Panta safnfræðslu og leiðsögn

Fyrir öll skólastig

Panta safnfræðslu fyrir skólahóp

Heimsókn á Listasafn Reykjavíkur býður upp á margvíslega möguleika til upplifunar, fræðslu og náms. Starfsemi Listasafns Reykjavíkur fer fram á þremur stöðum innan borgarinnar: Kjarvalsstöðum við Flókagötu, Ásmundarsafni við Sigtún og Hafnarhúsi við Tryggvagötu. Nánari upplýsingar um hvert skólastig má finna undir Fræðsla og viðburðir - fyrir skóla.

Myndlist á ferð og flugi

Panta Flökkusýningu

Grunnskólum Reykjavíkur stendur til boða að fá flökkusýningar til láns í skólann í 2–3 vikur í senn ásamt vönduðum verkefnum (fræðslupakka) og kynningu á mögulegri notkun sýninga og verkefna. Fræðslupakkarnir eru unnir af kennurum með bakgrunn í myndlist og listfræði og verkefnin tengd námskrám. Flökkusýningarnar eru ætlaðar grunnskólum Reykjavíkur. 

Fyrir almenning

Panta leiðsögn fyrir almennan hóp

Hægt er að panta leiðsögn fyrir almenna hópa í öll safnhús Listasafns Reykjavíkur. Leiðsögn er, eftir föngum sniðin, að óskum hvers hóps. Verð er kr. 26.500. Á Kjarvalsstöðum er hægt að semja sérstaklega um veitingar.