---

Blómlegar konur. Ásmundarsafn, sunnudag 9. maí kl. 14

An upcoming exhibition

Konur, kvenímyndir og tákngervingar kvenna eru viðfangsefni nýrrar sýningar í Ásmundarsafni við Sigtún þar sem sjónum er beint að kvenlægum stefjum í verkum Ásmundar Sveinssonar.

Næstkomandi sunnudag,verður Ásdís Ásmundsdóttir, dóttir listamannsins, með í för í leiðsögn um sýninguna, sem ber yfirskriftina „Ég kýs blómlegar konur. . . “ Konan sem tákn í list Ásmundar Sveinssonar.

Auk sýningar í Ásmundarsafni hefur annar hluti píramídanna verið lagður undir endurgerð af vinnustofu Ásmundar, eins og hún leit út samkvæmt gömlum ljósmyndum. Í hinum hluta píramídans stendur nú yfir sýning á þeim fimmtán munum sem þóttu bera af í samkeppni sem gerð var um hönnun í anda Ásmundar.
Sú sýning stendur til 16. maí en þar mun síðan vera sett upp lesstofa þar sem hægt er að fræðast um líf og list Ásmundar í máli og myndum.

---

Prentað af vef Listasafns Reykjavíkur, www.listasafnreykjavikur.is þann 17.20.2012