Fréttir / tilkynningar
Fyrsta hvíta móðirin í Ameríku. Hafnarhús, fimmtudag 10. júní kl. 20
An upcoming exhibition Afsteypa af höggmyndinni Fyrsta hvíta móðirin í Ameríku eftir Ásmund Sveinsson var sett upp í Þjóðmenningarsafni Kanada (Canada Museum of Civilization) árið 2000. Frumgerð verksins er frá 1938 en hún var sýnd á heimssýningunni í New York árið 1939.
Í fyrirlestri sínum næstkomandi fimmtudagskvöld mun Tinna Grétarsdóttir mannfræðingur fjalla um umrædda höggmynd Ásmundar með áherslu á hvernig listaverk kann að skipa miðlægt hlutverk í sköpun og miðlun menningararfs og sjálfsmyndar og hvernig það kann að ramma inn sögu þverþjóðlegra tengsla afkomenda Vestur-Íslendina við gamla landið. Jafnframt ræðir Tinna um hvernig höggmyndin og afhjúpun hennar í öðru landi helst í hendur við útrásar orðræðu íslenskrar nýfrjálshyggju og vöruvæðingar þjóðar. Fyrirlesturinn er öllum opinn.
Prentað af vef Listasafns Reykjavíkur, www.listasafnreykjavikur.is þann 17.49.2012 |