðuð út frá efnistökum Bergljótar.
> Sjá nánar

Benedikt Erlingsson - Hross um oss. Kjarvalsstaðir, laugardag 18. júní kl. 15.

Leikarinn, hestamaðurinn og kvikmyndagerðarmaðurinn Benedikt Erlingsson fjallar um samskipti manna og hesta; manninn í hestinum og hestinn í manninum í tilefni af sýningunni Jór! sem nú stendur yfir á Kjarvalsstöðum.
> Sjá nánar

Kvöldgöngur úr Kvosinni sumarið 2011

Fimmtudagskvöld kl. 20. Allir velkomnir og þátttaka ókeypis. Lagt af stað úr Grófinni, milli Tryggvagötu 15 og 17.
> Sjá nánar

Útilistaverkin við norður-strandlengjuna. Grófin, fimmtudag 23. júní kl. 20.

Næstkomandi fimmtudag 23. júní kl. 20 mun Hafþór Yngvason safnstjóri Listasafns Reykjavíkur leiða kvöldgöngu við Sæbrautina og segja frá verkunum sem þar eru, en gangan er liður í verkefninu Kvöldgöngur úr Kvosinni sem menningarstofnanir Reykjavíkurborgar standa fyrir.
> Sjá nánar

Gunnar J. Árnason og Jón Proppé - Sjónarmið. Hafnarhús, sunnudag 19. júní kl. 15.

Tveir af átta sýningarstjórum sýningarinnar Sjónarmið – Á mótum myndlistar og heimspeki, þeir Gunnar J. Árnason og Jón Proppé ganga um sýninguna og gefa gestum innsýn í hin margbreytilegu verk sem þar er að finna, sunnudaginn 19. júní kl. 15.
> Sjá nánar

Öfgar í nýrri tónlist - Tónlistarhátíð Frum. Kjarvalsstaðir, fimmtudag 9. júní kl. 20

Hin árvissa nútímatónlistarhátíð Frum, sem kammerhópurinn Adapter og Listasafn Reykjavíkur standa fyrir, fer nú fram á Kjarvalsstöðum fimmtudaginn 9. júní kl. 20. Á hátíðinni í ár mun Adapter beina sjónum sínum að öfgum í nýrri tónlist. Verkin eru krefjandi fyrir flytjendur og afar spennandi fyrir áheyrendur. Tónlistarmennirnir hætta sér út á ystu nöf hins spilanlega og leika sér að mörkunum.
> Sjá nánar

Heimspekilegar hugmyndir um myndlist. Hafnarhús, sunnudag 5. júní kl. 15

Tveir af átta sýningarstjórum sýningarinnar Sjónarmið – Á mótum myndlistar og heimspeki, þau Gunnar Harðarson og Margrét Elísabet Ólafsdóttir ganga um sýninguna og ræða við gesti um hin ólíku verk sem þar er að finna. Verkunum er það sameiginlegt að vekja heimspekilega umræðu, þau eru innlegg í hana og fela í sér ákveðna tilraun til að fjalla um heimspekilegar hugmyndir í gegnum myndlist.
> Sjá nánar

Viltu vera memm? Hafnarhús, laugardag 4. júní kl. 14 - 16.

Boðið verður upp á skemmtilega og fjölþjóðlega fjölskyldudagskrá í Hafnarhúsinu í tengslum við sýninguna Tomi Ungerer – Teikningar og veggspjöld næstkomandi laugardag. Tomi Ungerer er heimskunnur teiknari og rithöfundur sem hefur gefið út yfir 70 bækur sem komið hafa út á yfir 30 tungumálum. Lesið verður upp úr bókum listamannsins og farið í skemmtilega smiðju á eftir.
> Sjá nánar

Vatnsberinn kominn heim

Borgarráð hefur samþykkt að höggmyndin Vatnsberinn eftir Ásmund Sveinsson verði flutt ofan af holtinu við Veðurstofu Íslands og hún staðsett á horni Lækjargötu og Bankastrætis, samkvæmt tillögu Listasafns Reykjavíkur. Ásmundur Sveinsson var einn af frumkvöðlum íslenskrar höggmyndalistar. Hann var á meðal þeirra sem kynntu fyrir Íslendingum nýja formskrift í myndlist 20. aldar.
> Sjá nánar

Heimspekileg listsmiðja og spjall. Hafnarhús, sunnudag 29. maí kl. 13 & 15.

Efnt verður til fjölbreyttrar dagskrár í tengslum við sýninguna Sjónarmið - Á mótum myndlistar og heimspeki í Listasafni Reykjavíkur – Hafnarhúsi, sunnudaginn 29. maí. Láréttar hugsanir - Heimspekileg listsmiðja fyrir börn (8 – 11 ára) kl. 13 og sýningarstjóraspjall – Oddný Eir Ævarsdóttir og Ólafur Gíslason, kl. 15.
> Sjá nánar

Fyrirlestur um Tomi Ungerer. Hafnarhús, mánudag 23. maí kl. 17.

Thérèse Willer, safnstjóri Tomi Ungerer safnsins í Strasbourg, Frakklandi er stödd hér á landi í tilefni af sýningu hins margverðlaunaða teiknara og rithöfundar í Hafnarhúsinu. Mánudaginn 23. maí kl. 17 flytur hún fyrirlestur í fjölnotasal Hafnarhússins þar sem hún fer yfir feril listamannsins og verkin á sýningunni, sem spanna allt frá barnamyndum til verka sem ekki eru ætluð börnum.
> Sjá nánar

Opnun: Heimspekileg myndlist & Teikningar. Hafnarhús, laugardag 21. maí kl. 14.

Tvær af sumarsýningum Listasafns Reykjavíkur eru á dagskrá Listahátíðar í Reykjavík, og verða opnaðar af borgarstjóranum í Reykjavík, Jóni Gnarr, í Hafnarhúsinu laugardaginn 21. maí kl. 14. Annars vegar er um að ræða afar óvenjulega nálgun átta sýningarstjóra á íslenskri samtímalist og hins vegar einstaka sýningu á verkum hins fjölþjóðlega teiknara og rithöfundar Tomi Ungerer.
> Sjá nánar

Á mótum myndlistar og heimspeki - Málþing. Hafnarhús, sunnudag 22. maí kl. 14 - 16.

Hvert er samhengið á milli myndlistar og heimspeki? Kallar samtímalistin á nýja hugsun í heimspeki? Hvernig hefur listheimspekileg umræða þróast undanfarin ár? Á málþingi, sem haldið verður í Listasafni Reykjavíkur – Hafnarhúsi næstkomandi sunnudag, verða spurningar sem þessar lagðar til grundvallar í opinni samræðu meðal sýningarstjóra sýningarinnar Sjónarmið – Á mótum myndlistar og heimspeki.
> Sjá nánar

Teiknismiðja og fjölskylduleiðsögn. Ásmundarsafn, sunnudag 15. maí kl. 14.

Í Ásmundarsafni eru nú til sýnis fjölmargar teikningar af ýmsum stærðum og gerðum eftir myndhöggvarann Ásmund Sveinsson og verða þær notaðar sem uppspretta fyrir teiknismiðju sem börnum og fjölskyldufólki er boðið upp á í Ásmundarsafni sunnudaginn 15. maí kl. 14.
> Sjá nánar

Sýningarstjóraspjall - Jór! Hestar í íslenskri myndlist. Kjarvalsstaðir, Sunnudag 8. maí kl. 15.

Sýningarstjórinn Aðalsteinn Ingólfsson leiðir gesti um sýninguna Jór! Hestar í íslenskri myndlist sem opnar á Listasafni Reykjavíkur Kjarvalsstöðum laugardaginn 7. maí. Með honum í för verður Gísli B. Björnsson grafískur hönnuður og höfundur bókarinnar Íslenski Hesturinn, sem er yfirgripsmesta verk sem út hefur komið um þetta einstaka hrossakyn.
> Sjá nánar

Raflost + Pikslaverk 2011. Hafnarhús, fimmtudag 5. maí kl. 17.00 og laugardag 7. maí frá kl. 13- 17.

Raflistahátíðin RAFLOST + PIKSLAVERK verður opnuð í Listasafni Reykjavíkur - Hafnarhúsi . Hátíðin stendur yfir helgina 5.- 8. maí þar sem boðið er upp á úrval viðburða, m.a. fyrirlestra, smiðjur, innsetningar og myndbands- og hljóðverk eftir bæði íslenska og erlenda listamenn. Á hátíðinni munu meðlimir í LornaLAB standa fyrir opinni smiðju í notkun Arduino-bretta í Hafnarhúsinu, laugardaginn 7. maí frá kl. 13- 17 í samstarfi við Listasafn Reykjavíkur.
> Sjá nánar

Jór! - Hestar í íslenskri myndlist. Kjarvalsstaðir, 7. maí kl. 16

Íslenski hesturinn verður hafinn til vegs og virðingar á sýningu Listasafns Reykjavíkur á Kjarvalsstöðum, sem opnuð verður laugardaginn 7. maí kl. 16. Rauði þráðurinn í öllum hinum ríflega 60 verkum á sýningunni er íslenski hesturinn eins og hann hefur birst helstu listamönnum þjóðarinnar í meira en hundrað ár. Við opnunina sjálfa mun úrvalshópur ungmenna í hestamennsku koma ríðandi í hlað Kjarvalsstaða og standa heiðursvörð þegar opnunargesti ber að garði.
> Sjá nánar

Listamaður og líffræðingur. Ásmundarsafn, sunnudag 1. maí kl. 14

Sunnudaginn 1. maí kl. 14 mun myndlistarmaðurinn Magnús Árnason ræða um innsetningu sína Homage, sem verður opnuð í kúlu Ásmundarsafns laugardaginn 30. apríl. Með honum í för verður Dr. Guðmundur Eggertsson, líffræðingur og fyrrum prófessor við Háskóla Íslands.
> Sjá nánar

Frá hugmynd að höggmynd & Homage - Magnús Árnason. Ásmundarsafn, laugardag 30. apríl kl. 16.

Tvær sýningar verða opnaðar í Listasafni Reykjavíkur – Ásmundarsafni, laugardaginn 30. apríl kl. 16. Önnur varpar ljósi á lítt þekkt, en ríkulegt safn teikninga eftir Ásmund Sveinsson, en hin er innsetning í kúlunni þar sem hulunni er svipt af tilraunum Louis Pasteurs um sjálfskviknun lífs.
> Sjá nánar

Hönnunarferðalag í Hafnarhúsinu, fimmtudag 28. apríl kl. 20.

Boaz Cohen & Sayaka Yamamoto frá BCXSY munu fjalla um hönnunarferðalög. Á undanförnum árum hafa þau tengt saman hönnunarverkefni og ferðalög á áhrifaríkan hátt. Meðal annars munu þau fjalla um nýjasta verkefni sitt Origin part II: Balance sem frumsýnt var í Mílanó fyrr í mánuðinum.
> Sjá nánar

Páskatónleikar og sýningalok á Kjarvalsstöðum, 25. apríl.

Listasafn Reykjavíkur verður opið alla páskahelgina, fyrir utan föstudaginn langa. Á páskadag verður opið í Hafnarhúsinu, en þá er fyrsti almenni sýningardagur á verkum útskriftarnema frá Listaháskóla Íslands 2011. Aðgangur er ókeypis á þá sýningu. Á Kjarvalsstöðum lýkur Sýningu sýninganna á öðrum degi páska, en sama kvöld verða sérstakir páskatónleikar.
> Sjá nánar

Blómlegar konur og Svefnljós - sýningarlok. Ásmundarsafn, sunnudag 17. apríl

Konur leika aðalhlutverk í sýningum Ásmundarsafns sem lýkur um helgina. Í aðal sýningarýminu er brugðið ljósi á hinar ólíku kvenverur í túlkun Ásmundar Sveinssonar allt frá hamslausum tröllkonum til fíngerðra yngismeyja. Í Kúlunni lýkur innsetningu Ráðhildar Ingadóttur, Svefnljós.
> Sjá nánar

Blómlegar konur og Svefnljós - Sýningalok. Ásmundarsafn, sunnudag 17. apríl

Konur leika aðalhlutverk í sýningum Ásmundarsafns sem lýkur um helgina. Í aðal sýningarýminu er brugðið ljósi á hinar ólíku kvenverur í túlkun Ásmundar Sveinssonar allt frá hamslausum tröllkonum til fíngerðra yngismeyja.
> Sjá nánar

Helgi Þorgils og Hanna Styrmisdóttir. Kjarvalsstaðir, sunnudag 17. apríl kl. 15

Myndlistamaðurinn Helgi Þorgils Friðjónsson og sýningastjórinn Hanna Styrmisdóttir ræða um aðkomu sína að Feneyjatvíæringnum og reynslu, ásamt því að veita nánari innsýn í verk og verkefni á sýninguna Sýning sýninganna – Ísland í Feneyjum í 50 ár, sem nú stendur yfir á Kjarvalsstöðum.
> Sjá nánar

Erró slær í gegn á heimsvísu

Í aprílblaði breska listatímaritsins The Art Newspaper eru dregnar saman aðsóknartölur yfir bestu sóttu sýningar á listasöfnum um allan heim árið 2010. Það er skemmst frá því að segja að í ljós kemur að sýning Errós í Pompidou safninu í París frá 17. febrúar - 24. maí er þriðja best sótta sýning Pompidou safnsins á síðasta ári með 3.302 gesti á degi hverjum eða 271.707 gesti alls.
> Sjá nánar

Opnunartími Listasafns Reykjavíkur um páskana

Lokað verður í Listasafni Reykjavíkur föstudaginn langa og páskadag. Fyrir utan Hafnarhús sem verður opið páskadag kl. 10 - 17. Laugardag 23. apríl verður útskriftarsýning Listaháskóla Íslands opnuð kl. 14 í Hafnarhúsi.
> Sjá nánar

Sýningalok í Hafnarhúsi. Sunnudag 10. apríl

Næstkomandi sunnudag lýkur þremur sýningum í Hafnarhúsinu. Á sama tíma hefst undirbúningur við næstu stóru sýningu hússins, sem er sýning útskriftarárgangs Listaháskóla Íslands 2011. Hún verður opnuð laugardaginn 23. apríl.
> Sjá nánar

Leirsmiðja með listamanni. Ásmundarsafn, sunnudag 10. apríl kl. 14

Myndlistarmaðurinn Haraldur Jónsson stjórnar smiðju þar sem unnið verður með leir á óvenjulegan hátt. Smiðjan er sett upp í tengslum við tvær yfirstandandi sýningar í Ásmundarsafni, annars vegar Hugsað í formum, sem er endurgerð vinnustofa Ásmundar Sveinssonar og hins vegar sýninguna Svefnljós, sem er myrkvuð innsetning Ráðhildar Ingadóttur í Kúlunni.
> Sjá nánar

Freya Björg Olafsson á Sequences. Hafnahús, fimmturdag 7. apríl kl. 20 og föstudag 8. apríl kl. 15

Kanadíska listkonan Freya Björg Olafsson verður með gjörninginn Avatar sem hluta af Sequences myndlistarhátíðinni, sem Listasafn Reykjavíkur tekur þátt í. Gjörningurinn verður fluttur í tvígang fimmtudaginn kl. 20 og föstudaginn kl. 15. Avatar er blanda af dansi og vídeólist þar sem listamaðurinn breytist úr einmanna vloggara (vídeó bloggara) í einhverskonar bastarð eða blöndu af tómeygðri Marilyn Monroe eftirhermu og klæðskipting frá helvíti.
> Sjá nánar

Einar Garibaldi og Haraldur Jónsson. Hafnarhús, sunnudag 3. apríl kl. 15.

Myndlistarmennirnir Einar Garibaldi Eiríksson (f.1964) og Haraldur Jónsson (f. 1961) taka þátt í leiðsögn um sýninguna Án áfangastaðar sem nú stendur yfir í Hafnarhúsi Listasafns Reykjavíkur, en á fjórða tug listamanna eiga verk á sýningunni.
> Sjá nánar

Fyrirlestur Lorenzo Fusi. Kjarvalsstaðir, laugardag 2. apríl kl. 13

Lorenzo Fusi, sýningarstjóri Liverpool-Tvíæringsins árið 2010 og 2012 verður með fyrirlestur á Kjarvalsstöðum, laugardaginn 2. apríl kl. 13 þar sem hann fjallar um uppbyggingu Tvíæringsins, þjóðarþátttöku og þjóðarkynningu ásamt félagslegum -, menningarlegum - og pólitískum áhrifum sýnenda.
> Sjá nánar

Ratleikur, ferðalag og leiðsögn. Hafnarhús, sunnudag 27. mars kl. 14 og 15.

Fjölskyldufólki er boðið í ratleik og ferðalag um sýninguna Án áfangastaðar sem nú stendur yfir í Listasafni Reykjavíkur – Hafnarhúsi, klukkan 14 næstkomandi sunnudag. Klukkustund síðar mun sýningarstjórinn Markús Þór Andrésson vera með leiðsögn um sýninguna.
> Sjá nánar

Ný sýningarskrá komin út - Sýning sýninganna - Ísland í Feneyjum í 50 ár

Í bókinni eru mikill fjöldi mynda ásamt upplýsingum um listamennina. Greinar eru eftir Hafþór Yngvason, Laufeyju Helgadóttur, Markús Þór Andrésson og Heiðu Björk Árnadóttur. Texti er á íslensku og ensku.
> Sjá nánar

Arduino-smiðja með LornaLAB. Hafnarhús, laugardag 19. mars kl. 13-17

Kynningarnámskeið um notkun Arduino bretta verður haldið í Listasafni Reykjavíkur – Hafnarhúsi en viðburðurinn er hluti af samstarfsverkefni Listsafnsins og meðlima LornaLAB. Arduino hefur rutt sér til rúms sem aðgengilegt tæki fyrir listamenn en það stýrir á stafrænan hátt vélbúnaði, nemum og öðrum jaðartækjum.
> Sjá nánar

Frá Armeníu til Ameríku - Elektra Ensemble. Kjarvalsstaðir, sunnudag 20. mars kl. 20

Síðustu tónleikar vetrarins í tónleikaröð Elektra Ensemble og Listasafns Reykjavíkur á Kjarvalsstöðum verða undir yfirskriftinni Frá Armeníu til Ameríku. Þar verða flutt verða dúó og tríó fyrir klarínettu, fiðlu og píanó eftir J. Vanhal, A. Khachaturian, F. Chopin, L. Bernstein og B. Bartók.
> Sjá nánar

Nýtt samfélagslegt rými - Fyrirlestur. Hafnarhús, fimmtudag 17. mars kl. 20

Næstkomandi fimmtudag, 17. mars kl. 20, mun Deborah Saunt fjalla um nýtt samfélagslegt rými í fyrirlestraröð Listasafns Reykjavíkur, Hönnunarmiðstöðvar og Listaháskóla Íslands í Hafnarhúsi Listasafns Reykjavíkur.
> Sjá nánar

Feneyjatvíæringurinn í nýju ljósi - Málþing. Kjarvalsstaðir, sunnudag 20. mars kl. 15-17

Feneyjatvíæringurinn verður í brennidepli á málþingi sem Listasafn Reykjavíkur og Kynningarmiðstöð íslenskrar myndlistar standa fyrir á Kjarvalsstöðum sunnudaginn 20. mars kl. 15-17. Stjórnandi málþingsins er Fríða Björk Ingvarsdóttir sjálfstætt starfandi höfundur og gagnrýnandi, en framsögumenn, sem komið hafa að Feneyjatvíæringnum með ýmsu móti, leitast við að varpa víðri mynd á umræðuefnið.
> Sjá nánar

Listamannsspjall – Helgi Már Kristinsson. Hafnarhús, sunnudag 13. mars kl. 15

Keðjuverkun er yfirskriftin á sýningu Helga Más Kristinssonar (1973) en þar verða sýnd málverk og skúlptúrar sem hann hefur unnið að síðastliðna mánuði. Helgi hefur aðallega helgað sig abstrakt málverkinu með sterkum áhrifum frá graffiti- og götulist borgarlandslagsins.
> Sjá nánar

Tríó Reykjavíkur á hádegistónleikum - frír aðgangur. Kjarvalsstaðir, föstudag 11. mars kl. 12:15

Hinir afburðasnjöllu tónlistarmenn Guðný Guðmundsdóttir fiðluleikari, Gunnar Kvaran sellóleikari og Peter Máté píanóleikari í Tríói Reykjavíkur, hafa verið í samstarfi við Listasafn Reykjavíkur um ókeypis hádegistónleikaröð á Kjarvalsstöðum í rúm þrjú ár, við feiknalega góðar undirtektir.
> Sjá nánar

Opnun og fyrirlestur. Hafnarhús, fimmtudag 10. mars kl. 17 - 19

Næstkomandi fimmtudag verður 20. sýningarverkefni D-salarins opnað kl. 17 og klukkustundu síðar verður boðið til örfyrirlestra frá LornaLAB.
> Sjá nánar

Magnús Pálsson - Listamannsspjall. Kjarvalsstaðir, sunnudag 6. mars kl. 15

Listamaðurinn Magnús Pálsson tekur þátt í leiðsögn um Sýningu sýninganna – Ísland í Feneyjum í 50 ár, sem nú stendur yfir á Kjarvalsstöðum. Magnús (f. 1929) var fulltrúi Íslands á Feneyjartvíæringnum árið 1980 í boði Norðurlandanna. Sýndi hann í danska skálanum, einum af elstu þjóðarskálunum, ásamt listamönnunum Björn Nörgaard (f. 1947) og Per Kirkeby (f. 1938) sem sýndu fyrir hönd Danmerkur.
> Sjá nánar

Hlustaðu á upptökur úr ráðstefnunni Practicing Nature-Based Tourism

Nú geta áhugasamir hlustað á upptökurnar af þeim fjölmörgu fyrirlestrum sem fluttir voru á ráðstefnunni Practicing Nature-Based Tourism helgina 5. - 6. febrúar. Hljóðupptökurnar eru aðgengilegar á Vimeo-síðu safnsins.
> Sjá nánar

ARKÍS og vistvænar byggingar - Fyrirlestur. Hafnarhús, fimmtudag 3. mars kl. 17

Arkitektastofan ARKÍS, sem hefur viðamikla reynslu af verkefnum í skipulagi og arkitektúr, mun kynna verkefni stofunnar, t.a.m. gestastofuna á Skriðuklaustri sem er þegar risin, gestastofu á Snæfellsnesi og Náttúrufræðistofnun á fyrirlestri sem Listasafn Reykjavíkur stendur fyrir næstkomandi fimmtudag. Öll hús ARKÍS, sem fjallað verður um í fyrirlestrinum, eru hönnuð út frá hönnunarviðmiðum fyrir vistvænar byggingar.
> Sjá nánar

D19 Hulda Rós Guðnadóttir – Sýningarlok. Sunnudag 27. febrúar

Sýning Huldu Rósar Guðnadóttur í D sal Hafnarhússins lýkur næstkomandi sunnudag. Í kjölfar sýningarinnar í Hafnarhúsinu var Huldu Rós boðið að gera innsetningu fyrir Kalmar Konstmuseum í Svíþjóð á næsta ári.
> Sjá nánar

2 fyrir 1 tilboð á Menningarkortum Reykjavíkur lýkur mánudaginn 28. febrúar

Menningarkort Reykjavíkur er árskort sem veitir aðgang að Listasafni Reykjavíkur (Hafnarhúsi, Kjarvalsstöðum og Ásmundarsafni), að Minjasafni Reykjavíkur (Árbæjarsafni og Landnámssýningu) og fá handhafar þess einnig bókasafnskort í Borgarbókasafn Reykjavíkur. Allan febrúar gefst kostur á að kaupa kortið á tvö fyrir eitt tilboði.
> Sjá nánar

Gestum fjölgar fyrstu þrjár vikurnar

Á fyrstu þremur vikum febrúarmánaðar hefur aðsókn í Listasafni Reykjavíkur (Hafnarhús, Kjarvalsstaði og Ásmundarsafn) aukist samanborið við sama tímabil í fyrra, þrátt fyrir að safninu hafi verið gert að taka upp aðgangseyri frá og með 1. febrúar 2011. Það eru því einkar jákvæðar fréttir fyrir Listasafn Reykjavíkur að aðsókn hefur aukist þrátt fyrir upptöku gjaldsins og jafnframt staðfesting á því að hið nýja Menningarkort Reykjavíkur, sem gerir öllum kleift að heimsækja söfn á vegum Reykjavíkurborgar gegn væru gjaldi, þykir afar eftirsóknarverður kostur.
> Sjá nánar

Feneyjar hér og Feneyjar þar. Kjarvalsstaðir, sunnudag 27. febrúar kl. 15

Andrúmsloft Feneyja svífur yfir Kjarvalsstöðum þessa dagana en á sunnudaginn verður lögð áhersla á leik og leiðsögn fyrir fjölskylduna í smiðju sem ber yfirskriftina Feneyjar hér og Feneyjar þar. Safnast er saman í smiðjunni við gríðarstóran gondól þar sem börn og fullorðnir geta fengið útrás fyrir sköpunarkraftinn með því að teikna á póstkort, leika sér með ofurgrímu eða vinna á verkefnablað sem tengist sýningunni.
> Sjá nánar

Vitverur og sýndarverur. Hafnarhús, fimmtudag 24. febrúar kl. 18

LornaLAB og Listasafn Reykjavíkur standa sameiginlega fyrir fyrirlestri sem tengist á vissan hátt sýningu Errós á samtíningsverkum eða þrívíddarsamklippi. Í fyrirlestrinum mun Hannes Högni Vilhjálmsson, dósent í tölvunarfræði og verkefnastjóri á Gervigreindarsetri HR (cadia.ru.is) halda stutta kynningu á smíði vitvera (e. intelligent agents) og því hvernig þær eru gæddar sjálfstæðu lífi með einföldum reglum.
> Sjá nánar

Listamannaspjall Ingu Þóreyjar og Kristins. Hafnarhús, sunnudag 20. febrúar kl. 15.

Listamennirnir Inga Þórey Jóhannsdóttir (f. 1966) og Kristinn E. Hrafnsson (f. 1960) taka þátt í leiðsögn um sýninguna Án áfangastaðar sem stendur yfir í Hafnarhúsi Listasafns Reykjavíkur.
> Sjá nánar

Afríkusögur, hönnunarkennsla og líf í Mósambík. Hafnarhús, fimmtudag 17. febrúar kl. 20

Sóley mun segja frá verkefnum sínum í Mósambík og fjalla um litríkt og heitt afríkulífið og starf sitt með ungu metnaðarfullu námsfólki sem þarf að leggja mikið á sig til að láta drauma sína rætast.
> Sjá nánar

Syngjandi silungur og nautabani. Kjarvalsstaðir, þriðjudag 15. febrúar kl. 20

Á tónleikunum Kammersveitar Reykjavíkur á Kjarvalsstöðum þriðjudaginn 15. febrúar hljómar hinn ástsæli Silungakvintett Schuberts, og tvö verk spænska tónskáldsins Joaquíns Turina.
> Sjá nánar

Ragnar Kjartansson í listamannsspjalli. Kjarvalsstaðir, sunnudag 13. febrúar kl. 15.

Ragnar Kjartansson myndlistarmaður tekur þátt í leiðsögn um sýninguna Sýning sýninganna, Ísland í Feneyjum í 50 ár og segir frá þátttöku sinni sem fulltrúi Íslands árið 2009.
> Sjá nánar

Safnanótt í öllum regnbogans litum. Föstudag 11. febrúar, kl. 19 - 24.

Listasafn Reykjavíkur státar af fjölbreyttri dagskrá á Safnanótt þar sem áhersla er lögð á að tengja sýningar safnsins saman við óvæntar uppákomur af ýmsu tagi. Húsin þrjú eru opin frá kl. 19 – 24 og iða af lífi og fjöri og er aðgangur ókeypis.
> Sjá nánar

Feneyjafararnir Libia & Ólafur. Kjarvalsstaðir, sunnudag 6. febrúar kl. 15

Í tengslum við sýninguna Sýning sýninganna – Ísland í Feneyjum í 50 ár, sem verður opnuð næstkomandi laugardag á Kjarvalsstöðum, mun spænsk- íslenska listamannatvíeykið Libia Castro og Ólafur Ólafsson, fulltrúar Íslands á Feneyjatvíæringnum í ár, ásamt sýningarstjóranum Ellen Blumenstein ræða um verkefni sitt fyrir Feneyjartvíæringinn, La Biennale di Venezia 2011 sem hefst í byrjun júní næstkomandi.
> Sjá nánar

Ráðstefna: Practicing Nature-Based Tourism. Hafnarhús, helgina 5.-6. febrúar.

Fjölmargir, kunnir erlendir og innlendir fyrirlesarar taka þátt í ráðstefnunni Practicing Nature-Based Tourism, sem haldin verður í Hafnarhúsi Listasafns Reykjavíkur helgina 5.-6. febrúar 2011. Þar á meðal eru Lucy R. Lippard og Dr. Tim Edensor.
> Sjá nánar

Sýning sýninganna. Kjarvalsstaðir laugardag 5. febrúar kl. 15

Margir helstu listamenn þjóðarinnar hafa tekið þátt í La Biennale di Venezia eða Feneyjatvíæringnum, sem gengur einnig undir heitinu Sýning sýninganna, þar sem hann er talinn einn af merkustu myndlistarviðburðum heims.
> Sjá nánar

Íslandsvarðan við Sæbraut. Fimmtudag 3. febrúar kl 14 og ný heimildarmynd í Hafnarhúsinu kl. 17

Einar Örn Benediktsson, formaður menningar og ferðamálaráðs Reykjavíkur mun afhjúpa verk Jóhanns Eyfells, Íslandsvörðuna, sem nýlega var komið fyrir við Sæbrautina, fimmtudaginn 3. febrúar kl. 14. Síðar sama dag, eða kl. 17, verður sýnd ný heimildarmynd í Hafnarhúsinu um myndlistarmanninn Jóhann Eyfells eftir Þór Elís Pálsson, sem ber yfirskriftina Einungis fæðing.
> Sjá nánar

Íslensku vefverðlaunin: Vefur Listasafns Reykjavíkur tilnefndur sem besti þjónustu- og upplýsingavefurinn

Dómnefnd skipuð fagfólki í vefmálum hefur tilnefnt vef Listasafns Reykjavíkur í úrslit sem besta þjónustu- og upplýsingavefinn. Íslensku vefverðlaunin 2010 verða afhent í Tjarnarbíói þann 4. febrúar við hátíðlega athöfn.
> Sjá nánar

MENNINGARKORT REYKJAVÍKUR - LISTILEGA EINFÖLD OG ÓDÝR LEIÐ AÐ SÖFNUM REYKJAVÍKUR

Menningarkort Reykjavíkur er árskort sem veitir aðgang að Listasafni Reykjavíkur (Hafnarhúsi, Kjarvalsstöðum og Ásmundarsafni), að Minjasafni Reykjavíkur (Árbæjarsafni og Landnámssýningu) og fá handhafar þess einnig bókasafnskort í Borgarbókasafn Reykjavíkur. Allan febrúar gefst kostur á að kaupa kortið á tvö fyrir eitt tilboði.
> Sjá nánar

D19 - Hops Hopsi - Leiðsögn. Hafnarhús, sunnudag 30. janúar kl. 15

Hulda Rós Guðnadóttir ræðir við gesti um sýninguna Hops Hopsi sem stendur yfir í D-sal Listasafns Reykjavíkur. Sýningin samanstendur af tíu rása myndbandsinnsetningu sem hún sýndi í Gallery Program í Berlín árið 2010.
> Sjá nánar

Leirsmiðja með listamanni. Ásmundarsafn, laugardag 29. janúar kl. 14

Myndlistarmaðurinn Haraldur Jónsson stjórnar smiðju í Ásmundarsafni næstkomandi laugardag þar sem unnið verður með leir á óvenjulegan hátt. Leirsmiðjan er ætluð fjölskyldum og er hún ókeypis og öllum opin.
> Sjá nánar

Tónlistarveisla á Kjarvalsstöðum. Tríó Reykjavíkur – Myrkir Músíkdagar.

Kjarvalsstaðir njóta í æ ríkari mæli vinsælda sem tónleikastaður meðal fremstu tónlistarmanna landsins og hefur Listasafn Reykjavíkur lagt áherslu á að auðga starfsemina með því að ganga til samstarfs við marga úr þeirra röðum.
> Sjá nánar

Ný aðföng 2006-2010 – Sýningalok. Kjarvalsstaðir, sunnudag 23. janúar.

Sunnudaginn 23. janúar lýkur sýningunni Ný aðföng 2006 – 2010. Hvorki meira né minna en sjöhundruð og ellefu listaverk hafa bæst við safneign Listasafns Reykjavíkur á undanförnum fimm árum og hefur hluti þeirra verið til sýnis í vestursal Kjarvalsstaða frá og með 20. nóvember 2010.
> Sjá nánar

Sýningarstjóraspjall - Án áfangastaðar. Hafnarhús, sunnudagur, 23. janúar kl. 15

Sýningarstjórinn Markús Þór Andrésson leiðir gesti um sýninguna Án áfangastaðar sunnudaginn 23. janúar kl. 15 í Hafnarhúsi Listasafns Reykjavíkur, en sýningin verður opnuð í dag, fimmtudag, kl. 17.
> Sjá nánar

Án áfangastaðar - Hops Hopsí - Erró. Opnun fimmtudag 20. janúar kl. 17

Nýtt ár hefst af miklum krafti í Listasafni Reykjavíkur þegar þrjár sýningar verða opnaðar í Hafnarhúsinu fimmtudaginn 20. janúar kl. 17. Umfangsmesta sýning Hafnarhússins á þessu misseri er sýningin Án áfangastaðar í sýningarstjórn Markúsar Þórs Andréssonar. Þar sýna á þriðja tug innlendra og erlendra listamanna verk sem varpa ljósi á ferðaþránna og upplifun ferðalangsins á umhverfinu.
> Sjá nánar

Fyrirlestraröð Hönnunarmiðstöðvar, Aamu Song og Johann Olin. Hafnarhús, fimmtudag 20. janúar kl. 20

Vöruhönnuðurnir Aamu Song og Johan Olin halda fyrirlestur í Listasafni Reykjavíkur - Hafnarhúsi, fimmtudaginn 20. janúar kl. 20.00. Hönnuðirnir eru gestakennarar í vöruhönnun við Listaháskóla Íslands. Aamu og Johan reka fyrirtækið Company í Helsinki. Þau hafa ferðast með búðina sína The Secret Shop eða Salakauppa víða um heim síðastliðin 5 ár.
> Sjá nánar

Fylgstu með uppsetningu á sýningu Huldu Rósar Guðnadóttur í D19

Sýning Huldu Rósar Guðnadóttur sem er 19. verkefni D-salar verkefnis Hafnarhússins verður opnuð 20. janúar næstkomandi. Sýningin nefnist Hops Hopsi og samanstendur af tíu rása myndbandsinnsetningu sem hún gerði árið 2010.
> Sjá nánar

Leiðsögn fyrir ungt fólk og fjölskyldur. Hafnarhús, sunnudag 9. janúar kl. 15

Næstkomandi sunnudag verður boðið upp á fjölskylduleiðsögn sérstaklega miðaða að ungu fólki á aldrinum 13-16 ára og öðrum fjölskyldumeðlimum. Gengið verður um tvær sýningar Listasafns Reykjavíkur í Hafnarhúsi, Erró- Klippimyndir og sýningu Gardar Eide Einarsson, Power has a Fragrance.
> Sjá nánar

Áramótagleði Elektra Ensemble. Kjarvalsstaðir, fimmtudag 30. desember kl. 20

Dansinn verður hinum einstöku tónlistarkonum í Elektra Ensemble ofarlega í huga á áramótatónleikum Kjarvalsstaða. Efnisskrá tónleikanna er sett saman til að fagna áramótunum þar sem bregður fyrir hinum ýmsu dansformum.
> Sjá nánar

Ljúf stund í Listasafni

Norðursalurinn er tileinkaður fjölskyldufólki á öllum aldri en núna er hægt er að gerast þar „sýningastjóri" í sjö mínútur og raða saman tíu myndum sem prentaðar hafa verið á striga af völdum listaverkum af sýningunni Ný aðföng í vestursal.
> Sjá nánar

Heimasíða Listasafns Reykjavíkur á sex tungumálum

Í Listasafni Reykjavíkur er rík áhersla lögð á þróun rafrænnar miðlunar og hefur safnið verið í fararbroddi meðal íslenskra safna hvað varðar notkun samfélagslegra miðla og dreifingu efnis með rafrænum hætti.Nú státar heimasíða Listasafns Reykjavíkur því af þessum tungumálum: íslensku, ensku, spænsku, þýsku, frönsku og sænsku.
> Sjá nánar

Gardar Eide Einarsson - Leiðsögn. Hafnarhús, sunnudag 12. desember kl. 15

Sýning hins nafntogaða, norska listamanns, Gardars Eide Einarssonar, sem nú stendur yfir í Hafnarhúsinu, hefur notið mikillar athygli og fengið góða aðsókn. Næstkomandi sunnudag kl.15 mun Kristín Dagmar Jóhannesdóttir listfræðingur vera með leiðsögn um sýninguna og varpa ljósi á hina pólitísku skírskotun sem býr í verkum listamannsins.
> Sjá nánar

Kvikmyndaleikstjórinn J. Leighton Pierce í Kínóklúbbi. Hafnarhús, fimmtudag 9. desember kl. 20

Úrval kvikmynda eftir hin fjölhæfa kvikmyndaleikstjóra J. Leighton Pierce verður sýnt í Hafnarhúsinu næstkomandi fimmtudagskvöld í samstarfsverkefni Kínóklúbbsins og Listasafns Reykjavíkur. Í verkum sínum notar Pierce kvikmyndir, myndbönd og hljóð til að skapa ummyndandi upplifun. Pierce býr jafnt til hefðbundin kvikmyndaverk sem og fjölrása staðbundnar innsetningar. Pierce vinnur sjálfur að öllum þáttum verka sinna allt frá hugmynd, myndatöku og klippingu til þess að semja og hanna hljóðmyndina.
> Sjá nánar

Glettur og gáski með Tríói Reykjavíkur. Kjarvalsstaðir, föstudag 10. desember kl. 12:15

Listasafn Reykjavíkur og Tríó Reykjavíkur hafa um nokkurt skeið verið í samstarfi um ókeypis hádegistónleikaröð á Kjarvalsstöðum við afar góðar undirtektir. Tónleikarnir næstkomandi föstudag verða helgaðir þekktum glettum, eða scherzóum, úr tríóum eftir Beethoven, Schubert og Schostakowitch, tríói úr sellósónötu eftir Chopin og scherzói úr sónötuþætti eftir Brahms. Tónleikarnir eru um 45 mínútur að lengd.
> Sjá nánar

Söfnunar- og innkaupastefna Listasafns Reykjavíkur. Kjarvalsstaðir, sunnudag 5. desember kl. 15.

Í tengslum við sýninguna Ný aðföng 2006 – 2010 boðar Listasafn Reykjavíkur til málþings á Kjarvalsstöðum sunnudaginn 5. desember kl. 15 þar sem innkaupastefna Listasafns Reykjavíkur verður krufin og rætt um listasöfn og listaverkasöfnun frá ýmsum hliðum.
> Sjá nánar

Vatnavinir - Heilsulandið Ísland. Hafnarhús, fimmtudag 2. desember kl. 20.

Vatnavinir samanstanda af alþjóðlegum hópi fagfólks sem koma úr ólíkum greinum byggingarlistar, hönnunar, markaðssetningar, ferðamennsku, heimspeki og listum. Hópurinn hefur um árabil unnið að hugmyndafræði sem byggir á fjölbreyttri uppbyggingu atvinnulífs og sjálfbærri nýtingu auðlinda Íslands með heilsutengdri ferðaþjónustu í nánum tengslum við jarðvarma og náttúru landsins.
> Sjá nánar

Tíu daga bókatilboð - Tvær fyrir eina. Frá 3. - 12. desember

Í Listasafni Reykjavíkur er gefinn út fjöldi bóka og sýningarskráa á ári hverju í tengslum við sýningar sem þar eru haldnar. Bækurnar spanna allt frá veigamiklum ritverkum til minni sýningarskráa, ýmist vegna stórra samsýninga, sýningaraða eða einkasýninga.
> Sjá nánar

Garðar Cortes og Robert Sund. Kjarvalsstaðir, dagana 2., 3. og 4. desember kl. 12:15

Einn dáðasti tenórsöngvari Íslands, Garðar Cortes, heldur þrenna hádegistónleika á Kjarvalsstöðum þar sem hann flytur mörg af eftirlætislögum sínum, þar á meðal negrasálma, jólalög og vinsælar ballöður. Það er píanóleikarinn Robert Sund, sem leikur með Garðari en tvíeykið hefur undanfarin tvö ár leikið fyrir húsfylli í austursal Kjarvalsstaða þar sem persónulegt og afslappað andrúmsloft er í fyrirrúmi.
> Sjá nánar

Opnunartími Listasafns Reykjavíkur um jól og áramót.

Listasafn Reykjavíkur er opið alla daga yfir jól og áramót að undanskildum aðfangadegi og jóladegi. Opnunartími er breytilegur en hann er sem hér segir:
> Sjá nánar

Friður og fjölmenning í Viðey. Sunnudag 28. nóvember kl. 14 - 16

Opin listsmiðja og notaleg samverustund fyrir börn og fullorðna verður í Viðeyjarstofu. Í smiðjunni er unnið út frá friðarsúlu Yoko Ono og orðunum HUGSA SÉR FRIÐ sem áletruð eru á 24 tungumálum á súluna sjálfa. Þátttakendur velja sér setninguna á einu tungumáli og festa hana á hvít kerti sem verða á staðnum.
> Sjá nánar

Leiðsögn - Ný aðföng 2006 - 2010. Kjarvalsstaðir, laugardag 20. nóvember kl. 15

Hafþór Yngvason, safnstjóri Listasafns Reykjavíkur býður upp á leiðsögn um hin nýju aðföng og varpa ljósi á mikilvægi þess fyrir listasöfn að hafa skýra stefnu þegar kemur að innkaupum eða söfnun á listaverkum og draga fram þann veigamikla þátt í starfsemi safna að leggja rækt við og byggja upp góðan safnkost.
> Sjá nánar

Ný aðföng 2006 - 2010. Kjarvalsstaðir, laugardag 20. nóvember

Hvorki meira né minna en sjöhundruð og ellefu listaverk hafa bæst við safneign Listasafns Reykjavíkur á undanförnum fimm árum og verður hluti þeirra til sýnis í vestursal Kjarvalsstaða frá og með laugardeginum 20. nóvember.
> Sjá nánar

Bjarni massi - Listamannsspjall. Hafnarhús, sunnudag 21. nóvember kl. 15

Allir um borð er yfirskrift sýningar Bjarna massa í Hafnarhúsinu þar sem birtingarmyndir græðgi, samkeppni og hömluleysis er miðlað í gegnum skjáverk, skúlptúra og ljósmyndir. Næst komandi sunnudag verður Bjarni með leiðsögn um sýningu sína í Hafnarhúsinu og eru allir velkomnir.
> Sjá nánar

Hönnun íslenska skálans á Expó – ferli, áskoranir, árangur. Hafnarhús, fimmtudag 18. nóv. kl. 20

Páll Hjaltason arkitekt, aðalhönnuður og listrænn stjórnandi íslenska skálans á Expó í Kína, fjallar um ferli, áskoranir og árangur Expó skálans í fyrirlestraröð Hönnunarmiðstöðvar, Listasafns Reykjavíkur og Listaháskóla Íslands. Tillaga frá +Arkitektum og Saga Film var valin sem framlag Íslands á heimssýninguna í Sjanghæ sem stóð yfir frá 1. maí til 31. október sl. en sýningin var sú stærsta og umfangsmesta sem haldin hefur verið með þátttöku 186 þjóða og u.þ.b. 60 alþjóðastofnanna.
> Sjá nánar

Djöflatrillusónata Unu og Önnu. Kjarvalsstaðir, miðvikudag 17. nóvember kl. 20

Una Sveinbjarnardóttir mun ásamt Önnu Guðnýju Guðmundsdóttir flytja Djöflatrillusónötu Giuseppe Tartinis og sjaldheyrða fiðlusónötu eftir Dmitri Shostakovich auk verka eftir Stravinskij, Glazunov og Massenet. Una og Anna hafa leikið saman um árabil.
> Sjá nánar

Erró: Verðlaunaafhending – Sýning – Leiðsögn. Hafnarhús helgina 13. – 14. nóvember

Laugardaginn 13. nóvember kl. 15 verða úrslitin í klippimyndasamkeppni Errós gerð kunn í Listasafn Reykjavíkur – Hafnarhúsi. Við sama tækifæri verður opnuð sýning á úrvali þeirra verka sem send voru inn og stendur hún til 9. janúar. Daginn eftir, sunnudaginn 14. nóvember kl. 15, verður leiðsögn um klippimyndasýningu Errós og einnig verður úrvalið úr klippimyndasamkeppninni skoðað í fylgd fræðslufulltrúa safnsins.
> Sjá nánar

Kínó klúbbur - Jennifer Reeder. Hafnarhús, fimmtudag 11. nóvember kl 20

Samstarfsverkefni Kínó klúbbsins og Listasafns Reykjavíkur er að þessu sinni helgað kvikmyndagerðarkonunni Jennifer Reeder, en þrjár mynda hennar verða sýndar í Hafnarhúsinu.
> Sjá nánar

Viðbrögð - Kurtogpí. Hafnarhús, fimmtudag 4. nóvember kl. 20

Kurtogpí er ein af áhugaverðustu arkitektastofum landsins, stofnuð 2004 af þeim Ásmundi Hrafni Sturlusyni og Steinþóri Kára Kárasyni arkitektum. Á fimmtudagskvöldið kl. 20 munu fulltrúar stofunnar kynna verkefni, lausnir og sjónarmið sín í fyrirlestri í Hafnarhúsi, sem er öllum opinn.
> Sjá nánar

Með viljann að vopni – Listamannsspjall og Laugavegurinn á lokadegi. Kjarvalsstaðir, sunnudag 7. nóvember kl. 15

Ragnheiður Jónsdóttir er ein þeirra tuttugu og sjö listamanna sem eiga verk á sýningunni Með viljann að vopni á Kjarvalsstöðum. Ragnheiður er löngu kunn fyrir grafíkverk sín þar sem hún deilir á hlutskipti kynjanna, en hún tekur þátt í leiðsögn sunnudagsins ásamt sýningarstjóranum Hrafnhildi Schram. Að lokinni leiðsögn munu fulltrúar úr Start Art hópnum kynna bókina Laugavegurinn með upplestri, vídeosýningu og leikrænum tilþrifum. Þær sem fram koma eru Anna Eyjólfsdóttir, Björk Bjarnadóttir, Eiríksína Ásgrímsdóttir, Ragnhildur Stefánsdóttir, Unnur Þóra Jökulsdóttir og Þórdís Alda Sigurðardóttir.
> Sjá nánar

Mel Ramos - Sýningarlok. Hafnarhús sunnudag 7. nóvember

Sýning á verkum Mel Ramos (1935) lýkur sunnudaginn 7. nóvember en verkin eru hluti af glæsilegri listaverkagjöf sem austurríski galleríistinn Ernst Hilger færði Listasafni Reykjavíkur að gjöf fyrr á þessu ári. Gjöfin stendur saman af þrjátíu grafíkverkum sem gerð eru á árunum 1996–2009 og er um helmingur þeirra til sýnis núna.
> Sjá nánar

D18 – Bjarni massi. Hafnarhús, fimmtudag 4. nóvember kl. 17

Fimmtudaginn 4. nóvember kl. 17 verður 18. sýningarverkefnið í D-salar röðinni opnað með sýningu Bjarna massa (Bjarna Þórs Sigurbjörnssonar). Bjarni massi lauk námi frá Listaháskóla Íslands árið 2002. Hann hefur verið virkur í sýningahaldi hérlendis og erlendis, leikstýrt stuttmyndum og heimildarmyndum og hannað leikmyndir. Sýningin stendur til 9. janúar 2011. Sýningarstjóri er Yean Fee Quay.
> Sjá nánar

Fjölskylduleiðsögn um kynjahlutverk. Kjarvarlsstaðir, sunnudag 31. október kl: 15:00

Í fjölskylduleiðsögn Kjarvalsstaða næstkomandi sunnudag verður brugðið upp myndum af ólíkum hlutverkum kynjanna. Leiðsögnina annast fræðslufulltrúi safnsins, Bergsveinn Þórsson sem skoðar málefnið út frá sýningunum Með viljann að vopni og sýningarverkefni norðursalarins, sem nefnist k(v)k – smiðja.
> Sjá nánar

Alternative north - Aspects of contemporary art in scandinavia. Hafnarhús - Ráðstefna. Helgina 5. - 7. nóvember 2010.

Virtir safnstjórar, listgagnrýnendur og sýningarstjórar frá Norðurlöndum koma saman á málþingi í Listasafni Reykjavíkur – Hafnarhúsi helgina 5. – 7. nóvember til að ræða stöðu samtímalistar á Norðurlöndum. Yfirskrift málþingsins er Alternative North - A Symposium on Contemporary Nordic Art.
> Sjá nánar

Lokasprettur hjá safnaskottum. Kjarvalsstaðir, föstudag 22. - mánudags 25. október

Þá er komið að lokasprettinum í Safnaskottudagskránni á Kjarvalsstöðum, sem lýkur formlega með Kvennafrídags göngunni mánudaginn 25. október kl. 14.25. Umgjörð viðburðanna er sýningin Með viljann að vopni í vestursal Kjarvalsstaða. Aðgangur er ókeypis og allir velkomnir. Hádegisviðburðirnir hefjast kl. 12:30 en á sunnudögum hefst dagskráin kl. 15.
> Sjá nánar

Kínó klúbburinn: Hátíð - smiðja - sýning. Hafnarhús, fimmtudag 21. - sunnudags 24. október

Kínó klúbburinn heldur áfram öflugri starfsemi sinni í Listasafni Reykjavíkur – Hafnarhúsi, en frá fimmtudegi til sunnudags býður félagsskapurinn upp á kvikmyndahátíðina Kvikar myndir, kvikmyndasmiðju fyrir fullorðna, fyrirlestur og sýningu á afrakstri smiðjunnar sem og afrakstur barnasmiðju sem haldin var liðna helgi.
> Sjá nánar

Gardar Eide Einarsson - Power has a Fragrance. Hafnarhús 21. október 2010 - 9. janúar 2011

Gardar Eide Einarsson (1976) er einn nafntogaðasti listamaður sem komið hefur fram á sjónarsviðið hin síðari ár á Norðurlöndum. Hann er af íslensku bergi brotinn en verk hans hafa vakið heimsathygli og skipar hann sér í raðir með eftirtektarverðustu listamönnum samtímans.
> Sjá nánar

Hönnun fyrir Ragnarök. Hafnarhús, fimmtudag 28. október kl. 20

Hönnunarstofan Apokalyps Labotek ALT flytur fyrirlestur undir yfirskriftinni "Design for an apocalyptic era" í fyrirlestraröð Hönnunarmiðstöðvar í Hafnarhúsi Listasafns Reykjvíkur. Meginefni fyrirlestrarins er sjálfbær hönnun, endurnýting hráefnis og kynning á ferli og framleiðslu ALT, en Labotek ALT er hönnunar- og nýsköpunarstofa staðsett í Malmö í Svíþjóð.
> Sjá nánar

Safnaskottur - söngur - ljóð og uppistand, 9. - 25. október á Kjarvalsstöðum kl. 12.30

Hin daglega Safnaskottudagskrá á Kjarvalsstöðum hefur slegið í gegn og fjölmenni lagt leið sína til að hlýða og horfa á tónlist, upplestur, fyrirlestra og trúðasprelli í hádegishléinu. Framundan er litrík dagskrá með frábærum listakonum á borð við Júlíu Hannam, Þórunni Ernu Clausen, Hildi Hákonardóttur, Þóru Passauer og Lilju Eggertsdóttur.
> Sjá nánar

Kínósmiðja - Kvikmyndagerð fyrir börn. Hafnarhús laugardag 16. október kl. 13 - 16

Kínóklúbburinn og Listasafn Reykjavíkur bjóða upp á námskeið í gerð kvikmynda án notkunar myndavélar fyrir börn á aldrinum 8-15 ára. Námskeiðið er ókeypis og rúmar tuttugu þátttakendur. Foreldrar eru hvattir til að koma með og taka þátt í skapandi smiðju. Nemendur geta tekið með sér verkfæri á borð við svampa, stimpla, pensla og málningu til að nota á námskeiðinu ef þeir eiga slíkt í fórum sínum.
> Sjá nánar

Safnaskottur - söngur - ljóð og uppistand, 9. - 25. október á Kjarvalsstöðum kl. 12.30

Næstu þrjú hádegi er fjölbreytileikinn allsráðandi þar sem söngkonurnar Þórunn Erna Clausen og Guðrún Árný og Soffía Karlsdætur leika af fingrum fram, ung skáldkona opnar bækur sínar og Pörupiltar bjóða dömum upp á nýstárlegt dekur. Allir viðburðirnir fara fram á sýningunni Með viljann að vopni sem nú stendur yfir í vestursal Kjarvalsstaða. Þeir hefjast kl. 12:30 og lýkur um hálftíma síðar.
> Sjá nánar

Skottudagskrá: Trúðar - listakonur - ljóð. Laugardag 9. - mánudags 11. október

Trúðarnir Mr. Klumz og Plong. Svala Sigurleifsdóttir, Dómur Parísar 1-4, 1978-1979. Fyrstu viðburðir hinnar skipulögðu dagskrár sem Skotturnar og Listasafn Reykjavíkur gangast fyrir á Kjarvalsstöðum í aðdraganda Kvennafrídagsins hefjast nú um helgina.
> Sjá nánar

Indian Highway – Síðasta sýningarhelgi. Sunnudag 10. október

Á sýningunni Indian Highway, sem lýkur næstkomandi sunnudag, gefst einstakt tækifæri til að skyggnast inni í framandi veröld indversks samfélags. Á sýningunni í Hafnarhúsinu eru sýnd skjáverk eftir 25 indverska listamenn sem fjalla um viðfangsefni eins og lýðræði, umhverfi, trúarbrögð, kynþætti, kynja hlutverk og stéttskiptingu.
> Sjá nánar

Safnaskottur - Dagskrárveisla. 9. - 25. október á Kjarvalsstöðum

Safnaskottur heildardagskrá:
> Sjá nánar

Myndlist og andóf - málþing. Hafnarhús, fimmtudag 7. október kl. 20

Imagine Reykjavík er yfirskrift ólíkra viðburða sem endurspegla friðar- og kærleiksboðskap John Lennon og Yoko Ono og nær yfir 8 vikna tímabil. Listasafn Reykjavíkur leggur sitt lóð á vogarskálarnar með málþingi um myndlist og andóf í Hafnarhúsinu fimmtudagskvöldið 7. október, en eins og kunnugt er hefur Yoko Ono beitt myndlist sinni til að boða frið og andæfa stríði og hervæðingu um áratuga skeið.
> Sjá nánar

Jón Haraldsson arkitekt, innsetning og umræður. Helgina 2. - 3. október

Í tilefni af alþjóðlegum byggingarlistardegi verður slegið upp dagskrá á Kjarvalsstöðum Listasafns Reykjavíkur sem helguð er Jóni Haraldssyni arkitekt. Um er að ræða innsetningu sem mun standa helgina 2.-3. október en fyrri daginn, laugardaginn kl. 15:00 verður Pétur H. Ármannsson arkitekt með fyrirlestur um verk Jóns og nokkrir vina hans og samstarfsmanna munu halda stutt erindi um hann.
> Sjá nánar

Fjölskylduleiðsögn um Erró Klippimyndir. Hafnarhús, sunnudag 26. september kl. 15

Það geta allir gert klippimyndir, en það sem helst prýðir góða klippimynd er myndbygging og litanotkun. Næstkomandi sunnudag kl. 15 mun Klara Þórhallsdóttir, fræðslufulltrúi safnsins, vera með leiðsögn um hina nýlega opnuðu Erró klippimyndasýningu og leggja áherslu á gerð klippimyndaverka Errós og kynna um leið klippimyndasamkeppnina sem Listasafn Reykjavíkur gengst fyrir að frumkvæði Errós.
> Sjá nánar

Foggy Mountain – Kínó klúbbur. Hafnarhús, fimmtudag 23. september kl. 20

Kvikmyndin Foggy Mountains Breakdown More Than Non-Foggy Mountains (2006) eftir Jessie Stead er unnin með blandaðri tækni þar sem fram koma að minnsta kosti níu afbrigði af bluegrass standardinum Foggy Mountain Breakdown eftir Lester Flatt og Earl Scruggs (1949). Lagið sjálft er ekki mjög þekkt utan aðdáenda bluegrass tónlistar, þótt það sé samgróið amerískri meðvitund í gegnum klassískar eltingaleiks kvikmyndir og sjónvarpsþætti, en frægasta dæmið er vafalaust kvikmynd Arthurs Penn Bonnie og Clyde frá 1967.
> Sjá nánar

Klippimyndasamkeppni – Verðlaunin áritað verk eftir Erró

Á opnun sýningarinnar Erró-Klippimyndir laugardaginn 18. september, var tilkynnt um samkeppni í tveimur flokkum um gerð klippimynda, sem Listasafn Reykjavíkur efnir til að frumkvæði Errós. Til mikils er að vinna en verðlaunin, sem í boði eru fyrir bestu klippimyndina í hvorum flokki, eru árituð myndaverk eftir Erró.
> Sjá nánar

Ég er ekki safnhaugur – Listamannaspjall Magnúsar Helgasonar. Hafnarhús, sunnudag 19. september kl. 15

Ég er ekki safnhaugur, ég er ánamaðkur – Garðyrkjustörf með málningu, er yfirskriftin á sýningu Magnúsar Helgasonar myndlistarmanns í Hafnarhúsinu, en hann verður með listamannsspjall næstkomandi sunnudag. Sýningin er 17. sýning D-salar verkefnisins.
> Sjá nánar

Elektra Ensemble – Þrjú tríó, þrjár aldir. Sunnudag 19. september kl. 20

Á tónleikum Elektra Ensemble á Kjarvalsstöðum næstkomandi sunnudagskvöld verða flutt þrjú tríó fyrir flautu, selló og píanó frá þremur öldum. Hið klassíska og virðulega Píanótríó í D-úr Hob. XV:16 eftir J. Haydn, bjarta og líflega Tríóið fyrir flautu, selló og píanó eftir B. Martinu og hið tilfinningaþrungna Píanótríó nr. 1 í d-moll, op. 49 eftir F. Mendelssohn sem flestir þekkja í flutningi fiðlu, sellós og píanós. Hér verður það flutt í sérstakri útsetningu Mendelssohn fyrir flautu, selló og píanó, sem ekki hefur heyrst áður á Íslandi.
> Sjá nánar

Erró - Klippimyndir (1950-2010). Hafnarhús, laugardag 18. september kl. 15

Frá og með næstkomandi laugardegi gefst almenningi í fyrsta skipti tækifæri til að skoða um það bil 130 klippimyndir sem Erró hóf að gefa Listasafni Reykjavíkur árið 1989. Listamaðurinn kemur til landsins af þessu tilefni og verður viðstaddur þegar borgarastjórinn í Reykjavík, Jón Gnarr, opnar sýninguna. Við sama tilefni mun Hafþór Yngvason, safnstjóri Listasafns Reykjavíkur, kynna til sögunnar klippimyndasamkeppni, sem Erró býður nemendum og almenningi að taka þátt í, og þau myndarlegu verðlaun sem samkeppninni fylgja.
> Sjá nánar

Vík Prjónsdóttir – Ferillinn í hnotskurn, fimmtudag 16. september kl. 20

Hönnunarteymið Vík Prjónsdóttir segir frá ferli, ferðalögum, gjörningum, sýningum og samstarfi liðinna ára í Listasafni Reykjavíkur – Hafnarhúsi næstkomandi fimmtudag, í fyrirlestraröð Hönnunarmiðstöðvar Íslands, Listasafns Reykjavíkur og Listaháskóla Íslands.
> Sjá nánar

Með viljann að vopni – Sýningarstjóraspjall Hrafnhildar Schram, sunnudag 12. september kl. 15

Múgur og margmenni lögðu leið sína á Kjarvalsstaði síðastliðinn laugardag til að vera viðstaddir þegar frú Vigdís Finnbogadóttir opnaði sýninguna Með viljann að vopni – Endurlit 1970 - 1980. Nú rúmri viku síðar, gefst gestum kostur á að hlýða á og ræða við sýningarstjórann, Hrafnhildi Schram, sem rannsakað hefur tímabilið og varpað á það forvitnilegu ljósi með listaverkum eftir tuttugu og sjö konur, sem létu til sín taka á kvennaáratugnum svokallaða.
> Sjá nánar

Ballöður og Beethoven með Tríói Reykjavíkur. Kjarvalsstaðir, föstudag 10. september kl. 12:15

Listasafn Reykjavíkur og Tríó Reykjavíkur hafa um nokkurt skeið verið í samstarfi um ókeypis hádegistónleikaröð á Kjarvalsstöðum við góðar undirtektir. Á tónleikum næstkomandi föstudag kennir ýmissa grasa allt frá kunnuglegum ballöðum eftir íslensk og erlend tónskáld til píanótríós í B-dúr eftir Beethoven.
> Sjá nánar

Indian Highway og D17 – Magnús Helgason, fimmtudag 9. september kl. 17

Tvær sýningar verða opnaðar í Listasafni Reykjavíkur – Hafnarhúsi næstkomandi fimmtudag. Þetta eru Indian Highway – Skjáverk í indverskri samtímalist og sýning Magnúsar Helgasonar í D salnum, sem er 17. verkefni salarins.
> Sjá nánar

Svefnljós Ráðhildar Ingadóttur. Ásmundarsafn, sunnudag 5. september kl. 14

Á sunnudaginn mun Ráðhildur ræða verk sitt en það stendur saman úr rýminu sjálfu og einstakri hljóðmyndun þess, tölvu, handspegli, ljósvarpa og skugga. Verkið er einstakt að því leyti að gestir verða að gefa sér tíma til að upplifa það, en tíminn er bundinn líffræðilegri virkni hvers og eins.
> Sjá nánar

Með viljann að vopni - Endurlit 1970-1980. Laugardag 4. september kl. 16

Sögulegra tímamóta kvenfrelsisbaráttunnar verður minnst á sýningunni Með viljann að vopni – Endurlit 1970–1980, sem frú Vigdís Finnbogadóttir mun opna á Kjarvalsstöðum. Sýningarstjóri er Hrafnhildur Schram.
> Sjá nánar

Sýningalok í Hafnarhúsi. Sunnudag 29. ágúst

Senn líður að lokum sumarsýninga Hafnarhússins og haustsýningarnar hefja innreið sína. Næstkomandi sunnudag, 29. ágúst, er síðasta tækifæri til að sjá sýningu Unnars Arnar Auðarsonar Í safni ófullkomleikans og sýninguna Vanitas, kyrralíf í íslenskri samtímalist.
> Sjá nánar

Þar sem krakkar mega klifra. Sunnudag. 29. ágúst kl. 14

Ásmundarsafn er einn af þessum dýrmætu stöðum í borginni þar sem áhugavert umhverfi og rými renna saman í skemmtilega upplifun bæði innan húss og utan. Í upphafi skólaárs og í umskiptum sumars yfir í haust er upplagt fyrir fjölskylduna að skoða sýninguna Ég kýs blómlegar konur... og endurgerð af vinnustofu Ásmundar Sveinssonar í fylgd með Klöru Þórhallsdóttur, myndlistarmanni og kennara.
> Sjá nánar

Öflugt haust framundan!

Hvorki fleiri né færri en 13 sýningar og 45 viðburðir eru í boði hjá Listasafni Reykjavíkur frá byrjun september og fram að áramótum.
> Sjá nánar

Nekt – Gary Schneider - Sýningarlok. Föstudag 27. ágúst

Þrjátíu ögrandi myndir af nöktum líkömum í raunstærð, eftir hinn heimskunna ljósmyndara Gary Schneider, eru á sýningunni Nekt, sem staðið hefur yfir í Listasafni Reykjavíkur - Hafnarhúsi frá því um miðjan maí. Sýningunni lýkur næstkomandi föstudag, en enginn áhugamaður um ljósmyndun ætti að láta hana fram hjá sér fara.
> Sjá nánar

Annað auga - Sýningarlok. Sunnudag 22. ágúst

Það er fágætt meðal opinberra safna að eiga þess kost að fá heildstæða, en jafnframt mótaða sýningu úr einkaeigu listaverkasafnara, eins og nú er raunin á Kjarvalsstöðum. Á sýningunni Annað auga eru til sýnis um sextíu ljósmyndaverk eftir marga af eftirsóttustu listamönnum samtímans á veraldarvísu, en verkin eru öll í eigu listaverkasafnaranna Péturs Arasonar og Rögnu Róbertsdóttur. Safneign þeirra telur um eitt þúsund verk, sem er ein stærsta einkasafneign á Íslandi.
> Sjá nánar

MENNINGARNÓTT, laugardag 21. ágúst 10 - 23

Grænlenskt rokk, djöfullegir djasstónar og listrænt jóga er meðal þeirra óvæntu Menningarnæturviðburða, sem Listasafn Reykjavíkur býður gestum upp á næsta laugardag. Hafnarhús, Kjarvalsstaðir og Ásmundarsafn iða af lífi og fjöri frá morgni til kvölds með metnaðarfullri dagskrá, sem sniðin er að menningarþyrstum gestum á öllum aldri.
> Sjá nánar

In the Beginning - Sýning fellur niður

Sýningin In the Beginning, sem vera átti næstkomandi fimmtudagskvöld, 26. ágúst, fellur niður vegna forfalla.
> Sjá nánar

Reykjavík safarí. Fimmtudag 8. júlí kl. 20

Menningarlífið í miðborginni kynnt á spænsku, ensku, pólsku, tælensku og litháísku. Veist þú hvar bókasöfnin og söfnin, leikhúsin, stytturnar og skemmtilegu staðirnir eru? Hvað er ókeypis? Hvað gerist um helgar? Hvað er fyrir börn, fjölskyldur og fullorðna?
> Sjá nánar

Listasafn Reykjavíkur er lokað 17. júní

Öll hús Listasafns Reykjavíkur; Hafnarhús, Kjarvalsstaðir og Ásmundarsafn, verða lokuð á þjóðhátíðardegi Íslendinga, 17. júní.
> Sjá nánar

Kennileiti minninganna - Kvöldgögnur í hverfunum. Fimmtudag, 1. júlí KL. 20:00

Sigurlaug Ragnarsdóttir annast leiðsögn um útilistaverk í miðbænum næstkomandi fimmtudagskvöld þegar lagt verður upp í fjórðu kvöldgönguna sem menningarstofnanir Reykjavíkurborgar standa fyrir. Gangan tekur um klukkustund en í henni mun Sigurlaug kynna ólíkar aðferðir við miðlun útilistaverka, gildi miðlunar og upplifun einstaklings á henni. Í göngunni verður lögð áhersla á að skoða útilistaverk á hugmyndafræðilegum grundvelli og draga þannig fram nýjar áherslur og nýja sýn auk þess að vekja upp spurningar um mikilvægi verkanna.
> Sjá nánar

Erró - Mannlýsingar - Dúkkur. 28. maí - 29. ágúst

Nýlega var opnuð í Hafnarhúsinu ný þemasýning á verkum úr Erró-safneigninni þar sem dúkkur eru í aðalhlutverki. Dúkkur eru ekki algengt myndefni í listasögunni, hvorki fyrr á tímum né nú á dögum og því kom Erró mörgum á óvart í lok 9. áratugar síðustu aldar þegar hann hóf að gera samklippimyndir og síðar málverk þar sem ljósmyndir af dúkkum, flestum frá því fyrir fyrri heimsstyrjöld, eru megin myndefnið.
> Sjá nánar

Japan í norðri - Nútímatónlistarhátíð. Kjarvalsstaðir, laugardag 12. og sunnudag 13. júní

Hin árvissa nútímatónlistarhátíð Frum, sem kammerhópurinn Adapter og Listasafn Reykjavíkur standa fyrir, fer nú fram á Kjarvalsstöðum helgina 12. og 13. júní. Þema hátíðarinnar í ár er Japan í Norðri. Megináhersla Frum hátíðarinnar er að kynna meistaraverk nútímatónbókmentanna fyrir tónlistarunnendum, verk sem þegar hafa sett mark sitt á tónlistarsöguna en eru þó sjaldheyrð í tónleikahúsum Reykjavíkur. Auk þessa eru alla jafnan flutt tónverk eftir yngri kynslóð tónskálda, íslenskra sem og erlendra.
> Sjá nánar

Fyrsta hvíta móðirin í Ameríku. Hafnarhús, fimmtudag 10. júní kl. 20

Afsteypa af höggmyndinni Fyrsta hvíta móðirin í Ameríku eftir Ásmund Sveinsson var sett upp í Þjóðmenningarsafni Kanada (Canada Museum of Civilization) árið 2000. Frumgerð verksins er frá 1938 en hún var sýnd á heimssýningunni í New York árið 1939. Í fyrirlestri sínum næstkomandi fimmtudagskvöld mun Tinna Grétarsdóttir mannfræðingur fjalla um umrædda höggmynd Ásmundar með áherslu á hvernig listaverk kann að skipa miðlægt hlutverk í sköpun og miðlun menningararfs og sjálfsmyndar og hvernig það kann að ramma inn sögu þverþjóðlegra tengsla afkomenda Vestur-Íslendina við gamla landið.
> Sjá nánar

Listaverkaganga í Viðey. Sunnudag 13. júní kl. 14:30

Heiðar Kári Rannversson verður með leiðsögn um listaverkin í Viðey næstkomandi sunnudag og ræðir um Friðarsúlu Yoko Ono og Áfanga eftir hinn kunna, bandaríska listamann Richard Serra. Heiðar Kári útskrifaðist með BA gráðu í listfræði frá Háskóla Íslands vorið 2009 en lokaverkefni hans fjallaði um listaverkin í Viðey. Í leiðsögn sinni skoðar Heiðar Kári tengsl verkanna við umhverfið og áhorfendur.
> Sjá nánar

Vanitas - Fyrirlestur og leiðsögn. Hafnarhús, sunnudag 6. júní kl. 15

Hugtakið vanitas verður krufið til mergjar í fyrirlestri Hafþórs Yngvasonar safnstjóra Listasafns Reykjavíkur, en hann er jafnframt sýningarstjóri sýningarinnar Vanitas, kyrralíf í íslenskri samtímalist í Hafnarhúsinu. Að lokunum fyrirlestri fer Hafþór með gestum um sýninguna og ræðir það sem fyrir augu ber.
> Sjá nánar

Ertu með ferðamenn á þínum snærum?

Leiðsögn á ensku á Kjarvalsstöðum alla fimmtudaga í júní, júlí og ágúst kl. 12:00.
> Sjá nánar

Smíðaðu eigin myndavél og framkallaðu á staðnum - Fjölskyldusmiðja. Kjarvalsstaðir, laugardag 5. júní kl. 13 - 16

Það er í raun sáraeinfalt að smíða sína eigin myndavél og framkalla myndir. Þessu fá börn og fjölskyldufólk að kynnast í smiðju sem sett verður upp í tengslum við sýningarverkefnið Ljós&mynd. Kassa myndavélin (pinhole myndavél) er mjög einföld myndavél án linsu. Hún er einfaldlega kassi með mjög litlu gati á einni hliðinni. Ljós frá umhverfinu fer í gegnum þetta litla gat og lýsir andhverfri fyrirmyndi á bakhlið kassans.
> Sjá nánar

Kínó klúbburinn. Hafnarhús, fimmtudag 3. júní kl. 20

Á sameiginlegri dagskrá Kínó klúbbsins og Listasafns Reykjavíkur næstkomandi fimmtudagskvöld eru sýnd verk eftir þrjá margverðlaunaða kvikmyndagerðar- og vídeólistamenn sem leitast við að umbreyta hversdagslegum raunveruleika sínum ramma fyrir ramma.
> Sjá nánar

Fullkomleikaárátta. Hafnarhús, sunnudag 30. maí kl. 15

Fullkomleikaárátta - Samtal um vald, sjálfsmynd og ófullkomleika er yfirskrift samtals sem boðað er til í Listasafni Reykjavíkur – Hafnarhúsi. Samtalið er byggt á sýningu Unnars Arnar J. Auðarsonar, Í safni ófullkomleikans 1939 – 2010, sem nýlega var opnuð í Hafnarhúsinu.
> Sjá nánar

Sara Riel hlýtur styrk úr listasjóði Guðmundu S. Kristinsdóttur

Í dag afhenti Hafþór Yngvason, safnstjóri Listasafns Reykjavíkur, Söru Riel verðlaunafé og viðurkenningu úr Listasjóði Guðmundu S. Kristinsdóttur fyrir framlag sitt á sviði myndlistar. Sjóðinn stofnaði Erró til minningar um frænku sína Guðmundu og er honum ætlað að efla og styrkja listsköpun kvenna. Er þetta í ellefta sinn sem styrkur er veittur úr sjóðnum en framlagið rennur til listakonu sem þykir skara fram úr. Stjórn sjóðsins skipa safnstjórar Listasafns Reykjavíkur, Listasafns Íslands og Listasafnsins á Akureyri.
> Sjá nánar

Afsteypur eftir Ásmund Sveinsson - Tilvalin tækifærisgjöf

Listasafn Reykjavíkur býður upp á fjölbreytt úrval af afsteypum eftir Ásmund Sveinsson sem er tilvalin útskriftargjöf. Verðið er sanngjarnt en takmarkað upplag er af hverri afsteypu.
> Sjá nánar

Krads: Lóðrétt einbýlishús, legokubbar og turn úr indíjánatjaldi. Hafnarhús, fimmtudag 27. maí kl. 20

KRADS arkitektar er ung arkitektastofa sem fer ekki troðnar slóðir í verkefnum sínum. Næstkomandi fimmtudagskvöld,verða fulltrúar frá stofunni í fjölnotasal Hafnarhússins og munu segja frá verkefnum sínum í máli og myndum, en þeirra á meðal eru lóðrétt einbýlishúsabyggð, fljúgandi drive-through veitingastaður, 50 hæða turn í formi indíánatjalds og leikur með LEGO.
> Sjá nánar

Safnari, sýningarstjóri og ljósmyndari. Kjarvalsstaðir, hvítasunnudag 23. maí kl. 15

Hinn mikilvirki listaverkasafnari Pétur Arason mætir sýningarstjóranum Birtu Guðjónsdóttur og ljósmyndaranum Einari Fali Ingólfssyni í spjalli um sýninguna Annað auga – Ljósmyndaverk úr safneign Péturs Arasonar og Rögnu Róbertsdóttur.
> Sjá nánar

Hvítasunnuhelgin í Listasafni Reykjavíkur

Opið er alla hvítasunnuhelgina í Listasafni Reykjavíkur samkvæmt hefðbundnum opnunartíma, en á hvítasunnudag verður opið í Hafnarhúsi og á Kjarvalsstöðum frá kl. 13-17 og í Ásmundarsafni frá kl. 12-16.
> Sjá nánar

Einar Falur fjallar um Nekt Schneiders. Hafnarhús, laugardag 22. maí kl. 15

Gary Schneider, Ellen, 2004. Ljósmyndaserían Nekt í Listasafni Reykjavíkur – Hafnarhúsi hefur vakið mikla athygli fyrir áleitnar og ögrandi myndir af nöktum líkömum í fullri stærð. Verkin eru eftir hinn kunna listamann og New Yorkbúa Gary Schneider.
> Sjá nánar

Raflistahátíð í Listasafni Reykjavíkur. Hafnarhús, fimmtudag - laugardags 20. - 22. maí

Lorna, félag áhugamanna um rafræna list og Raflistafélag Íslands, félag sjálfstætt starfandi raflistamanna standa fyrir raflistahátíð í Reykjavík dagana 14. - 22. maí undir heitinu RAFLOST + Pikslaverk.
> Sjá nánar

Svefnljós - Ráðhildur Ingadóttir. Ásmundarsafn, fimmtudag 20. maí kl. 18.30

Svefnljós er heiti á innsetningu Ráðhildar Ingadóttur í Ásmundarsafni. Verkið stendur saman af hvolfi kúlunnar í Ásmundarsafni, hljóði rýmisins, tölvu, handspegli, ljósvarpa og skugga.
> Sjá nánar

Vanitas - Kyrralíf. Hafnarhús, fimmtudag 20. maí kl. 17

Latneska orðið vanitas merkir hégómi, eitthvað sem er innantómt, fánýtt eða einskisvert. Í listasögunni er vanitas notað um kyrralífsmálverk sem tjá hverfulleika jarðlífsins. Hér er heitið notað um samtímaverk sem teljast kyrralíf, þótt mörg þeirra hafi ekki verið sýnd sem slík í upphafi.
> Sjá nánar

Þrjár nýjar sýningar: Í safni ófullkomleikans - Vanitas-Kyrralíf - Svefnljós. Fimmtudag 20. maí kl. 17 og 18.30

Næstkomandi fimmtudag, 20. maí kl. 17, verða sýningarnar Í safni ófullkomleikans og Vanitas - Kyrralíf opnaðar í Hafnarhúsinu og gestir síðan ferjaðir þaðan með rútu kl. 18:30 í Ásmundarsafn þar sem innsetningin Svefnljós verður opnuð í kúlunni.
> Sjá nánar

Í safni ófullkomleikans - Unnar Örn J. Auðarson Hafnarhús, fimmtudag 20. maí kl. 17

Á sýningu sinni, Í safni ófullkomleikans, leggur Unnar Örn áherslu á gildi og inntak hins ófullkomna. Í grein sem Markús Þór Andrésson hefur ritað í tilefni sýningarinnar segir m.a.: „Listasafn Reykjavíkur hefur boðið Unnari Erni að sýna í Hafnarhúsinu og af því tilefni beinir hann sjónum sínum að stofnuninni sem slíkri í víðu samhengi en innviðum hennar einnig. Hvernig er menning samfélags skrásett, varðveitt og notuð til að endurspegla sjálfsmynd borgaranna og sögu þeirra?
> Sjá nánar

Líkamar framandi kvenna. Hafnarhús, sunnudag 16. maí kl. 15

Líkamar framandi kvenna: Póstkort frá Alsír og konur með blæju er yfirskrift fyrirlesturs sem Kristín Loftsdóttir prófessor í mannfræði við Háskóla Íslands verður með í tengslum við sýninguna Erró – Konur frá Norður Afríku
> Sjá nánar

Fyrirlestur með Gary Schneider. Hafnarhús föstudag 14. maí kl. 12

Hinn heimskunni ljósmyndari Gary Schneider verður með hádegisfyrirlestur í fjölnotasal Hafnarhússins, föstudaginn 14. maí kl. 12:00, þar sem hann fer yfir feril sinn í máli og myndum. Aðgangur ókeypis. Sýning Gary Schneiders, Nekt, verður opnuð í Hafnarhúsinu laugardaginn 15. maí. Kl. 15.
> Sjá nánar

Rafrænt boðskort

Listasafn Reykjavíkur hefur nú sent bréf til allra boðsgesta þar sem þeir eru hvattir til að senda inn netfangið sitt og fá framvegis rafrænt boðskort á sýningar í Hafnarhúsi, Ásmundarsafni og á Kjarvalsstöðum. Á boðslista safnsins eru um 1500 manns og er þetta átak gert með umhverfissjónarmið í huga. Aðrir velunnarar Listasafns Reykjavíkur eru hvattir til að senda inn nafn sitt og netfang vilji þeir fá boðskort á sýningar þess. Netfangið er soffia.karlsdottir@reykjavik.is
> Sjá nánar

Nekt - Gary Schneider. Opnun laugardag 15. maí kl. 15

Þrjátíu ögrandi myndir af nöktum líkömum í raunstærð, eftir hinn heimskunna ljósmyndara Gary Schneider, verða á sýningunni Nekt, sem opnuð verður í Listasafni Reykjavíkur - Hafnarhúsi.
> Sjá nánar

Annað auga - Ljósmyndaverk úr safneign Péturs Arasonar og Rögnu Róbertsdóttur. Kjarvalsstaðir, föstudag 14. maí kl. 17

Hjónin Pétur Arason og Ragna Róbertsdóttir eiga eitt stærsta safn listaverka í einkaeigu á Íslandi með verkum eftir kunnustu samtímalistamenn heims, innlenda sem erlenda. Safn Péturs og Rögnu er byggt upp af persónulegum kynnum þeirra við listamennina og endurspeglar fagurfræði þeirra fremur en tískusveiflur á listaverkamarkaði.
> Sjá nánar

Blómlegar konur. Ásmundarsafn, sunnudag 9. maí kl. 14

Konur, kvenímyndir og tákngervingar kvenna eru viðfangsefni nýrrar sýningar í Ásmundarsafni við Sigtún þar sem sjónum er beint að kvenlægum stefjum í verkum Ásmundar Sveinssonar. Næstkomandi sunnudag,verður Ásdís Ásmundsdóttir, dóttir listamannsins, með í för í leiðsögn um sýninguna, sem ber yfirskriftina „Ég kýs blómlegar konur. . . “ Konan sem tákn í list Ásmundar Sveinssonar.
> Sjá nánar

Gardar Eide opnar í Astrup Fearnley safninu í Osló. Fimmtudaginn 6. maí

Hinn íslensk ættaði Gardar Eide Einarsson opnar einkasýningu í Astrup Fearnley safninu í Osló næstkomandi fimmtudag. Sýning Gardars verður opnuð hér á landi í október. Gardar hefur náð miklum fram sem myndlistarmaður í Evrópu og Bandaríkjunum. Meðal þeirra sem eiga texta í veglegri sýningarskrá sem fylgir sýningunni er íslenski rithöfundurinn Sjón.
> Sjá nánar

Minn Ásmundur

Í dag voru veitt verðlaun í hönnunarsamkeppni í anda myndhöggvarans Ásmundar Sveinssonar sem verslunin Kraum, Listasafn Reykjavíkur og Hönnunarmiðstöð Íslands standa að. Þetta er í annað sinn sem þessir sömu aðilar standa fyrir hönnunarsamkeppni þar sem skírskotað er til einstaks listamanns, í fyrra var það Erró, og væntingar standa til að framhald verði á samstarfinu í framtíðinni. Samkeppnin, hönnun í anda Ásmundar, var opin öllum. Í samkeppnislýsingu var óskað eftir tillögum að nytjahlut sem endurspegla skyldi hugarheim og verk myndhöggvarans Ásmundar Sveinssonar.
> Sjá nánar

Sýningarstjóraspjall á útskriftarsýningu Listaháskólans. Sunnudag 2. maí kl. 15

Fleiri þúsund manns hafa streymt í Listasafn Reykjavíkur í Hafnarhúsi undanfarna daga til að skoða og upplifa hina kraftmiklu sýningu útskriftarnemenda í myndlistardeild og hönnunar- og arkitektúrdeild Listaháskóla Íslands. Næstkomandi sunnudag kl. 15 bjóða sýningarstjórar sýningarinnar, þeir Daníel Karl Björnsson og Jóhann Sigurðsson, gestum að ganga með sér um sýninguna og spjalla um það sem fyrir augu ber.
> Sjá nánar

Blæbrigði vatnsins - sýningarlok. Kjarvalsstaðir, sunnudag 2. maí

Á sunnudag lýkur hinni rómuðu vatnslitasýningu á Kjarvalsstöðum, Blæbrigði vatnsins - Vatnslitir í íslenskri myndlist 1880-2010. Sýningin gefur einstakt yfirlit yfir sögu vatnslitaverka á Íslandi og er í raun fyrsta tilraun sem gerð hefur verið til skráningar á sögu vatnslitanna í íslenskri myndlist.
> Sjá nánar

Ásmundur Sveinsson - samkeppni og sýning. Ásmundarsafn, laugardag 1. maí kl. 17

Kunngerð verða úrslit í hönnunarsamkeppni í anda Ásmundar. Það er dóttir listamannsins, Ásdís Ásmundsdóttir, sem mun afhenda fyrstu verðlaun að upphæð kr. 500.000,- en fimmtán bestu hugmyndirnar í samkeppninni verða einnig til sýnis í safninu. Á sama tíma verður opnuð sýningin Ég kýs blómlegar konur ... Konur í verkum Ásmundar Sveinssonar, þar sem sjónum er beint að konum og kvenímyndinni í verkum Ásmundar. Þá hefur hluti af vinnustofu Ásmundar verið endurgerður, sem gerir gestum kleift að skyggnast inn í líf og starf myndhöggvarans.
> Sjá nánar

Erkihertoga- og sígaunatríóin. Kjarvalsstaðir, miðvikudag 28. apríl kl. 12.15

Listasafn Reykjavíkur og Tríó Reykjavíkur hafa um nokkurt skeið verið í samstarfi um ókeypis hádegistónleikaröð á Kjarvalsstöðum við góðar undirtektir. Á miðvikudaginn verður sjónum beint að tveimur þekktum tríóum og dúett fyrir selló og píanó. Tónleikarnir eru um 45 mínútur að lengd. Tríó Reykjavíkur skipa Guðný Guðmundsdóttir fiðla, Gunnar Kvaran selló og Peter Maté píanó.
> Sjá nánar

Færeysk barna og fjölskylduhátíð. Kjarvalsstaðir, sunnudag 25. apríl kl 14 - 18

Frændur okkar Færeyingar eru í aðalhlutverki á barna- og fjölskylduhátíð Kjarvalsstaða næstkomandi sunnudag. Meðal þeirra sem koma til landsins af þessu tilefni er hinn ógnvekjandi en hjartahlýi Trölla Pétur, sem er ein vinsælasta hetja færeyskra barna.
> Sjá nánar

Barnamenning í Listasafni Reykjavíkur. Mánudag 19. - sunnudags 25. apríl.

Listasafn Reykjavíkur tekur virkan þátt í Barnamenningarhátíð í Reykjavík með fjölbreyttum viðburðum. Í Hafnarhúsi stendur yfir sýning grunnskólabarna í anda Errós, í Ásmundarsafni verður tröllkonutreflagjörningur og á Kjarvalsstöðum vatnslita- og póstkortasmiðja í tengslum við Færeyska menningarhátíð.
> Sjá nánar

Afmæli með myndlistarþingi og Errósmiðju. Hafnarhús, laugardag 17. apríl kl. 13 - 16

Þann 19. apríl 2010 er áratugur liðinn frá því að Listasafn Reykjavíkur var opnað í Hafnarhúsinu. Af því tilefni er efnt til myndlistarþings með þátttöku á annað hundrað aðila laugardaginn 17. apríl kl. 13 - 16. Hluti þátttakenda er valinn fyrirfram en Listasafnið leggur ríka áherslu á að ná fram ólíkum sjónarmiðum og óskar því góðfúslega eftir þátttöku utanaðkomandi sem láta sig málefnið varða. Skráning stendur nú yfir en þátttökufjöld er takmarkaður.
> Sjá nánar

Rím - Sýningarstjóraspjall. Ásmundarsafn, sunnudag 18. apríl kl. 14

Fjölmargir, íslenskir samtímalistamenn eiga samleið með myndhöggvaranum Ásmundi Sveinssyni eins og sést glöggt á sýningunni Rím í Ásmundarsafni. Sýningunni lýkur sunnudaginn 18. apríl en þá mun annar sýningarstjóranna, Ólöf K. Sigurðardóttir, vera með leiðsögn um sýninguna.
> Sjá nánar

Móðir, kona, meyja - Elektra Ensemble. Kjarvalsstaðir, sunnudag 18. apríl kl. 20.

Tónlistarhópurinn Elektra Ensemble og Listasafn Reykjavíkur hafa um nokkurt skeið staðið sameiginlega fyrir tónleikahaldi á Kjarvalsstöðum. Tónleikarnir næstkomandi sunnudag verða tileinkaðir tónverkum kvenna víðsvegar að undir yfirskriftinni Móðir, kona, meyja. Leikin verða verk eftir Jórunni Viðar, A. Bon di Venezia, M. Bonis, T. Musgrave, Þóru Marteinsdóttur og J. Higdon.
> Sjá nánar

Sýningarstjórnun - List eða Fræði? Hafnarhús, miðvikudag 14. apríl kl. 17 - 19

Málþing Listfræðafélags Íslands í Listasafni Reykjavíkur, Hafnarhúsi við Tryggvagötu. Á þriðja málþingi Listfræðafélagsins verður áhersla lögð á sýningarstjórnun. Frummælendur munu varpa ljósi á ýmsar hliðar þess starfs og velta fyrir sér mörkum listar og fræða, túlkunar og miðlunar sem í því felast. Rætt verður um breytingar sem orðið hafa á hlutverki sýningarstjóra, mismunandi starfsvettvang og nálganir.
> Sjá nánar

Listamenn fjalla um Ljóslitlífun á lokadegi sýningarinnar. Sunnudag 11. apríl kl. 15

Tveir af listamönnunum ellefu sem eiga verk á sýningunni Ljóslitlífun í Hafnarhúsi bjóða gestum að ganga með sér um sýninguna og ræða það sem fyrir augu ber. Listamennirnir eru Jón Henrysson og Sigtryggur Berg Sigmarsson. Með þeim í för verður Sirra Sigurðardóttir listamaður og verkefnastjóri viðburða hjá Listasafni Reykjavíkur.
> Sjá nánar

Skyggni frábært. Fimmtudag 8. apríl kl. 20

Hönnunarmiðstöð Íslands og Listasafn Reykjavíkur standa sameiginlega fyrir fyrirlestri í Hafnarhúsinu næstkomandi fimmtudagskvöld, 8. apríl, þar sem fimm ungir arkitektar fjalla um nýja möguleika í arkitektúr með áherslu á gæði fremur en magn. Arkitektarnir eru Ástríður Magnúsdóttir, Bjarki Gunnar Halldórsson, Helgi Steinar Helgason, Hildur Gunnlaugsdóttir og Hildur Steinþórsdóttir.
> Sjá nánar

Hönnunarsamkeppni í anda Ásmundar Sveinssonar. Skilafresti lýkur fimmtudaginn 8. apríl kl. 17

Samstarfsverkefni Kraums, Listasafns Reykjavíkur og Hönnunarmiðstöðvar Íslands Verslunin Kraum, Listasafn Reykjavíkur og Hönnunarmiðstöð Íslands standa í annað sinn fyrir hönnunarsamkeppni þar sem sjónum er beint að ákveðnum listamanni. Á síðasta ári voru verk Errós lögð til grundvallar í samkeppninni en að þessu sinni er óskað eftir tillögum að nytjahlut sem endurspeglar hugarheim og verk myndhöggvarans Ásmundar Sveinssonar.
> Sjá nánar

Jim Finn í Kínóklúbbnum. Skírdag fimmtudag 1. apríl kl. 20

Hinn margverðlaunaði kvikmyndagerðarmaður Jim Finn verður í forgrunni á kvikmyndakvöldi Kínóklúbbsins í Hafnarhúsi næstkomandi fimmtudagskvöld, eða á skírdag. Myndir Jims hafa verið sýndar í Museum of Modern Art í NY og á alþjóðlegum hátíðum á borð við Sundance, Rotterdam, Sao Paulo, AFI og Edinborg sem og í galleríum og söfnum víða um heim.
> Sjá nánar

Ævintýradagskrá í tali og tónum. Sunnudag 28. mars kl. 14

Fjölskyldufólk er sérstaklega boðið velkomið í ævintýraheimsókn í Ásmundarsafn næstkomandi sunnudag þar sem hin ástæla leikkona Guðrún Ásmundsdóttir ásamt tveimur ungum listakonum, þeim Ragnheiði Hörpu Leifsdóttur nemanda í Listaháskóla Íslands og Andreu Marke söngkonu segja frá sýningunni Rím í tali og tónum.
> Sjá nánar

Erró – Mannlýsingar / Konur frá Norður Afríku

Erró hefur verið mikið í sviðsljósinu undanfarið vegna nýrrar sýningar á teikningum í Pompidou safninu í París, sem er eitt af stærstu söfnum heims. Samkvæmt nýlegum upplýsingum koma daglega um 4.000 gestir á sýningu Errós og frá opnun hennar hafa yfir 120.000 manns séð hana. Auk þess hafa bækur og póstkort, sem gefin voru út í tilefni sýningarinnar, runnið út. Þann 18. mars síðastliðinn var opnuð í Hafnarhúsinu sýningin Konur frá Norður-Afríku sem er hluti af sýningaröðinni Erró - Mannlýsingar.
> Sjá nánar

Opnunartími Listasafns Reykjavíkur um páskana

Lokað verður í Listasafni Reykjavíkur föstudaginn langa og páskadag. Á skírdag, fimmtudaginn 1. apríl, verður Hafnarhús opið til kl. 20 en þá verða sýndar kvikmyndir í samstarfi við Kínó klúbbinn.
> Sjá nánar

Listasafn Reykjavíkur hlýtur hönnunarverðlaun FÍT

Sýningarskráin Experiment Marathon / Tilraunamaraþon hlaut fyrstu hönnunarverðlaun á árlegri verðlaunaafhendingu Félags íslenskra teiknara þann 17. mars 2010. Bókin Experiment Marathon er gefin út af Listasafni Reykjavíkur í samvinnu við Serpentine Gallery í Lundúnum. Hönnuður verksins er Gunnar Vilhjálmsson, sem hefur um árabil séð um hönnun og útlit kynningar- og auglýsingaefnis, auk sérhæfðrar útgáfu hjá Listasafni Reykjavíkur.
> Sjá nánar

Davíð Örn, Helgi Þórsson og Sara Riel í Listamannaspjalli. Sunnudag 21. mars kl. 15

Þrír af listamönnunum ellefu sem eiga verk á sýningunni Ljóslitlífun í Hafnarhúsi bjóða gestum að ganga með sér um sýninguna og ræða það sem fyrir augu ber næstkomandi sunnudag. Listamennirnir eru Davíð Örn Halldórsson, Helgi Þórsson og Sara Riel. Með þeim í för verður listfræðingurinn Kristín Dagmar Jóhannesdóttir.
> Sjá nánar

Vorjafndægur í Viðey - Laugardag 20. mars kl. 14.30

Á vorjafndægri, verður tendrað á Friðarsúlu Yoko Ono í Viðey og mun hún loga í viku. Af því tilefni verður Heiðar Kári Rannversson með leiðsögn í Viðey þar sem Friðarsúlan og listaverkið Áfangar eftir Richard Serra verða skoðuð. Heiðar Kári útskrifaðist með BA gráðu í listfræði frá Háskóla Íslands vorið 2009 en lokaverkefni hans fjallar um listaverkin í Viðey. Í leiðsögn sinni skoðar Heiðar Kári tengsl verkanna við umhverfið og áhorfendur.
> Sjá nánar

Málþing um Blæbrigði vatnsins. Sunnudag 14. mars kl. 15

Þrjú erindi verða flutt á málþingi á Kjarvalsstöðum sem helgað er vatnslitasýningunni Blæbrigði vatnsins og fer fram sunnudaginn 14. mars kl. 15. Fyrirlesarar eru Aðalsteinn Ingólfsson, JBK Ransu og Harpa Björnsdóttir. Að loknu hverju erindi verður boðið upp á fyrirspurnir.
> Sjá nánar

HönnunarMars 2010. Fimmtudag 11. mars kl. 20

Dagana 18. – 21. mars stendur Hönnunarmiðstöðin öðru sinni fyrir HönnunarMars sem er fjögurra daga hátíð íslenskrar hönnunar og arkitektúrs. Af þessu tilefni verður Hönnunarmiðstöð með kynningu í Listasafni Reykjavíkur – Hafnarhúsi fimmtudagskvöldið 11. mars kl. 20 þar sem farið verður yfir það helsta sem í boði er á HönnunarMars. Hafnarhúsið verður helsti vettvangur hátíðarinnar en þar verða í boði fyrirlestrar, móttökur, sýningar og fleira.
> Sjá nánar

Aðsóknarmet slegið - Tvö hundruð og tuttugu þúsund gestir

Aðsóknarmet var slegið í Listasafni Reykjavíkur á síðasta ári þegar gestafjöldinn fór í fyrsta sinn yfir tvö hundruð þúsund, en heildargestafjöldi ársins 2009 nam samtals tvö hundruð og tuttugu þúsundum. Aukningin nemur 20% milli áranna 2008 og 2009 en aðgangur að safninu var gefinn frjáls 1. janúar 2008.
> Sjá nánar

Katrín Elvarsdóttir - Hvergiland. Sunnudag 7. mars kl. 15

Katrín Elvarsdóttir spjallar við gesti um sýninguna. Sýningin er 16. verkefnið sem er unnið fyrir D-salinn en sýningaröðin hófst í febrúar 2007. Í D-salnum er lögð áhersla á að kynna ný verk eftir listamenn af yngri kynslóðinni sem ekki hafa sýnt í safninu áður. D-salar verkefnið er tilnefnt til Menningarverðlauna DV 2009.
> Sjá nánar

Kínó klúbburinn - Tatsu Aoki. Hafnarhúsi fimmtudag 4. mars kl. 20.

Tatsu Aoki, kvikmyndagerðar- og tónlistarmaður. Kínó klúbburinn helgar fimmtudagsdagskrá sína í Listasafni Reykjavíkur hinum fjölhæfa japanska listamanni Tatsu Aoki sem fæddur er í Tokýó árið 1957. Auk þess að hafa helgað sig kvikmyndagerðarlistinni er Aoki eftirsóttur jazz kontrabassaleikari og hljómplötuútgefandi.
> Sjá nánar

Síðasta sýningarhelgi á sýningu Högnu Sigurðardóttur

Vinsamlega athugið að sunnudaginn 28. febrúar lýkur arkitektasýningu Högnu Sigurðardóttur á Kjarvalsstöðum.
> Sjá nánar

Vatn og litur - fjölskyldusmiðja. Sunnudag 28. febrúar kl. 14

Næstkomandi sunnudag býðst börnum og fullorðnum að skoða vatnslitasýninguna Blæbrigði vatnsins á Kjarvalsstöðum og í kjölfarið að búa til sitt eigið vantslitaverk í norðursal Kjarvalsstaða þar sem málað er beint á vegg og á póstkort sem hægt er að taka með sér að heimsókn lokinni.
> Sjá nánar

Yrki Arkitektar. Hafnarhús, Fimmtudag 25. febrúar kl. 20

Arkitektar teiknistofunnar Yrkis, þær Sólveig Berg og Ásdís Helga Ágústsdóttir munu sýna og segja frá helstu verkefnum sínum í dagskrá á vegum byggingarlistardeildar safnsins.
> Sjá nánar

Boðskort: D16 Katrín Elvarsdóttir - Hvergiland, Hafnarhús. Fimmtudag 25. febrúar kl. 17

Verið velkomin á opnun ljósmyndasýningar Katrínar Elvarsdóttur, Hvergiland, í 16. D-salar sýningaverkefni Listasafns Reykjavíkur.
> Sjá nánar

Erró í Pompidou safninu í París

Þann 17. febrúar, var opnuð í Pompidou safninu í París yfirlitssýning á klippimyndum erftir Erró. Sýningin spannar 50 ára sögu klippimynda Errós eða frá 1958 til 2009. Erró gaf Pompidou á sjöunda tug klippimynda á síðasta ári og fyrirhugar meira framlag á þessu ári.
> Sjá nánar

Sýningarlok. D15 Dodda Maggý. Hafnarhús - Sunnudag 21. febrúar

Lucy nefnist myndbands- og hljóðinnsetning Doddu Maggýjar (1981) sem er 15. listamaðurinn til að sýna í D-salar verkefninu í Hafnarhúsinu. Í verkinu kannar listamaðurinn hugmyndina um hljóðskynjun út frá mannsröddinni og mannslíkamanum.
> Sjá nánar

Hyldýpi þar sem augað týnist. Hafnarhús - Sunnudag 21. febrúar kl. 15

Franski málarinn Paul Cézanne er sagður hafa krafist þess af málverkinu að það væri „hyldýpi þar sem augað týndist, leynileg spírun og lituð upphafning andans“. Hafþór Yngvason sýningarstjóri leitast við að uppfylla þessar kröfur hins dáða málara á sýningunni Ljóslitlífun og reifar þær hugmyndir sínar í formála veglegrar sýningarskrár, sem gefin hefur verið út með sýningunni.
> Sjá nánar

Tríó Reykjavíkur á hádegistónleikum. Fimmtudag 18. febrúar kl. 12:15

Bráðfjörug sígaunasyrpa, íslenskar dægurperlur og hugljúf Mozartsónata eru meðal verka á tónleikum Tríós Reykjavíkur á Kjarvalsstöðum næstkomandi fimmtudag.
> Sjá nánar

Sýningarstjóraspjall um Blæbrigði vatnsins. Sunnudag 14. ferbúar 15

Aðalsteinn Ingólfsson verður með sýningarstjóraspjall um nýlega opnaða sýningu, Blæbrigði vatnsins, á Kjarvalsstöðum. Allir velkomnir og aðgangur ókeypis. Vatnslitasmiðja fjölskyldunnar Vatn og litur er opin alla daga. Þar er hægt að mála beint á veggi norðursalarins.
> Sjá nánar

Geimsmiðja og gjörningar - Tónlist og tangó - Vatnslitir og vökudraumar.

Safnanótt Listasafns Reykjavíkur. Föstudaginn 12. febrúar kl 18 - 24
> Sjá nánar

Blæbrigði vatnsins, Kjarvalsstöðum. Föstudag 12. febrúar kl. 18

Á Safnanótt, 12. febrúar verður opnuð á Kjarvalsstöðum ein stærsta úttekt sem gerð hefur verið á íslenskri vatnslitalist frá upphafi íslenskrar listasögu til okkar daga. Sýningin spannar um 130 ára sögu vatnslitamynda á Íslandi allt frá vatnlistamyndum Sölva Helgasonar (1820-1895) um miðja nítjándu öld til mynda samtímalistamanna frá síðasta ári. Verkin á sýningunni eru eitthundrað og fjörutíu talsins og höfundar þeirra alls sextíu.
> Sjá nánar

Tækniþróunarsjóður fyrir hönnun og arkitektúr. Fimmtudag 11. Febrúar kl. 20

Í fyrirlestrarröð Hönnunarmiðstöðvar Íslands í Listasafni Reykjavíkur - Hafnarhúsi næstkomandi fimmtudagskvöld verður sjónum beint að Tækniþróunarsjóði og styrkjum á sviði hönnunar og arkitektúrs.
> Sjá nánar

Skjaldmeyjar og Hugarfley - Sýningarstjóraspjal. Kjarvalsstaðir – Sunnudag 7. febrúar kl. 15

Meðal þess myndefnis sem Kjarval var hugleikið eru skjaldmeyjar, bátar, hörpur, vængjaðir hestar, englar, fuglar og kýr. Þetta kemur skýrt fram í teikninga- og skissusafni Kjarvals sem skiptir þúsundum.
> Sjá nánar

Húsin hennar Högnu. Kjarvalsstaðir – Laugardag 6. febrúar kl. 14

Pétur H. Ármannsson arkitekt flytur fyrirlesturinn Húsin hennar Högnu á Kjarvalsstöðum. Þar fjallar hann um verk Högnu Sigurðardóttur arkitekts í tengslum við sýninguna Efni og andi í byggingarlist. En sem kunnugt er ánafnaði Högna Listasafni Reykjavíkur öllu teikningasafni sínu á síðasta ári.
> Sjá nánar

Kínó Klúbburinn. Hafnarhús – Fimmtudag 4. febrúar kl. 20

Níu stuttmyndir eftir hollensku kvikmyndagerðarkonuna, Francien Van Everdingen verða sýndar á fimmtudagskvöldið. Síðastliðin 13 ár hefur Francien búið til tuttugu stuttmyndir sem eru frá 2 til 6 mínútum að lengd.
> Sjá nánar

Högna Sigurðardóttir - Framlengdur sýningartími

Sýning á verkum Högnu Sigurðardóttur arkitekts, sem nú stendur yfir í austurforsal Kjarvalsstaða er fyrsta sýning sem sett hefur verið upp á Íslandi með verkum hennar. Sýningin gefur einstakt yfirlit yfir feril Högnu og hefur verið ákveðið að framlengja hana til sunnudagsins 28. febrúar.
> Sjá nánar

Steinunn - Sýningarlok. Sunnudag 31. janúar

Sýning Steinunnar Sigurðardóttur fatahönnuðar á Kjarvalsstöðum markaði ekki einungis tímamót í starfsemi Listasafns Reykjavíkur sem fyrsta einkasýning á verkum fatahönnuðar heldur var hún fyrsta fatahönnunarsýning í listasafni á Íslandi.
> Sjá nánar

Tunglfarar á Íslandi. Hafnarhús - Sunnudag 31. janúar kl. 15

Í fyrirlestri sínum mun Ingólfur Ásgeir Jóhannesson prófessor við Háskólann á Akureyri fjalla um geimfara og tunglferðir út frá geimfaraseríu Errós og AlmaDís Kristinsdóttir vera með leiðsögn um sýninguna.
> Sjá nánar

Fjölskyldudagskrá um Furðuverur. Hafnarhús - Laugardag 30. janúar kl. 14

Á laugardaginn klukkan 14 er boðið upp á dagskrá fyrir alla fjölskylduna í tengslum við sýninguna Ljóslitlífun þar sem ellefu, ungir málarar sýna kraftmikil, litrík og oft ævintýraleg málverk og myndir.
> Sjá nánar

Dodda Maggý. Hafnarhús - Fimmtudag 28. janúar kl. 20

Dodda Maggý, I'm not here, 2009. Kvölddagskrá Hafnarhússins á fimmtudaginn er helguð Doddu Maggý sem er fimmtándi listamaðurinn til að sýna í D-salnum.
> Sjá nánar

Íslensk tónlist fyrir fiðlu og píanó. Kjarvalsstaðir - Föstudag 29. janúar kl. 12:10

Tónleikarnir eru á dagskrá Myrkra músíkdaga 2010. Þar koma fram Anna Guðný Guðmundsdóttir píanóleikari og Auður Hafsteinsdóttir fiðluleikari.
> Sjá nánar

Afmælistónleikar Mozarts. Kjarvalsstaðir - Miðvikudag 27. janúar kl. 20

Líkt og undanfarin ár verða tónleikar til heiðurs Mozart haldnir á Kjarvalsstöðum á fæðingardegi hans 27. janúar. Tónleikarnir hefjast kl. 20 með fjölbreyttri efnisskrá sem samanstendur af tónum og tali.
> Sjá nánar

Hönnunarsamkeppni byggð á verkum Ásmundar Sveinssonar

Samstarfsverkefni Kraums, Listasafns Reykjavíkur og Hönnunarmiðstöðvar Íslands. Verslunin Kraum, Listasafn Reykjavíkur og Hönnunarmiðstöð Íslands standa í annað sinn fyrir hönnunarsamkeppni þar sem sjónum er beint að ákveðnum listamanni.
> Sjá nánar

Prjónað eftir eyranu - fjölskyldusmiðja. Kjarvalsstaðir, Sunnudag 24. janúar kl. 14

Í fjölskyldusmiðju Kjarvalsstaða næstkomandi sunnudag mun Steinunn Sigurðardóttir hönnuður segja frá hugmyndum sínum og nálgun við prjónaskap í tengslum við sýningarverkefnið Steinssmiðja í norðursalnum.
> Sjá nánar

Högna – Sýningarstjóraspjall. Kjarvalsstaðir, Laugardag 23. Janúar kl. 15

Sýningarstjórinn Guja Dögg Hauksdóttir fer með gestum um sýninguna Högna Sigurðardóttir - Efni og andi í byggingarlist, sem nú stendur yfir á Kjarvalsstöðum. Aðgangur er ókeypis.
> Sjá nánar

Sláandi myndir: Ögrandi list og óvænt viðbrögð. Hafnarhús, Fimmtudag 21. Janúar kl. 20

Dr. Steven C. Dubin sem hefur sérhæft sig í rannsóknum á sviði safnafræði og lista, mun í erindi sínu fjalla um myndlistarmenn og sýningar sem hafa verið mjög umdeildar og leitt til kröftugra átaka á síðari hluta 20. aldar og í upphafi 21. aldar. Dr. Steven C. Dubin er Fulbright-gestakennari í safnafræði við Háskóla Íslands frá Columbia-háskólanum í New York.
> Sjá nánar

Listamannaspjall ungra málara. Sunnudag 17. janúar kl. 15

Þrír af listamönnunum ellefu sem eiga verk á sýningunni Ljóslitlífun í Hafnarhúsinu bjóða gestum að ganga með sér um sýninguna og ræða það sem fyrir augu ber næstkomandi sunnudag, 17. janúar kl. 15. Listamennirnir eru Guðmundur Thoroddsen, Heimir Björgúlfsson og Ragnar Jónasson. Aðgangur ókeypis og allir velkomnir.
> Sjá nánar

Ljóslitlífun, Erró - Geimfarar og D15 Dodda Maggý. Föstudag 15. janúar kl. 21

Fyrstu sýningar ársins í Listasafni Reykjavíkur verða opnaðar í Hafnarhúsinu föstudagskvöldið 15. janúar. Opnunarathöfnin verður með óhefðbundnum hætti, hún hefst kl. 21 og stendur fram eftir kvöldi með hressilegri tónlist Péturs Eyvindssonar, öðru nafni DJ Musician.
> Sjá nánar

Ný Sýningadagskrá er komin út!

Sýninga- og viðburðadagskrá Listasafns Reykjavíkur hefur litið dagsins ljós. Fram á vor eru í boði 15 sýningar og 42 viðburðir.
> Sjá nánar

Íslensk Hönnun - Alþjóðleg söluvara. Fimmtudag 14. janúar kl. 20

Fyrsti fyrirlestur Hönnunarmiðstöðvar Íslands og Listasafns Reykjavíkur á þessu ári verður haldinn í Hafnarhúsinu fimmtudaginn 14. janúar kl. 20. Þar mun Rúnar Ómarsson framkvæmdastjóri og einn af stofnendum fatahönnunarfyrirtækisins Nikita segja sögu fyrirtækisins, sem stofnað var í ársbyrjun 2000.
> Sjá nánar

Vikan Framundan – Kvikmynd, Steinunn og Högna. Fimmtudag 7. – Þriðjudags 12. Janúar

Framundan er viðburðarík vika í Listasafni Reykjavíkur. Fimmtudagskvöld Hafnarhússins er helgað kvikmyndum, Steinunn Sigurðardóttir hönnuður verður með fyrirlestur á sunnudaginn og næstkomandi þriðjudag heldur arkitektinn Pétur H. Ármannsson fyrirlestur um Högnu Sigurðardóttur arkitekt. Ókeypis aðgangur er á alla viðburðina.
> Sjá nánar

Sýningalok í Hafnarhúsi. Sunnudag 3. janúar

Sunnudaginn 3. janúar lýkur þremur sýningum í Listasafni Reykjavíkur – Hafnarhúsi. Þetta eru sýningarnar Innpökkuð herbergi – Yoshitomo Nara + YNG, Egill Sæbjörnsson – Staðarandi og frásögn og D-16 innsetningu Ryans Parteka.
> Sjá nánar

Gleðilega Hátíð

Starfsfólk Listasafns Reykjavíkur óskar þér gleðilegra jóla og farsældar á nýju ári með þökkum fyrir það liðna.
> Sjá nánar

Elektra Ensemble og Franskir töfrar. Miðvikudag 30. desember kl. 20

Hinn glæsilegi tónlistarhópur Elektra Ensemble heldur tónleika á Kjarvalsstöðum miðvikudaginn 30. desember kl. 20 sem eru lokatónleikar hópsins sem tónlistarhóps Reykjavíkurborgar árið 2009. Um efnisskránna leika franskir straumar en flutt verða verk eftir Gaubert, Saint-Saëns, Milhaud, Debussy og Fauré.
> Sjá nánar

Opnunartími Listasafns Reykjvíkur um jól og áramót.

Listasafn Reykjavíkur er opið alla daga yfir jól og áramót að undanskildum aðfangadegi og jóladegi. Opnunartími er breytilegur en hann er sem hér segir:
> Sjá nánar

Heiminum breytt á fimm tímum með Ykon. Laugardag 19. des kl. 12 - 17

Finnski myndlistarhópurinn Ykon býður þér að taka þátt með sér í leik laugardaginn 19. des í Listasafni Reykjavíkur - Hafnarhúsi, frá kl. 12.00-17.00. Nauðsynlegt er að skrá sig áður en leikur hefst á netfangið info@ykon.org.
> Sjá nánar

Egill með ókeypis tónleika 17. desember

Egill Sæbjörnsson verður með tónleika ásamt mörgum, kunnum tónlistarmönnum í Listasafni Reykjavíkur - Hafnarhúsi næstkomandi fimmtudagskvöld kl. 20:30. Aðgangur er ókeypis en tónleikarnir eru haldnir í tilefni af sýningu hans Staðarandi og frásögn sem nú stendur yfir í Hafnarhúsinu og nýlegum geisladiski.
> Sjá nánar

ERRÓ LEIÐSÖGN MEÐ SIGFRÍÐI BJÖRNSDÓTTUR. SUNNUDAG 13. DESEMBER KL. 15

Næstkomandi sunnudag verður leiðsögn í fylgd Sigfríðar Björnsdóttur tónlistarsagnfræðings um sýninguna Erró - Mannlýsingar. Á sýningunni er lögð áhersla á svokallaða frásagnar portretta eða mannlýsingar sem Erró hefur þróað í gegnum tíðina.
> Sjá nánar

KÍNÓ KLÚBBURINN MEÐ ANN ARBOR HÁTÍÐ Í HAFNARHÚSINU. FIMMTUDAG 10. DESEMBER KL. 20

Fimmtudagskvöld í Hafnarhúsinu er vinsæll vettvangur ólíkra viðburða hvort sem um er að ræða málþing, gjörninga, tónlist, kvikmyndir, umræður eða annars konar viðburði. Næstkomandi fimmtudagskvöld bætist nýr fastagestur í fimmtudagsdagskránna en um er að ræða Kínó ör-kvikmyndaklúbbinn sem stýrt er af Rebeccu Moran.
> Sjá nánar

FRIÐUR OG FJÖLMENNING Í VIÐEY. SUNNUDAG 6. DESEMBER KL. 14:30- 16:30

Opin listsmiðja og notaleg samverustund fyrir börn og fullorðna verður í Viðeyjarstofu sunnudaginn 6.desember frá kl. 14:30-16:30. Í smiðjunni er unnið út frá friðarsúlu Yoko Ono og orðunum HUGSA SÉR FRIÐ sem áletruð eru á 24 tungumálum á súluna sjálfa. Þátttakendur velja sér setningu á nokkrum tungumálum og festa þær á kerti, sem þeim stendur frítt til boða. Umsjón með listsmiðjunni hefur AlmaDís Kristinsdóttir verkefnastjóri fræðslu hjá Listasafni Reykjavíkur.
> Sjá nánar

STEINUNN – LEIÐSÖGN OG GJÖRNINGUR. LAUGARDAG 5. DESEMBER KL. 14

Gríðarlegur áhugi hefur verið á sýningu Steinunnar Sigurðardóttur hönnuðar en um fjögurþúsund manns hafa sótt Kjarvalsstaði frá opnun hennar 21. nóvember. Næstkomandi laugardag kl. 14 verður Steinunn á Kjarvalsstöðum og bíður gestum að ganga með sér um sýninguna. Hún ræðir feril sinn, efnistök og ráðandi áhrifavalda í hönnun sinni.
> Sjá nánar

SÝNING FRAMHALDSSKÓLANEMA. FIMMTUDAG 3. DESEMBER KL. 20

Fyrsta námskeið Listasafns Reykjavíkur fyrir framhaldsskólanema fékk góðar viðtökur en afrakstur þess verður á sýningu í fjölnotasal Hafnarhússins á fimmtudagskvöldið klukkan átta. Meðal þess sem verður til sýnis er bíll í eigu starfsmanns Listasafnsins, sem hópurinn hefur skreytt í öllum regnbogans litum undir stjórn námskeiðshaldaranna og listamannanna Lóu Hlínar Hjálmtýsdóttur og Davíðs Arnar Hilmarssonar. Allur undirbúningur og framkvæmd fimmtudagskvöldsins er í höndum framhaldsskólanemanna.
> Sjá nánar

GARÐAR CORTES OG HVÍT JÓL Á KJARVALSSTÖÐUM. 2. OG 3. DESEMBER KL. 12:15

Einn dáðasti tenórsöngvari Íslands, Garðar Cortes, heldur tvenna hádegistónleika á Kjarvalsstöðum þar sem hann flytur helstu jólaperlur tónbókmenntanna með píanóleikaranum Robert Sund. Tónleikarnir eru miðvikudaginn 2. og fimmtudaginn 3. desember og hefjast kl. 12:15. Garðar og Robert buðu einnig til jólatónleika í samstarfi við Listasafn Reykjavíkur á síðasta ári sem mæltust svo vel fyrir að afráðið var að gera þá að árvissum viðburði.
> Sjá nánar

FJÖLSKYLDUDAGSKRÁ: Sjónauki Galileós, þróunarkenning Darwins og ljósapera Edison. SUNNUDAG 29. NÓVEMBER KL. 15

Víðfrægum einstaklingum bregður fyrir á sýningu Errós, Mannlýsingar sem nú stendur yfir í Listasafni Reykjavíkur – Hafnarhúsi. Meðal þeirra eru kunnustu uppfinningamenn sögunnar en á sunnudaginn klukkan 15 mun Þorsteinn Vilhjálmsson prófessor í vísindasögu og eðlisfræði vera með dagskrá sem tengist þeim og er sérstaklega ætluð vísindaþyrstum börnum frá tíu ára aldri. Áður en dagskrá Þorsteins hefst verður stutt leiðsögn um verk Errós sem sýna vísindamenn og verkfræðinga.
> Sjá nánar

HÖGNA SIGURÐARDÓTTIR – SÝNINGARSTJÓRASPJALL. Laugardag 28. nóvember kl. 15

Sýning á verkum Högnu Sigurðardóttur arkitekts var löngu tímabær ef marka má þá athygli og aðsókn sem hún hefur holtið frá því að hún var opnuð á Kjarvalsstöðum fyrr í nóvember. Á sýningunni eru sýndar teikningar, módel og ljósmyndir af byggðum og óbyggðum húsum á Íslandi eftir Högnu, en næstkomandi laugardag kl. 15 mun Guja Dögg Hauksdóttir, deildarstjóri byggingarlistardeildar Listasafns Reykjavíkur vera með sýningarstjóraspjall um sýninguna. Aðgangur er ókeypis.
> Sjá nánar

PECHA KUCHA NIGHT REYKJAVÍK #4. FIMMTUDAG 26. NÓVEMBER KL. 20

Lífstíll og hönnun á Íslandi verður þema Pecha Kucha kvöldsins í Hafnarhúsinu á fimmtudagskvöld kl. 20. Rúmlega tíu manns stíga á stokk og láta í ljós eða kynna viðfangsefnið í máli og myndum.
> Sjá nánar

FYRIRLESTUR, SPJALL OG GJÖRNINGUR RYANS PARTEKA. SUNNUDAG 22. NÓVEMBER KL. 15

Næstkomandi sunnudag mun Ryan Parteka halda fyrirlestur undir yfirskriftinni Tragedía landslags og endurkoma rómantíkur í vestrænum menningarkimum og ræða sýningu sína Þúsund ár, dagur ei meir (fyrir Caspar David Friedrich) sem nú stendur yfir í D-sal Hafnarhússins. Að loknu spjalli verður endurtekinn gjörningur með þátttöku hljóðfæraleikara, sem frumfluttur var á opnun sýningarinnar og myndar hljóðmynd verksins.
> Sjá nánar

TRÍÓ REYKJAVÍKUR Á HÁDEGISTÓNLEIKUM. FÖSTUDAG 20. NÓVEMBER KL. 12:15

Hinir reglulegu hádegistónleikar Tríós Reykjavíkur í Listasafni Reykjavíkur – Kjarvalsstöðum eru að þessu sinni helgaðir tónskáldum frá Tékklandi með áherslu á verk eftir Antonin Dvorák og Josef Suk. Meðal verka á tónleikunum er hið víðkunna Dumky píanótríó.
> Sjá nánar

STEINUNN. LAUGARDAG 21. NÓVEMBER KL. 16

Næstkomandi laugardag kl. 16 verður opnuð í Listasafni Reykjavíkur - Kjarvalsstöðum yfirlitssýning á fatahönnun Steinunnar Sigurðardóttur. Hróður Steinunnar hefur borist víða frá því að fyrsta flíkin undir hennar merkjum leit dagsins ljós árið 2000 og hefur hún hlotið margvísleg verðlaun og viðurkenningar á heimsvísu.
> Sjá nánar

MÁLÞING UM MANGA, MEÐVITUND OG MARKAÐSFRÆÐI. SUNNUDAG 15. NÓVEMBER KL. 15

Ólíkum aðferðum verður beitt til að nálgast verk myndlistarmannsins Yoshitomo Nara á málþingi sem haldið verður í tengslum við sýningu hans, Innpökkuð herbergi, sem nú stendur yfir í Hafnarhúsinu. Málþingið er unnið í samstarfi við Borgarbókasafn Reykjavíkur en framsögumenn eru Ragnheiður Ösp Sigurðardóttir vöruhönnuður, Úlfhildur Dagsdóttir bókmenntafræðingur og Guðmundur Oddur Magnússon prófessor í grafískri hönnun. Málþingið er öllum opið.
> Sjá nánar

MÁLÞING UM HÖGNU SIGURÐARDÓTTUR. LAUGARDAG 14. NÓVEMBER KL. 14-17

Fyrsta einkasýning á verkum frumkvöðulsins Högnu Sigurðardóttur arkitekts var opnuð á Kjarvalsstöðum síðastliðinn laugardag. Viku síðar, laugardaginn 14. nóvember kl. 14, er boðað til málþings um Högnu með þátttöku arkitekta og listamanns. Aðgangur er ókeypis og öllum opinn.
> Sjá nánar

SKAPANDI FYRIRTÆKI FIMMTUDAG 12. NÓVEMBER KL. 20

Á fyrirlestri Hönnunarmiðstöðvar Íslands sem haldinn verður í Hafnarhúsinu fimmtudaginn 12. nóvember kl. 20, verður rætt um hvernig hönnun, sköpun og viðskipti mætast. Fyrirlesturinn er unnin í samstarfi við Listasafn Reykjavíkur og er öllum opinn. Frummælendur eru Margrét Sigrún Sigurðardóttir aðjúnkt við Viðskiptafræðideild Háskóla Ísland, Helga Valfells sérfræðingur fjárfestinga hjá Nýsköpunarsjóði og Gunnar Hilmarsson fatahönnuður. Að loknum framsögum er boðið upp á umræður og fyrirspurnir.
> Sjá nánar

SMIÐJA UM SJÓNHVERFINGAR OG VÍSINDI. SÍÐASTA SÝNINGARHELGI Á BLIK. SUNNUDAG 8. NÓVEMBER KL. 15

Sjónblekkingar og vísindi leika aðalhlutverkið í fjölskylduleiðsögn sem verður á Kjarvalsstöðum næstkomandi sunnudag klukkan 15. Smiðjan tengist sýningunni Blik, sem er í vestursal Kjarvalsstaða, og verður sýningin skoðuð áður en smiðjan hefst.
> Sjá nánar

THE MIND – GJÖRNINGUR EGILS SÆBJÖRNSSONAR. FIMMTUDAG 5. NÓVEMBER KL. 20

Sýning Egils Sæbjörnssonar, Staðarandi og frásögn, var opnuð í Hafnarhúsinu síðastliðinn fimmtudag að viðstöddu fjölmenni. Sunnudaginn á eftir var Egill með listamannsspjall sem einnig vakti mikla athygli. Næstkomandi fimmtudag, 5. nóvember kl. 20, mun Egill bæta um betur og flytja gjörninginn The Mind ásamt listakonunni Marcia Moraes. Gjörningurinn er unnin í samstarfi við Sequences gjörningahátíðina sem nú stendur yfir. Aðgangur er ókeypis og öllum opinn.
> Sjá nánar

krÚtt og KvikYndi

Námskeið fyrir skapandi framhaldsskólanema á vegum Listasafns Reykjavíkur hefst 12. nóvember og lýkur með sýningu 3. desember. Kennarar eru Davíð Örn Halldórsson og Lóa Hlín Hjálmtýsdóttir.
> Sjá nánar

HÖGNA SIGURÐARDÓTTIR EFNI OG ANDI Í BYGGINGARLIST. LAUGARDAG 7. NÓVEMBER KL. 16

Högna Sigurðardóttir arkitekt ánafnaði Listasafni Reykjavíkur nýlega öllu teikningasafni sínu. Í tilefni af þeirri rausnarlegu gjöf og því að Högna fagnaði áttræðis afmæli sínu á dögunum verður opnuð á Kjarvalsstöðum sýning á byggingarlist hennar með áherslu á íslensk verk, byggð sem óbyggð. Þetta er fyrsta einkasýning á verkum Högnu Sigurðardóttur á Íslandi og er hún unnin í náinni samvinnu við Arkitektafélag Íslands. Sýningin verður opnuð laugardaginn 7. nóvember kl. 16. Á sýningartímabilinu verða málþing og fyrirlestrar tileinkaðir Högnu. Sýningin stendur til 31. janúar 2010.
> Sjá nánar

GJÖRNINGAHÁTÍÐ. 30. OKTÓBER – 7. NÓVEMBER

Listasafn Reykjavíkur og Gjörningalistahátíðin Sequences standa fyrir spennandi dagskrá í Hafnarhúsinu frá 30. október til 7. nóvember. Hátíðin verður opnuð með pomp og pragt í Hafnarhúsinu næstkomandi föstudag, en heiðurslistamaður hátíðarinnar, Magnús Pálsson, frumflytur um klukkustundar langan gjörning sama kvöld.
> Sjá nánar

TVÆR OPNANIR OG GJÖRNINGUR: EGILL SÆBJÖRNSSON / D 14 RYAN PARTEKA. FIMMTUDAG 29. OKTÓBER 2009 KL. 17

EGILL SÆBJÖRNSSON Eftir tólf ár í hringiðu myndlistarinnar á meginlandi Evrópu kemur Egill Sæbjörnsson heim með sína fyrstu, stóru sýningu sem opnuð verður í Listasafni Reykjavíkur – Hafnarhúsi næstkomandi fimmtudag kl. 17. Á sama tíma verður opnuð sýning Ryans Parteka í D-salnum. Sýningarnar standa báðar til 3. janúar 2010.
> Sjá nánar

HVAÐ ER SJÁLFSMYND? – FJÖLSKYLDUSMIÐJA. SUNNUDAG 25. OKTÓBER KL. 15

Er hægt að vera eitthvað annað en maður sjálfur á sjálfsmynd? Lóa Hlín Hjámtýrsdóttir er þekkt sem hljómsveitarmeðlimur FM Belfast, en hún hefur einnig verið mjög afkastamikil sem myndlistarmaður. Næstkomandi sunnudag mun Lóa Hlín leiða smiðju fyrir fjölskyldur í tengslum við sýningu japanska listamannsins Yoshitomo Nara, Innpökkuð herbergi, sem nú sendur yfir í Hafnarhúsinu.
> Sjá nánar

FRÁ TORFBÆ TIL FORSÍÐU TIME. HAFNARHÚS FIMMTUDAG 22. OKTÓBER KL. 20

Heimildamyndin From Turf Cottage to the Cover of Time (Frá torfbæ til forsíðu Time) eftir Hans Kristján Árnason segir sögu Holger Cahill – eða Sveins Kristjáns Bjarnarsonar sem fæddist árið 1887 á Íslandi og dó í Bandaríkjunum árið 1960. Tuttugu og sjö ára gamall sneri Sveinn við blaðinu, fékk sér nýtt nafn og breytti staðreyndum um fæðingardag og þjóðerni.
> Sjá nánar

SÝNINGALOK Í HAFNARHÚSINU. SUNNUDAG 18. OKTÓBER

Á sunnudag lýkur tveimur sýningum í Hafnarhúsinu: Endurkynni rammanna þar sem Lars von Trier og Friðrik Þór Friðriksson sýna valda ramma úr kvikmyndum sínum, sem málaðir hafa verið á stóra strigafleti.
> Sjá nánar

TEIKNANDI RÓLA OG LEYNDARDÓMAR LÍMBANDSINS. SUNNUDAG 18. OKTÓBER KL. 14

Getur þú ímyndað þér hvernig teikningu rólan framkallar? Hefurðu pælt í leyndardómum límbandsins? Næstkomandi sunnudag mun tilraunaeðlisfræðingurinn Ari Ólafsson leiða listsmiðju um ljósfræði og pendúla í tengslum við sýninguna Blik á Kjarvalsstöðum.
> Sjá nánar

A SEA CHANGE - HEIMILDAMYND. LAUGARDAG 10. OKTÓBER KL. 18

Næstkomandi laugardag mun listamaðurinn Alexander Zaklynzky standa fyrir kvikmyndasýningu í Hafnarhúsinu til styrktar íslenskri list. Sýnd verður heimildarmyndin A Sea Change, í leikstjórn Barböru Ettinger, sem fjallar um áhrif mengunar og ofveiði á lífríki hafsins og hefur unnið til fjölda verðlauna á kvikmyndahátíðum víða um heim.
> Sjá nánar

FRIÐARSÚLAN – LENNON TÓNLEIKAR, HEIMILDARMYNDIR OG FLEIRA. FÖSTUDAG 9. OKTÓBER KL. 19:30

Margir af fremstu tónlistarmönnum landsins koma fram á tónleikadagskrá sem Yoko Ono býður til í Listasafni Reykjavíkur – Hafnarhúsi að kvöldi 9. október þegar tendrað verður á Friðarsúlunni. Auk þess verður boðið upp á heimildamyndir og sýnd verða myndbrot úr lífi og starfi John Lennon og Yoko Ono. Hafnarhúsið verður opnað kl. 19:30 og eru allir velkomnir.
> Sjá nánar

FJÖLSKYLDUFYLGD Í TALI OG TÓNUM. SUNNUDAG 11. OKTÓBER KL. 14

Hin ástæla leikkona Guðrún Ásmundsdóttir bregður á leik í Ásmundarsafni ásamt hinni kunnu söngkonu hljómsveitarinnar Múm, Kristínu Önnu Valtýsdóttur næstkomandi sunnudag kl. 14.
> Sjá nánar

HÖNNUÐUR & LISTAMAÐUR. FIMMTUDAG 8. OKTÓBER KL. 20

Hvar mætast list og hönnun er umfjöllunarefni sem tekið verður fyrir á málþingi sem Hönnunarmiðstöð Íslands stendur fyrir í Hafnarhúsinu í samstarfi við Listasafn Reykjavíkur.
> Sjá nánar

OP-LIST - MÁLÞING. SUNNUDAG 4. OKTÓBER KL. 15

Sálfræðingurinn Árni Kristjánsson, listfræðingurinn Þóra Þórisdóttir og listamaðurinn JBK Ransu eru framsögumenn á málþingi um Op-listina sem haldið verður á Kjarvalsstöðum næstkomandi sunnudag kl. 15.
> Sjá nánar

SVARLEYSA - TILRAUNAKVÖLD. FIMMTUDAG 1. OKTÓBER KL. 20

Tilraunakvöld helgað kvikmyndum, innsetningu, upplestri og tónlist verður haldið í Listasafni Reykjavíkur – Hafnarhúsi næstkomandi fimmtudagskvöld í samstarfi við Reykjavik Documentary workshop.
> Sjá nánar

TRÍÓ REYKJAVÍKUR - AFMÆLISTÓNLEIKAR. FIMMTUDAG 1. OKTÓBER KL. 12:15

Hinir reglulegu hádegistónleikar Tríós Reykjavíkur í Listasafni Reykjavíkur – Kjarvalsstöðum halda áfram göngu sinni í vetur. Næstu tónleikar, sem haldnir verða fimmtudaginn 1. október kl. 12:15, eru helgaðir merkisviðburðum tengdum tveimur tónskáldum, þeim Joseph Haydn (1732-1809) og Felix Mendelssohn (1809 –1847).
> Sjá nánar

RAFSKINNA – LIFANDI LISTATÍMARIT. SUNNUDAG 27. SEPT. 14-16 OG ÞRIÐJUDAG 29. SEPT. 15-17

Valið efni úr DVD-sjónritinu Rafskinnu verður sýnt í Listasafni Reykjavíkur – Hafnarhúsi í samvinnu við kvikmyndahátíðina Nordisk Panorama, sem stendur yfir í Reykjavík dagana 25. – 30. september. Sýnt verður efni úr þeim þremur tölublöðum sem út hafa komið auk áður óbirts efnis með listamönnum, sem Rafskinna hefur unnið með. Alls verða sýndir þrettán titlar sunnudaginn 27. september kl. 14-16 og þriðjudaginn 29. september kl. 15-17. Aðgangur er ókeypis og öllum opinn.
> Sjá nánar

RIFF Í DAG SUNNUDAG 26. SEPTEMBER

> Sjá nánar

RIFF Í DAG LAUGARDAG 26. SEPTEMBER

> Sjá nánar

LISTAMANNASPJALL FRIÐRIKS ÞÓRS OG ARA ALEXANDERS. FÖSTUDAG 25. SEPTEMBER KL. 12:30

Í tilefni af Alþjóðlegu kvikmyndahátíðinni, sem Listasafn Reykjavíkur tekur virkan þátt í, munu listamennirnir og kvikmyndaleikstjórarnir Friðrik Þór Friðriksson og Ari Alexander Ergis Magnússon fylgja gestum og ræða um sýningu sína Rammar í endursýn í Hafnarhúsinu í hádeginu næstkomandi föstudag. Spjallið fer fram á ensku.
> Sjá nánar

KONAN VAR SÓLIN - NÚ ER HÚN TUNGLIÐ. SUNNUDAG 27. SEPTEMBER KL. 15

Nokkrar af þekktustu kvenréttindakonum Japans og ýmsir menntamenn, sem þeim tengdust, prýða nú veggi Hafnarhússins á sýningu Errós, Japönsk ástarbréf. Næstkomandi sunnudag kl. 15 mun Kristín Ingvarsdóttir fylgja safngestum í gegnum sýninguna.
> Sjá nánar

Manga manga: myndir og sögur

Í tilefni af sýningu á verkum japanska myndlistamannsins Yoshitomo Nara í félagi við hönnunarhópinn Graf, sem haldin er í Hafnarhúsi, efnir Borgarbókasafnið í Grófarhúsi til útstillingar undir yfirskriftinni: 'Manga manga: myndir og sögur'.
> Sjá nánar

ELEKTRA ENSEMBLE – SUÐURAMERÍSKUR SEIÐUR. LAUGARDAG 26. SEPTEMBER KL. 20

Andi Suðurameríku svífur yfir Kjarvalsstöðum næstkomandi laugardagskvöld á þriðju tónleikunum sem Elektra Ensemble heldur á þessu ári í samstarfi við Listasafn Reykjavíkur.
> Sjá nánar

RIFF NÆSTU SÝNINGAR

> Sjá nánar

BLIKSMIÐJA – FJÖLSKYLDULEIÐSÖGN OG SMIÐJA. LAUGARDAG 19. SEPTEMBER KL. 14

Orðatiltækið ekki er allt sem sýnist á svo sannarlega við á hinni fræðandi barna- og fjölskyldusýningu Bliksmiðja, sem nýlega var opnuð á Kjarvalsstöðum. Næstkomandi laugardag kl. 14 verður fræðslufulltrúi Listasafns Reykjavíkur í salnum og tekur á móti fjölskyldufólki.
> Sjá nánar

D13 - INGIBJÖRG BIRGISDÓTTIR - LISTAMANNSSPJALL. SUNNUDAG 20. SEPTEMBER KL. 15

Fyrir skömmu var opnuð 13. sýningin í D-salar verkefni Listasafns Reykjavíkur þar sem ungum listamönnum er gefið færi á að vinna nýtt verk inn í þennan sal Hafnarhússins. Þar sýnir núna Ingibjörg Birgisdóttir innsetningu sem nefnist Hvergi en á sunnudaginn mun hún ásamt Sirru Sigurðardóttur verkefnisstjóra viðburða, ræða sýninguna og eigin feril.
> Sjá nánar

ALÞJÓÐLEG KVIKMYNDAHÁTÍÐ Í LISTASAFNI REYKJAVÍKUR. HAFNARHÚS 17. – 27. SEPTEMBER

Listasafn Reykjavíkur tekur þátt í Alþjóðlegri kvikmyndahátíð í Hafnarhúsinu með reglulegum sýningum í fjölnotasal Hafnarhússins flesta daga hátíðarinnar frá kl. 14 – 22.
> Sjá nánar

INNPÖKKUÐ HERBERGI - YOSHITOMO NARA + YNG. FIMMTUDAG 17. SEPTEMBER KL. 17

Fígúrur og málverk hins heimskunna, japanska popplistamanns, Yoshitomo Nara (1959) hafa farið sigurför um heiminn undanfarna tvo áratugi. Nara er nú kominn til Íslands og opnar nýja sýningu í Listasafni Reykjavíkur – Hafnarhúsi, næstkomandi fimmtudag. Málverk Nara tengjast mjög japanskri teiknimyndahefð og popplist en umgjörð verkanna er breytileg eftir sýningarstað.
> Sjá nánar

BLIK - SÝNINGARSTJÓRASPJALL. SUNNUDAG 13. SEPTEMBER KL. 15

Sunnudaginn 13. september, daginn eftir opnun sýningarinnar Blik, verður Helgi Már Kristinsson með sýningastjóraspjall um verkin á sýningunni. Á sýningunni eru verk í anda op-listastefnunnar, en hún kom fram á sjónarsviðið um miðja síðustu öld.
> Sjá nánar

BLIK. LAUGARDAG 12. SEPTEMBER KL. 16

Á sýningunni Blik, sem verður opnuð í Listasafni Reykjavíkur – Kjarvalsstöðum næstkomandi laugardag, er varpað ljósi á op–listina og þau áhrif sem hún hefur haft á íslenska listamenn frá miðjum sjöunda áratugnum til dagsins í dag.
> Sjá nánar

HUGMYNDAHÚS HÁSKÓLANNA. FIMMTUDAG 10. SEPTEMBER KL. 20

HÖNNUNARMIÐSTÖÐ ÍSLANDS hefur í samstarfi við Listasafn Reykjavíkur gengist fyrir mánaðarlegri dagskrá í Hafnarhúsinu á fimmtudagskvöldum. Næstkomandi fimmtudagskvöld verður starfsemi og hugmyndafræði Hugmyndahúss Háskólanna í brennidepli.
> Sjá nánar

NORRÆNAR KVIKMYNDIR

Norrænar kvikmyndir er yfirskrift útstillingar í tón- og mynddeild Borgarbókasafnsins í Grófarhúsi, í tilefni af opnun sýningar í Listasafni Reykjavíkur - Hafnarhúsi, á máluðum römmum úr kvikmyndum þeirra Friðriks Þórs Friðrikssonar og Lars von Triers.
> Sjá nánar

FRIÐRIK OG ARI RÆÐA ENDURKYNNI RAMMANNA SUNNUDAG 6. SEPTEMBER KL. 15

Sunnudaginn 6. september kl. 15 verða kvikmyndagerðarmennirnir Friðrik Þór Friðriksson og Ari Alexander Ergis Magnússon í Hafnarhúsinu og fjalla um sýninguna Endurkynni rammanna.
> Sjá nánar

NÝ SÝNINGADAGSKRÁ ER KOMIN ÚT!

Sýninga- og viðburðadagskrá Listasafns Reykjavíkur hefur litið dagsins ljós. Fram að áramótum eru í boði 14 sýningar og 90 viðburðir. Ókeypis er á allar sýningar og alla viðburði sem Listasafnið stendur fyrir nema annað sé tekið fram.
> Sjá nánar

FRÉTTABRÉF LISTASAFNS REYKJAVÍKUR

Haustið er innan seilingar og framundan hjá Listasafni Reykjavíkur er líflegt sýningaár með fjölbreyttum listsýningum og ótal viðburðum. Næstkomandi fimmtudag verða opnaðar þrjár sýningar í Hafnarhúsinu sem marka upphaf sýningatímabils vetrarins. Næstkomandi sunnudag verður listamannaspjall í Hafnarhúsinu auk þess sem Listasafnið tekur þátt í Hverfahátíð Miðborgar og Hlíða á Kjarvalsstöðum, en hún fer fram næsta laugardag.
> Sjá nánar

ERRÓ - JAPÖNSK ÁSTARBRÉF (1979-1980). FIMMTUDAG 3. SEPTEMBER KL. 17

Japönsk ástarbréf er önnur syrpan á verkum Errós sem tengist sýningunni Mannlýsingar sem opnuð var fyrr á þessu ári. Syrpan er ekki einkennandi fyrir myndlist Errós þar eð litbrigði verkanna eru grá og brún, sem er ákaflega óvenjulegt hjá þessum litaglaða málara.
> Sjá nánar

D13 INGIBJÖRG BIRGISDÓTTIR. OPNUN FIMMTUDAG 3. SEPTEMBER KL. 17

Þrettándi listamaðurinn í D-salar sýningaröðinni er Ingibjörg Birgisdóttir (1981) sem sýnir nýtt myndbandsverk og bútasaums verk á vegg. Yfirskrift sýningarinnar er Hvergi en óræða merkingu orðsins er víða að finna í innsetningu hennar.
> Sjá nánar

SÝNINGARLOK - JAZZÓÐUR

Nú fer hver að verða síðastur að sjá sýninguna Jazzóður á Kjarvalsstöðum, en henni lýkur í dag mánudaginn 31. ágúst. Aðgangur ókeypis.
> Sjá nánar

ENDURKYNNI RAMMANNA – FRIÐRIK ÞÓR FRIÐRIKSSON OG LARS VON TRIER. FIMMTUDAG 3. SEPTEMBER KL. 17

Það eru 129.600 myndrammar í níutíu mínútna langri kvikmynd og hver þeirra sést aðeins í brot af sekúndu. Þannig er upplifun okkar af kvikmyndinni ólík því að skoða málverk þar sem við ráðum því sjálf hve langan tíma við tökum okkur til að skoða myndina og velta henni fyrir okkur. Á sýningunni Endurkynni rammanna í Listasafni Reykjavíkur í Hafnarhúsi hefur Friðrik Þór Friðriksson valið myndir eða ramma úr kvikmyndum sínum og Lars von Triers sem síðan hafa verið málaðir upp með olíulitum á gríðarstóra strigafleti.
> Sjá nánar

SÝNINGALOK - FRÁ UNUHÚSI TIL ÁTTUNDA STRÆTIS. SUNNUDAG 30. ÁGÚST

Sýningin um tvær af okkar mikilvirkustu myndlistarkonum um miðja síðustu öld þær, Nínu Tryggvadóttur og Louisu Matthíasdóttur lýkur næstkomandi sunnudag, 30. ágúst.
> Sjá nánar

KALLINN Í KÚLUHÚSINU. GUÐRÚN ÁSMUNDSDÓTTIR OG ÓLÖF ARNALDS Í ÁSMUNDARSAFNI. SUNNUDAG 30. ÁGÚST KL. 14

Tvær af ástsælustu listakonum þjóðarinnar þær Guðrún Ásmundsdóttir leikkona og Ólöf Arnalds söngkona bjóða fjölskyldufólki að slást í för með sér og skoða sýninguna Rím í Ásmundarsafni í tali og tónum.
> Sjá nánar

JAZZ BRÆÐINGUR. DAGANA 27. – 29. ÁGÚST

Listasafn Reykjavíkur er samstarfsaðili Jazzhátíðar í Reykjavík og tekur virkan þátt í dagskrá hátíðarinnar með sýningu, fyrirlestrum, tónleikum og tangóballi.
> Sjá nánar

SVIÐSETT LÍF – ÞORVALDUR ÞORSTEINSSON. FIMMTUDAG 27. ÁGÚST KL. 19:30

Þorvaldur Þorsteinsson myndlistarmaður og rithöfundur er einn þeirra sem ritar í sýningarskrá sem gefin var út í tengslum við sýninguna Erró – Mannlýsingar. Þar leggur hann út frá mynd Errós Trafalgar 1805, sem Erró málaði árið 1977 og sýnir Nelson flotaforingja og dauða hans á Trafalgar.
> Sjá nánar

LÍÐUR AÐ HAUSTI – UPPSKERUTÓNLEIKAR MEÐ VERKUM ÁSKELS MÁSSONAR. SUNNNUDAG 30. ÁGÚST KL. 20:00

Áskell Másson er eitt virtasta og afkastamesta tónskáld okkar Íslendinga. Á sunnudaginn 30. ágúst gefst einstakt tækifæri til að hlýða á brot af tónverkum hans á tónleikum sem tónskáldið og Listasafn Reykjavíkur standa fyrir á Kjarvalsstöðum. Miðasala við innganginn. Miðaverð kr. 1.500,-
> Sjá nánar

SÍÐUSTU FORVÖÐ AÐ SJÁ MÖGULEIKA

Sýningin Möguleikar - Listsjóður Guðmundu S. Kristinsdóttur lýkur sunnudaginn 23. ágúst. Á sýningunni eru verk tíu íslenskra samtímalistakvenna sem allar hafa hlotið viðurkenningu úr Listsjóði Guðmundu S. Kristinsdóttur. Hafnarhúsið er opið daglega frá kl. 10-17 og alla fimmtudag 10-22.
> Sjá nánar

JAZZDÍVUR Á KJARVALSSTÖÐUM. Sunnudag 23. ágúst kl. 16.00

Tvær af fremstu jazzsöngkonum landsins bjóða til sannkallaðrar söngveislu á Kjarvalsstöðum sunnudaginn 23. ágúst kl. 16:00 í tengslum við Jazzhátíð í Reykjavík. Þetta eru þær Ragnheiður Gröndal og Kristjana Stefánsdóttir sem syngja sig inn í jazzhjörtu gesta með píanistanum Eyþóri Gunnarssyni, Guðmundi Péturssyni gítarleikara og Róberti Þórhallssyni bassaleikara.
> Sjá nánar

MENNINGARNÓTT Í LISTASAFNI REYKJAVÍKUR

Aldrei fyrr hefur Listasafn Reykjavíkur státað af jafn fjölbreyttri dagskrá á Menningarnótt og núna. Húsin verða opin frá morgni og langt fram á kvöld og dagskrá sniðin að þörfum menningarþyrstra gesta á öllum aldri.
> Sjá nánar

KENNARAKVÖLD Í LISTASAFNI REYKJAVÍKUR. FIMMTUDAG 20. ÁGÚST KL. 20

Það er spennandi skólaár framundan í Listasafni Reykjavíkur. Fimmudagskvöldið 20. ágúst kl. 20 mun Hafþór Yngvason, safnstjóri og listfræðingur kynna sýningadagskrá skólaársins í fjölnotasal Hafnarhúss. AlmaDís Kristinsdóttir, verkefnastjóri fræðslu og menntunarfræðingur mun kynna fræðslumöguleika í tengslum við sýningar framundan í öllum safnhúsum (Hafnarhús, Kjarvalsstaðir og Ásmundarsafn), námskeið haustsins og aðrar nýungar.
> Sjá nánar

JAZZ-SMIÐJUR OG MASTERCLASS. KJARVALSSTÖÐUM 17 - 19 ÁGÚST

Þriðjudagur 18. ágúst Kjarvalsstaðir - Jazz workshop Kl. 14.00 – 16.00 Open workshop Kl. 16.00 – 17.00 Open masterclass - Hilmar Jensson ræðir tónlist sína
> Sjá nánar

ÚR HVERJU ERU LISTAVERK? – FYRIR FJÖLSKYLDUNA. SUNNUDAG 16. ÁGÚST KL. 15

Í fjölskylduleiðsög næstkomandi sunnudag kl. 15 mun AlmaDís Kristinsdóttir verkefnastjóri fræðslu hjá Listasafninu fara um sýninguna og skoða hinn fjölbreytta efnivið verkanna og ræða þá möguleika sem listamaðurinn hefur úr að moða. Lögð er áhersla á að gestir séu virkir þátttakendur í ferðinni um sýninguna og komi sínum hugmyndum á framfæri.
> Sjá nánar

JAZZÓÐUR / JAZZ Í ÍSLENSKRI MYNDLIST. KJARVALSTAÐIR SUNNUDAG 16. ÁGÚST KL. 16.00

Sýningin Jazzóður – Jazz í íslenskri myndlist er framlag Listasafns Reykjavíkur til Jazzhátíðar í Reykjavík sem nú fagnar tuttugu ára afmæli sínu. Sýningin verður opnuð á Kjarvalsstöðum næstkomandi sunnudag kl. 16 við undirleik sænska bandsins Music Music Music sem skipað er Michael Edlund trommleikara, Fabian Kallerdahl píanóleikara og Josef Kallerdahl bassaleikara.
> Sjá nánar

LOKAÚTKALL!

Sunnudaginn 9. ágúst lýkur sýningunni Íslensk hönnun 2009 á Kjarvalsstöðum.
> Sjá nánar

KVIKMYNDA- OG VÍDEÓHÁTÍÐIN. 700IS HREINDÝRALAND. Hafnarhús 6. – 9. ágúst

Frá fimmtudegi til sunnudags verða á fimmta tug verka frá hinni árlegu kvikmyndahátíð austurlands, 700IS Hreindýraland, sýnd í Listasafni Reykjavíkur - Hafnarhúsi. Hátíðin hefur verið haldin frá árinu 2006 og hefur vakið mikla athygli fyrir framúrstefnulega kvikmyndagerð með tilraunakenndum kvikmyndum og myndbandsverkum eftir þekkta innlenda og erlenda listamenn.
> Sjá nánar

Reykjavík Safarí!

Fimmtudagskvöldið 16. júlí kl. 20 bjóða menningarstofnanir Reykjavíkurborgar til kvöldgöngu úr Kvosinni þar sem menningarlífið í miðborginni verður kynnt á pólsku, tælensku, ensku og spænsku. Þátttakendur geta valið um leiðsögn á fyrrnefndum tungumálum en hóparnir fjórir munu svo hittast í lok göngu í Hafnarhúsinu þar sem boðið verður upp á hressingu og stutt skemmtiatriði þar sem Sigríður Thorlacius, söngkona Hjaltalíns, syngur fyrir gestina. Lagt verður af stað frá Grófarhúsi kl. 20 og tekur gangan um klukkustund en dagskránni í Hafnarhúsinu lýkur um kl. 22. Þátttaka er ókeypis. Allir eru velkomnir!
> Sjá nánar

GRJÓTAÞORPIÐ – FYRSTA ÍBÚÐAHVERFIÐ Í REYKJAVÍK. FIMMTUDAG 30. JÚLÍ KL. 20

Síðasta Kvosarganga júlímánaðar er í höndum Guju Daggar Hauksdóttur, deildarstjóra byggingarlistardeildar Listasafns Reykjavíkur. Í göngunni verður farið um Grjótaþorpið og skoðaðar þær fjölbreytilegu birtingarmyndir íbúðahúsa sem þar eru, allt frá lágreistum timburhúsum til splunkunýrra glæsihúsa.
> Sjá nánar

FJÖLSKYLDULEIÐSÖGN: KJARVAL OG DÝRIN. LAUGARDAG 25. JÚLÍ KL. 14

Á Kjarvalsstöðum verður boðið upp á dagskrá fyrir alla fjölskylduna næstkomandi laugardag kl. 15 þar sem skoðaðar verða sérstaklega myndir af dýrum eftir Kjarval. Fræðslufulltrúi Listasafns Reykjavíkur, Klara Þórhallsdóttir, sér um dagskránna en í norðursal Kjarvalsstaða hefur verið sett upp sýning þar sem lögð er áhersla á dýramyndir Kjarvals sérstaklega með börn í huga.
> Sjá nánar

ÍSLENSK HÖNNUN 2009 – SÝNINGARSTJÓRASPJALL. SUNNUDAG 12. JÚLÍ KL. 15

Næstkomandi sunnudag er hinn Íslenski safnadagur haldinn hátíðlegur. Af því tilefni mun Listasafn Reykjavíkur bjóða upp á einstakt tækifæri til að kynnast íslenskri hönnun og arkitektúr í fremstu röð í spjalli sem Elísabet V. Ingvarsdóttir, sýningarstjóri sýningarinnar Íslensk hönnun 2009 – húsgögn, vöruhönnun og arkitektúr annast á Kjarvalsstöðum. Sýningin er unnin í samvinnu við Hönnunarmiðstöð Íslands. Aðgangur er ókeypis.
> Sjá nánar

SÝNINGARSTJÓRASPJALL HRAFNHILDAR SCHRAM. SUNNUDAG 26. JÚLÍ KL. 15

Sýningarstjórinn og listfræðingurinn Hrafnhildur Schram verður með leiðsögn á Kjarvalsstöðum um sýninguna Frá Unuhúsi til Áttunda strætis sunnudaginn 26. júlí kl. 15. Leiðarstef sýningarinnar er ferill listamannanna Louisu Matthiasdóttur og Nínu Tryggvadóttur og tengsl þeirra við aðra listamenn, skáld og rithöfunda á Íslandi og í New York um miðja síðustu öld, en Hrafnhildur er sérfróð um tímabilið og ritaði m.a. bók um Nínu Tryggvadóttur.
> Sjá nánar

Bókin Erró – Mannlýsingar

Bókin Erró – Mannlýsingar er komin út í samstarfi Bókaútgáfunnar Opnu og Listasafns Reykjavíkur. Hún gefin út í tilefni af 20 ára afmæli listaverkagjafar Errós og fylgir samnefndri sýningu í Listasafni Reykjavíkur.
> Sjá nánar

FJÖLSKYLDULEIÐSÖGN – HVAÐ GERIR LISTAVERK AÐ LISTAVERKI? SUNNUDAG 28. JÚNÍ KL. 15

Næstkomandi sunnudag klukkan þrjú verða sýningarnar Erró - Mannlýsingar og Möguleikar, sem sýnir verk tíu samtímalistakvenna, skoðaðar frá sjónarhóli fjölskyldunnar.
> Sjá nánar

VATNSLITIR Í 100 ÁR. LAUGARDAGINN 27 JÚNÍ KL. 14 – 16.30

Laugardaginn 27. júní verður í Hafnarhúsinu viðamikil dagskrá helguð vatnslitamálun með þátttöku listamanna og listfræðinga. Dagskráin hefst klukkan 14.00 með fyrirlestri Hrafnhildar Schram um frumherja í vatnslitun á Íslandi, að því búnu tekur Aðalsteinn Ingólfson til máls og fjallar um vatnsliti í abstraktlistinni, þá fremur Halldór Ásgeirsson gjörning og að lokum mun JBK Ransu  fjalla um vatnslitamálun eins og hún birtist í samtímalist.
> Sjá nánar

UNA DÓRA COPLEY, DÓTTIR NÍNU TRYGGVA MEÐ Í LEIÐSÖGN. SUNNUDAG 21. JÚNÍ KL. 15

Næstkomandi sunnudag kl. 15 mun Una Dóra Copley taka þátt í leiðsögn Hafþórs Yngvasonar, safnstjóra um sýninguna Frá Unuhúsi til Áttunda strætis. Una Dóra er dóttir listamannahjónanna Nínu Tryggvadóttur og Alfred L. Copley og býr og starfar í New York.Leiðarstef sýningarinnar er ferill listamannanna Louisu Matthiasdóttur og Nínu Tryggvadóttur og tengsl þeirra við aðra listamenn, skáld og rithöfunda á Íslandi og í New York um miðja síðustu öld, en sýningarstjóri er Hrafnhildur Schram
> Sjá nánar

RÍM - SÝNINGARSTJÓRASPJALL. SUNNUDAG 5. JÚLÍ KL. 14

Sigríður Melrós Ólafsdóttir, sýningarstjóri Rím í Ásmundarsafni verður með leiðsögn um sýninguna næstkomandi sunnudag kl. 14. Yfirskrift sýningarinnar vísar til þess skyldleika í verkum eftir íslenska samtímalistamenn sem finna má víða við mörg verka myndhöggvarans Ásmundar Sveinssonar.
> Sjá nánar

RÍM - BIRGIR SNÆBJÖRN OG DAVÍÐ ÖRN. SUNNUDAG 14. júní KL. 14

Birgir Snæbjörn Birgisson og Davíð Örn Halldórsson eru tveir af tólf listamönnum sem eiga verk á sýningunni Rím í Ásmundarsafni. Næstkomandi sunnudag kl. 14 munu þeir skoða sýninguna í fylgd með gestum og segja frá skyldleika í verkum þeirra og Ásmundar Sveinssonar.
> Sjá nánar

SKIPULAG AUÐNARINNAR – HJÁLMAR SVEINSSON. FIMMTUDAG 11. JÚNÍ KL. 20

Skipulag auðnarinnar er yfirskrift göngu sem Hjálmar Sveinsson mun leiða frá Hafnarhúsinu að Höfðatorgi næstkomandi fimmtudagskvöld kl. 20:00, en Hjálmar er kunnur fyrir gagnrýna umfjöllun sína um skipulagsmál í Reykjavík. Gangan er hluti af verkefninu Kvöldgöngur úr Kvosinni sem er dagskrá sem menningarstofnanir borgarinnar hafa sett saman hvert fimmtudagskvöld yfir sumartímann og stendur nú til boða fimmta árið í röð.
> Sjá nánar

ÍSAFOLD – BEST OF THE DEEP. FIMMTUDAG 25. JÚNÍ KL. 20.00

Ung og efnileg, íslensk tónskáld verða í sviðsljósinu á tónleikum Ísafoldar á Kjarvalsstöðum næstkomandi fimmtudag kl. 20. Tónleikarnar eru samstarfsverkefni Ísafoldar og Listasafns Reykjavíkur. Á efnsiskránni verður einnig tónlist eftir Nico Muhly og Daníel Bjarnason.
> Sjá nánar

UPPHAFIÐ Í ENDINUM - Hugmyndir um virkjun hrunsins. FIMMTUDAGUR 18. JÚNÍ KL. 20

Þýski hugmynda- og tengslasmiðurinn og Íslandsvinurinn Christoper Patrick Peterka heldur fyrirlestur í Hafnarhúsinu fimmtudaginn 18. júní kl. 20. Fyrirlesturinn er skipulagður af Hönnunarmiðstöð Íslands í samstarfi við Listasafn Reykjavíkur. Hann fer fram á ensku, er ókeypis og öllum opinn.
> Sjá nánar

INNVIÐIR UNUHÚSS. SUNNUDAG 7. JÚNÍ KL. 15

Á sunnudaginn klukkan þrjú lifnar við í máli og myndum hið sögufræga Unuhús við Garðastræti 15 í framsögum Silju Aðalsteinsdóttur, Gests Ólafssonar og Jóns Karls Helgasonar á Kjarvalsstöðum.
> Sjá nánar

ENSK LEIÐSÖGN

Í SUMAR ER BOÐIÐ UPP Á GJALDFRJÁLSA LEIÐSÖGN Á ENSKU Á KJARVALSSTÖÐUM ALLA FIMMTUDAGA KL. 11:00.
> Sjá nánar

FJÓRIR VERÐLAUNAHAFAR. FIMMTUDAG 4. JÚNÍ KL. 20

Listakonurnar Guðrún Vera Hjartardóttir, Hekla Dögg Jónsdóttir, Sara Björnsdóttir og nýjasti verðlaunahafi Guðmundusjóðsins, Margrét H. Blöndal, ræða verk sín og feril næstkomandi fimmtudagskvöld kl. 20:00 í Hafnarhúsinu.
> Sjá nánar

FRUM NÚTÍMATÓNLISTARHÁTÍÐ. HELGINA 6. OG 7. JÚNÍ

frum- er nútímatónlistarhátíð sem haldin er á Kjarvalsstöðum í júní ár hvert. Megináhersla hátíðarinnar er að kynna meistaraverk nútímatónbókmenntanna fyrir tónlistarunnendum, verk sem þegar hafa sett mark sitt á tónlistarsöguna en þó eru sjaldheyrð í tónleikahúsum Reykjavíkur.
> Sjá nánar

MARGRÉT H. BLÖNDAL HLÝTUR STYRK ÚR LISTASJÓÐI GUÐMUNDU S. KRISTINSDÓTTUR

Í dag afhentu listamaðurinn Erró og borgarstjórinn í Reykjavík, Hanna Birna Kristjánsdóttir, Margréti H. Blöndal verðlaunafé og viðurkenningu úr Listasjóði Guðmundu S. Kristinsdóttur fyrir framlag sitt á sviði myndlistar. Afhendingin fór fram við opnun sýninganna Erró – Mannlýsingar og Möguleikar – Listasjóður Guðmundu Kristinsdóttur, en Margrét á verk á þeirri síðari ásamt hinum níu listakonum sem hlotið hafa viðurkenningu úr sjóðnum. Sjóðinn stofnaði Erró til minningar um frænku sína Guðmundu og er honum ætlað að efla og styrkja listsköpun kvenna. Er þetta í tíunda sinn sem styrkur er veittur úr sjóðnum en framlagið rennur til listakonu sem þykir skara fram úr. Stjórn sjóðsins skipa safnstjórar Listasafns Reykjavíkur, Listasafns Íslands og Listasafnsins á Akureyri.
> Sjá nánar

ERRÓ OG RJÓMI ÍSLENSKRA LISTAKVENNA 28. MAÍ KL. 18

Listamaðurinn Erró verður viðstaddur opnun á nýrri sýningu Listasafns Reykjavíkur á mannlýsingamyndum hans af þjóðþekktum einstaklingum, lífs eða liðnum. Á sama tíma verður opnuð sýning á verkum íslenskra kvenna sem hlotið hafa viðurkenningu úr sjóði sem kenndur er við móðursystur Errós, Guðmundu Kristinsdóttur og tíundi verðlaunahafinn hlýtur viðurkenningu.
> Sjá nánar

SÝNINGARSTJÓRASPJALL HRAFNHILDAR SCHRAM FRÁ UNUHÚSI TIL ÁTTUNDA STRÆTIS. SUNNUDAG 24. MAÍ KL. 15

Sýningarstjórinn og listfræðingurinn Hrafnhildur Schram verður með leiðsögn á Kjarvalsstöðum um sýninguna Frá Unuhúsi til Áttunda strætis sunnudaginn 24. maí kl. 15. Leiðarstef sýningarinnar er ferill listamannanna Louisu Matthiasdóttur og Nínu Tryggvadóttur og tengsl þeirra við aðra listamenn, skáld og rithöfunda á Íslandi og í New York um miðja síðustu öld, en Hrafnhildur er sérfróð um tímabilið og ritaði m.a. bók um Nínu Tryggvadóttur.
> Sjá nánar

ÁTTAVITALEIÐANGUR FJÖLSKYLDUNNAR. SÍÐASTA SÝNINGARHELGI ELÍNAR HANSDÓTTUR

Út frá sjónarhorni byggingarlistarinnar eru Hafnarhúsið og sýning Elínar Hansdóttur, Parallax hafsjór af óvæntum fjársjóði, sem gestum á öllum aldri gefst tækifæri á að uppgötva næstkomandi sunnudag kl. 15 með aðstoð Fræðsluáttavitans. Um helgina lýkur sýningu Elínar en hún leikur sér með rými Hafnarhússins og skynjun og upplifun áhorfandans. Sýningin hefur hlotið mjög góða aðsókn og vakið verðskuldaða athygli.
> Sjá nánar

SUMARDAGSKRÁ LISTASAFNS REYKJAVÍKUR KOMIN ÚT

Sjö sýningar verða í Listasafni Reykjavíkur í sumar; ein í Ásmundarsafni, tvær í Hafnarhúsinu og fjórar á Kjarvalsstöðum. Listasafnið býður einnig upp á fjölbreytta dagskrá sem tengist sýningum. Einnig eru í boði skipulagaðar gönguferðir, tónleikar, fjölskylduviðburðir, vídeókvöld og fleira og fleira.
> Sjá nánar

SUMARSÝNINGAR KJARVALSSTAÐA OPNA

Sumarsýningar Listasafns Reykjavíkur - Kjarvalsstaða verða opnaðar næstkomandi föstudag 15. maí við sama tækifæri og setning Listahátíðar fer fram. Megin sýning safnsins, Frá Unuhúsi til Áttunda strætis, hefur verið þrjú ár í undirbúningi en þar eru olíumálverk eftir Louisu Matthíasdóttur og Nínu Tryggvadóttur, sem hafa aldrei áður verið sýnd hér á landi auk verka eftir lærimeistara þeirra beggja, Hans Hofmann og aðra nemendur hans sem getið hafa sér gott orðspor vestanhafs. Stór hluti sýningarinnar er helgaður verkum sem Louisa og Nína máluðu af samferðarmönnum sínum í Unuhúsi. Þá verður opnuð sýning á íslenskri hönnum sem er unnin í samstarfi við Hönnunarmiðstöð Íslands.
> Sjá nánar

RÍM - SÝNINGARSTJÓRASPJALL. SUNNUDAG 10. MAÍ KL. 14

Fjölmargir, íslenskir samtímalistamenn eiga samleið með myndhöggvaranum Ásmundi Sveinssyni eins og sést glöggt á sýningunni Rím, sem nýlega var opnuð í Ásmundarsafni. Næstkomandi sunnudag mun Ólöf K. Sigurðardóttir vera með sýningarstjóraspjall.
> Sjá nánar

ELEKTRA ENSEMBLE – VERK GÖMLU MEISTARANNA. SUNNUDAG 10. MAÍ KL. 20

ELEKTRA ENSEMBLE er glæsilegur tónlistarhópur skipaður fimm, ungum og framúrskarandi tónlistarkonum. Hópurinn var á dögunum tilnefndur Tónlistarhópur Reykjavíkurborgar 2009 og í kjölfarið gekk hópurinn til samstarfs við Listasafn Reykjavíkur um tónleikaröð á Kjarvalsstöðum. Tónleikaröðin er þematengd þar sem haldið verður á vit framandi slóða um víða veröld. Á tónleikunum á sunnudag verður haldið til Þýskalands og Austurríkis þar sem verk gömlu meistaranna, Mozarts, Beethovens og Brahms verða í hávegum höfð. Þegar hefur Elektra Ensemble haldið eina tónleika á Kjarvalsstöðum þar sem viðkomustaðurinn var Rússland.
> Sjá nánar

FÉLAGAR FLÓKA - FIMMTUDAG 7. MAÍ KL. 20. SÝNINGARLOK SUNNUDAG 10. MAÍ

Gríðarlega góð aðsókn hefur verið á sýninguna Skuggadrengur – Heimur Alfreðs Flóka frá því hún var opnuð í byrjun febrúar en tæplega 36.000 gestir hafa komið í Hafnarhúsið á tímabilinu. Sýningunni lýkur næstkomandi sunnudag 10. maí en næstkomandi fimmtudagskvöld, 7. maí, verður merkisviðburður í Hafnarhúsinu í tengslum við sýninguna þegar margir af helstu vinum Flóka koma saman og minnast hans með margvíslegu móti.
> Sjá nánar

STÓRKOSTLEG LISTAVERKAGJÖF

Þriðjudaginn 5. maí, var afhjúpuð í Hafnarhúsinu ný og ómetanleg listaverkagjöf sem listamaðurinn Erró hefur fært Listasafni Reykjavíkur. Alls eru verkin um 150 talsins og standa aðallega saman af grafíkmyndum, klippimyndum og olíuprenti á striga. Erró er svo væntanlegur hingað til lands undir lok maí vegna gjafarinnar og nýrrar sýningar á verkum hans.
> Sjá nánar

ELÍN HANSDÓTTIR – INNSETNINGIN KRUFIN. SUNNUDAG 3. MAÍ KL. 15

Næstkomandi sunnudag kl. 15 mun innsetning Elínar Hansdóttur, Parallax verða skoðuð og greind út frá ýmsum sjónarhornum. Leiðsögn verður um sýninguna en þeir sem bregða ljósi á verkið eru Hjálmar Sveinsson, útvarpsmaður og útgefandi, Ólafur Mathíesen, arkitekt, Shauna Laurel Jones, listfræðingur og Magnús Þór Þorbergsson, lektor við leiklistardeild LHÍ.
> Sjá nánar

SNERTIFLETIR MYNDLISTAR OG BYGGINGARLISTAR STEVE CHRISTER OG KRISTINN E. HRAFNSSON. HAFNARHÚS FIMMTUDAG 30. APRÍL KL. 20

Verslunarmiðstöðin Kringlan verður í sviðsljósinu í þriðja fyrirlestrinum sem byggingarlistardeild Listasafns Reykjavíkur gengst fyrir í umræðusyrpu um snertifleti myndlistar og byggingarlistar. Umræðan beinist að einum af grunnþáttum í manngerðu umhverfi okkar, þ.e. umgjörð almennra borgara í byggingum og opnu rými tengdum samskiptum, s.s. verslun og viðskiptum.
> Sjá nánar

SAMTÍMAHEIMSPEKI Í SÝNINGU JEANNETTE. JEANNETTE CASTIONI OG ÓLAFUR GÍSLASON SUNNUDAG 26. APRÍL KL. 15

Listamaðurinn Jeannette Castioni og listfræðingurinn Ólafur Gíslason skoða og fjalla um sýningu Jeannette sem nú stendur yfir í D-sal Hafnarhússins. Farið verður í leiðsögn um sýninguna en að því loknu mun Ólafur fjalla um sýninguna í máli og myndum út frá hugmyndum ítalsaka heimspekingsins Umberto Galimberti um fyrirbærafræði sem komu fram í bókinni Il corpo.
> Sjá nánar

SÚRREALISMI SKUGGADRENGSINS. SJÓN FJALLAR UM VERK ALFREÐS FLÓKA. SUNNUDAG 19. APRÍL KL. 15

Næstkomandi sunnudag klukkan þrjú mun skáldið og sýningarstjórinn Sjón rifja upp kynni sín af listamanninum Alfreð Flóka og beina athyglinni sérstaklega að því hvernig súrrealisminn birtist í verkum hans.
> Sjá nánar

ÁSMUNDARSAFN LOKAÐ TIL 2. MAÍ

Vinsamlegast athugið að Ásmundarsafn er lokað frá 20. apríl, Ný sýning, RÍM verður opnuð í safninu 2. maí og verður safnið opið daglega frá kl. 10 - 16 yfir sumarmánuðina.
> Sjá nánar

FERÐAFAGNAÐUR LAUGARDAGINN 18. APRÍL

Listasafn Reykjavíkur - Hafnarhús tekur þátt í Ferðafagnaði á vegum Reykjavíkurborgar með áherslu á fjölskylduna. Í Hafnarhúsinu og Ásmundarsafni stendur fjölskyldum til boða sérstakur leiðangur sem heitir HVAÐ ER SVONA MERKILEGT VIÐ SAFN?
> Sjá nánar

OSTASKERI EÐA RAKVÉL – FYRIRLESTUR ILMAR STEFÁNSDÓTTUR. FIMMTUDAG 16. APRÍL KL. 20

Viðfangsefni myndlistarmannsins Ilmar Stefánsdóttur snúast oftar en ekki um það að hugsa út fyrir rammann. Viðjar vanans lætur hún lönd og leið og leyfir hversdagslegum hlutum að leiða sig inn í undraheima sköpunarinnar með því að ljá þeim nýtt og notadrjúgt gildi.
> Sjá nánar

PÁSKALEIKUR Í ÁSMUNDARSAFNI LAUGARDAGINN 11. APRÍL KL. 14 - 15

Ratleikur um hinn ævintýralega styttugarð sem umlykur Ásmundarsafn verður í boði fyrir alla fjölskylduna. Páskaeggjum verður komið fyrir á völdum stöðum í styttunum og felst ratleikurinn í því að skoða garðinn og finna eggin.
> Sjá nánar

OPIÐ ALLA PÁSKANA Í LISTASAFNI REYKJAVÍKUR. SÍÐASTA SÝNINGARHELGI Á KJARVALSSTÖÐUM

Öll hús Listasafns Reykjavíkur eru með hefðbundinn opnunartíma yfir páskana og er aðgangur ókeypis. Á laugardeginum, 11. apríl er boðið upp á FJÖLSKYLDUDAGSKRÁ í Ásmundarsafni frá kl. 13-16.
> Sjá nánar

ELEKTRA ENSEMBLE - RÚSSNESKT ÆVINTÝRI. MIÐVIKUDAG 8. APRÍL KL. 20

Elektra Ensemble er glæsilegur tónlistarhópur skipaður fimm, ungum og framúrskarandi tónlistarkonum. Hópurinn var á dögunum tilnefndur Tónlistarhópur Reykjavíkurborgar og í kjölfarið gekk hópurinn til samstarfs við Listasafn Reykjavíkur um tónleikaröð á Kjarvalsstöðum.
> Sjá nánar

FEGURÐARFLÉTTUR SUNNUDAG 5. APRÍL KL. 15

Alþjóðlegur meistari í skák Guðfríður Lilja Grétarsdóttir, stórmeistarinn Helgi Ólafsson og safnstjórinn Hafþór Yngvason rýna í hugtak fagurfræðinnar í samhengi við skáklistina á Kjarvalsstöðum næstkomandi sunnudag klukkan 15:00.
> Sjá nánar

UM INNRI OG YTRI SKYNJUN DR. HAUKUR INGI JÓNASSON. FIMMTUDAG 2. APRÍL KL. 20

Í fyrirlestri sínum í Listasafni Reykjavíkur – Hafnarhúsi næstkomandi fimmtudagskvöld skoðar Dr. Haukur Ingi Jónasson hvernig við skynjum umhverfi okkar og sýnir fram á hvernig ímyndunaraflið vinnur á mörkum þess innra og ytra.
> Sjá nánar

HLAUT HÁLFA MILLJÓN OG SAMNING

Hönnuðurinn Ingibjörg Hanna Bjarnadóttir hlaut 500.000 króna verðlaun fyrir tillögu sína Minnistafla í hönnunarsamkeppni sem Listasafn Reykjavíkur, Kraum og Hönnunarmiðstöð Íslands stóðu fyrir.
> Sjá nánar

SAGA SKÁKLISTARINNAR. FYRIRLESTUR HELGA ÓLAFSSONAR. SUNNUDAG 29. MARS KL. 15

Helgi Ólafsson, stórmeistari í skák, heldur fyrirlestur um sögu skáklistarinnar í tengslum við sýninguna Skáklist á Kjarvalsstöðum.
> Sjá nánar

BÖRN OG BYGGINGARLIST. LAUGARDAG OG SUNNUDAG Í HAFNARHÚSINU

Listasafn Reykjavíkur býður til hófs í tilefni af útgáfu bókarinnar Byggingarlist í augnhæð eftir Guju Dögg Hauksdóttur, laugardaginn 28. mars kl. 15.
> Sjá nánar

VERÐLAUNAVEITING Í ERRÓSAMKEPPNI. FÖSTUDAGUR 27. MARS KL. 12:00

Næstkomandi föstudag mun borgarstjórinn í Reykjavík, Hanna Birna Kristjánsdóttir, afhenda hönnunarverðlaun í samkeppni, sem efnt var til fyrir nokkru í gerð nytjahlutar með innblæstri eða tilvísun í listaverk eftir Erró.
> Sjá nánar

MUNDI, NÝ LÍNA – TÍSKUSÝNING Í HAFNARHÚSINU

Línan verður kynnt með veglegri og óhefðbundinni tískusýningu í Hafnarhúsinu næstkomandi fimmtudaginn 26. mars klukkan 20:00.
> Sjá nánar

TÍSKUSÝNING MUNDA / ERRÓVERÐLAUN / BÓKAÚTGÁFA / BÖRN OG BYGGINGARLIST FIMMTUDAG 26. - SUNNUDAGS 28. MARS

HönnunarMarsinn heldur innreið sína í Hafnarhúsið á fimmtudaginn.
> Sjá nánar

LISTAMANNSSPJALL ELÍNAR HANSDÓTTUR. SUNNUDAG 22. MARS KL. 15

Sýning Elínar Hansdóttur, Parallax. Um er að ræða innsetningu, sem leikur sér með upplifun og skynjun áhorfandans útfrá sjónsviði og mögulegri bjögun þess.
> Sjá nánar

FLÚXUSGJÖRNINGUR SÆLKERANNA EFTIR TAKAKO SAITO. GJÖF TIL LISTASAFNS REYKJAVÍKUR. LAUGARDAG 21. MARS KL. 17 - 19

Nafntogaðir sælkerar og þjóðþekktir einstaklingar taka þátt í sögulegum Flúxusgjörningi á Kjarvalsstöðum. Gjörningurinn er gjöf hins heimskunna Flúxus listamanns, Takako Saito, til Listasafns Reykjavíkur í tilefni af skáksýningunni Skáklist á Kjarvalsstöðum. Saito hefur búið til yfir eitt hundrað skákborð sem mörg hver byggja á skynjun þeirra sem tefla. Það á einnig við um skákgjörninginn sem hún hefur fært Listasafninu að gjöf, en hann felst annars vegar í því að tefla með léttvíni og hins vegar snittum.
> Sjá nánar

MOZART, MASSENET OG MONTI HÁDEGISTÓNLEIKAR. FÖSTUDAG 20. MARS KL. 12.15. AÐGANGUR ÓKEYPIS

Listasafn Reykjavíkur og Tríó Reykjavíkur hafa um nokkurt skeið verið í samstarfi um hádegistónleikaröð á Kjarvalsstöðum. Aðgangur á tónleikana er gjaldfrjáls og er efnisskráin jafnan samsett af kunnum, klassískum perlum.
> Sjá nánar

TVÆR OPNANIR FIMMTUDAGINN 19. MARS KL. 17. ELÍN HANSDÓTTIR OG JEANETTE CASTIONI

D-12 – JEANNETTE CASTIONI Jeannette er tólfti listamaðurinn sem sýnir í sýningaröðinni sem kennd er við D-sal Hafnarhússins. Á sýningu sinni í D-sal, Hver er hræddur við hvern lítur hún yfir svið hins ímyndaða sambræðings menningarheima gegnum samskipti og tækni. Á sýningunni getur m.a. að heyra hljóðupptöku þar sem súrrealistinn Dalí ræðir um skegg sitt.
> Sjá nánar

TVÆR OPNANIR FIMMTUDAGINN 19. MARS KL. 17. ELÍN HANSDÓTTIR OG JEANETTE CASTIONI

PARALLAX / SÝNDARHLIÐRUN ELÍNAR HANSDÓTTUR Myndlistarmaðurinn Elín Hansdóttir á að baki merkilegan feril þó ung sé að árum en hún sýnir nú í fyrsta sinn hjá Listasafni Reykjavíkur. Sýning hennar, Parallax eða Sýndarhliðrun er hluti af sýningarröð Hafnarhússins. Elín Hansdóttir fylgir sýningunni úr hlaði með listamannsspjalli sunnudaginn 22. mars kl. 15.00
> Sjá nánar

TVEIR VINIR FLÓKA. SUNNUDAG 15. MARS KL. 15

Tveir góðir vinir Alfreðs Flóka koma saman og rýna í ritverk og myndlist listamannsins í Hafnarhúsinu. Þetta eru rithöfundurinn Sjón, sem jafnframt er sýningarstjóri sýningarinnar um Alfreð Flóka og skáldið og þýðandinn Jóhann Hjálmsson.
> Sjá nánar

SÝNINGUM LÝKUR Í HAFNARHÚSINU. ÁSMUNDUR ÁSMUNDSSON OG PÉTUR MÁR GUNNARSSON

Sunnudaginn 8. mars lýkur sýningum Ásmundar Ásmundssonar og Péturs Má Gunnarssonar í Hafnarhúsinu.
> Sjá nánar

LISTAMENN LEIKSKÓLANNA OG LEIÐSÖGN Á KJARVALSSTÖÐUM. SUNNUDAG 8. MARS

LISTSKÖPUN OG SKÁKKENNSLA KL. 13 Skákakademía Reykjavíkur hefur unnið að skemmtilegu tilraunaverkefni með fjórum leikskólum á höfuðborgarsvæðinu ásamt barnaspítala Hringsins en skákfélagið Hrókurinn hefur verið með reglulegar kennsluheimsóknir þangað síðastliðin fjögur ár. Verkefnið gengur út á að kynna skák á frumlegan hátt gegnum skákkennslu og listsköpun.
> Sjá nánar

ÍSLENSKUR SYMBOLISMI. FIMMTUDAGUR 5. MARS KL. 19.30

Íslenskur symbolismi er yfirskrift fyrirlestra, umræðna og ljóðalesturs sem skáldið og sýningarstjórinn Sjón mun standa fyrir í Hafnarhúsinu í tengslum við sýninguna Skuggadrengur - Alfreð Flóki.
> Sjá nánar

MÆRI PÉTURS MÁS GUNNARSSONAR. SUNNUDAG 1. MARS KL. 15. HAFNARHÚS

Listamaðurinn Pétur Már Gunnarsson fjallar um innsetningu sína Mæri í Hafnarhúsinu. Pétur Már er einn þeirra listamanna sem sýna í D-salar sýningarröðinni þar sem Listasafn Reykjavíkur vekur athygli á efnilegum myndlistamönnum sem eiga það sameiginlegt að hafa ekki sýnt í stærri söfnum landsins áður.
> Sjá nánar

GÓÐAR FRÉTTIR Í BRESKUM BLÖÐUM FRÁ LISTASAFNI REYKJAVÍKUR

Í dag, fimmtudaginn 26. febrúar birtist á forsíðu vefmiðils Daily Telegraph frétt og myndasyrpa um Skáksýninguna, Skáklist, sem nú stendur yfir á Kjarvalsstöðum.
> Sjá nánar

NÝSKÖPUN OG MIKILVÆGI ÞVERFAGLEGS SAMSTARFS. FIMMTUDAG 12. MARS KL. 20

Á þessum fyrirlestri hönnuðarins Karls Aspelund skoðar hann hönnunarferilinn með tilliti til þess hvernig samstarf fólks úr mismunandi umhverfi og af ólíkum sviðum er áhrifarík leið að Nýsköpun. Fyrirlesturinn er samstarf Hönnunarmiðstöðvar Íslands og Listasafns Reykjavíkur.
> Sjá nánar

TÁKNMYNDIR VALDSINS: SNERTIFLETIR MYNDLISTAR OG BYGGINGARLISTAR FIMMTUDAG 26. FEBRÚAR KL. 20

Viðfangsefni þessa fyrirlestrar Listasafns Reykjavíkur sem haldinn verður í Hafnarhúsinu er tengt hinu veraldlega valdi, innbyggðum táknmyndum í byggingum stjórnsýslu og ríkjandi öflum meðal þjóða. Þátttakendur eru Sigurður Einarsson arkitekt og myndlistarmennirnir Hafdís Helgadóttir og Ólöf Nordal. Fyrirlesturinn eru öllum opin.
> Sjá nánar

KAMMERKÓRINN STAKA, KJARVALSSTÖÐUM FÖSTUDAG 20. FEBRÚAR KL. 20.00

Staka er ungur kammerkór sem starfar í Kaupmannahöfn. Þrátt fyrir ungan aldur hefur kórinn sungið víða og fengið mikið lof fyrir. Meðlimir Stöku hafa flestir einhverja tónlistarmenntun og kórreynslu sér að baki.
> Sjá nánar

KVENNASKÁK Á KJARVALSSTÖÐUM, SUNNUDAG 22. FEBRÚAR KL. 15

Skáklist verður í forgrunni í sunnudagsdagskrá Listasafns Reykjavíkur með áherslu á konudaginn. Klukkan þrjú verður leiðsögn um sýninguna Skáklist og hálftíma síðar munu Guðlaug Þorsteinsdóttir, fyrrverandi Íslandsmeistari kvenna í skák og Hallgerður Helga Þorsteinsdóttir (16 ára) núverandi Íslandsmeistari kvenna etja kappi á skákborðinu.
> Sjá nánar

HÚMOR OG AMOR

Húmor og Amor er verkefni á vegum menningastofnana Reykjavíkurborgar, Þjónustumiðstöðvar Miðborgar og Hlíða, Alþjóðahús og Hins Húsins.
> Sjá nánar

ÁSMUNDUR ÁSMUNDSSON Í SÓFASPJALLI. FIMMTUDAG 19. FEBRÚAR KL. 20:00

Í sófaspjalli fjölnotasalar Hafnarhússins næstkomandi fimmtudagskvöld mun listamaðurinn Ásmundur Ásmundsson bregða upp svipmyndum af hugmynda- og vinnuferli sínu, sýna verk sem tengjast sýningu hans í Hafnarhúsinu og spjalla við gesti um tilurð þess.
> Sjá nánar

SUNNUDAGSÞRENNA ÓKEYPIS OG ÖLLUM OPIN: SALON - SKÁKLIST - SÖNGTÓNLEIKAR. SUNNUDAG 15. FEBRÚAR

Fjölbreytt dagskrá verður í boði á Kjarvalsstöðum næstkomandi sunnudag. Þá verður boðið upp á leiðsögn um sýningar hússins, listsmiðja fjölskyldunnar verður opin að vanda og söngtónleikar til heiðurs Jóni Ásgeirssyni tónskáldi verða haldnir í dagslok. Allir viðburðir eru gjaldfrjálsir og öllum opnir
> Sjá nánar

SÖNGTÓNLEIKAR TIL HEIÐURS JÓNI ÁSGEIRSSYNI. SUNNUDAG 15. FEBRÚAR KL. 17

Söngskólinn í Reykjavík og Listasafn Reykjavíkur bjóða til ókeypis söngtónleika til heiðurs tónskáldinu Jóni Ásgeirssyni á Kjarvalsstöðum, sunnudaginn 15. febrúar kl. 17:00. Jón fyllti áttunda áratuginn í október síðastliðnum en af því tilefni hefur verið skipulögð röð tónleika honum til heiðurs.
> Sjá nánar

SAFNANÓTT Í LISTASAFNI REYKJAVÍKUR. FÖSTUDAGINN 13. FEBRÚAR

AMIINA, PIKKNIKK, SJÓN, ILMUR, SÖNGLEIKJATÓNLIST, SKÁKSNILLINGAR, LISTSMIÐJUR, LISTAVERKAGEYMSLUR, LISTAMENN OG LEIÐSAGNIR! OPIÐ 19-24 Á SAFNANÓTT.
> Sjá nánar

MYNDMÁL OG STJÓRNMÁL - FYRIRLESTUR GUÐMUNDAR ODDS MAGNÚSSONAR, FIMMTUDAG 12. FEBRÚAR KL. 20

Fimmtudagskvöldið 12 febrúar kl. 20 mun Guðmundur Oddur Magnússon, prófessor í grafískri hönnun við Listaháskóla Íslands fjalla um táknmál stjórnmála á veggspjöldum, ljósmyndum og merkjum.
> Sjá nánar

STÓRMEISTARAEINVÍGI VIÐ ELDHÚSBORÐ OG SKOÐUNARFERÐ UM SKÁKBORÐ, SUNNUDAG 8. FEBRÚAR KL. 15

Með tómatsósuflösku, gúmmíönd og þrjátíu öðrum ólíkum hlutum úr eldhúsi Paul McCarthys sem taflmenn, ætla stórmeistararnir Friðrik Ólafsson og Helgi Ólafsson að heyja skákeinvígi á Kjarvalsstöðum næstkomandi sunnudag kl. þrjú.
> Sjá nánar

SKUGGADRENGUR – HEIMUR ALFREÐS FLÓKA FIMMTUDAG 5. FEBRÚAR 2009

„Ég er eiginlega neyddur til að halda yfirlitssýningu á verkum mínum til þess að ganga frá þessum öpum í eitt skipti fyrir öll,” ritaði Alfreð Flóki á blað sem rak á fjörur rithöfundarins Sjóns og varð kveikjan að sýningunni Skuggadrengur – Heimur Alfreðs Flóka.
> Sjá nánar

ÁSMUNDUR ÁSMUNDSSON – LISTAMANNSSPJALL SUNNUDAG 1. FEBRÚAR KL. 15

HOLA - ÁSMUNDUR ÁSMUNDSSON Listamaðurinn Ásmundur Ásmundsson er vel kunnur fyrir afdráttarlausa gagnrýni á samfélagið og samferðamenn hvort sem er á vettvangi myndlistar eða ritlistar
> Sjá nánar

ERRÓ - MYNDASPIL LAUGARDAG 31. JANÚAR KL. 11

Fjölskylduvæn sýning sem Ilmur Stefánsdóttir listamaður á veg og vanda að. Á sýningunni bregður Ilmur á leik með nokkur af stærri verkum Errós, brýtur þau niður í stóra, handhæga kubba sem hægt er að raða aftur samkvæmt frummyndinni, sem hangir á veggnum eða skapa ný verk.
> Sjá nánar

TRÍÓ REYKJAVÍKUR - HÁDEGISTÓNLEIKAR FÖSTUDAG 30. JANÚAR KL. 12.15

Listasafn Reykjavíkur og Tríó Reykjavíkur hafa um nokkurt skeið verið í samstarfi um hádegistónleika á Kjarvalsstöðum þar sem aðgangur er ókeypis.
> Sjá nánar

SNERTIFLETIR MYNDLISTAR OG BYGGINGARLISTAR FIMMTUDAG 29. JANÚAR KL. 20

Listasafn Reykjavíkur stendur að nýrri röð fyrirlestra og umræðna sem hafa það markmið að vekja athygli á listrænum þáttum byggingarlistar.
> Sjá nánar

SKÁKLIST KJARVALSSTÖÐUM SUNNUDAG 25. JANÚAR KL. 14 OG 15

VIÐBURÐARÍKUR SUNNUDAGUR Sýningunni er fylgt úr hlaði með viðburðaríkri dagskrá sem hefst strax sunnudaginn 25. janúar kl. 14. Þá munu listamennirnir Gavin Turk, Oliver Clegg og Paul Fryer ásamt sýningarstjóranum Juliu Royse skoða verkin með sýningargestum. Klukkan 15:00 taka sýningastjórarnir Mark Sanders og Larry List þátt í pallborðsumræðum um skák og list ásamt Hafþóri Yngvasyni, safnstjóra.
> Sjá nánar

AFMÆLISTÓNLEIKAR MOZARTS Þriðjudaginn 27. janúar kl. 20

Samkvæmt venju undanfarin ár verða haldnir MOZART-tónleikar á Kjarvalsstöðum næstkomandi þriðjudag, 27.janúar kl. 20, sem er fæðingardagur tónskáldsins.
> Sjá nánar

HÖNNUNARSAMKEPPNI

Hönnunarmiðstöð Íslands, verslunin Kraum og Listasafn Reykjavíkur standa sameiginlega fyrir hönnunarsamkeppni sem felst í því að hanna nytjahlut með innblæstri eða tilvísun í listaverk eftir Erró.
> Sjá nánar

S K Á K L I S T LAUGARDAG 24. JANÚAR KL. 16

Á annan tug frumlegra og óhefðbundinna skákborða eftir nokkra af kunnustu listamönnum samtímans verða á sýningunni Skáklist sem opnuð verður á Kjarvalsstöðum laugardaginn 24. janúar kl. 16. Hugmyndaheimi listamannanna eru fá takmörk sett og birtast í skákborðum sem hvetja áhorfendann til að endurmeta hinn formfasta leik skáklistarinnar og þá grundvallarhugsun sem býr að baki hefðbundnum skákborðum.
> Sjá nánar

ÁSMUNDUR ÁSMUNDSSON OG PÉTUR MÁR GUNNARSSON FIMMTUDAGINN 22. JANÚAR KL. 17.00

Fyrstu sýningar Hafnarhússins á nýju ári eru á verkum listamannanna Ásmundar Ásmundssonar og Péturs Már Gunnarssonar. Ásmundur sýnir verk í A-salar sýningarröðinni sem tekst á við samfélagið og tengsl þess við myndlistina og Pétur er ellefti listamaðurinn sem sýnir í D-salnum, sem helgaður er yngri kynslóð listamanna. Sýningarnar standa báðar til 8. mars
> Sjá nánar

SAMSÍÐA HEIMAR - INGIBJÖRG JÓNSDÓTTIR - LISTAMANNSSPJALL SUNNUDAGINN 18. JANÚAR KL. 15:00

Næstkomandi sunnudag kl. 15:00 mun listamaðurinn Ingibjörg Jónsdóttir segja frá sýningu sinni Samsíða heimar, en þá er lokadagur sýningarinnar. Innsetning Ingibjargar er afar sjónræn, margbrotin og breytileg; hún ýmist dregur í sig ljós eða varpar því frá sér eftir því sem ljósmagnið í salnum breytist eða staðsetning áhorfandans í salnum.
> Sjá nánar

JURGEN BEY - EINN AF EFTIRTEKTARVERÐUSTU HÖNNUÐUM SAMTÍMANS Fimmtudag 15. janúar kl. 20

Næstkomandi fimmtudagskvöld hefst í Hafnarhúsinu ný fyrirlestraröð sem Hönnunarmiðstöð Íslands á veg og vanda að og vinnur í samstarfi við Listasafn Reykjavíkur. Fyrsta fyrirlesturinn flytur Jurgen Bey sem er einn af áhugaverðustu hönnuðum samtímans og starfar um þessar mundir sem gestakennari við Listaháskóla Íslands
> Sjá nánar

SÝNINGALOK OG SÝNINGASTJÓRASPJALL Í HAFNARHÚSI

Sunnudaginn 11. janúar lýkur þremur sýningum í Hafnarhúsinu:
> Sjá nánar

KJARVALSSAFNEIGNIN AFHJÚPUÐ LAUGARDAG 10. JANÚAR KL. 14 - MYND AF HEILD

Nokkur hundruð verka Jóhannesar S. Kjarvals í eigu Listasafns Reykjavíkur verða dregin fram í dagsljósið á sýningunni. Listasafn Reykjavíkur hefur leitast við að setja Kjarvalssafneignina fram á ólíkan máta, með þematengdum sýningum, yfirlitssýningum og samsýningum en í fyrsta sinn er safneignin sýnd í heild sinni, ef frá eru taldar teikningar og skissur sem eru í eðli sínu ekki sýningagripir eða tilbúnar til sýningar. Kjarvalssafneign safnsins samanstendur af 3.348 verkum eftir listamanninn; 3.189 teikningum og 159 málverkum.
> Sjá nánar

LISTAVERKALEIÐANGUR ÚT / INN FIMMTUDAG 8. JANÚAR KL. 20

Líta listaverk eins út þegar þau hanga innan um föt eða samlokur? Hvað með auglýsingaskilti sem er komið inn á safn - er það orðið að listaverki? Næstkomandi fimmtudagskvöld kl. 20 mun AlmaDís Kristinsdóttir safnfræðslufulltrúi safnsins bjóða listunnendum í leiðangur um miðbæinn þar sem þeim gefst kostur á að líta listaverk í nýju ljósi.
> Sjá nánar

SÝNINGALOK Á KJARVALSSTÖÐUM SUNNUDAG 4. JANÚAR

Tveimur sýningum lýkur næstkomandi sunnudag á Kjarvalsstöðum. Það eru yfirlitssýning á lykilverkum Kjarvals auk hinnar rómuðu sýningar Braga Ásgeirssonar, Augnasinfóníu.
> Sjá nánar

ID-LAB: LISTAMANNSSPJALL JÓNS SÆMUNDAR AUÐARSONAR. SUNNUDAG 4. JANÚAR KL. 15:00

Jón Sæmundur Auðarson, ID-LAB, 2008 Slagorð Jóns Sæmundar 'Sá sem óttast dauðann kann ekki að njóta lífsins' endurspeglar persónulega stöðu hans sem HIV smitaðs einstaklings sem samið hefur frið við dauðann en lifir heilbrigðu lífi af krafti og óttaleysi.
> Sjá nánar

BRAGI OG SIGURLAUG MEÐ LEIÐSÖGN Á KJARVALSSTÖÐUM Sunnudaginn 21. DES. KL. 15:00

Sýningu Braga Ásgeirssonar á Kjarvalsstöðum lýkur í byrjun janúar og því hver að verða síðastur að líta þetta einstaka yfirlit á ferli listamannsins. Næstkomandi sunnudag munu Bragi og Sigurlaug leiða saman hesta sína og bjóða gestum að njóta listaverkanna undir leiðsögn og spjalli auk þess sem Bragi mun árita bókina Augnasinfónía.
> Sjá nánar

ANDREA MAACK - LISTAMANNSSPJALL SUNNUDAG 14. DESEMBER KL. 15

Andrea Maack endurspeglar á einfaldan hátt óaðfinnanlegt andrúmsloft hátískuiðnaðarins í D-sal Hafnarhússins. Til að fullkomna þessa upplifun hefur listamaðurinn látið gera ilmvatn sem liggur í lofti salarins.
> Sjá nánar

HVÍT JÓL GARÐAR CORTES OG ROBERT SUND Á KJARVALSSTÖÐUM

Einn dáðasti tenórsöngvari Íslands, Garðar Cortes, mun halda tvenna hádegistónleika á Kjarvalsstöðum þar sem hann flytur helstu jólaperlur tónbókmenntanna með píanóleikaranum Robert Sund. Tónleikarnir verða mánudaginn 15. og þriðjudaginn 16. desember og hefjast kl. 12:15.
> Sjá nánar

FLAKKARINN

Flakkarinn, ný farandsýning Listasafns Reykjavíkur, lagði af stað í sinn fyrsta leiðangur um grunnskóla Reykjavíkur þann, 8. desember s.l. Fyrsti viðkomustaður Flakkarans var Grandaskóli þar sem kennarar og nemendur tóku á móti honum.
> Sjá nánar

SPJALL HLYNS HALLSSONAR Í HAFNARHÚSINU SUNNUDAG 30. NÓVEMBER KL. 15:00

Sýning Hlyns Hallssonar hefur vakið óskipta athygli fjölmiðla og almennings en næstkomandi sunnudag mun Hlynur skoða sýninguna með gestum, segja frá tilurð hennar og fyrri verkum sínum.
> Sjá nánar

FRIÐUR OG FJÖLMENNING VIÐEY SUNNUDAGINN 30. NÓVEMBER KL. 14-17

Opin listsmiðja og notaleg samverustund fyrir börn og fullorðna. Í smiðjunni er unnið út frá friðarsúlu Yoko Ono og orðunum HUGSA SÉR FRIÐ sem áletruð eru á 24 tungumálum á súluna sjálfa.
> Sjá nánar

KÆRLEIKSKÚLAN

Kærleikskúlan var afhent við hátíðlega athöfn í Listasafni Reykjavíkur – Hafnarhúsi miðvikudaginn 26. nóvember.
> Sjá nánar

OPNUNARTÍMI LISTASAFNS REYKJAVÍKUR UM JÓL OG ÁRAMÓT

Listasafn Reykjavíkur er opið alla daga yfir jól og áramót að undanskildum aðfangadegi og jóladegi. Opnunartími er breytilegur en hann er sem hér segir: HAFNARHÚS: opið daglega 10 - 17 , fimmtudaga 10 - 22. Opið 26. des.: 12 - 17. Opið 31. des.: 10 - 14. Opið 1. jan.: 12 - 17. Lokað 24. og 25. des. KJARVALSSTAÐIR: opnir daglega 10 - 17. Opið 26. des.: 12 - 17. Lokað 24. 25. og 31. des og 1. jan. ÁSMUNDARSAFN: opið daglega 13 - 16. Lokað 24. 25. 26. og 31. des. og 1. jan.
> Sjá nánar

Margmiðlunarverkefni um Ásmund Sveinsson

Listasafn Reykjavíkur hefur opnað margmiðlunarverkefni um Ásmund Sveinsson sem nefnist Í kálgarði tilverunnar, leiðangur fyrir börn og fullorðna.
> Sjá nánar

D-10 ANDREA MAACK FIMMTUDAG 20. NÓVEMBER KL. 17

Andi hátískuhúsa Parísarborgar svífur yfir D-salnum þegar tíunda sýning í sýningaröð salarins verður opnuð. Sýning listamannsins Andreu Maack ber yfirskriftina CRAFT.
> Sjá nánar

FJÖLSKYLDULEIÐANGUR KL. 14 UGLUSPEGILL KATRÍNAR ÓLÍNU KL. 15 SUNNUDAGUR 16. NÓVEMBER

FJÖLSKYLDULEIÐANGUR UM MIÐBÆINN KL. 14 Líta listaverk eins út þegar þau hanga innan um föt eða samlokur? LISTAMANNSSPJALL KATRÍNAR ÓLÍNU Í ID LAB KL. 15 Hönnuðurinn Katrín Ólína Pétursdóttir er einn listamannanna sem eiga verk á sýningunni ID LAB.
> Sjá nánar

DIETER ROTH PUZZLE MIÐVIKUDAG 12. NÓVEMBER KL. 20:00

Listasafn Reykjavíkur og kvikmyndafyrirtækin AX, Ground Control og H. Oddsson ehf standa fyrir boðsýningu á heimildarmyndinni „dieter roth puzzle" eftir Hilmar Oddsson í Hafnarhúsinu, miðvikudaginn 12. nóvember kl. 20.00. Aðgangur er ókeypis og allir eru velkomnir á meðan húsrúm leyfir.
> Sjá nánar

FENEYJATVÍÆRINGURINN Í BYGGINGARLIST 2008 GUJA DÖGG MEÐ FYRIRLESTUR Í HAFNARHÚSINU FIMMTUDAGINN 13. NÓVEMBER KL. 20:00

Flestir kannast við Feneyjatvíæringinn í myndlist en færri vita að byggingarlist hefur einnig átt sinn sess á þessum spennandi vettvangi í Feneyjum síðustu 22 árin - annað hvert ár á móti myndlistinni.
> Sjá nánar

KRAUM Á KJARVALSSTÖÐUM - FRÁBÆRT TILBOÐ Á BÓKUM Í SAFNVERSLUNUM

Verslunin Kraum í Aðalstræti hefur nú opnað útibú sitt í Listasafni Reykjavíkur – Kjarvalsstöðum. Fram að jólum hyggst Listasafn Reykjavíkur stórlækka verðið á nokkrum af vinsælustu bókunum
> Sjá nánar

FRAMLENGING Á AUGNASINFÓNÍU BRAGA

Vegna mikillar aðsóknar verður Augnasinfónía, sýning Braga Ásgeirssonar á Kjarvalsstöðum, framlengd til 4. janúar 2009.
> Sjá nánar

TÍÐARANDINN - LISTAMANNSSPJALL SUNNUDAG 9. NÓVEMBER KL. 15:00

Fjórar ólíkar og áhugaverðar sýningar eru í gangi í Hafnarhúsinu, en á sunnudaginn verður sjónum aðallega beint að sýningunni ID-LAB þar sem einn listamannanna, Eirún Sigurðardóttir í Gjörningaklúbbnum, tekur þátt í leiðsögn um sýninguna.
> Sjá nánar

ÚT / INN HLYNUR HALLSSON FIMMTUDAG 6. NÓVEMBER KL. 17:00

Tuttugu þjónustufyrirtæki í miðbænum taka virkan þátt í sýningu Hlyns Hallssonar ÚT / INN sem verður opnuð í Listasafni Reykjavíkur – Hafnarhúsi fimmtudaginn 6. nóvember. Sýning Hlyns felur í sér að færa hluta af safnkosti Listasafns Reykjavíkur út á meðal almennings og á sama tíma að varpa nýju ljósi á viðtekna hluti í umhverfi okkar og setja þá í nýtt samhengi innan veggja safnsins.
> Sjá nánar

LIBIA CASTRO & ÓLAFUR ÓLAFSSON ALLIR GERA ÞAÐ SEM ÞEIR GETA SÝNINGARLOK SUNNUDAGINN 2. NÓVEMBER

Sýning Libiu Castro og Ólafs Ólafssonar í Hafnarhúsinu hefur vakið sterk viðbrögð í samfélaginu en þar sýna þau á fjórða tug viðtala við ólíka þjóðfélagsþegna í því skyni að varpa ljósi á stöðu samfélags okkar í dag.
> Sjá nánar

DRAUGUR Á ID LAB HUGINN ÞÓR ARASON SUNNUDAG 2. NÓVEMBER KL. 15:00

Draugur er heiti á verki Hugins Þórs Arasonar á sýningunni ID LAB sem nú stendur yfir í Hafnarhúsinu, en á sunnudaginn kemur kl. 15:00 mun Huginn Þór segja frá verkinu.
> Sjá nánar

ÚTILISTAVERK Í REYKJAVÍK Á NETINU.

Listasafn Reykjavíkur hefur umsjón með list í almenningsrými en undir það falla útilistaverk borgarinnar. Nú er hægt að skoða útilistaverk borgarinnar á netinu.
> Sjá nánar

HUGLEIKUR HREIÐRAR UM SIG Í HAFNARHÚSINU

> Sjá nánar

AUGNASINFÓNÍA BRAGA ÁSGEIRSSONAR LISTAMANNSSPJALL OG ÁRITUN SUNNUDAG 26. OKTÓBER KL. 15:00.

Ein aðsóknamesta sýning þessa árs í Listasafni Reykjavíkur er yfirlitssýning Braga Ásgeirssonar á Kjarvalsstöðum sem nú hefur staðið yfir í rúman mánuð. Á sunnudaginn kl. 15:00 mun listamaðurinn fara um sýninguna ásamt Sigurlaugu Ragnarsdóttur, sem unnið hefur náið með Braga, og ræða um einstök verk og feril sinn í listinni. Við sama tækifæri mun Bragi árita bókina Augnasinfóníu sem fjallar um líf hans og list og skreytt er fjölda mynda. Bókin er seld á tilboðsverði á meðan á sýningunni stendur.
> Sjá nánar

AÐSÓKN EYKST UM SJÖTÍU PRÓSENT YFIR TVÖ HUNDRUÐ ÞÚSUND GESTIR Á ÁRINU.

Frá því að veittur var gjaldfrjáls aðgangur að Listasafni Reykjavíkur um síðustu áramót hefur aðsókn að safninu aukist um tæp sjötíu prósent.
> Sjá nánar

ÓKEYPIS ÆVINTÝRI FYRIR FJÖLSKYLDUNA OG LISTAMANNSSPJALL Í D-SALNUM. SUNNUDAG 19. OKTÓBER

ÆVINTÝRI FYRIR FJÖLSKYLDUNA KL. 14:00. Samsýningin ID-LAB er mikil ævintýrasýning sem höfðar til allra aldurshópa og státar af óvenjulegum og forvitnilegum verkum, sem unnin eru í ólíka miðla. JÓNA HLÍF HALL DÓRSDÓTTIR Í D-9 KL. 15:00. Að lokinni fjölskylduleiðsögninni, eða kl. 15:00, hefst listamannsspjall Jónu Hlífar Halldórsdóttur
> Sjá nánar

ICELAND AIRWAVES tónlistarveisla í Hafnarhúsinu 16 - 18 Október.

ICELAND AIRWAVES hátíðin er nú haldin í 10. sinn. Metnaðarfull og mikil dagskrá í boði.
> Sjá nánar

PÍANÓVEISLA Á KJARVALSSTÖÐUM MIÐVIKUDAG 15. OKTÓBER KL. 20:00

Fjórðu tónleikar tónleikaraðarinnar Klassík á Kjarvalsstöðum. Á tónleikunum leikur einleik Helga Bryndís Magnúsdóttir píanóleikari. Helga er án efa einn af færustu píanóleikurum landsins.
> Sjá nánar

HUGSA SÉR FRIÐ - IMAGINE PEACE

Kveikt var á Friðarsúlu Yoko Ono í Viðey 9. október síðastliðinn. Á sama tíma afhenti Yoko Ono tvær viðurkenningar úr Lennonono sjóðnum.
> Sjá nánar

HÁDEGISTÓNLEIKAR OG LEIÐSÖGN Á KJARVALSSTÖÐUM SUNNUDAG 12. OKTÓBER

Listasafn Reykjavíkur býður upp á afslappaða og notalega samverustund á Kjarvalsstöðum næstkomandi sunnudag.Klukkan 12.00 verða hádegistónleikar með tveimur tónlistarmönnum úr kammersveitinni Ísafold. Þetta eru þau Guðný Jónsdóttir sellóleikari og Kristján Orri Sigurleifsson kontrabassaleikari.Leiðsögn verður um sýningu Braga Ásgeirssonar, Augnasinfóníu, klukkan 15.00, en sýningin hefur hlotið fádæma góða aðsókn og dómar um hana verið á afar jákvæðum nótum.
> Sjá nánar

Listasafn Reykjavíkur Hafnarhús - Kjarvalsstaðir - Ásmundarsafn. VEGNA STARFSDAGS - VERÐA SÖFNIN LOKUÐ LAUGARDAGINN 11.10.2008 - AFSAKIÐ ÓÞÆGINDIN

> Sjá nánar

SAMSÍÐA HEIMAR - INGIBJÖRG JÓNSDÓTTIR. LISTAMANNSSPJALL SUNNUDAGINN 5. OKTÓBER KL. 15:00

Ingibjörg Jónsdóttir er veflistakona og skúlptúristi og sýnir í fyrsta skipti í Listasafni Reykjavíkur áhrifamikla innsetningu sem vísar til hugmynda manna og upplifunar af tíma og rými, en sækir efni og aðferðir í heim vefnaðar.
> Sjá nánar

FIMMTUDAGSKVÖLD MEÐ LIBIU & ÓLAFI FIMMTUDAGINN 2. OKTÓBER KL. 20:00

Næstkomandi fimmtudagskvöld, 2. október, kl. 20:00 munu listamennirnir Libia Castro og Ólafur Ólafsson vera með listamannaspjall í fjölnotasal Hafnarhússins. Libia og Ólafur eru fyrstu listamennirnir til að takast á við nýtt viðfangsefni í A-sal Hafnarhússins þar sem gerð er tilraun til þess að leita uppi samband og samræður út fyrir veggi safnsins.
> Sjá nánar

D9 JÓNA HLÍF HALLDÓRSDÓTTIR LAUGARDAGINN 27. SEPTEMBER KL. 16:00

Næstkomandi laugardag hefst annar hluti sýningaraðar D-salar Hafnarhússins með sýningu Jónu Hlífar Halldórsdóttur.
> Sjá nánar

ID LAB - greining sjálfsmyndar - LAUGARDAGINN 27. SEPTEMBER KL. 16:00. Gjörningaklúbburinn fremur gjörning kl. 17:00

TÍSKUKLEINUR – ÁSTARPUNGUR – HIV-VEIRA – ÍMYNDAÐIR VINIR – UGLUSPEGILL – TÍÐARANDINN – DRAUGUR – AUGNAYNDISFÓLK – BRÚÐARKJÓLL – NÆRFATNAÐUR – HAUSKÚPA – MANTRA Það er kraftmikill hópur sem kemur saman á sýningunni ID-LAB í Listasafni Reykjavíkur - Hafnarhúsi sem fjallar um sjálfsmynd og tísku frá ólíkum sjónarhornum. Þetta eru Gjörningaklúbburinn, Hrafnhildur Arnardóttir, Huginn Þór Arason, Jón Sæmundur Auðarson og Katrín Ólína Pétursdóttir en þau hafa mörg hver vakið alþjóðlega athygli fyrir verk sín. Sýningarstjóri er Ólöf K. Sigurðardóttir.
> Sjá nánar

FJÖLSKYLDULEIÐANGUR OG ÁRITUN KJARVALSSTAÐIR SUNNUDAG 14. SEPTEMBER

Þátttökumet var slegið á sýningarstjóraspjalli um sýningu Braga Ásgeirssonar síðastliðinn sunnudag á Kjarvalsstöðum. Ríflega eitt hundrað gestir mættu og nutu leiðsagnar sýningarstjórans Þórodds Bjarnasonar. Sýning Braga var opnuð deginum áður að viðstöddu fjölmenni en Listasafn Reykjavíkur hefur skipulagt fjölbreytta dagskrá í tengslum við hana.
> Sjá nánar

Vísindavaka Rannís stefnumót við vísindamenn í Listasafni Reykjavíkur Hafnarhúsi 22 - 26 september.

> Sjá nánar

HAUSTDAGSKRÁ HAFNARHÚSSINS Þrjár nýjar sýningar verða opnaðar í Listasafni Reykjavíkur - Hafnarhúsi fimmtudaginn 18. september kl. 17:00.

Tvíeykið Libia Castro og Ólafur Ólafsson, sem hefur verið áberandi á alþjóðlegum myndlistarvettvangi, er fyrst til að takast á við nýtt viðfangsefni í A-sal Hafnarhússins þar sem gerð er tilraun til þess að leita uppi samband og samræður út fyrir veggi safnsins. Libia og Ólafur eru kunn fyrir samfélagslega nálgun í myndlist sinni og á sýningunni nota þau sjónvarpsviðtalsformið til að spegla stöðu samfélags og tíðaranda. Ingibjörg Jónsdóttir er bæði veflistakona og skúlptúristi og sýnir í fyrsta skipti í Listasafni Reykjavíkur áhrifamikla innsetningu sem fjallar um tilurð heimsins. Þriðja sýning Hafnarhússins er úr viðamikilli safneign Listasafns Reykjavíkur á verkum Errós. Þar er lögð áhersla á verk listamannsins sem skírskota til vestrænnar- og austrænnar og menningar.
> Sjá nánar

BRAGI ÁSGEIRSSON - AUGNASINFÓNÍA OPNUN 13. SEPTEMBER KL. 16:00

„ „Ég ber ótakmarkaða virðingu fyrir myndlistinni. Hún er hvorki sprell né grunnrist dægurgaman. Myndlist er kröfuhart fag. Stundum er henni líkt við eiturlyf, sem hefur þó ekkert nema góð áhrif á iðkandann. Það þurfa að vera innri átök og sviptingar í listinni og hún má hvorki verða vani eða skylda.“ Þessi orð Braga Ásgeirssonar listmálara segja allt sem segja þarf um það tak sem myndlistin hefur haft á honum alla tíð, og hann á henni.
> Sjá nánar

HAFNARHÚSIÐ ER LOKAÐ VEGNA SÝNINGARSKIPTA TIL 18. SEPTEMBER 2008.

> Sjá nánar

VATNSBERI - VANTSLITAMYNDIR ELLEFU LISTAMANNA - SÝNINGARSTJÓRASPJALL

Sunnudaginn 7. september kl. 14:00 verður Aðalsteinn Ingólfsson sýningarstjóri Vatnsberans með leiðsögn um sýninguna. Tæplega sjötíu verk eru á sýningunni eftir ellefu listamenn og er þeim stillt upp með sýningu á verkum Ásmundar Sveinssonar, Lögun línunnar, sem nú stendur yfir í safninu.
> Sjá nánar

T I L R A U N A M A R A Þ O N I Ð Á E N D A - SÍÐASTI SÝNINGARDAGUR SUNNUDAGINN 7. SEPTEMBER

Tilraunamaraþon í Listasafni Reykjavíkur - Hafnarhúsi markaði spor í sögu safnsins, en aldrei áður hefur verið sett upp jafn umfangsmikil sýning í húsum safnsins. Sýningarstjórarnir Hans Ulrich Obrist og Ólafur Elíasson byggðu sýninguna á sambærilegu verkefni sem þekkt er í Serpentine Gallery í Lundúnum, þar sem Hans Ulrich er sýningarstjóri. Þeir fengu til liðs við sig um sjötíu lista- og fræðimenn frá tólf löndum, úr fimm heimsálfum sem margir hverjir tóku þátt í tveggja daga maraþoni í upphafi sýningarinnar. Sumir þeirra eiga einnig verk á sýningunni.
> Sjá nánar

DRAUMAR UM ÆGIFEGURÐ Í ÍSLENSKRI SAMTÍMALIST SÝNINGARLOK SUNNUDAGINN, 31. ÁGÚST

Á sýningunni Draumar um ægifegurð í íslenskri samtímalist eru mörg ný verk eftir framsæknustu listamenn landsins sem byggja á ólíkum hugmyndum þeirra um náttúruna sem fyrirbæri í ljósmynda- og vídeólist.
> Sjá nánar

TIL KENNARA:

Bæklingur með fræðsludagskrá og viðburðum vetrarins er í burðarliðnum ásamt ábendingum um hvaða sýningar henta hvaða skólastigi best
> Sjá nánar

I HATE NATURE - SÝNINGARLOK SUNNUDAGINN 24. ÁGÚST

Hin risavaxna innsetning í garði Kjarvalsstaða hefur vakið verðskuldaða athygli, en verkið gerði einn kunnasti landslagsarkitekt heims Martha Schwartz í samvinnu við Listasafn Reykjavíkur, Félag íslenskra landslagsarkitekta og Listahátíð í Reykjavík með dyggum stuðningi Ingibjargar Kristjánsdóttur landslagsarkitekts og Ólafs Ólafssonar eiginmanns hennar.
> Sjá nánar

FRESTUN Á FYRIRLESTRI DARRA!

Fyrirlestur Darra Lorenzen sem vera átti á morgun, fimmtudaginn 21. ágúst, frestast af ófyrirsjáanlegum ástæðum til fimmtudagsins 4. september. Beðist er velvirðingar á þessum breytingum. Darri Lorenzen myndlistarmaður flytur fyrirlestur í Listasafni Reykjavíkur Hafanarhúsi fimmtudaginn 4. september kl. 20:00. Fyrirlesturinn ber yfirskriftina NÚNA, ÞÁ OG SEINNA og byggir á nýlegum verkum og verkefnum sem listamaðurinn er með í vinnslu.
> Sjá nánar

NÚNA, ÞÁ OG SEINNA FYRIRLESTUR / GJÖRNINGUR DARRA LORENZEN Í HAFNARHÚSI NÆSTKOMANDI FIMMTUDAGSKVÖLD KL. 20:00

Darri Lorenzen myndlistarmaður verður með fyrirlestur / gjörning í Listasafni Reykjavíkur Hafanarhúsi fimmtudaginn 4. september kl. 20:00 sem ber yfirskriftina NÚNA, ÞÁ OG SEINNA og byggir á nýlegum verkum og verkefnum sem listamaðurinn er með í vinnslu.
> Sjá nánar

KLASSÍK Á KJARVALSSTÖÐUM 3. september kl. 20. Flytjendur: Carion – Danskur blásarakvintett

Einstakur blásarakvintett í heimsókn. Þriðju tónleikarnir í tónleikaröðinni Klassík á Kjarvalsstöðum á vegum F.Í:T. og Listasafns Reykjavíkur verða miðvikudagskvöldið 3. september kl. 20. Á tónleikunum leikur verðlaunaður danskur blásarakvintett Carion.
> Sjá nánar

V A T N S B E R I - VATNSLITAMYNDIR ELLEFU LISTAMANNA - ÁSMUNDARSAFN 22. ÁGÚST KL. 17:00

Föstudaginn 22. ágúst kl. 17:00 verður opnuð í Ásmundarsafni sýning á vatnslitamyndum ellefu, íslenskra listamanna. Tæplega sjötíu verk verða á sýningunni og verður þeim stillt upp með sýningu á verkum Ásmundar Sveinssonar, Lögun línunnar, sem nú stendur yfir í safninu.
> Sjá nánar

Ligeti-tónleikar Ísafoldar Föstudagur 8. ágúst – Kjarvalsstaðir kl. 20:00

Kammersveitin Ísafold flytur fjögur verk eftir einn mesta áhrifavald 20. aldar tónlistar, György Ligeti á Kjarvalsstöðum og verður safnarýmið nýtt á nýstárlegan hátt. Ligeti lést fyrir tveimur árum en þó eru mörg verka hans löngu orðin klassísk og eru vinsæl bæði í geisladiskaútgáfu og til flutnings í tónleikahúsum.
> Sjá nánar

MENNINGARNÓTT 23. ÁGÚST 2008

Listasafn Reykjavíkur tekur virkan þátt í Menningarnótt 23. ágúst. Dagskráin er fjölbreytt og allir geta fundið eitthvað við sitt hæfi: Spurningakeppni, leiðsagnir, lúðrablástur, rokk og ról, leikir, þrautir, strengjasveit og fleira og fleira.
> Sjá nánar

SÝNINGARSTJÓRASPJALL ÆSU SIGURJÓNSDÓTTUR UM ÆGIFEGURÐ SUNNUDAGINN 10. ÁGÚST KL. 15:00

Á sýningunni Draumar um ægifegurð í íslenskri samtímalist sem nú er til sýnis á Kjarvalsstöðum eru mörg ný verk eftir framsæknustu listamenn landsins sem byggja á ólíkum hugmyndum þeirra um náttúruna sem fyrirbæri í ljósmynda- og vídeólist. Sunnudaginn 10. ágúst mun sýningarstjórinn Æsa Sigurjónsdóttir annast leiðsögn um sýninguna en þar er að finna verk eftir sextán íslenska listamenn.
> Sjá nánar

KENNILEITI MINNINGANNA KVÖLDGANGA ÚR KVOSINNI 24. JÚLÍ KL. 20:00

Sigurlaug Ragnarsdóttir listfræðingur annast leiðsögn um útilistaverk í miðbænum næstkomandi fimmtudagskvöld þegar lagt verður upp í áttundu kvöldgöngu Kvosarinnar sem menningarstofnanir Reykjavíkurborgar standa fyrir. Gangan tekur um klukkustund en í henni mun Sigurlaug kynna ólíkar aðferðir við miðlun útilistaverka, gildi miðlunar og upplifun einstaklings á henni.
> Sjá nánar

SAFNADAGURINN FYRIR FJÖLSKYLDUNA!

Listasafn Reykjavíkur tekur þátt í Íslenska safnadeginum næstkomandi sunnudag en dagurinn er helgaður fjölskyldunni. Á Kjarvalsstöðum er fjölskylduleiðsögn kl. 15:00 og einnig eru þar í boði sýningar, leikir og þrautir sem ætluð eru börnum á öllum aldri.
> Sjá nánar

SVEINBJÖRN BEINTEINSSON ALLSHERJARGOÐI HEIMILDARMYND

Fimmtudagskvöldið 3. júlí klukkan 20:00 verður sýnd í Hafnarhúsinu heimildarmynd um Sveinbjörn Beinteinsson allsherjargoða. Sveinbjörn Beinteinsson bjó lengst af á Draghálsi í Svínadal. Hann var skáld gott, kvæða-og fræðimaður, og eftir hann liggja nokkrar ljóðabækur og kver, auk bókarinnar Bragfræði og háttatal, sem er undirstöðurit kvæðamanna.
> Sjá nánar

SAFNFRÆÐSLUNÁMSKEIÐ ÆTLAÐ KENNURUM Á KJARVALSSTÖÐUM 21. ágúst frá kl. 9–16

Fræðsludeild Listasafns Reykjavíkur stendur fyrir safnfræðslunámskeiði ætlað kennurum 21. ágúst n.k. Námskeiðið fjallar um möguleika safnfræðslu og leiðir sem gagnast geta við undirbúning og eftirfylgni safnheimsókna á grunnskólastigi Námskeiðið er styrkt af Menntamálaráðuneytinu.
> Sjá nánar

BLÁA BÍLVÉLIN HÍFÐ UPP - FIMMTUDAG 26. JÚNÍ KL. 20.00

Fresta varð lokahluta gjörningsins á verki Roger Hiorn's sem fram átti að fara þann 22. júní til fimmtudagsins 26. júní kl. 20:00 Mikil óvissa hefur verið með hve langan tíma taki fyrir koparsúlfat upplausnina að ná stofuhita í einangraða plastkarinu í A-sal í Hafnarhúsi. Á sunnudaginn var hitastigið mælt og kom í ljós að það var enn of hátt. Ákveðið var því að fresta gjörningnum.
> Sjá nánar

JÓNSMESSUTÓNLEIKAR Á KJARVALSSTÖÐUM 25. JÚNÍ KL. 20:00

Aðrir tónleikar tónleikaraðarinnar Klassík á Kjarvalsstöðum verða haldnir þann 25. júní kl. 20.00. Í þetta sinn hefur röðin fengið til liðs við sig tvær góðar tónlistarkonur, Ingveldi Ýr Jónsdóttur söngkonu og Guðríði Sigurðardóttur píanóleikara.
> Sjá nánar

BLÁA BÍLVÉLIN FÆR VIÐEIGANDI MEÐFERÐ FJÖGURRA DAGA TILRAUN Í HAFNARHÚSINU HEFST FIMMTUDAGINN 19. JÚNÍ

Fimmtudaginn 19. júní er komið að því að fremja gjörning Rogers Hiorns sem vera átti á Tilraunamaraþoninu um miðjan júní, en veittist ekki unnt þar eð koparsúlfatið sem nota þurfti kom ekki til landsins í tæka tíð. Koparsúlfatið er nú komið í Hafnarhúsið og er því boðað til tilraunar sem gestir geta fylgst með í fjóra daga. Tilraunin er gerð í nokkrum þrepum og fer fyrsti hluti hennar fram fimmtudaginn 19. júní milli kl. 17 - 22.
> Sjá nánar

ERRÓ Í PARÍS

Þeir sem eru á leið til Parísar ættu ekki að láta nýtt verk eftir Erró fram hjá sér fara. Verkið setti Erró upp á stærstu og flottustu verslunarmiðstöð borgarinnar, BHV á Rue de Rivoli 31. maí síðastliðinn.
> Sjá nánar

LIST Í ALMENNINGSRÝMI Á LÖNGUM FIMMTUDEGI Í HAFNARHÚSINU - MAGS HARRIES & LAJOS HEDER

Fimmtudaginn 19. júní kl. 20:00 Bandarísku listamennirnir Mags Harries og Lajos Heder eru á meðal þekktustu listamanna Bandaríkjanna sem hafa helgað sig list í almenningsrými. Fimmtudaginn 19. júní kl. 20:00 munu þau halda fyrirlestur í Hafnarhúsinu undir yfirskriftinni Afhjúpun hins óséða.
> Sjá nánar

SUNNUDAGUR FJÖLSKYLDUNNAR - 15. JÚNÍ - TILRAUNASTOFA FYRIR BÖRN - LEIÐSÖGN UM FRIÐARSÚLUNA Í VIÐEY

- TILRAUNASTOFA FYRIR BÖRN. Næstkomandi sunnudag verður starfrækt í Hafnarhúsinu tilraunastofa fyrir börn og fullorðna frá klukkan 14 - 16. - LEIÐSÖGN UM FRIÐARSÚLUNA Í VIÐEY KL. 14:30. Hafþór Yngvason safnstjóri segir frá tilurð Friðarsúlunnar í Viðey sem Yoko Ono, ekkja Johns Lennons, lét reisa í Viðey á síðasta ári.
> Sjá nánar

F R U M - NÚTÍMATÓNLISTARHÁTÍÐ KJARVALSSTÖÐUM 13. - 15. JÚNÍ

Nútímatónlistarhátíðin frum- 2008 verður haldin dagana 13. - 15. júní á Kjarvalsstöðum. Í ár er hátíðin helguð tónlist þriggja tónskálda sem öll eiga stórafmæli á árinu. Atli Heimir Sveinsson fagnar sjötugsafmæli í haust, en frumflutt verður nýtt verk sem Atli tileinkar vinkonu sinni, Bryndísi Schram, sem einnig á stórafmæli á árinu.
> Sjá nánar

KVÖLDGÖNGUR ÚR KVOSINNI MYNDLIST Í MIÐBORGINNI Fimmtudag 12. júní kl. 20

Kvöldgöngur úr Kvosinni hafa verið vinsælar meðal borgarbúa en þetta er fjórða skiptið sem menningarstofnanir Reykjavíkurborgar skipuleggja þennan ánægjulega viðburð, sem boðið er upp á öll fimmtudagskvöld yfir sumartímann.
> Sjá nánar

TILRAUNASTOFA FYRIR BÖRN OG LISTAMANNSSPJALL - SUNNUDAGINN 8. JÚNÍ 2008

TILRAUNASTOFA KL. 14 - 16 Næstkomandi sunnudag verður starfrækt í Hafnarhúsinu tilraunastofa fyrir börn og fullorðna frá klukkan 14 - 16. LISTAMANNSSPJALL KL. 15 Klukkan 15:00 verður leiðsögn um Tilraunamaraþonið sem samanstendur af verkum eftir fjölmarga erlenda og innlenda listamenn.
> Sjá nánar

SÖFNIN VERÐA LOKUÐ Í DAG 06. JÚNÍ 2008

Listasafn Reykjavíkur Hafnarhús - Kjarvalsstaðir - Ásmundarsafn. VEGNA VINNUDAGS STARFSFÓLKS VERÐA SÖFNIN LOKUÐ 06.06.2008. AFSAKIÐ ÓÞÆGINDIN
> Sjá nánar

TVÖ SUMARNÁMSKEIÐ Í BOÐI: Leikur og list

Námskeið I: 9. – 20. júní í Ásmundarsafni / fullbókað! Námskeið II: 23. júní – 4. júlí á Kjarvalsstöðum / örfá pláss laus. Sú nýbreytni hefur átt sér stað í Listasafni Reykjavíkur að 7 – 10 ára sumarkrökkum er boðið upp á tveggja vikna námskeið bæði í Ásmundarsafni og á Kjarvalsstöðum. Námskeiðin eru frá kl. 9 – 12 og kosta 17.500.- Skráning í síma 590 1200 (biðjið um fræðsludeild).
> Sjá nánar

S T E Y P A Hafnarhúsi, fimmtudaginn 29. maí kl. 20

Í heimildarmyndinni Steypu er fylgst með nokkrum listamönnum um tveggja ára skeið. Listamennirnir eru starfandi heima og erlendis og tengjast hvert öðru á ýmsan hátt. Í myndinni er velt upp afstöðu þeirra til þess efniviðar sem þau kjósa sér, hvaðan þau sæki sér áhrif og hvort og þá hvernig heimaland þeirra hafi áhrif á þeirra starf. Leikstjórar Markús Þór Andrésson og Ragnheiður Gestsdóttir.
> Sjá nánar

FJÖLBREYTT DAGSKRÁ Í ÖLLUM HÚSUM LISTASAFNS REYKJAVÍKUR UM HELGINA

FIMMTUDAGUR 22. MAÍ KL. 20:00 - HAFNARHÚS UMRÆÐUR OG ÚTGÁFUFAGNAÐUR Í dag, fimmtudaginn 22. maí, verður efnt til útgáfuhátíðar og umræðna í tilefni af útkomu tveggja bóka um unga, íslenska listamenn sem hafa sýnt í safninu síðastliðin tvö ár. Annarsvegar er bók um röð átta sýninga í D-sal Hafnarhúss og hinsvegar skrá á ensku fyrir sýninguna Pakkhús postulanna, sem markaði upphaf nýrrar sýningastefnu Listasafns Reykjavíkur. Þátttakendur í umræðunum eru Hafþór Yngvason safnstjóri, Daníel Björnsson sem var annar tveggja sýningarstjóra Pakkhússins, Birta Guðjónsdóttir sem sýndi í D-salar verkefninu og Ragna Sigurðardóttir myndlistargagnrýnandi og rithöfundu r. Ólöf K. Sigurðardóttir deildarstjóri fræðsludeildar Listasafnsins hefur umsjón með umræðunum.
> Sjá nánar

UMRÆÐUR OG ÚTGÁFUFAGNAÐUR - HAFNARHÚS FIMMTUDAG 22. MAÍ KL. 20.00

Listasafn Reykjavíkur efnir til umræðna og útgáfufagnaðar í tilefni af útkomu tveggja bóka um unga íslenskra listamenn sem hafa sýnt í safninu síðastliðin tvö ár. Annarsvegar er bók um röð átta sýninga í D-sal Hafnarhúss og hinsvegar skrá á ensku fyrir sýninguna Pakkhús postulanna, sem markaði upphaf nýrrar sýningastefnu Listasafns Reykjavíkur. Sýningarnar hafa tvímælalaust vakið athygli fyrir fjölbreytni og áhugaverða nálgun við ýmis viðfangsefni
> Sjá nánar

ÁSMUNDARSAFN 25 ÁRA, MIÐVIKUDAGINN 21. MAÍ - NÝTT MARGMIÐLUNARVERKEFNI KYNNT.

Þann 21. maí eru 25 ár liðin frá opnun Ásmundarsafns, sem er eitt af safnhúsum Listasafns Reykjavíkur. Listasafn Reykjavíkur mun einnig opna formlega nýtt margmiðlunarverkefni um Ásmund Sveinsson sem nefnist Í kálgarði tilverunnar, leiðangur fyrir börn og fullorðna.
> Sjá nánar

BLAÐAMANNAFUNDUR Í LISTASAFNI REYKJAVÍKUR Í DAG, FIMMTUDAGINN 15. MAÍ, KL. 14.30 – 15.00

Listasafn Reykjavíkur og Serpentine Gallery boða til blaðamannafundar í Hafnarhúsinu í dag, fimmtudaginn 15. maí kl. 14:30 - 15:00 í tilefni af opnun Tilraunamaraþons, eins viðamesta sýningarverkefnis sem Listasafn Reykjavíkur hefur ráðist í frá upphafi. Á fundinum gefst blaðamönnum tækifæri til að verða vitni að spennandi tilraun, sem einnig verður framkvæmd í safninu um helgina.Á blaðamannafundinum mun Hans Ulrich Obrist, sem er sýningarstjóri verkefnisins ásamt Ólafi Elíassyni, og jafnframt stjórnandi Serpentine Gallery í London, kynna hugmyndafræði verkefnisins og segja frá sýningunni og viðburðum henni tengdri.
> Sjá nánar

T I L R A U N A M A R A Þ O N 16. maí - 24. ágúst SÝNINGASTJÓRAR: HANS ULRICH OBRIST OG ÓLAFUR ELÍASSON

Við setningu Listahátíðar í Reykjavík í Hafnarhúsinu fimmtudagskvöldið 15. maí verður opnað formlega stærsta sýningarverkefni sem Listasafn Reykjavíkur hefur ráðist í frá upphafi með um sextíu þátttakendum. Verkefnið er unnið í samvinnu við Serpentine Gallery í London og ber yfirskriftina Tilraunamaraþon.
> Sjá nánar

- DRAUMAR UM ÆGIFEGURÐ Í ÍSLENSKRI SAMTÍMALIST - I HATE NATURE / 'ALUMINATI' Sunnudag 18. maí kl. 16:00

Listahátíð í Reykjavík setur sterkan svip á menningarlíf borgarinnar næstkomandi helgi en sunnudaginn 18. maí kl. 16:00 verða opnaðar fjórar sýningar á Kjarvalsstöðum, sem eru á dagskrá hátíðarinnar. Meðal þeirra eru sýningarnar DRAUMAR UM ÆGIFEGURÐ Í ÍSLENSKRI SAMTÍMALIST þar sem sýnd eru fjölmörg ný verk eftir framsæknustu listamenn landsins og hin gríðarstóra innsetning I HATE NATURE / 'ALUMINATI' sem fyllir nánast upp í garð Kjarvalsstaða. Innsetningin er eftir einn kunnasta landslagsarkitekt heims, Martha Scwhartz, og er gerð í tilefni af 30 ára afmæli Félags íslenskra landslagsarkitekta.
> Sjá nánar

FIMM NÝJAR SÝNINGAR Í LISTASAFNI REYKJAVÍKUR

Sumarsýningar Listasafns Reykjavíkur hafa verið opnaðar. Í Hafnarhúsinu stendur yfir í allt sumar sýningin Tilraunamaraþon sem er umfangsmesti listviðburður sem Listasafn Reykjavíkur hefur staðið fyrir frá upphafi. Á Kjarvalsstöðum standa nú yfir fjórar ólíkar sýningar DRAUMAR UM ÆGIFEGURÐ Í ÍSLENSKRI SAMTÍMALIST þar sem sýnd eru mörg ný verk eftir framsæknustu listamenn landsins, I HATE NATURE / 'ALUMINATI' sem er risainnsetning í garði Kjarvalsstaða unnin af hinum heimskunna landslagsarkitetkt Martha Scwhartz, HVAR ER ÉG? þar sem börn og fullorðnir geta velt fyrir sé hnettinum, landinu og kennileitum í umhverfinu og að lokum LYKILVERK - JÓHANNES S. KJARVAL þar sem getur að líta magnað yfirlit af verkum þessa ástsæla íslenska listamálara. Í Ásmundarsafni stendur nú yfir sýningin ÁSMUNDUR SVEINSSON - LÖGUN LÍNUNNAR þar sem lögð er áhersla á abstrakt verk Ásmundar. Minnum á að aðgangur er ókeypis og opið er alla daga!
> Sjá nánar

HAFNARHÚSIÐ LOKAÐ VEGNA SÝNINGASKIPTA!FRÁ 28. APRÍL - 15. MAÍ

T I L R A U N A M A R A Þ O N - OPNAÐ 15. MAÍ! Tilraunamaraþon er umfangsmesti listviðburður sem Listasafn Reykjavíkur hefur staðið fyrir frá upphafi en að honum koma rúmlega fjörutíu virtir lista- og vísindamenn úr alþjóðasamfélaginu. Tilraunamaraþonið er tvíþætt og skiptist annars vegar í lifandi tilraunastofu, sem verður starfrækt fyrir opnum tjöldum fyrstu daga sýningarinnar og hins vegar innsetningar unnar í ólíka miðla sem standa út sumarið.
> Sjá nánar

SÝNINGALOK Í HAFNARHÚSINU SUNNUDAGINN 27. APRÍL

Sunnudaginn 27. apríl lýkur öllum sýningum Hafnarhússins en þá verður hafist handa við undirbúning Tilraunamaraþons, sem er viðamesta sýning sem Listasafn Reykjavíkur hefur staðið fyrir frá upphafi.
> Sjá nánar

Ferðalangur á Sumardaginn fyrsta - Rafsprengi: Remixað á Rás 1

Fimmtudaginn 24. apríl næstkomandi – á sumardaginn fyrsta, stendur Rás eitt fyrir tónleikum í Hafnarhúsinu þar sem frumflutt verða fimm rafverk. Verkin eru öll byggð á tónsmíðum eldri tónskálda sem eiga stórafmæli á árinu. Tónleikarnir verða sendir út beint á Rás 1.
> Sjá nánar

ÁSMUNDARSAFN - LEIRLISTSMIÐJA OG LEIÐSÖGN ÁSDÍSAR ÁSMUNDSDÓTTUR SUNNUDAGINN 27. APRÍL, KL. 13 - 16

Ásmundur Sveinsson hafði mikið yndi af börnum og tók þeim opnum örmum þegar þau vildu fá að skoða eða leika sér í stóru höggmyndunum hans. Enn þann dag í dag sækjast börn eftir því að heimsækja Ásmundarsafn og ævintýragarðinn í kringum safnið og setja sig inn í hugarheim Ásmundar og takast á við verkin með hug og hönd.
> Sjá nánar

NÁTTÚRA OG LÝÐRÆÐI - HAFNARHÚS fimmtudagur 24. apríl kl. 20

Kviksaga og rannsóknarverkefnið Ísland og ímyndir Norðursins eru í samstarfi við Listasafn Reykjavíkur um sýningar á kvikmyndum sem helgaðar eru Íslandi og Íslendingum út frá ótal sjónarhornum.
> Sjá nánar

LÖNG OG LITRÍK HELGI Í LISTASAFNI REYKJAVÍKUR

ÚTSKRIFTASÝNING LISTAHÁSKÓLANS, HEIMILDAMYNDIR, LISTAMANNSSPJALL OG LEIÐSÖGN ERU MEÐAL VIÐBURÐA Í LISTASAFNI REYKJAVÍKUR UM HELGINA
> Sjá nánar

JOHN APPEL HEIMILDAMYNDIR - FYRIRLESTUR - HANDRITASMIÐJA Fimmtudaginn 17. apríl Opið til kl. 22:00!

Tvær heimildamyndir hollenska kvikmyndaleikstjórans John Appel verða sýndar í Hafnarhúsinu fimmtudaginn 17. apríl kl. 18:30 og 20:00 að viðstöddum leikstjóranum. Myndirnar eru The Promised Land (2001, 50 mín.) og The Last Victory (2004, 88 mín.). Að sýningum loknum situr leikstjórinn fyrir svörum og býður upp á umræður og fyrirspurnir úr sal.
> Sjá nánar

Útskriftarsýning Listaháskóla Íslands, Opnun laugardaginn 19. apríl kl. 14.00.

Verk nemenda úr myndlistardeild og hönnunar- og arkitektúrdeild Í Listasafni Reykjavíkur, Kjarvalsstöðum. Tískusýning útskriftarnemenda í fatahönnun - föstudaginn 18. apríl kl. 20.00 í Gömlu kexverksmiðjunni Frón, Skúlagötu 28
> Sjá nánar

SÁPUKÚLULISTSMIÐJA HAFNARHÚSI SUNNUDAGINN 13. APRÍL KL. 14:00

Sápukúlur eru eitt þeirra undra sem fær börn og fullorðna til að gleyma stund og stað. Næstkomandi sunnudag mun AlmaDís Kristinsdóttir, fræðslufulltrúi Listasafns Reykjavíkur vera með listsmiðju í Hafnarhúsinu sem snýst um að fanga hið hverfula augnablik sápukúlunnar þegar hún svífur um í lausu lofti.
> Sjá nánar

TÍMABUNDIN SÝNINGARLOKUN Á KJARVALSSTÖÐUM - KAFFITERÍAN OPIN 10 - 17

Vegna sýningaskipta eru engar sýningar uppi á Kjarvalsstöðum til 19. apríl en þá opnar útskriftarsýning myndlistar og hönnunardeildar Listaháskóla Íslands. Kaffitería safnsins er opin daglega frá kl. 10 - 17.
> Sjá nánar

LISTSMIÐJA FYRIR FJÖLSKYLDUNA SÝNINGALOK Á KJARVALSSTÖÐUM

Fjölbreytt og skemmtileg dagskrá verður í Listasafni Reykjavíkur um helgina. Á laugardaginn verður sýning hins virta málara Mikines á Kjarvalsstöðum kvödd með pompi og prakt en daginn eftir er síðasti sýningardagur allra sýninganna á Kjarvalsstöðum. Á sunnudaginn heldur Listasafn Reykjavíkur áfram með hinar vinsælu listsmiðjur í tengslum við sýningar sínar og er nú röðin komin að sýningunni Þögn í Hafnarhúsinu.
> Sjá nánar

FÆREYSK MENNINGARVEISLA, KJARVALSSTAÐIR, LAUGARDAGINN 5. ARPÍL KL. 14 - 18

Fjöldi færeyskra listamanna kemur fram í Færeyskri menningarveislu sem haldin verður á vegum Listasafns Reykjavíkur og samstarfsaðila á Kjarvalsstöðum næstkomandi laugardag frá kl. 14 – 18. Fram koma færeyskir tónlistarmenn og dansarar, boðið verður upp á leiðsögn og leiki fyrir alla aldurshópa um sýningu Mikinesar og Leikbrúðuland sýnir brúðuleikhús. Fróðleikur um Færeyjar í máli og myndum verður í boði allan daginn en hátíðinni lýkur með einstakri matarkynningu á færeyskum þjóðarréttum, sem eiga engan sinn líkan.
> Sjá nánar

OPIN LISTSMIÐJA FYRIR ALLA FJÖLSKYLDUNA OG LISTAMANNSSPJALL UM HELGINA

Ásmundarsafn 30. mars kl. 13 - 16 LÁTTU LJÓS ÞITT SKÍNA OG SPREYTTU ÞIG Í LEIRLIST Opin leirlistsmiðja fyrir alla fjölskylduna. Hafnarhús 30. mars kl. 15 HARALDUR JÓNSSON TEKUR ÞÁTT Í LEIÐSÖGN UM ÞÖGN.
> Sjá nánar

LANGUR FIMMTUDAGUR SÓFASPJALL UM RITSTÖRF SIGURÐAR GUÐMUNDSSONAR Í HAFNARHÚSI 27. MARS KL. 20.

Að þessu sinni verður sjónum beint að ritstörfum Sigurðar Guðmundssonar myndlistarmanns en hann er þekktur fyrir framlag sitt á þeim vettvangi. Þátttakendur í sófaspjallinu eru Pétur Blöndal, sem gaf út bókina Sköpunarsögur fyrir síðustu jól og Páll Valsson bókmenntafræðingur sem komið hefur að útgáfu bóka Sigurðar. Hafþór Yngvason safnstjóri leiðir umræðuna en hann er jafnframt höfundur greinar sem birtist í sýningarskrá sýningarinnar Mállausir kjarnar.
> Sjá nánar

OPIÐ ALLA PÁSKANA Í LISTASAFNI REYKJAVÍKUR - HAFNARHÚS OPIÐ TIL KL. 22 Á SKÍRDAG

Öll hús Listasafns Reykjavíkur eru opin yfir páskana og er aðgangur ókeypis. Ásmundarsafn er opið daglega frá kl. 13 - 16. Fastur opnunartími Kjarvalsstaða og Hafnarhúss er frá kl. 10 - 17 en í því síðarnefnda er opið til kl. 22:00 á skírdag en þá verða sýndar þar tvær heimildarmyndir á vegum Kviksögu, sem bera yfirskriftina Horft úr vestri.
> Sjá nánar

SIGURÐUR GUÐMUNDSSON, D-8 GUNNHILDUR HAUKSDÓTTIR, Opnun fimmtudaginn 13. mars kl. 17:00 Opið til kl. 22:00!

„Ég verð alltaf fyrir vonbrigðum þegar ég skil listaverk. Best finnst mér þegar reynslan sem listaverkið gefur er gjörsamlega ótúlkanleg. Það er betra að borða kökuna en lesa uppskriftina af henni.“ – Sigurður Guðmundsson Á fimmtudaginn opnar einnig áttunda innsetningin í D-salnum Þar er sjónum beint að yngri kynslóðum listamanna en innsetning Gunnhildar Hauksdóttur er síðust í sýningaröðinni að þessu sinni.
> Sjá nánar

KLASSÍK Á KJARVALSSTÖÐUM MIÐVIKUDAGINN 12. MARS KL. 20:00

Ný kammertónleikaröð hefur göngu sína á Kjarvalsstöðum miðvikudaginn 12. mars. Á fyrstu tónleikunum verða eingöngu flutt verk eftir Sveinbjörn Sveinbjörnsson (1847-1927) sem talinn er fyrsta íslenska tónskáldið og tók þátt í fyrstu kammertónleikunum á Íslandi árið 1922. Tónleikaröðin Klassík á Kjarvalsstöðum er nýtt samstarfsverkefni Listasafns Reykjavíkur og Félags íslenskra tónlistarmanna. Á árinu 2008 verða haldnir fernir tónleikar á miðvikudagskvöldum undir þessari yfirskrift.
> Sjá nánar

HELGIN Í LISTASAFNI REYKJAVÍKUR

VIÐBURÐIR HELGARINNAR Kvöldopnanir í Hafnarhúsinu á fimmtudögum hafa gefið mjög góða raun og góður rómur verið gerður af þeim fjölbreyttu dagskrárliðum sem þar er boðið upp á. Í kvöld fær safnið góða gesti en þá verður opinn fundur á vegum Samtaka hönnuða. Á sunnudaginn er listamannsspjall í Hafnarhúsinu í tengslum við sýninguna Þögn og einnig er leiðsögn á Kjarvalsstöðum.
> Sjá nánar

LANGUR FIMMTUDAGUR

OPINN FUNDUR HÖNNUNARMIÐSTÖÐVAR ÍSLANDS Í HAFNARHÚSINU FIMMTUDAGINN 6. MARS KL. 20:00 Nýlega var Hönnunarmiðstöð Íslands stofnuð af sömu fagfélögum hönnuða sem mynda í dag Samtök Hönnuða - Form Ísland. Vegna þess hefur verið lagt til að heildarsamtök hönnuða verði lögð niður í núverandi mynd. Þetta gerir að verkum að skuldbindingar félagsins, svo sem aðild að Sjónlistamiðstöð og Sjónlistaverðlaunum, verða innlimaðar af HMÍ. Til að ræða þessa tillögu fyrir aðalfund Samtaka Hönnuða - Form Ísland er boðað til opins félagsfundar fimmtudaginn 6. mars nk. klukkan 20-21.30 í Listasafni Reykjavíkur - Hafnarhúsi og er öllum heimil þáttaka. Í tilkynningu frá Samtökum hönnuða - Form Ísland segir:
> Sjá nánar

DAGSKRÁ FYRIR ALLA

Af ýmsu er að taka um helgina hjá Listasafni Reykjavíkur en sérstök athygli er vakin á síðasta sýningardegi hinnar rómuðu Feneyjatvíæringssýningu Steingríms Eyfjörð, Lóan er komin. Sama dag lýkur einnig sýningu Ingarafns Steinarssonar í D-salnum.
> Sjá nánar

HVAÐ Á AÐ GERA UM HELGINA?

FYRIRLESTUR UM BORGARSKIPULAG, KRÝNING MEISTARAKOKKS FOOD & FUN, LISTSMIÐJA, LEIÐSAGNIR OG TÓNLIST Í TILEFNI AF FÆÐINGARDEGI MIKINESAR ERU MEÐAL ÞESS SEM LISTASAFN REYKJAVÍKUR BÝÐUR UPP Á ÞESSA LITRÍKU HELGI. Lokadagur hinnar vinsælu Vatnsmýrarsýningu er í dag, fimmtudaginn 21. febrúar. Glæsileg dagskrá hefur fylgt sýningunni úr hlaði en lokastefið í þeirri röð verður í dag þegar fluttur er fyrirlestur um fagurfræði í skipulagi borga. Að lokinni sýningu um samkeppni um Vatnsmýrarsvæðið tekur við í portinu samkeppni af allt öðrum toga og snýst um hylli bragðlaukanna. Keppnin er hluti af hinni vinsælu sælkerahátíð Food & Fun sem nú fer fram um alla borg.
> Sjá nánar

REYKJAVÍK DOCUMENTARY WORKSHOP kynnir, Fimmtudagur 21 . febrúar kl. 20.00

Heimildamyndin Ég er ekki eitt prósent (2006) eftir ítalska leikstjórann Antonio Morabito verður sýnd í Listasafni Reykjavíkur, Hafnarhúsi. Leikstjórinn verður sjálfur viðstaddur sýninguna og svarar spurningum að henni lokinni. Laugardaginn 23. febrúar kl. 14-16 býður félagið upp á leikstjóraspjall með Morabito í Reykjavíkurakademíuni Hringbraut 121 þar sem hann ræðir verk sín og nálgun í heimildamyndagerð. Aðgangur er ókeypis og allir eru velkomnir.
> Sjá nánar

VATNSMÝRI - 102 REYKJAVÍK, LENGDUR OPNUNARTÍMI. GUJA DÖGG HAUKSDÓTTIR ARKITEKT MEÐ LEIÐSÖGN KL. 20.00 Í KVÖLD 20. FEB.

Gríðarlegur áhugi hefur verið á sýningunni Vatnsmýri, 102 Reykjavík sem opnuð var í Hafnarhúsinu síðastliðinn fimmtudag í kjölfar verðlaunaafhendingar úr samkeppni um svæðið. Síðasti sýningardagur er fimmtudagur 21. febrúar en á morgun, miðvikudaginn 20. febrúar verður opnunartíminn lengdur til kl. 22:00, Guja Dögg Hauksdóttir arkitekt verður með leiðsögn kl. 20.00 . Hafnarhúsið er opið öll fimmtudagskvöld til kl. 22:00, en kl. 17:00 þennan síðasta sýningardag mun Massimo Santanicchia arkitekt halda fyrirlestur um fagurfræði og tíðaranda í skipulagi borga í fjölnotasal Hafnarhússins. Eftir að sýningunni lýkur munu vinningstillögurnar verða til sýnis í skála hjá Skipulags- og byggingarsviði í Borgartúni.
> Sjá nánar

Erró - Ofurhetjur - 7. febrúar – 27. apríl 2008

Á sýningunni eru verk sem endurspegla notkun Errós (f. 1932 )á hetjum úr heimi myndasögunnar. Hann byggir verk sín á tilvísunum í myndir annarra sem hann klippir saman og flytur yfir á léreft.
> Sjá nánar

VATNSMÝRARVIÐBURÐIR OG FLEIRA FRÓÐLEGT

Spennandi dagskrá er framundan um helgina í Listasafni Reykjavíkur. Mikil áhersla verður á sýninguna um skipulag Vatnsmýrarinnar sem verður opnuð í Hafnarhúsinu í dag, fimmtudag, en í tengslum við hana verður fjölbreytt dagskrá frá fimmtudegi til sunnudags. Á Kjarvalsstöðum verður skipulögð listsmiðja fyrir börn og fjölskyldufólk og einnig verða þar tónleikar á vegum kammerhópsins Nordic Affect. VIÐBURÐIR OG FLEIRA FRÓÐLEGT
> Sjá nánar

VATNSMÝRI / 102 REYKJAVÍK  - NIÐURSTÖÐUR ÚR HUGMYNDASAMKEPPNI- SÝNING - UPPBOÐ OG VIÐBURÐIR

Fimmtudaginn 14. febrúar kl. 17:00 verður opnuð í Listasafni Reykjavíkur - Hafnarhúsi sýning á 136 tillögum sem bárust í hugmyndasamkeppni um skipulag Vatnsmýrarinnar. Fyrr um daginn verða kynntar á sama stað niðurstöður úr hugmyndasamkeppninni og verðlaun afhent þeim sjö tillögum sem þóttu skara fram úr. Um kvöldið, kl. 20:00, munu uppboðshaldarar taka Hafnarhúsið yfir og efna til uppboðs á lóðum í Vatnsmýrinni þar sem fóllki gefst færi á að festa sér afmarkaða lóð samkvæmt skipulagi vinningstillögunnar. Engar kvaðir fylgja þátttöku í uppboðinu, heldur er um að ræða hressandi leik þar sem búast má við mikilli samkeppni um bestu bitana.
> Sjá nánar

VIÐBURÐARÍK HELGI 7 - 9 febrúar

Opnun tveggja sýninga, Vetrarhátíð, Safnanótt og sýningarstjóraspjall er meðal þess sem Listasafn Reykjavíkur býður upp á frá fimmtudegi til sunnudags.
> Sjá nánar

ÞÖGN, ERRÓ - OFURHETJUR, FIMMTUDAG 7. FEBRÚAR KL. 17:00

ÞÖGN „Kvikmyndin Raging Bull er ein sú magnaðasta sem ég hef augum litið. Hún er ruddaleg og ofbeldisfull og er sjálfhverf söguhetjan, boxarinn Jake LaMotta, sem Robert de Niro túlkar af einstakri snilld, einhver leiðinlegasti karakter sem fyrirfinnst í kvikmyndasögunni. Box atriði myndarinnar eru stórbrotin, sérstaklega hatröm átök LaMotta og Sugar Ray Robinson." Með þessum orðum hefst grein sem JBK Ransu, sýningarstjóri Þagnar ritar í tilefni af sýningunni sem verður opnuð í Hafnarhúsinu
> Sjá nánar

HULDUFÓLK Í LISTSMIÐJU OG LEIÐSÖGN UM SÝNINGU STEINGRÍMS EYFJÖRÐ, SUNNUDAGINN 3. FEBRÚAR KL. 14 OG 15

Listsmiðjur Listasafns Reykjavíkur njóta mikilla vinsælda en síðastliðinn sunnudag komu um eitt hundrað hressir og hugmyndarík gestir á öllum aldri í Ásmundarsafn og mótuðu verk í anda Ásmundar Sveinssonar. LISTSMIÐJA KL. 14:00 Næstkomandi sunnudag, 3. febrúar kl. 14:00 verður listsmiðja Listsafnsins í Hafnarhúsi helguð huldufólki en á sýningunni Lóan er komin leynast víða tilvísanir í álfa og huldufólk. Áður en listsmiðjan hefst er farið í stutta yfirferð um sýninguna og spáð í verk listamannsins Steingríms Eyfjörð. Á eftir fara allir í listsmiðju og vinna undir leiðsögn myndlistarmanns verk sem tengjast hugmyndum listamannsins um álfa og huldufólk.
> Sjá nánar

LANGUR FIMMTUDAGUR Í LISTASAFNINU - OPIÐ TIL TÍU

Íslandsfrumsýning og Feneyjatvíæringurinn Þrátt fyrir ólíka viðburði næsta fimmtudagskvöld í Listasafni Reykjavíkur eiga viðburðirnir það tveir sameiginlegt að þar kemur Huldufólk mikið við sögu! Fullt var út úr dyrum í Hafnarhúsinu síðastliðið fimmtudagskvöld þegar formleg dagskrá á Löngum fimmtudögum Listasafnsins hóf göngu sína. Þar var kynnt til sögunnar nýtt samstarf Listasafnsins við Reykjavík Documentary Workshop. Listasafn Reykjavíkur hefur gengið til samstarfs við fleiri aðila, en næstkomandi fimmtudagskvöld, 31. janúar, verður fyrsta sýningin í röð kvikmynda á vegum Kviksögu.
> Sjá nánar

LEIKUR, LEIR OG LISTSMIÐJA,ÁSMUNDARSAFNI,SUNNUDAGINN 27. JANÚAR, KL. 13 - 16

Ásmundur Sveinsson hafði mikið yndi af börnum og tók þeim opnum örmum þegar þau vildu fá að skoða eða leika sér í stóru höggmyndunum hans. Enn þann dag í dag sækjast börn eftir því að heimsækja Ásmundarsafn og ævintýragraðinn í kringum safnið og setja sig inn í hugarheim Ásmundar og takast á við verkin með hug og hönd. Í sínum kunnustu verkum leitaði Ásmundur fanga í þjóðsögum og daglegu lífi alþýðufólks og náði þannig að brúa bilið milli listarinnar og hins viðtekna í lífi þjóðarinnar.
> Sjá nánar

AFMÆLISTÓNLEIKAR MOZARTS, Kjarvalsstöðum, sunnudaginn 27. janúar kl. 20:00

Sunnudaginn 27. janúar kl. 20:00 verða haldnir á Kjarvalsstöðum á vegum Reykjavíkurborgar hinir árlegu Mozart-tónleikar í tilefni af fæðingardegi tónskáldsins. Fluttar verða tvær sónötur fyrir píanó og fiðlu kv.376 og kv.481 ásamt píanósónötu kv.576 og Kegelstatt tríóinu kv.498 fyrir klarinett víólu og píanó.
> Sjá nánar

Sámal Mikines, Nína Sæmundsson, Laugardaginn 26. janúar kl. 16:00

Listamennirnir Sámal Mikines (1906 - 1979) og Nína Sæmundsson (1892 - 1965) eru samtímamenn í myndlist og eiga það m.a. sameiginlegt að hafa sótt menntun sína í Konunglegu listaakademíuna í Kaupmannahöfn á fyrri hluta síðustu aldar. Þau hlutu bæði viðurkenningu fyrir myndlist sína innan og utan síns heimalands.
> Sjá nánar

LANGUR FIMMTUDAGUR Í LISTASAFNINU. BORGARMÚRAR: MÍN EIGIN TEHERAN kl. 20:00.

REYKJAVÍK DOCUMENTARY WORKSHOP Í Hafnarhúsinu verður boðið upp á dagskrá af ýmsu tagi á fimmtudagskvöldum sem verður hér eftir opið til kl. 22:00. Listasafn Reykjavíkur hefur af þessu tilefni gengið til samstarfs við ýmsa aðila sem munu koma að dagskránni með einu eða öðru móti. Meðal samstarfsaðila er félag um heimildamyndagerð sem kallast Reykjavík Documentary Workshop en fyrsta mynd þeirra í Hafnarhúsinu
> Sjá nánar

ERRÓ AFHENDIR GUÐMUNDU VERÐLAUNINN Í HAFNARHÚSINU LAUGARDAGINN 19. JANÚAR

LISTASJÓÐUR GUÐMUNDU Í tilefni af komu Errós hingað til lands fer fram afhending úr Listasjóði Guðmundu S. Kristinsdóttur en sjóðinn stofnaði Erró til minningar um Guðmundu móðursystur sína frá Miðengi. Stofnfé sjóðsins er andvirði íbúðar að Freyjugötu 34 sem Guðmunda arfleiddi Erró að. Sjóðnum er ætlað að efla og styrkja listsköpun kvenna sem þykja skara fram úr og hvetja þær til frekari dáða. Árleg úthlutun fer fram úr sjóðnum og er þessi sú níunda í röðinni. Þær konur sem áður hafa hlotið viðurkenningu úr sjóðnum eru Ólöf Nordal, Finna Birna Steinsson, Katrín Sigurðardóttir, Gabríela Friðriksdóttir, Sara Björnsdóttir, Þóra Þórsdóttir, Guðrún Vera Hjartardóttir og Hekla Dögg Jónsdóttir.
> Sjá nánar

ERRÓ ÁRITAR, GEFUR NÚMERUÐ GRAFÍKVERK, LAUGARDAGINN 19. JANÚAR, kl. 14.00

ÁRITUN OG GRAFÍKVERK Erró er væntanlegur til landsins og mun árita bókina ERRÓ Í TÍMARÖÐ – líf hans og list laugardaginn 19. janúar kl. 14:00 í Listasafni Reykjavíkur – Hafnarhúsi. Með hverri seldri bók fylgir áritað og númerað grafíkverk sem hægt er að fella inn í bókina. Um tvenns konar grafíkverk er að ræða en einungis 100 eintök eru gerð af hvoru verki fyrir sig. Í för með Erró er höfundur bókarinnar Danielle Kvaran listfræðingur, sem búsett er í Noregi og mun hún einnig árita bókina.
> Sjá nánar

HREINN FRIÐFINNSSON, SUNNUDAG 20. JANÚAR, LISTSMIÐJA OG LEIÐSÖGN LISTAMANNA

LISTSMIÐJA KL. 14:00 Tilraunir, textasmíði, leikur og leiðsögn eru verkefni sem yngri og eldri gestir fá að glíma við í listsmiðju fyrir fjölskylduna sem haldin verður í Hafnarhúsinu sunnudaginn 20. janúar kl. 14:00. Í listsmiðjunni eru hugmyndir og viðfangsefni sótt í sýningu Hreins Friðfinnssonar sem nú stendur yfir í tveimur sölum Hafnarhússins. Hreinn Friðfinnsson er einn fremsti myndlistarmaður þjóðarinnar. Verk hans einkennast af léttleika, hárfínni kímni, draumum, sjónblekkingum og hinu yfirnáttúrulega en allt þetta er notað sem uppspretta listsmiðjunnar.
> Sjá nánar

LJÓSHÆRÐ UNGFRÚ HEIMUR 1951 - SUNNUDAGINN 13. JANÚAR, SÝNINGARLOK - LEIÐSÖGN KL. 15:00

Sýning Birgis Snæbjörns Birgissonar á Kjarvalsstöðum á fegurstu fljóðum heims hefur vakið verðskuldaða athygli. Morgunblaðið tilnefndi hana sem eina af tíu bestum sýningum ársins 2007 og breska listatímaritið Art World nefndi verk Birgis meðal þeirra áhugaverðari á nýliðnum kaupstefnum í London.
> Sjá nánar

LÓAN ER KOMIN og D-7 INGIRAFN STEINARSSON. Opnun fimmtudaginn 10. janúar kl. 17:00. Opið til kl. 22:00!

Sýning Steingríms Eyfjörð, Lóan er komin, var framlag Íslands til Feneyjatvíæringsins í fyrra. Lóan er boðberi fleiri góðra tíðinda en vorkomunnar en hún boðar einnig nýja tíma í Hafnarhúsinu sem verður hér eftir opið til kl. 22:00 öll fimmtudagskvöld.
> Sjá nánar

Samtal um Hrein - Huginn Arason og Unnar Örn J. Auðarson

Sunnudaginn 6. janúar kl. 15 annast myndlistarmennirnir Huginn Arason og Unnar Örn J. Auðarson leiðsögn um sýningu á verkum Hreins Friðfinnssonar í Listasafni Reykjavíkur – Hafnarhúsi. Hreinn Friðfinnsson (f. 1943) skipaði sér í framvarðasveit íslenskra listamanna þegar hann tók þátt í stofnun SÚM árið 1965. Íslensk menning og náttúra eru í veigamiklu hlutverki í verkum hans, sem einkennast af hárfínni kímni og endurtekningum þar sem draumar, þjóðsögur, sjónblekkingar og hið yfirnáttúrulega leika lykilhlutverk
> Sjá nánar

FALINN FJÁRSJÓÐUR - SÍÐASTA SÝNINGARHELGI!

Hvítasunnudagur og fleiri verk. Leiðsögn í fylgd Aðalsteins Ingólfssonar, sunnudaginn 30. desember kl. 15:00. Hið umtalaða verk Kjarvals, Hvítasunnudagur hefur laðað að sér fjölmarga gesti frá því sýningin Falinn fjársjóður var opnuð í byrjun desember. Hvítasunnudagur er eitt merkasta verk Kjarvals í kúbískum stíl en það kom í leitirnar í Kaupmannahöfn fyrr á þessu ári eftir langa leit. Kjarval málaði Hvítasunnudag þegar hann hafði nýlokið námi við Konunglegu dönsku listaakademíuna árið 1917 og færði það vinafólki sínu að gjöf.
> Sjá nánar

OPNUNARTÍMAR LISTASAFNS REYKJAVÍKUR YFIR JÓL OG ÁRAMÓT

Ásmundarsafn: Lokað 24., 25., 26. og 31. des. og 1. jan. Almennur opnunartími er 13 - 16 alla daga. Hafnarhús: Lokað 24. og 25. des. og 1. jan. Opið 26. des.: 12 - 17 Opið 31. des.: 10 - 14 Almennur opnunartími er 10 - 17 alla daga. Kjarvalsstaðir. Lokað 24. 25. og 31. og 1. jan. Opið 26. des.: 12 - 17 Almennur opnunartími er 10 - 17 alla daga.
> Sjá nánar

HÁTÍÐARSTEMNING Á KJARVALSSTÖÐUM - Mánudaginn 17. desember kl. 12:15

Hátíðarstemning mun ríkja á Kjarvalsstöðum þegar Tríó Reykjavíkur heldur sína þriðju tónleika í samstarfi við Listasafn Reykjavíkur. Tónleikarnir eru tilvalin hvíld frá jólaamstrinu en að þeim loknum er hægt að tilla sér niður í kaffiteríu Kjarvalsstaða og njóta góðra veitinga á hagstæðu verði. Tónleikarnir hefjast kl. 12:15.og standa yfir í um hálftíma. Þeir fara fram í austursal Kjarvalsstaða þar sem nú eru til sýnis verk úr safneign Landsbankans, m.a. Hvítasunnudagur sem vakið hefur mikla athygli. Aðgöngumiðinn er kr. 500 og gildir einnig á sýningar á Kjarvalsstöðum, Hafnarhúsi og í Ásmundarsafni í þrjá daga.
> Sjá nánar

FALINN FJÁRSJÓÐUR Leiðsögn Þorbjargar Br. Gunnarsdóttur, sunnudaginn 16. desember kl. 15:00

Á sýningunni Falinn fjársjóður getur að líta einstæð verk sem Landsbankinn keypti á 120. afmælisári sínu í fyrra. Margt er þar fágætra verka, en að öðrum ólöstuðum ber þar hæst Hvítasunnudag Kjarvals sem notið hefur mikillar athygli m.a. vegna sérstæðrar sögu sem verkið geymir. Sunnudaginn 16. desember kl. 15:00 mun Þorbjörg Br. Gunnarsdóttir fara um sýninguna og segja sögu verkanna og spjalla við gesti um sýninguna.
> Sjá nánar

LISTAMANNSSPJALL MARGRÉTAR H. BLÖNDAL, Sunnudaginn 2. desember kl. 15:00

Sunnudaginn 2. desember kl. 15:00 verður Margrét H. Blöndal með listamannsspjall í sýningarsölum sínum í Hafnarhúsinu. Á sýningu Margrétar eru teikningar og þrívíð verk sem sköpuð eru inn í rýmið.
> Sjá nánar

HVÍTASUNNUDAGUR KOMINN HEIM!- 2. - 30. desember 2007

Hvítasunnudagur, eitt merkasta verk Kjarvals í kúbískum stíl, er komið til landsins og verður nú sýnt í fyrsta skipti á sýningu í Listasafni Reykjavíkur – Kjarvalsstöðum. Sýningin ber yfirskriftina Falinn fjársjóður en þar er að finna auk Hvítasunnudags úrval verka sem Landsbankinn keypti á 120. afmælisári sínu í fyrra. Sýningin verður opnuð 2. desember kl. 14:00 en sama dag kl. 16:00 verður sýningarstjórinn Aðalsteinn Ingólfsson með leiðsögn um sýninguna. Sýningin stendur aðeins yfir í einn mánuð eða til 30. desember.
> Sjá nánar

EINSTAKAR JÓLAGJAFIR Í LISTASAFNI REYKJAVÍKUR

Afsteypur af kunnustur höggmyndum Ásmundar Sveinssonar þ.á.m.ný afsteypa NÓTT Í PARÍS einnig listaverkabækur um mætustu listamenn þjóðarinnar eru tilvaldar gjafir fyrir vandláta
> Sjá nánar

LJÚFIR HÁDEGISTÓNAR Á KJARVALSSTÖÐUM, Mánudaginn 19. nóvember kl. 12:15

Hugljúf og kunn tónverk hljóma á öðrum hádegistónleikunum sem Listasafn Reykjavíkur heldur í samstarfi við Tríó Reykjavíkur á Kjarvalsstöðum mánudaginn 19. nóvember kl. 12:15.
> Sjá nánar

LISTSMIÐJA FYRIR ALLA FJÖLSKYLDUNA, Hafnarhúsi, sunnudaginn 18. nóvember kl. 14:00

Tilraunir, textasmíði, leikur og leiðsögn eru verkefni sem yngri og eldri gestir fá að glíma við í listsmiðju fyrir fjölskylduna sem haldin verður í Hafnarhúsinu sunnudaginn 18. nóvember kl. 14:00. Í listsmiðjunni eru hugmyndir og viðfangsefni sótt í sýningu Hreins Friðfinnssonar sem nú stendur yfir í tveimur sölum Hafnarhússins.
> Sjá nánar

LJÓSHÆRÐ UNGFRÚ HEIMUR 1951 - Birgir Snæbjörn Birgisson Laugardaginn 17. nóvember kl. 16:00

Keppnin um fegursta fljóð veraldar hóf göngu sína árið 1951. Birgir Snæbjörn Birgisson hefur málað andlitsmyndir af öllum sigurvegurum keppninnar frá upphafi en serían er sýnd í fyrsta skipti á Kjarvalsstöðum frá og með næsta laugardegi. Hluti málverkanna var fyrst sýndur í Gautaborg fyrr á þessu ári en sýningin í Listasafni Reykjavíkur fer síðan til Lundúna
> Sjá nánar

Listamannsspjall Sunnudag 11. nóvember kl. 15:00 HAFNARHÚS / D6 Karlotta Blöndal

Hreinskrift er yfirskrift innsetningar Karlottu Blöndal, sem er sjötti listamaðurinn til að sýna verk sín í D-sal Hafnarhússins. Næstkomandi sunnudag kl. 15:00 mun sýningarstjórinn, Ólöf K. Sigurðardóttir, ræða við Karlottu um sýninguna.
> Sjá nánar

Málþing um Íslensku byggingarlistarverðlaunin á Kjarvalsstöðum, laugardaginn 3. nóvember kl. 14:00

Listasafn Reykjavíkur mun standa fyrir málþingi með þátttöku finnska arkitektsins Esa Laaksonen í fyrirlestrasal Kjarvalsstaða. Málþingið er haldið í tengslum við Íslensku byggingarlistarverðlaunin 2007, en nú stendur yfir sýning á Kjarvalsstöðum á verkum þeirra tíu verkefna sem til álita komu.
> Sjá nánar

EGGERT PÉTURSSON - SÍÐASTA SÝNINGARHELGI

Sunnudaginn 4. nóvember lýkur sýningu Eggerts Péturssonar á Kjarvalsstöðum sem notið hefur gríðarlegrar athygli og aðsóknar. Á sýningunni gefst einstakt tækifæri til að skoða feril, efnistök og verk þessa einstaka listamanns allt frá fyrstu sýningu hans árið 1980 til dagsins í dag.
> Sjá nánar

D - 6 Karlotta Blöndal, Föstudaginn 2. nóvember kl. 20:00

Sjötti listamaðurinn til að sýna verk sín í D-salnum er Karlotta Blöndal. Karlotta Blöndal (f. 1973) notar heimildir um miðilsfundi í Reykjavík við upphaf 20. aldar til að velta upp spurningum um túlkun og táknmyndir.
> Sjá nánar

HREINN FRIÐFINNSSON, Föstudaginn 2. nóvember kl. 20:00

Hreinn Friðfinnsson er einn fremsti myndlistarmaður þjóðarinnar. Verk hans einkennast af næmi og léttleika og ljóðrænum tóni sem hefur þau yfir oft hversdagsleg viðfangsefni og efnivið. Hreinn notar ljósmyndun og teikningu auk skúlptúrs og innsetninga.
> Sjá nánar

Íslensku Byggingarlistarverðlaunin - Sýningin framlengd til 24. nóv

Tíu verkefni komu til greina þegar Íslensku byggingarlistarverðlaunin voru afhent í fyrsta sinn. Verkefnin eru til sýnis á Kjarvalsstöðum. sjá fréttatilkynningu
> Sjá nánar

Eggert Pétursson, Leikur og leiðsögn með listamanninum, KJARVALSSTAÐIR, Sunnudaginn 28. október frá kl. 14:00

Sýning Eggerts Péturssonar verður í forgrunni í Listasafni Reykjavíkur næstkomandi sunnudag. Klukkan 14:00 hefst dagskrá sem ætluð er börnum og fjölskyldufólki þar sem lagt verður út af verkum Eggerts. Verkin verða skoðuð og rædd og léttar spurningar verða lagðar fyrir yngri gestina. Farið verður i ratleik og plöntuleiðangur sem allir ættu að hafa gagn og gaman af. Klukkan 15:00 verður leiðsögn um sýninguna sem listamaðurinn sjálfur mun taka þátt í. Eggert segir frá verkum sínum, uppruna þeirra og ferli sínum og svarar fyrirspurnum frá gestum.
> Sjá nánar

Fyrirlestur Pihla Meskanen, þriðjudaginn 30. október kl. 17:00 á Kjarvalsstöðum

Pihla Meskanen arkitekt og skólastjóri Arkki-skólans í byggingarlist fyrir börn og unglinga í Helsinki heldur fyrirlestur sem hún nefnir: Nám og leikur: Umhverfi og byggingarlist. Fyrirlesturinn er haldinn í tengslum við sýninguna Byggingarlist í augnhæð sem nú stendur yfir í norðursal Kjarvalsstaða og fer fram þriðjudaginn 30. október kl. 17:00.
> Sjá nánar

Hafnarhúsið er lokað vegna sýningarskipta til 2. nóvember.

> Sjá nánar

Gjörningaklúbburinn kveður

Yfirlitssýningu Gjörningaklúbbsins lýkur sunnudaginn 21. október. Gjörningaklúbburinn hefur sett sterkan svip á Hafnarhúsið undanfarnar vikur með stórskemmtilegri, líflegri og óvæntri sýningu sinni. Sýningin hefur notið mikilla vinsælda og verið afar vel sótt, sérstaklega meðal nemenda af öllum skólastigum.Vakin er athygli á að sýningin verður opin fyrir tónleikagesti Iceland Airwaves öll tónleikakvöldin í Hafnarhúsinu. Hafnarhúsið lokað til 2. nóvember
> Sjá nánar

Hugleiðing um húsgagn, Kjarvalsstaðir, Laugardaginn 20. október kl. 16:00

Hugleiðing um húsgagn nefnir Óli Jóhann Ásmundsson arkitekt og hönnuður viðfangsefni sitt sem hann sýnir í fyrsta skipti á Kjarvalsstöðum. Sýningin er í vesturforsal Kjarvalsstaða, sem helgaður er þrívíðum verkum ólíkra listamanna.
> Sjá nánar

HUGSA SÉR FRIÐ - IMAGINE PEACE

> Sjá nánar

PLÖNTULEIÐANGUR OG RATLEIKUR Á SÝNINGU EGGERTS PÉTURSSONAR,KJARVALSSTÖÐUM, SUNNUDAGINN 7. OKTÓBER KL. 14:00

Það er breiður aldurshópur sem hefur lagt leið sína á málverkasýningu Eggerts Péturssonar, sem nú stendur yfir á Kjarvalsstöðum. Aðsókn hefur verið góð og verkin rómuð af gestum. Næstkomandi sunnudag hyggst Listasafn Reykjavíkur tileinka börnum og fjölskyldufólki. Klukkan tvö hefst dagskrá sem er ætlað að virkja yngri gesti til umræðu og spurninga í gegnum létta leiki. Farið verður í plöntuleiðangur og ratleik um verk Eggerts og skissubækur hans bornar saman við endanlega útkomu verkanna. Klukkan þrjú hefst svo leiðsögn um sýninguna sem er öllum opin. Á sýningunni eru til sýnis rúmlega fimmtíu verk sem Eggert hefur málað frá því 1980 og til dagsins í dag
> Sjá nánar

Gjörningaklúbburinn Sunnudagur 7. október kl. 15.00

Af óviðráðanlegum örsökum fellur áður auglýst listamannsspjall Sigrúnar Hrólfsdóttur niður 7.okt Venjubundin leiðsögn verður um sýningarnar.
> Sjá nánar

Málþing um Eggert Pétursson, Fundarsalur Kjarvalsstaða,Laugardaginn 29. september kl. 13:00

Laugardaginn 29. september kl. 13:00 gengst Listasafn Reykjavíkur fyrir málþingi og listamannsspjalli um málarann Eggert Pétursson. Þátttakendur eru auk listamannsins, Ólöf K. Sigurðardóttir sýningarstjóri og deildarstjóri fræðsludeildar safnsins og myndlistarmaðurinn Ingólfur Arnarson, en bæði rita í hina veglegu bók um listamanninn sem kom út í tilefni af sýningunni.
> Sjá nánar

Hafnarhús Sunnudag 30. september kl. 15:00

Sýningarstjóraspjall Yean Fee Quay annast leiðsögn um sýningu Gjörningaklúbbsins (á ensku).
> Sjá nánar

SKEMMTILEGUR SUNNUDAGUR MEÐ GJÖRNINGAKLÚBBNUM, Hafnarhús Sunnudag 30. september kl. 14:00

- Fjölskyldustund kl. 14:00 - Leiðsögn á ensku kl. 15:00 Næstkomandi sunnudag blæs Listasafn Reykjavíkur til fjölskyldustundar í tengslum við litríka og fjörlega sýningu Gjörningaklúbbsins. Fjölskyldustundin hefst klukkan 14:00 og er ætluð ungum sýningargestum í fylgd fullorðinna. Þar verður þrætt um völundarhús Gjörningaklúbbsins, sem hlykkjast sem ævintýraheimur um einn sýningarsalinn og staldrað við forvitnileg verk og sýningargripi, m.a. peningavélina! Í för um sýninguna er markmiðið að börnin fái sín notið og að spurningar þeirra verði kveikjan að umræðu um sýninguna.
> Sjá nánar

Af hverju býr fólk í húsum? Kjarvalsstaðir, Sunnudag 23. september kl. 14:00

Af hverju býr fólk í húsum? Af hverju byggja dýrin sér öðru vísi bústaði en mannfólkið? Af hverju búa ekki öll dýr í húsum? Hvað er bygging og hvað er byggingarlist? Þessar vangaveltur og fleiri eru uppistaðan í óformlegu spjalli sem efnt er til á fjölskyldustund Kjarvalsstaða næstkomandi sunnudag kl. 14:00 í umsjón Guju Daggar Hauksdóttur, deildarstjóra byggingarlistardeildar Listasafns Reykjavíkur. Fjölskyldustundin er aðgengileg öllum aldurshópum en tilgangurinn er að bjóða upp á fjörlegar umræður og óheft hugarflug um hugtakið byggingarlist.
> Sjá nánar

Gjörningaklúbburinn, Litið yfir farinn veg, Sunnudag 23. september kl. 15

Gjörningaklúbburinn, sem skipaður er þeim Eirúnu Sigurðardóttur, Jóní Jónsdóttur og Sigrúnu Hrólfsdóttur hefur starfað saman í rúman áratug. Vegna þeirra tímamóta og í tilefni af umfangsmikilli yfirlitssýningu þeirra í Hafnarhúsinu boða þær til listamannsspjalls í fjölnotasal Hafnarhússins næstkomandi sunnudag klukkan 15:00. Þar verður litið yfir farinn veg og litrík fortíð gerð upp. Þremenningarnir skoða sögu sína í máli og myndum en listamaðurinn Hekla Dögg Jónsdóttir og Ólöf K. Sigurðardóttir deildarstjóri fræðsludeildar safnsins munu taka þátt í spjallinu ásamt fleirum.
> Sjá nánar

Helgi Gíslason Listamannsspjall Sunnudaginn 16. september kl. 15:00

Myndhöggvarinn Helgi Gíslason er fyrstur til að sýna verk sín í nýrri sýningaröð í vesturforsal Kjarvalsstaða þar sem áherslan er lögð á þrívið verk, sem þykja henta rýminu afar vel.
> Sjá nánar

Jóní Jónsdóttir Listamannsspjall í Hafnarhúsinu Sunnudag 9. september kl. 15:00

> Sjá nánar

Byggingarlist í augnhæð og Lágmyndir Helga Gíslasonar Kjarvalsstaðir 8. september kl. 16

Eins og kynnt hefur verið verður yfirlitssýning á verkum Eggerts Péturssonar opnuð á Kjarvalsstöðum laugardaginn 8. september kl. 16:00. Á sama tíma verða opnaðar tvær minni sýningar, Byggingarlist í augnhæð og Lágmyndir Helga Gíslasonar.
> Sjá nánar

EGGERT PÉTURSSON Kjarvalsstaðir Laugardaginn 8. september kl. 16:00

Á sýningu Eggerts Péturssonar á Kjarvalsstöðum gefst í fyrsta sinn tækifæri til að líta verk þessa dáða listamanns frá upphafi ferils hans til dagsins í dag. Á sýningunni eru rúmlega fimmtíu verk þar af nokkur sem aldrei hafa verið sýnd áður. Verkin eru í eigu Listasafns Reykjavíkur og fengin að láni hjá einkaaðilum, fyrirtækjum og opinberum söfnum. Sýningarstjóri er Ólöf K. Sigurðardóttir.
> Sjá nánar

MÁLÞING OG UMRÆÐUR THG ARKITEKTA OG GJÖRNINGAKLÚBBSINS Í HAFNARHÚSINU FIMMTUDAGINN 6. SEPTEMBER KL. 17:00

Á sýningu Gjörningaklúbbsins, sem opnuð var um helgina, getur að líta ævintýralega innsetningu, eða þrívítt völundarhús, sem hverfist um verk Gjörningaklúbbsins. Völundarhúsið er samstarfsverkefni Gjörningaklúbbsins og THG arkítekta. Umsjón með hönnun þess hafði arkitektinn Arnaldur Geir Schram.
> Sjá nánar

Myndir frá undirritun samnings við Landsbankann 28. ágúst.

Þann 28. ágúst var undirritaður samningur Listasafns Reykjavíkur við Landsbankann vegna sýningar Eggerts Péturssonar sem opnar formlega 8. sept.
> Sjá nánar

Myndir frá undirritun samnings við Glitni 30. ágúst.

Í gær var undirritaður samningur Listasafns Reykjavíkur við Glitni vegna sýningar Gjörningaklúbbsins sem opnar formlega 31. ágúst.
> Sjá nánar

Jóhannes Atli Hinriksson Fimmti listamaður D-salarins Föstudagur 31. ágúst kl. 20:00

Fimmti listamaðurinn til að sýna í sýningaröð D-salarins er Jóhannes Atli Hinriksson (f. 1975).
> Sjá nánar

Gjörningaklúbburinn í meira en tíu ár Hafnarhús 31. ágúst kl. 20:00

Sýning Gjörningaklúbbsins í Listasafni Reykjavíkur - Hafnarhúsi er fyrsta yfirlitssýning hópsins, sem á ellefu árum hefur haldið yfir 200 sýningar bæði í Evrópu og Bandaríkjunum. Sýningar Gjörningaklúbbsins hafa jafnan vakið athygli meðal almennings og verk hans notið mikilla vinsælda. Gjörningum þeirra fylgja ákveðnir töfrar, þeir eru ögrandi og skemmtilegir, og eins og segir í inngangi sýningarskrárinnar eru þeir„ umluktir silki, kossum, fegurð og ást”.
> Sjá nánar

Yfir 20.000 gestir hafa séð hönnunarsýninguna Magma / Kvika á Kjarvalsstöðum í sumar! Sýningunni lýkur senn.

Einni af eftirtektarverðustu sýningum ársins, Magma / Kvika lýkur sunnudaginn 26. ágúst. Ríflega tuttugu þúsund gestir hafa komið á Kjarvalsstaði frá því að sýningin var opnuð um miðjan maí og upplifað íslenska hönnun í fremstu röð eftir rúmlega áttatíu hönnuði.
> Sjá nánar

STEFNUMÓT VIÐ ÖSSUR FIMMTUDAG 23. ÁGÚST KL. 12.00

Fjórtánda og síðasta stefnumótið sem efnt er til í tilefni af sýningunni Magma/Kvika á Kjarvalsstöðum verður fimmtudaginn 23. ágúst og hefst kl. 12.00 en sýningunni lýkur næstkomandi sunnudag.
> Sjá nánar

HAFNARHÚSIÐ ER LOKAÐ VEGNA SÝNINGARSKIPTA TIL 1. SEPT

> Sjá nánar

RONI HORN KVEÐUR - GJÖRNINGAKLÚBBURINN Í STARTHOLUNUM

Sunnudaginn 19. ágúst er lokadagur sýninga Roni Horn og Daníels Björnssonar í Hafnarhúsinu. Undirbúningur fyrir stórsýningu Gjörningaklúbbsins er þegar hafinn en Hafnarhúsið verður lokað fram að opnun sýningarinnar sem er laugardagur 1. september.
> Sjá nánar

STEFNUMÓT VIÐ ODDGEIR OG GUÐRÚNU

STEFNUMÓT VIÐ GUÐRÚNU MARGRÉTI OG ODDGEIR HJÁ GO FORM FIMMTUDAGINN 16. ÁGÚST KL. 12.00
> Sjá nánar

ÓVÆNTAR DYR!

SÍÐASTA KVÖLDGANGA SUMARSINS. FIMMTUDAGINN 16. ágúst kl. 20
> Sjá nánar

Menningarnótt í Listasafni Reykjavíkur

- Málþing um hönnun - Franskt dansiball - Englakór - Leiðsagnir á táknmáli og tælensku - Listasmiðja - Blikandi stjörnur - Kór fatlaðra barna - Nýútskrifaðir sólósöngvarar
> Sjá nánar

Hádegisstefnumót við Spaksmannsspjarir. Fimmtudag 26. júlí kl. 12.00

Lykillinn að gjöfulu samstarfi Völu Tofadóttur og Bjargar Ingadóttur í áravís er ekki síst fólginn í því að framleiðslan er fyrir konur einmitt eins og þær sjálfar.
> Sjá nánar

KVÖLDGÖNGUR ÚR KVOSINNI

Ilmur Stefánsdóttir myndlistarmaður varpar nýju ljósi á miðbæ Reykjavíkur í göngu sinni næstkomandi fimmtudagskvöld, 26. júlí.
> Sjá nánar

STEFNUMÓT HÖNNUÐA - SKINN OG BEIN

Hádegisstefnumót við Egil Kalevi Karlsson vöruhönnuð á Kjarvalsstöðum fimmtudaginn 19. júlí kl. 12.00
> Sjá nánar

STEFNUMÓT ÚTI OG INNI

Snæbjörn Stefánsson vöruhönnuður á hádegisstefnumóti á Kjarvalsstöðum, fimmtudaginn 12. júlí kl. 12.00
> Sjá nánar

Íslenski safnadagurinn 8. júlí!

Listasafn Reykjavíkur býður gestum og gangandi ókeypis aðgang að fjölbreyttum og áhugaverðum sýningum í tilefni af Íslenska safnadeginum 8. júlí. Ljúffengar veitingar í kaffiteríum Kjarvalsstaða og Hafnarhúss.
> Sjá nánar

MAGMA / KVIKA, SÚKKULAÐISTEFNUMÓT VIÐ BRYNHILDI

Hvernig á að baka virkt eldfjall og hvernig bragðast súkkulaðifjöll eru spurningar sem Brynhildur Pálsdóttir vöruhönnuður mun svara á hádegisstefnumóti á Kjarvalsstöðum fimmtudaginn 5. júlí kl. 12.00
> Sjá nánar

Alla föstudaga á Kjarvalsstöðum kl. 15.00

Leiðsögn á ensku um Kjarvalssýninguna
> Sjá nánar

MAGMA / KVIKA. STEFNUMÓT VIÐ GRAFÍSKAN HÖNNUÐ

Stefnumót við Ámunda Sigurðsson á Kjarvalsstöðum fimmtudaginn 28. júní kl. 12
> Sjá nánar

Laus störf hjá Listasafni Reykjavíkur

Gæslufulltrúi - Umsjónarmaður kaffiteríu - Helgarstarfsfólk
> Sjá nánar

MAGMA / KVIKA

GUÐRÚN LILJA GUNNLAUGSDÓTTIR MEÐ SÝNINGARSTJÓRASPJALL SUNNUDAGINN 24. JÚNÍ KL. 15.00
> Sjá nánar

Kvöldgöngur úr Kvosinni

Öll fimmtudagskvöld í sumar
> Sjá nánar

Daníel Karl Björnsson opnar í D4 fimmtudaginn 21. júní kl. 17.00

Sýningaröð D-salarins í Hafnarhúsinu, sem helguð er ungum listamönnum, hefur farið vel af stað. Næstur til að sýna í salnum er Daníel Karl Björnsson (f. 1974).
> Sjá nánar

Sýningu Sigurðar Guðjónssonar í D-sal lýkur sunnudaginn 17. júní!

> Sjá nánar

Fjölskyldufjör í Ásmundarsafni sunnudaginn 10. júní

Næstkomandi sunnudag býður Listasafn Reykjavíkur fjölskyldufólki að eiga skemmtilega og fræðandi stund í Ásmundarsafni frá kl. 13 - 16. Aðgangur er ókeypis.
> Sjá nánar

Tónlistarhátíðin Frum á Kjarvalsstöðum í samstarfi við Listasafn Reykjavíkur

Tónlistarhátíðin Frum - 2007 verður haldin á Kjarvalsstöðum dagana 8. - 10. júní í sýningarsölum safnsins. Meðal verka á efnisskrá tónlistarhátíðarinnar er verk Mortons Feldmans, sem tekur fimm klukkustundir í flutningi.
> Sjá nánar

MANNGERÐAR LAUGAR - ÍSLENSKIR STAÐIR

Guja Dögg Hauksdóttir flytur fyrirlestur um laugar í íslensku landslagi og tengsl þeirra við verk Roni Horn. Sunnudaginn 3. júní kl. 15:00 í Listasafni Reykjavíkur - Hafnarhúsi.
> Sjá nánar

Hádegisleiðsögn kl. 12.00 um sýninguna Magma/Kvika alla fimmtudaga í sumar!

Alla fimmtudaga í sumar munu hönnuðir og arkitektar, sem eiga verk á sýningunni, taka þátt í 20 mínútna hádegisleiðsögn þar sem fjallað er um verk þeirra og feril.
> Sjá nánar

Tímabundið hlé frá goðsögninni Kjarval

Sunnudaginn 27. maí kl. 15 verður sýningarstjórinn Einar Garibaldi Eiríksson með sýningarstjóraspjall um sýninguna K-þáttinn á Kjarvalsstöðum. Á sýningunni leitast sýningarstjórinn við að svipta hulunni af goðsögninni Kjarval.
> Sjá nánar

MAGMA/KVIKA – Íslensk samtímahönnun

Sýningin Magma/Kvika opnar í Listasafni Reykjavíkur – Kjarvalsstöðum á Listahátíð í Reykjavík laugardaginn 19. maí og stendur til 26. ágúst. Sýningin er ein sú viðamesta sem sett hefur verið upp á íslenskri samtímahönnun.
> Sjá nánar

Sunnudagur 20. maí opinn dagur í Ásmundarsafni

Íbúar í Laugardal og aðrir Reykvíkingar gera sér glaðan dag í Ásmundarsafni. Allan daginn verður hægt að skoða safnið og taka þátt í teiknisamkeppni barna og nýta garðinn til dæmis með því að taka með sér nesti, klifra og leika sér.
> Sjá nánar

Fyrirlestur um Roni Horn

Laugardaginn 12. maí kl. 14 mun listfræðingurinn Linda Norden fjalla um verk Roni Horn í fjölnotasal Hafnarhússins. (Á ensku) Allir velkomnir.
> Sjá nánar

Roni Horn í Listasafni Reykjavíkur

Sýning á verkum Roni Horn verður opnuð í Listasafni Reykjavíkur - Hafnarhúsi föstudaginn 11. maí. Roni Horn er einn af virtari listamönnum samtímans.
> Sjá nánar

Sýningalok

Sunnudaginn 29. apríl lýkur sýningum Pierre Huyghe og Geirþrúðar Hjörvar í Hafnarhúsinu. Húsið verður lokað þar til nýjar sýningar opna aftur þann 10. maí.
> Sjá nánar

Námskeið um líf og list Kjarvals

Kristín Guðnadóttir, Eiríkur Þorláksson, Silja Aðalsteinsdóttir og Einar Garibaldi Eiríksson halda fyrirlestra á námskeiði um líf og list Kjarvals sem haldið verður annað hvert fimmtudagskvöld í fjögur skipti, frá 29. mars.
> Sjá nánar