Leikum að list! Keramiksmiðja með íslenskum leir
til
Leikum að list! Keramiksmiðja með íslenskum leir
Kjarvalsstaðir
til
Í listasmiðjunni fá gestir að kynnast undrum íslenska leirsins og fá innblástur úr verkum Borghildar Óskarsdóttur á sýningunni Aðgát sem nú stendur yfir á Kjarvalsstöðum.
Ath. Leikum að list viðburðurinn sem átti að vera í maí færist til 2. júní.
Leirinn kemur beint úr íslenskri náttúru og gefst þátttakendum hér einstakt tækifæri á að mynda nýjar tengingar við land og sögu í gegnum eigin listsköpun.
Smiðjan hentar börnum öllum aldri og umsjónarmaður er Ada Stanczak keramikhönnuður og kennari í Myndlistaskóla Reykjavíkur.
Ath! Takmarkað pláss og skráning nauðsynleg.
Leikum að list er yfirskrift fjölskyldudagskrár Listasafns Reykjavíkur. Þar eru börn sérstaklega boðin velkomin í safnið ásamt foreldrum sínum til þess að skoða og upplifa myndlist í gegnum leiki og skemmtilegar umræður.
Dagskráin er miðuð að því að börn komi í fylgd fullorðinna og að heimsóknin sé þannig skemmtileg og skapandi samvera milli kynslóða.