Fréttir / tilkynningar

Húsin hennar Högnu. Kjarvalsstaðir – Laugardag 6. febrúar kl. 14

Pétur H. Ármannsson arkitekt flytur fyrirlesturinn Húsin hennar Högnu á Kjarvalsstöðum. Þar fjallar hann um verk Högnu Sigurðardóttur arkitekts í tengslum við sýninguna Efni og andi í byggingarlist. En sem kunnugt er ánafnaði Högna Listasafni Reykjavíkur öllu teikningasafni sínu á síðasta ári.

Fyrirlesturinn er endurfluttur, þar eð færri komust að en vildu þegar hann var fluttur fyrst í janúar. Sýning Högnu Sigurðardóttur hefur verið framlengd til 28. febrúar.