Fréttir / tilkynningar

MÁLÞING UM MANGA, MEÐVITUND OG MARKAÐSFRÆÐI. SUNNUDAG 15. NÓVEMBER KL. 15

ERINDI
Í erindi sínu fjallar Ragnheiður Ösp Sigurðardóttir vöruhönnuður um sætleikann frá ýmsum hliðum; Hvaðan kemur hann, hvaða áhrif hefur hann á okkur, hverjar eru vísinda- og markaðsfræðilegar hliðar sætleikans og hvernig hefur hann þróast í tímans rás? Hvað gerist þegar sætu er blandað við
mannlegt eðli og hverjar eru hinar myrku hliðar sætleikans (Kawaii Noir)?

Úlfhildur Dagsdóttir  bókmenntafræðingur setur verk Yoshitoma Nara í samhengi við japanska myndlista- og myndasöguhefð í erindi sínu Manga! Manga? Myndrænar frásagnir í máli og myndum. Myndræn frásögn á sér ríka hefð í Japan og er japanska myndasagan, Manga ein þeirra. En Manga er ekki endilega það sama og Manga!
 
Guðmundur Oddur Magnússon prófessor í grafískri hönnun við Listaháskóla Íslands heldur að lokum tölu um hin lítt könnuðu svæði undirmeðvitundarinnar, ímyndunaraflsins og innsæisins.

Málþingið fer fram sunnudaginn 15. nóvember kl. 15 og er öllum opið.